Малчид, иргэдэд зориулсан мэдээ:

Өнөө шөнө, маргааш өдөр нутгийн зарим газраар бороо, нойтон цас орж, сэрүүсч, говь, тал хээрийн нутгаар салхи шуургатай байна.

2020 оны тавдугаар сарын 07-ны 20 цаг хүртэлх цаг агаарын урьдчил­сан мэдээ:

УЛААНБААТАР ХОТ ОРЧМООР: Шөнөдөө үүлэрхэг, өдөртөө үүл багасна. Бороо орохгүй. Салхи баруун өмнөөс хойш эргэж секундэд 7-12 метр, шөнөдөө зарим үед секундэд 13-15 метр хүрч шороон шуурга шуурна. Сэрүүсч шөнөдөө 1-3 градус, өдөртөө 11-13 градус дулаан байна.

Хур тунадас: Ихэнх нутгаар үүлэрхэг. Шөнөдөө төвийн аймгуудын нутгийн зарим газар, баруун болон говийн аймгуудын нутгийн зүүн, зүүн аймгуудын нутгийн өмнөд хэсгээр, өдөртөө баруун аймгуудын нутгийн зүүн өмнөд хэсэг, төв болон зүүн аймгуудын нутгийн зарим газраар бороо, нойтон цас орно.

Салхи: Баруун аймгуудын нутгаар хойноос, бусад нутгаар баруун өмнөөс баруун хойш эргэж секундэд 7-12 метр, шөнөдөө говь, тал, хээрийн нутгаар секундэд 15-17 метр хүртэл ширүүсч шороон шуурга шуурна.

Агаарын температур: Ихэнх нутгаар сэрүүсч шөнөдөө Монгол-Алтайн нуруу, Хөвсгөлийн уулархаг нутаг, Тэс, Эг-Үүр, Байдраг, Тэрэлж голын хөндийгөөр 5-10 градус хүйтэн, Увс нуур болон Их нууруудын хотгор, Хангай, Хэнтэйн уулархаг нутаг, Завхан голын эх, Идэр, Орхон-Сэлэнгэ, Ерөө, Хэрлэн, Онон голын хөндийгөөр 4 градус хүйтнээс 1 градус дулаан, говийн бүс нутгийн зүүн хэсэг болон Дорнод-Дарьгангын тал нутгаар 6-11 градус, бусад нутгаар 0-5 градус, өдөртөө Алтай, Хангай, Хөвсгөл, Хэнтэйн уулархаг нутаг, Завхан голын эх, Идэр, Тэс, Тэрэлж голын хөндийгөөр 5-10 градус, говийн бүс нутгийн зүүн хэсэг болон Орхон-Сэлэнгийн сав газар, Дорнод, Дарьгангын тал нутгаар 13-18 градус, бусад нутгаар 8-13 градус дулаан байна.

2020 оны тавдугаар сарын 08-наас тавдугаар сарын 12-ныг хүртэлх цаг агаарын урьдчилсан төлөв:

Тавдугаар сарын 8-нд баруун, төв болон говийн аймгуудын нутгийн зарим газраар, 9-нд төв болон зүүн аймгуудын нутгийн зарим газраар, 10, 11-нд зүүн аймгуудын нутгийн зүүн хэсгээр бороо, нойтон цас орно. Салхи 8-нд нутгийн хойд хэсгээр, 9, 10-нд говь, тал, хээрийн нутгаар секундэд 14-16 метр хүрч шороон болон цасан шуурга шуурна. Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Идэр, Тэс, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 6-11 градус хүйтэн, өдөртөө 4-9 градус, говийн бүс нутгийн өмнөд хэсгээр шөнөдөө 5-10 градус, өдөртөө 16-21 градус дулаан, бусад нутгаар шөнөдөө 3 градус хүйтнээс 2 градус дулаан, өдөртөө 9-14 градус дулаан байна. 10-нд нутгийн баруун хэсгээр, цаашдаа ихэнх нутгаар дулаарна.

ЦАГ УУР, ОРЧНЫ ШИНЖИЛГЭЭНИЙ ГАЗАР