“Лексус 570” Монголд ямар үнэтэй байдаг вэ? | News.MN

“Лексус 570” Монголд ямар үнэтэй байдаг вэ?

“Лексус 570” Монголд ямар үнэтэй байдаг вэ?

“Лексус 570” Монголд ямар үнэтэй байдаг вэ?

Өнгөрсөн долоо хоногт олон нийтийн сүлжээнд хамгийн их анхаарал, шүүмжлэл дагуулсан сэдэв нь Монголд “Лексус 570” ямар үнэтэй байдаг вэ гэх асуулт.  Монголын төрд ажиллаж буй албан хаагчид том, том жип машин унах нь энгийн үзэгдэл болсон.

Тиймээс төрийн албанд ажиллаж буй дарга нар том, том жип машин хот дотор унахыг хориглож, харин ажлын албаны хэрэгцээнд хөдөөд унахыг 2015 онд Засгийн газраас шийдвэрлэж байв. Гэвч, Засгийн газрын тогтоолын дагуу хот дотор 100 километрт 16 литрээс дээшгүй иддэг машин унах шийдвэр МАН-ын үед хэрэгжсэнгүй.  Одоогоос хоёр жил гаруйн өмнө буюу 2018 оны нэгдүгээр сард ХЗДХ-ийн сайд Ц.Нямдорж ШШГЕГ-аар 360 сая төгрөгийн үнэтэй 2018 оны “Лексус 570” автомашин авхуулж унасан асуудал олон нийтийн эсэргүүцэл, шүүмжлэлтэй багагүй тулгарч байв. Тухайн үед Ц.Нямдорж сайд “Миний аюулгүй байдлыг бодож манай яамныхан энэ машиныг авсна юм билээ" гэсэн тайлбар хийж байв. Тиймээс энэ удаа төрийн албан хэрэгцээнд ашиглаж буй автомашины тоо болон тансаг зэрэглэлийн “Лексус 570” жийп зах зээл дээр ямар үнэтэй худалдаалж байгаа талаар сурвалжиллаа.

“Авто машин зарна” гэх Unegui.mn зарын сайтад байршуулсан зарын дагуу хэд хэдэн утасны дугаар руу залгалаа. Тус зарын сайтад тансаг зэрэглэлийн “Лексус 570” маркийн автомашин үйлдвэрлэгдсэн он, явсан километрээс хамаарч, харилцан адилгүй ханштай байв.

Тодруулбал, 2000-2004 онд үйлдвэрлэгдсэн Монголд явж байсан “Лексус 470” жийп 20-40 сая төгрөг, 2005-2010 оных нь 40-90 сая төгрөг, 2011-2013 оных 110-140 сая, 2017 оных нь 245 сая, 2018 оных 275 сая, 2019, 2020 оных нь 380 сая төгрөгийн үнэтэй худалдаалж байна.

Зарын дагуу 9628…..утасны дугаар руу залгахад “2013 онд үйлдвэрлэгдсэн “Лексус 570” жийп 115 сая төгрөгөөр зарна. Үнэ тохирно. Машинд ямар нэгэн хийх зүйл байхгүй” гэсэн юм. Дахин нэг 9909….дугаар руу залгахад “Өнгөрөгч 2012 оны сүүлчээр шинээр орж ирсэн “Лексус 570” зарна. Бүх сервис үйлчилгээг бүрэн хийсэн. Машинд хийх зүйл байхгүй. Сайн машинаа 115 сая төгрөгөөс үнэ тохирч зарна” гэв. Дараагаар нь 2014 онд үйлдвэрлэсэн “Лексус 570” зарна” гэх зарын дагуу залгахад “Цэвэрхэн эдэлж, хэрэглэсэн жийп машиныг 135 сая төгрөгөөс үнэ тохирч, зарна” гэж байв.

Гурван жилийн өмнө хийсэн судалгаагаар Монгол Улсын төрийн 757 байгууллагад 5058 автомашин ашиглаж байгаагийн 812 нь том оврын, 159 дунд оврын жийп машин байжээ.

Ингэхдээ 2012-2016 онд дарга нарын албан хэрэгцээнд зориулж 13.7 тэрбум төгрөгөөр “Land 200” маркийн машин 119-ийг, 2.9 тэрбум төгрөгөөр “Nissan Patrol” маркийн жийп 40-ийг, 2.3 тэрбум төгрөгөөр “Lexus 570” маркийн 13 ширхэгийг шинээр худалдан авсан гэх мэдээлэл бий.

Тухайн үедээ төрийн өмчид 22 мянга гаруй автомашин бүртгэлтэй байж. Өнөөдөр энэ тоо хэд болж өссөн талаар Төрийн өмчийн бодлого зохицуулалтын газраас тодруулах гэсэн боловч “Төрийн албан хэрэгцээнд ашиглаж буй автомашины шинэчилсэн бүртгэлийг хийж байна. Одоогоор мэдээлэл өгөх боломжгүй. Удахгүй Засгийн газарт танилцуулна. Тавдугаар сарын дундуур төрийн өмчид бүртгэлтэй автомашины шинэчилсэн бүртгэлийг хийж дуусах байх” гэдэг хариултыг өгөв.

Ингээд “Лексус 570” тансаг зэрэглэлийн жийпийг Монголд борлуулах албан ёсны эрхийг авч, үйл ажиллагаагаа явуулдаг “Мөнххада”, “Таванбогд” компанийн борлуулалтын төвийг зорин очлоо. “Манай компани Япон улсын “Toyota” корпорацийн автомашиныг Монголд борлуулах албан ёсны эрхийг авч, үйл ажиллагаагаа явуулдаг. Бид “Ланд крузер 200”, “Prado 150, “Rav 4”, “Лексус 570”, “Лексус RX 300” маркийн автомашины захиалгыг хүлээн авч, борлуулдаг. “Лексус 570” жийпийн хувьд цөөн тоогоор ирдэг. Ойролцоогоор нэг сард 1-2 захиалга хүлээн авдаг. Онлайнаар захиалга өгөхдөө өнгөө сонгоно. Үнийн хувьд 2020 оны цоо шинэ загвар нь 366 сая төгрөгийн үнэтэй. Шатахуун зарцуулалтын хувьд шинэ загвар нь найман араатай болсон учраас шулуун замдаа 100 км-т 12 литр, хот дотор 20 летр бинзен зарцуулдаг. Иргэдийн хувьд хувийн хэрэгцээндээ зориулан худалдан авалт хийдэг” талаар “Мөнххада” компанийн Худалдааны ахлах зөвлөх Г.Гэрэлт-Од хэлсэн юм.

“Uscars luxury motors” компанийн гүйцэтгэх захирал Э.Энхтүшиг “Автомашины үнэ үйлдвэрлэсэн он, загвар, маркаасаа хамаараад өөр өөр үнэтэйгээр худалдаалж байна. “Lexus 570” жийпний хувьд 2016 онд үйлдвэрлэсэн бол 230-240 сая төгрөгөөс эхэлж байгаа бол шинэ загварынх нь 350-360 сая төгрөгийн үнэтэй байна. Худалдан авагчид автомашины өнгө, доторх салоныг нь харж, өөрийнхөө хэрэглээндээ зориулан сонголтоо хийдэг. Ер нь “Лексус 570” жийп нь сүүлийн жилүүдэд сайн борлуулалттай автомашины тоонд ордог. Баярын өдрүүдээр илүү их борлогддог. Онлайнаар дуудлага худалдаанаас автомашинаа захиалах нь бодит зах зээлийн ханшаас арай хямд байдаг. Жишээлбэл, “Lexus 570” жийп 30-40 сая төгрөгийн зөрүүтэй байна. Уг жийпийн хувьд автомашины борлуулалтын 30 хувийг эзэлдэг. Энэ жил хөл хориотой холбоотойгоор банкны лизинг олголт удааширчихсан байгаа учраас автомашины борлуулалтад нөлөөлж байна” гэдгийг хэлж байв.

Дараагаар нь Замын цагдаагийн газрын дэргэдэх “Таванбогд” компанийн автомашин борлуулалтын байранд очсон юм. Тус компанийн хувьд тансаг зэрэглэлийн “Лексус 570” жийпийг зөвхөн онлайн захиалгаар оруулж ирдэг бөгөөд үнийн хувьд 366 сая төгрөгийн үнэтэй ажээ. Худалдан авагчдын хувьд ихэнх хувь нь лизингээр, өөрийн хэрэгцээнд зориулан худалдан авдаг байна.

А.СҮРЭН

Гэрэл зургийг Л.ЭНХ-ОРГИЛ

Энэ мэдээнд өгөх таны сэтгэгдэл?
21
БурууБуруу
5
ТэнэглэлТэнэглэл
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-11 185.220.101.42

)))Эротик клубэд тавтай морилно уу – https://tinyurl.com/y9mh59ld

Avatar

зочин 2020-05-11 66.181.161.76

Би Америкд очоод сар гаран тэнэхдээ LX570 нэгийг ч олж хараагүй шд . Тэгээд Улаанбаатардаа ирсэн чинь нэг гэрлэн дохион дээр 3, 4 өөрөө зогсож байдаг байншд ….. ангайцан …

Avatar

Badrax 2020-05-11 66.181.161.53

4 r tsaxilgaan stantsiin darga 250 sayiin land 200. Bas 3r stantsiin darga 200 mun 2r stanstiin darga za tegeed yamar negen darga bolwol shuud l 200 yumu 570 awch undag. Xiij giigvvleed bga yum yu ch bxgui !!! Arai dendvv tansaglaj bna. Uls oron suirch duuslaaa!!!!!!!!!!!!!!!

Avatar

Зочин 2020-05-11 73.92.12.67

Юмаа ойлгож байж сэтгэгдэл бичмээр. Энэ үнэ бичээд байгаа учир нь машины зар тавих гэсэндээ биш,Lexus 570- -ыг авсан Энхсайхан Нямдорж хоёрын авсан үнэ нь монгол улсын хуулиар шийтгүүлэх гэмт хэрэг мөн эсэхийг л уншигч олноор хэлэлцүүлэхийг зорьсон болуу гэж ойлгоод байгаа… хэ хэ хэ зарим нь 470 энээ тэрээ гээд явж өгжээ….. 2010 оны шинэ 570- ыг 2013 онд 130 саяар авсан Энхсайхан 55 сая төгрөг илүү төлж улсыг хохироосон гэж 4 жил 6 сарын ял авах нь зөвүү,ченж нараа ???!!!!

Avatar

зочин 2020-05-11 66.181.161.76

Мэнгэтийн зүйл анги нь тодорхой , ял нь бэлэн л юм байна .

Avatar

Зочин 2020-05-11 202.126.89.52

Heden onoos 570 garch ehelsenee medehgui baij yah zuv medeelel uguh vede

Avatar

Зочин 2020-05-11 64.119.18.48

470-iin une oruultsan baihiin, LX570 zagvar 2008 onoos hoish l gej bgaa.

Avatar

иргэн 2020-05-11 103.111.68.3

Дарга нар албаны үнэтэй машин авч унаад огцорхоороо маш хямдхан хувьдаа авдаг нь нууц биш болсон. Нямдорж ч гэсэн тэгж магадгүй. Сая М.Энхсайханы хэрэг дээр энэ нь нотлогдсон шүү дээ

Avatar

ЗОЧИН 2020-05-11 103.57.94.54

НЯМДОРЖ ЛЕКСУС570 АВЧ ЦӨМ АВНА, ШАХАА ХИЙЖ ЦӨМ АВНА, ЯАМНЫ БАЙРАА ЗАСЧ ЦӨМ АВНА, МЕБЕЛЬ АВЧ ЦӨМ АВНА, БАЯН КОМПАНИЙН ХАУСТ ҮНЭГҮЙ СУУЖ ЦӨМ АВНА, ТАГНУУЛ ХИЙЖ ЦӨМ АВНА, ӨШӨӨ ЮУ БИЛЭЭ, БУСДЫГ МЭДЭХГҮЙ ЮМ БАЙНА.

Avatar

Зочин 2020-05-11 69.131.137.203

Busad darga naryn gemt herguudiin buh barimt baigaa gehdee eruu uusgehgui teruugeer ni Daramtalj Tsom avna.Chamaiag bol meduushuu gehed nogooh ni Xoni bolno.

Avatar

Зочин 2020-05-11 64.9.255.159

Nyamdorjiin huuhed ni San Francisco hotiin consul ch bh shig denduu denduu. Iim mashin unaad ulsiig hohirooson jiriin aaviin huuhed shorond bga

Avatar

Бат 2020-05-11 68.100.237.110

Төрийн албанд Lexus yндагийг зогсоох хэрэгтэй . Америкад зөвхан Форд л унаж байгаа .Энэ бол татвар төлөгчдийн мангө шүү.

Avatar

Баяр 2020-05-11 64.119.26.47

Машин гэж бичсэн юмсан

Avatar

зочин 2020-05-11 64.119.24.60

одоо 2010-2013 оны машин 110-140 сая төг. үнэтэй юм уу

Avatar

Баяр 2020-05-11 64.119.26.47

Энхсайхан харин ч хямдхан харин аваад буруудаад байна шүү та минь ээ

Avatar

Зочин 2020-05-11 202.126.89.137

2012-2016 онд 13 ширхэг 570-ыг 2.3 тэрбумаар авсан гэж байна.Дундаж үнэ эь 176.9 сая байсан байна.

Avatar

Зочин 2020-05-11 192.82.75.139

Нямдорж псдагаар төлүүлж улсыг хохиролгүй болго адилхан ионголд төрчөөд энэ л***р илүү эрх эдлэхгүй шүү

Avatar

Зочин 2020-05-11 183.177.97.14

Enkhsaihan 2013 ond 2010 onii shine 570 iig 130 sayar awsan, getel shuuh 75 sayaar avah yostoi geed 55 say togrogiin hohirol uchruulsan hemeen shorond hiisen. Teheer 2013 ond ulsad hudaldan avsan buh mashinii uniig gargaad, 75 aas deesh uneer hudaldan awsan buh hun shorond oroh yostoi bus uu?

Avatar

Зочин 2020-05-11 202.21.117.2

Татвар төлөгчийн мөнгөөр төр ингэж тансаглаж болохгүйээ

Avatar

Иргэн 2020-05-11 64.119.23.148

Нямдоржид үнэтэй машин авсаных нь төлөө ял өг. Энхсайханд өгөө биздээ. Аавын хүүхдүүдийг бүү алагчил Баттулгаа

Avatar

Зочин 2020-05-11 66.181.170.73

хаха ёстой машин болон машины үнэ ханшны талаар мэдлэггүй сэтгүүлч бичжээ.одруулбал, 2000-2004 онд үйлдвэрлэгдсэн “Лексус 570” жийп 20-40 сая төгрөг, 2005-2010 оных нь 40-90 сая төгрөг, 2011-2013 оных 110-140 сая чих шиг. 2008 он хүртлэх нь Лексус 470, он залуу нь 40 сая орчимтой байгаа, 2008-2012 он хүртэл Лексус 570 бол 75-90 сая, 13 оноос16 он хүртэл загварынх 130-140, 2016 оноос хойшхи 210-аас дээш байгаа даа

Avatar

Зочин 2020-05-11 202.21.108.242

Нямдоржоор LX сурталчилгаа хийчих юм байна л даа, хаха. АН дарга Эрдэнийн хувьд наад LX чинь 20 хүрэхгүй цаас л юм байна шд, гах гах.

Avatar

Зочин 2020-05-11 64.119.21.103

Байцаагцийн хагас жилийн ажилтай тэнцэнэ.Байцаагч нар тууний толоо тангарагаа, зарчимаа, нэр тороо, богсоо, сунсээ худалддаг. Гэхдээ анханаасаа хамаг ариун юмаа арилжаалж баяжих зорилготой энэ ажилдаа ордог тул оорсдоо бол огт тоодоггуй.

Avatar

Зочин 2020-05-11 202.126.89.225

хараагаад байдаг хөөрхйи муусайн ардчилалынхан чинь хаа очиж 2012-2016 онд төр барихдаа Засгийн газрын автобаазын том оврын жипнүүдийг хилийн цэргийн алслагдсан анги салбарууд болох отряд заставууд руу явуулсан нь зөв шийдвэр байсан.МАН гарч ирээд юу хийж бүтээж гийгүүлэв ээ?

Avatar

Зочин 2020-05-11 202.131.225.91

Концесс, утаа, самурай бонд өөр ямар ч бонд билээдээ. Идэхийг нь асар их идчээд нэг иймэрхүү юмаар гийгүүлсэн ч гэх шиг. АН бол жихэнэ хорлогч нар яагаад гэвэл хэт амиа хичээсэн үзэлтэй Анархист. ёр нь нам гэхээ болих хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж