Ерөнхий сайд дадлага сургуулилалтын үйл ажиллагаатай танилцлаа | News.MN

Ерөнхий сайд дадлага сургуулилалтын үйл ажиллагаатай танилцлаа

Ерөнхий сайд дадлага сургуулилалтын үйл ажиллагаатай танилцлаа

Ерөнхий сайд дадлага сургуулилалтын үйл ажиллагаатай танилцлаа

Монгол Улсын Ерөнхий сайд У.Хүрэлсүх, Монгол Улсын Шадар сайд Ө.Энхтүвшин, Эрүүл мэндийн сайд Д.Сарангэрэл, нийслэлийн Засаг дарга бөгөөд Улаанбаатар хотын Захирагч С.Амарсайхан тэргүүтэй албаныхан “Ковид-19” халдварт цар тахлын үеийн харилцан ажиллагаа, хариу арга хэмжээ” дадлага сургуулилалтын үйл явцтай танилцлаа.

Дадлага сургуулилалт болоод цаг үеийн нөхцөл байдлыг Улсын Онцгой комиссын Шуурхай штабын дарга Б.Ууганбаяр танилцууллаа. Энэхүү дадлага сургуулилалтад улс, нийслэлийн Онцгой комиссын Шуурхай штаб болон  9 дүүрэг, 21 аймгийн Шуурхай штабууд тодорхой цагийн байдал дээр дэлхий нийтэд тархаад буй цар тахлын хариу арга хэмжээний үеийн үйл ажиллагааг тодорхойлох, бэлэн байдлаа шалгах, харилцан ажиллагааг зохион байгуулах, үүрэг гүйцэтгэж буй албан хаагчдын мэдлэг чадварыг дээшлүүлэх арга хэмжээг зохион байгуулж байгаа гэдгийг тэрбээр онцолж хэлсэн юм.

Монгол Улсын Ерөнхий сайд У.Хүрэлсүх  Улсын Онцгой комиссоос санаачлан зохион байгуулж буй цар тахлаас урьдчилан сэргийлэх дадлага сургуулилалтад амжилт хүсэхийн сацуу халдварын тархалтаас улс орноо хамгаалах хамгийн эхний алхам бол урьдчилан сэргийлэх явдал гэдгийг онцолж хэллээ. Тэрбээр “Өнөөдөр Монгол Улсад коронавирусын халдварын 41 тохиолдол бүртгэгдсэн. Энэ бол биднийг ямар эрсдэлтэй нөхцөлд байгааг харуулж байна. Халдварын тархалтыг үндэсний хэмжээнд гаргахгүй байх, ард иргэдийг аюулгүй байх орчныг бүрдүүлэхийн тулд бид өмнөх саруудаас илүү зохион байгуулалттайгаар ажиллаж байна. Иймээс өнөөдрийн дадлага сургуулилтыг хийж байгаа юм. Иргэд мэргэжлийн байгууллагаас өгч байгаа заавар зөвлөгөөг сайтар дагаж мөрдөж, улс эх орноо аюулт өвчнөөс хамгаалахад хариуцлагатай байхыг уриалж байна. Мөн цар тахалаас урьдчилан сэргийлэх ажилд сэтгэл, бүх зүйлээ дайчлан ажиллаж байгаа албан хаагчиддаа талархаж байна" гэв.

Мөн энэ үеэр Улсын Онцгой комиссын Шуурхай удирдлага зарлан мэдээллэх төвийн үйл ажиллагаатай албаныхан танилцлаа.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
4
ХахаХаха
1
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-07 103.212.116.156

ЭМЯам гайгүй мөнгөтэй болонгуут л үрэн таран хийх юм. Сургуулилт нэрийдлээр хичнээн мянган доллар үрэгдэж байгаа бол доо???

Avatar

Зочин 2020-05-07 66.181.184.177

ynexeer pop zolig shyy

Avatar

Зочин 2020-05-07 202.21.108.223

Манай мангар залуу чинь FB дэх гэрийн авгайчуул, гэрийн мухар сахисан ажилгүй залуусын ганц фээбрит байхгүй юу. Киноных нь гол баатар. Мундаг эрээ.

Avatar

Зочин 2020-05-07 202.179.24.29

Чи Тарвагдоржийн тухай чин үнэн санал бодлоо хэлээд байна даа..

NewsMN Гар утасны хувилбар Татах
NEWS.mn

Мэдээллийн эх сурвалж