Оросын жижиг, дунд бизнес хоёр дахин унав | News.MN

Оросын жижиг, дунд бизнес хоёр дахин унав

Оросын жижиг, дунд бизнес хоёр дахин унав

Оросын жижиг, дунд бизнес хоёр дахин унав

Оросын жижиг, дунд бизнесийн эргэлт өнгөрсөн 2019 оны дөрөвдүгээр сартай харьцуулахад энэ оны дөрөвдүгээр сард хоёр дахин унасан байна хэмээн мэдээллийн технологийн дүн шинжилгээний “Эвотор” компани РИА Новости-д мэдээллээ. Тус компани энэ дүгнэлтээ 300 мянга орчим онлайн кассын гүйлгээнд хийсэн дүн шинжилгээнд үндэслэжээ.

"2020 оны дөрөвдүгээр сард жижиг, дунд бизнесийнхний эргэлт өмнөх оны мөн үетэй харьцуулахад 54% унажээ. Худалдан авалт буурч байгаа үзэгдэл гуравдугаар сараас ажиглагдаж эхэлсэн. Гуравдугаар сард худалдаа эрхэлдэг газрууд өмнөх оны мөн үетэйгээ харьцуулахад борлуулалтын орлого нь 10% буурсан байсан” хэмээн “Эвотор” компанийн дүгнэлтэд дурджээ.

Салбараар нь авч үзвэл хүнсний бус барааны худалдаа, фэйшн, үйлчилгээний салбарын борлуулалтын орлого хамгийн ихээр унасан байна. Аялал жуулчлалын компаниудын орлого гуравдугаар сард 55%, дөрөвдүгээр сард 89%, жижиг зочид буудлуудын орлого гуравдугаар сард 25%, дөрөвдүгээр сард 72%, сүлжмэл хувцасны дэлгүүрүүдийн орлого гуравдугаар сард 14%, дөрөвдүгээр сард 77%, нүдний шилний газруудын орлого гуравдугаар сард 20%, дөрөвдүгээр сард 72%, цэцгийн дэлгүүрүүдийн орлого гуравдугаар сард 6%, дөрөвдүгээр сард 65%, гоёл чигмэглэлийн дэлгүүрүүдийнх гуравдугаар сард 1%, харин дөрөвдүгээр сард 52% унасан байна.

Хэрэглэгчийн зан үйлийг авч үзвэл аль болох хэмнэх, зөвхөн хэрэгцээт зүйлсээ худалдан авах хандлага давамгайлж эхэлжээ.

Эх сурвалж: РИА НОВОСТИ

Энэ мэдээнд өгөх таны сэтгэгдэл?
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-11 150.129.142.181

ШИНЭ ГЭМТЭЛИЙН ЭМНЭЛЭГИЙН ХАВИАР БАЙДАГ АВТО УГААЛГА МОНГОЛЫН ХАМГИЙН ХЯМД БАС САЙН ЮМ БН ЗАЙСАНД БҮТЭН 40К БОЛ ТЭНД 25К. ТЭНД УГААЛГА ХАМГИЙН ИХ НЯГТРАЛТАЙ УГААГЧ ИХ ӨРСӨЛДӨӨН ӨНДӨР ЮМ БН.ХАЙРАН МӨНГӨ

Avatar

ха ха 2020-05-11 202.179.24.122

манайх унаагүй гэсэн

NewsMN Гар утасны хувилбар Татах
NEWS.mn

Мэдээллийн эх сурвалж