12 аймгийн 97 суманд өвөлжилт хүндэрчээ | News.MN - Мэдээллийн эх сурвалж

12 аймгийн 97 суманд өвөлжилт хүндэрчээ

Хуучирсан мэдээ: 2015.12.09-нд нийтлэгдсэн

12 аймгийн 97 суманд өвөлжилт хүндэрчээ

2015-2016 онд 21 аймаг, нийслэлийн 145.2 мянган малчин өрхөд 56.2 сая  мал өвөлжиж байгаа талаар Онцгой байдлын ерөнхий газраас мэдээлэв. Тус газраас өгсөн мэдээгээр өвөлжилтийн бэлтгэл ажил улсын хэмжээнд 85.7 хувьтай хангагдсан байна. Засгийн газрын 2015 оны 292 дугаар тогтоолоор аймаг, нийслэлийн хэмжээнд нийт 29.454 тн өвс бэлтгэхээс 23.044 тн буюу 78.2 хувийг, 11.115 тн тэжээл бэлтгэхээс 3.345 тн буюу 30.1 хувийг тус тус бэлтгэсэн аж. ОБЕГ-ын дэд дарга, онцгой байдлын хурандаа Г.Ариунбуян “ Монгол орны нийт нутаг дэвсгэрийн 90 орчим хувьд нь цасан бүрхүүл тогтсоноос Архангай, Баянхонгор, Булган, Говь-Алтай, Дундговь, Завхан, Өмнөговь, Сүхбаатар, Төв, Увс, Хөвсгөл, Хэнтий зэрэг нийт 12 аймгийн 97 суманд өвөлжилт хүндэрч, цасны зузаан 7-40 см (нягт 0.12-0.24 гр/см3) хүрээд байна.

Цаашид Баян-Өлгий, Дархан-Уул, Дорноговь, Сэлэнгэ аймгуудын зарим суманд нөхцөл байдал хүндэрч болзошгүй” гэв. Үүссэн нөхцөл байдалтай холбогдуулан аймаг, орон нутгийн удирдлага, Улсын Их Хурлын зарим гишүүдээс шаардлагатай өвс, тэжээлийг аймаг, орон нутаг дахь улсын нөөцийн салбар, цэгүүдэд нэмж байршуулах хүсэлтийг Улсын онцгой комиссын нэр дээр ирүүлсэн байгаа аж. Дашрамд дуулгахад, Зарим аймаг шуурхай албаны болон түргэн тусламжийн автомашингүй байгаагаас өвөлжилт хүндэрсэн тохиолдолд нийгмийн болон эрүүл мэндийн үйлчилгээ үзүүлэхэд хүндрэл үүсэх эрсдэлтэй байгааг анхаарулав.

 Б.БАТ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-09 202.179.28.144

сургаад өг дөө. сургаад өг.

Зочин 2015-12-09 150.129.141.22

Зун наадмаар навсайтал зад шоудсан 12 аймаг л байна ш дээ. Бүгд морь уясан амьтад. Юу тарина чи түүнийгээ л хураана. Одоо малыг хамгаалах хууль гаргах хэрэгтэй.

Би зун ингэнж зөвлөж байв. ОДОО ... 2015-12-09 122.201.22.87

Зун нь гантай, өвөл нь бэлчээр, тэжээлийн хомсдолд орох үед өгөх зөвлөгөө.1/Малчдад өгөх зөвлөгөө: Энэ өвөл хатуу болно гэж тооц.Эр сувай малаасаа одооноос эхлэн хэр тааруу үнээр борлуулахыг бод. Язартал таргалуулаад намар идэшний үеэр үнэ хүргэж зарна даа гэсний хэрэггүй.Хөгшин хөвөө, хэнз давжаа мал одоо таргалаагүй учир жаахан өөх цацуулаад намар борлуулахыг бод. Ийм мал онд орохгүй шүү.Амьны гарз л болно.Үлдсэн малаа яаж онд оруулахыг одооноос бод.Хаашаа, ямар малаа оторлох боломж байнав гэдгийг одооноос судалж байхад илүүдэхгүй.Хадлан, гар тэжээл, багсармал тэжээл аминд орно.Энэ жил гар хадуур их хэрэг болно.Ойн цоорхойг хад. Бургасны зай завсрыг хад. Өвөлжөө бууцны халгай, шарилжийг битгий гол. Энэ жил тэжээл голж шилдэг жил биш.Өвс цайтал хадахаас өөр арга үгүй. 2/Тариаланчдад өгөх зөвлөгөө:Энэ жил эрт тарьсан зарим талбайн тариа товчон тодгойтой байж мэдэхээр боллоо. Эрт болно. Ургац бага.Намхан.Тэгэхдээ голж болохгүй.Комбайнаа шууд хураахад эртхэн бэлтгэх хэрэгтэй.Орой тарьсан талбайн тариа болц нь гүйцэхээргүй боллоо шүү.Сайндаа л цавуулаг багатай тариа авна гэсэн үг. Зарим талбайн тариа огт цутгахгүй байж ч мэдэхээр боллоо.Ногоон масс хадна гэсэн үг. Гэхдээ голж болохгүй.Цаана чинь малын тэжээлийн хэрэгцээ их гарна.Ногоон сүрлээ хэрч. Багсармал тэжээл хий.Саяхан ХХААЯ-ны нэг албаны дарга “Ургацын бололт нэг сараар хоцорч байна. Зарим компани ургац авах байх” гэсэн утгатай зүйл ярьж байна лээ. Хяруу цохичихно шүү дээ. Найдвар бараг байхгүй.Намрын хяруу аяндаа ямар чанартай ургац авахыг талбай бүрээр шийдээд өгдөг юм.Тэгэхдээ хээрийн бүст ийм горьдлого бий.Ер нь маневар сайн хийх шаардлага гарах байх.Жишээ нь, ногоон сүрлийг пресслэж малын тэжээлд хэрэглэхээр бэлтгэх, хэрэгцээтэй газар нь борлуулах г.м. 3/Төрийн төв, орон нутгийн байгууллагын дарга, мэргэжилтэн нарт өгөх зөвлөгөө: Энэ өвөл маш хүнд болно гэж одооноос тооцох хэрэгтэй. Наадам, ойн баяруудад анхаараад өвөлжилтийн бэлтгэлээ орхигдуулж, цаг алдаж болохгүй гэдгийг би наадмаас өмнө энэ сайтаар анхааруулж байсан.Хэрвээ хадлан нь ургасан бол хилийн зурвас, дархан цаазтай, тусгай хамгаалалтай газарт хадлан хадуулах, отор нүүдлээр малчдыг өвөлжүүлэх гэх мэт эрх зүйн орчинг бүрдүүлэх, хэлцэл, зөвшилцөл шаардсан арга хэмжээ авах хэрэг гарч мэдэхээр байна.Гар хадуур, морин хадуур, тармуур их хэрэг болж мэдэхээр байна.Малын тэжээл бэлтгэх машинууд хэр зэрэг байнав гэдгийг судлах. Гаднаас оруулж ирэх боломж юу байнав.Гадагшаа мах борлуулахад онцгой анхаарах.Нөөцийн мах бэлтгэхэд анхаарах.Говь, хангай, хээр талын бүст амьдардаг хашир малчидтай уулзах. Тэдний үг үнэтэй шүү. Тэд одоо энэ өвлийг яаж давах талаар нэгийг бодож, хоёрыг сэтгэж байгаа.ХХААЯ, аймгийн ХХААГ, ЗГ-ын ХЭГ, түүний орон нутгийн хэлтсийнхэн судалгаа, мэдээлэлтэй байж, бүх ажлыг зангидаж, энэ жилийн өвөлжилтийн бэлтгэлийг хангуулах ажлыг гартаа авах хэрэгтэй.Тариаланчдад учрах эрсдэлийг одооноос тооцож, хохирлыг аль болох бага байлгах ямар боломж байгааг хайх.Гол эрсдэл бол янз бүрийн эх үүсвэрээс тэдний авсан зээлийн төлөлтийн асуудал. Хоёрт, сэтгэл санааны дэмжлэг их чухал.Жинхэнэ ясны тариаланч хүн бол ургац авахаараа их баярладаг, ургац алдахаараа их гутардаг онцлогтой.Өөрөө л нэг их буруу хэрэг хийчихсэн юм шиг бодоод байдаг юм.Одоо төвийн бүст ихэнх малчид хадландаа гарч чадахгүй байна. Сая орсон хэд хоногийн борооны дараа бага ч гэсэн хадлан нэмэгдэх болов уу гэсэн горьдлого тээж хүлээж байна. Энэ зөв.Малчид хүүхдүүдээ байхад хадлангийн ажлаа нугалдаг байсан бол энэ жил тэр боломжгүй боллоо.Болдогсон бол энэ жил бүх шатны сургуулийн хичээлийг 9 дүгээр сарын 10-нд эхлүүлэх юмсан. Боловсролыг дорд үзсэн хэрэгт унах байхдаа. 4/Бүх шатны төрийн байгууллагуудад стандарт бус сэтгэлгээ, алсыг харсан төрийн бодлого хэрэгтэй боллоо. Шаардлагатай бол хууль, дүрэм, журам, шийдвэрээ түр хугацаанд өөрчил. Малчин, тариаланч хоёрт хоёуланд нь эрсдэл зэрэг тохиолдож байгаа энэ жилийн онцлогийг харгалзаж гамшгийн хэмжээнд авч үз.Малчин, тариаланчийн хөдөлмөрийг зүгээр нэг энгийн бизнес гэж битгий бод. Хөдөөгийн асуудлыг шийдэж байнаа гэдэг чинь цаанаа хотын утаа, замын түгжрэл, боловсрол, эрүүл мэндийн үйлчилгээний доголдол, хот орчмын байгаль орчны доройтлын шалтгааныг арилгаж байна аа гэж өргөн хүрээнд ойлгож ханд. Хэвшмэл хандлагаа өөрчил гэсэн үг л дээ. Судалгаа, мэдээлэл их чухал байна даа. Шатраар бол “байгаль цаг уур” гэдэг их мастер цагаанаар нүүлээ. Одоо “тариаланч-малчин” гэсэн шатарчин хараар нүүх болж байна.Хождоггүй юм аа гэхэд, энэ өргийг тэнцээгээр дуусгах юмсан.5/Даанч дээр, доргүй найр наадмаас өөр юм бодохоо байгаад удаж байна даа, бид.Найр наадам сайн хийвэл улс орон маань хөгжиж, ард түмний маань амьдрал дээшилдэг бол яахав гэхсэн. Даанч тэгдэггүй хорвоо гэдгийг ойлговол сайнсан.Аливаа юм хэм хэмжээнээсээ хэтэрхээр утгаа алддаг жамтай.Намар болонгуут л нэг их ажил хэрэгч дүр үзүүлсэн, зовлон тоочсон, бие биендээ буруу өгсөн хүмүүс гарч ирнэ дээ, харж л байгаарай. 6/Хотынхон бид зун болохоор хөдөөнийхөнд их тээр болдог шүү.Энэ зун хот суурин газраас хөдөө ах дүү, танил талынхандаа амралтаараа очсон хүн бүр ажилд нь тусал.Хадлан хадахад нь тусал. Хашаа саравчаа засахад нь тусал.Үд болтод унтаад, цайлж дайлуулаад байдаг ямбатай амралт энэ жил хөдөөд зохихгүй боллоо гэдгийг ойлго. ХУД-ийн иргэн Ш.Раднаа

zak 2015-12-09 110.133.94.87

uvuljilt hundersen gej yu balaitaad baigaa yum be. zugeer l baidag l uvul bolj baina sh dee.

Зочин 2015-12-09 203.15.208.22

Dandaal hunderch baidag, naadam gej arhi airag uuj baisar uvs tejeelee beldeegui biz.

Зочин 2015-12-09 122.254.126.2

baigali delhii cham metiin malnuudiin muu uiliig nited ni edluulj bgaan. uvuljilt hunderlee geed chamaas yu ch avahgui sh dee. chamd ugaasaa uguh yum bhgui. ene jil uvs urgasan yumuu. yugaa ch medehgui burah yum