Хаврын тариалалт эхэллээ | News.MN

Хаврын тариалалт эхэллээ

Хаврын тариалалт эхэллээ

Хаврын тариалалт эхэллээ

Газар тариалангийн бүс нутгаар энэ өдрүүдэд хаврын тариалалт эхэлж байна. Тухайлбал Булган, Сэлэнгэ аймгийн тариаланчид талбайдаа хэдийн гарчээ. Булганы хэмжээнд энэ жил 42,0 мянган га талбайд тариалалт хийхээр төлөвлөснөөс 1000 га-д улаан буудайн үр суулгаад байна.

2020 онд улсын хэмжээнд 360.0 мянган га-д улаан буудай тариална. Харин 16.0 мянган га-д төмс, 11.6 мянган га-д хүнсний ногоо, 45.0 мянган га-д тосны, 38.2 мянган га-д тэжээлийн ургамал, 7.3 мянган га-д жимс жимсгэнэ тариалахаар бэлтгэж байна.

Манай орны газар тариалангийн бүтээгдэхүүний 60 гаруй хувийг үйлдвэрлэдэг төвийн бүсэд 5-р сарын дундаж температур Хөвсгөл, Архангайн ихэнх нутгаар 5-10 градус буюу олон жилийн дундаж орчим, бусад нутагт олон жилийн дунджаас 1.5-2.0 градусаар дулаан байх урьдчилсан төлөв гарчээ. Энэ нь үр суултын гүний дулааны хангамж сайжрах боловч нөгөө талдаа хөрс эрт халж чийг ууршилт нэмэгдэх сөрөг нөлөөтэйг мэргэжилтнүүд анхааруулж буй. 

Дашрамд дурдахад, дэлхий нийтийг хамарсан “Covid -19” цар тахлын дэгдэлтийн улмаас онцгой дэглэм тогтоосон энэ үед ажлын байрыг хадгалах, үндсэн нэр төрлийн үр тариа, төмс, хүнсний ногоо, жимс жимсгэний хангамж, нөөцийг нэмэгдүүлэх, зорилгоор Газар тариалангийн тогтвортой хөгжлийг дэмжих зарим арга хэмжээний тухай 138-р тогтоолыг Монгол улсын Засгийн газраас батлан гаргасан.

Уг тогтоолд 2020 онд:

  • 360 мянган га-д улаанбуудай
  • 16 мянган га-д төмс
  • 11.6 мянган га-д хүнсний ногоо
  • 45 мянган га-д тосны, 38.2 мянган га-д тэжээлийн ургамал
  • 7.3 мянган га-д жимс жимсгэнэ тариалах ажлыг технологийн хугацаа, зөвлөмжийн дагуу шуурхай зохион байгуулах тухай тусгагджээ. 

Э.БУРАМ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ахмад тариаланч Ш.Раднаа: Цаг уурчдын мэргэжлийн ур чадвар одоо л тариаланчдад хэрэг болно 2020-05-10 192.82.67.4

5-р сарын цаг агаарын мэдээнд тариаланчдад хэрэг болох зүйл бага.5, 6-р сарын хур тундасны мэдээ тодорхой байвал тариалах хугацаа, үрийн гүн, үрийн норм гурваа хөрсний үндсэн чийгээ харгалзаад талбай бүрээр шийдэх боломжтой. Энэ жил эрт эвгүй халж байна. Эрт чийгэнд хүргээд үрээ суулгатал олон өдөр халвал нялх соёо хатна.Хуурай хөрсөнд үрээ гүн суулгавал мөд соёолохгүй.5-р сарын сүүлчээр орох тундсыг угтуулж тариад, 6-р сарын бороог залбирахаас өөр арга байна уу тариаланчид аа.

NewsMN Гар утасны хувилбар Татах
NEWS.mn

Мэдээллийн эх сурвалж