Оюутнууд шалгалтаа цахимаар өгч, дипломоо шуудангаар авна | News.MN

Оюутнууд шалгалтаа цахимаар өгч, дипломоо шуудангаар авна

Оюутнууд шалгалтаа цахимаар өгч, дипломоо шуудангаар авна

Оюутнууд шалгалтаа цахимаар өгч, дипломоо шуудангаар авна

БСШУС-ын сайд Ё.Баатарбилэг 2020 оны дөрөвдүгээр сарын 21-ны өдөр мэдэгдэл хийх үеэр их дээд сургуулийн төгсөлтийн шалгалтыг цахимаар явуулна гэдгийг мэдээлсэн. Ингэснээр энэ хичээлийн жилд 95 их, дээд сургуулийн 22 мянган төгсөгч зургадугаар сарын 1-нээс 15-ны хооронд цахимаар шалгалтаа өгч, дипломоо шуудангаар авах юм байна.

Дээрх асуудлаар тус яамны Дээд боловсролын газрын мэргэжилтэн Э.Батсэлэмээс тодруулахад Энэ хичээлийн жилд оюутнуудын төгсөлтийн үйл ажиллагааг цахимаар зохион байгуулна гэсэн шийдвэр гарсан. Энэ оны хоёрдугаар сараас хойш Боловсролын яамнаас цахим сургалтын үйл ажиллагааг явуулж байгаа. Тэгэхээр хоёрдугаар сараас хойш их сургуулиуд явцын шалгалтаа цахимаар зохион байгуулсан. Тиймээс цахимаар шалгалтаа өгөхөд хүндрэл үүсэхгүй.

Зургадугаар сарын нэгнээс 15-ны хооронд бүх шалгалт явагдсан байх ёстой. Сургууль бүр өөрийн онцлогоос шалтгаалаад шалгалтын үйл ажиллагаа зохион байгуулж байна. Иймээс оюутнууд сургуулиас зохион байгуулж буй журмын дагуу цахимаар шалгалтаа өгч, дипломоо цахимаар авна. Анхаарах зүйл нь сургууль дээрээ очиж бөөгнөрөл үүсгэх шаардлагагүй. Төгсөлтийн баяр ёслолыг хийхгүй. Орон нутгийн оюутнуудын хувьд интернет орчинд орох боломжгүй бол хоёрдугаар сард цахимаар хичээл үзэх боломжгүй байна гэдэг хүсэлтээ өгсний дагуу ирэх жил рүү шилжүүлсэн. Мөн оюутнууд бие даалтаа цаг хугацаандаа өгөөгүй хоцорч илгээсэн бол сургуулиуд 14 хоногийн хугацаа өгсөн. Үнэлгээнд ч мөн уян хатан хандаж байгаа. Хичээл цахимаар явагдаж байгаа болохоос биш танхимын сургалтын хичээлийн агуулыг үзэж байна. Мөн энэ жилийн Элсэлтийн ерөнхий шалгалтыг долдугаар сард зохион байгуулна” гэсэн мэдээллийг өгсөн юм.

Дашрамд, энэ хичээлийн жилд 22 мянга 387 суралцагч төгсөх бөгөөд нийт төгсөгчдийн 17 мянга 420 нь бакалаврын, 4,572 нь магистрын, 395 нь докторын зэрэгтэй төгсөнө.

Засгийн газрын 2014 оны 71 дүгээр тогтоолоор батлагдсан “Дээд боловсролын сургалтын байгууллагад суралцагчид суралцагчийн тэтгэлэг олгох журам”-ын 4.1 дэх хэсэгт заасан оюутнуудыг хичээл сонголт болон төгсөлтийн шалгалтад бүрэн хамруулах үүрэг өгсөн. Энэхүү заалтад бүтэн өнчин суралцагч, хөгжлийн бэрхшээлтэй суралцагч, хөдөлмөрийн чадвараа бүрэн алдсан өрхийн гишүүнтэй 1 суралцагч, Засгийн газар хоорондын гэрээгээр суралцагч, багш мэргэжлээр суралцагч, нэг өрхийн гурав ба түүнээс дээш хүүхэд зэрэг суралцаж байгаа өрхийн нэг суралцагч, цаатан өрхийн суралцагч тус тус хамрагдана. Энэхүү буцалтгүй тусламж олгоход 2020 оны төсөвт 8,460 оюутанд 16,6 тэрбум төгрөг батлагдсан юм байна.

Э.АРИУН

Энэ мэдээнд өгөх таны сэтгэгдэл?
5
ЗөвЗөв
5
ТэнэглэлТэнэглэл
4
ХахаХаха
3
ХарамсалтайХарамсалтай
2
ГайхмаарГайхмаар
2
БурууБуруу
0
ХөөрхөнХөөрхөн
Баярлалаа!

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-07 202.21.107.96

Зөв зөв. Цахим сургалт хувийн сахилга бат хоер салшгүй холбоотой.

Avatar

taxar 2020-05-07 103.57.95.129

Bas stahimaar niilj shoudana zurgaa awahuulna bvh yum stahimaar xa xa

Avatar

зочин 2020-05-07 182.160.36.153

Батсэлэм даргаа. "Оюутны хөгжлийн зээл"-д хамрагдахаар материал өгсөн, БЗС-ийн системд сургуулиуд материалыг нь бүрэн оруулсан, одоогоор зээлийн хяналтын тоо ирээгүй шалтгаанаар ОХЗээлийн санхүүжилт нь баталгаажаагүй оюутныг шалгалтад оруулах уу?. ер нь ОХЗээл хэзээ баталгаажилт хийгдэж, сургуулиуд руу санхүүжилт нь орох вэ?

Avatar

Иргэн 2020-05-07 103.212.116.127

Сайхан хуулаад бүгдээрээ онц төгсөх юм бна л даа

Avatar

зочин 2020-05-07 182.160.36.153

Зөв шүү. Төгсөлтийн ажлыг цахимаар хийхэд ямар ч асуудал байхгүй. Оюутан дипломын судалгааны ажлаа ажлын хэсгийн багш нарт илгээн, багш нар ажилтай танилцаж уншаад зөвлөгөө өгч, нэмэлт судалгаа хийлгэн, цахимаар асуулт явуулж хариулт авч, ажлыг сайжруулан судалгааг дуусгаснаар төгсөлтийн ажил хамгаалуулах комисс оюутны ажлыг дүгнэнэ. Батсэлэм БЗС-д албаны дарга байсны хувьд буцалтгүй тусламжийн талаар тодорхой бичсэн байна. Буцалтгүйн тооцоо баталгаажсан учир оюутныг шалгалтад бүрэн хамруулна.

NewsMN Гар утасны хувилбар Татах
NEWS.mn

Мэдээллийн эх сурвалж