АНУ-ын технологийн тэрбумтан, “Space X” Илон Маск саяхан зургаа дахь хүүгээ өлгийдөн авсан билээ. Түүний сүйт бүсгүй Канадын дуучин, ая зохиогч Граймс даваа гаригт /2020.05.04/ амаржсан бөгөөд зургаан хүүгийн аав болсон Маск бага хүүгээ тэвэрсэн зургаа твиттертээ нийтэлжээ. Харин хүүгийн нэр өдгөө жиргээчдийн гол сэдэв болоод байна. Учир нь тэр хүүдээ “X Æ A-12” гэх содон нэр хайрлажээ.

Түүний эхнэр Граймс мягмар гаригийн орой хүүгийнхээ нэрийн тайллыг хэлэхээс өмнө бяцхан хүүгийн нэрийг хэрхэн дуудах, ямар утгатай болохыг эцэг эх хоёроос өөр хэн ч мэдэхгүй байсан жиргээчид өөр өөрийнхөөрөө нэрний утга болон дуудлагыг тайлбарлах гэж оролдож байв.

Ингээд хүүгийн ээж, дуучин Граймсийн тайлбарласнаар, X үсэг үл мэдэгдэх хувьсагчийг илэрхийлж байгаа бол  Æ нь хиймэл оюун ухаан болон хайрыг илэрхийлж байгаа аж. Харин А-12 нь Илон Маск, Граймс нарын хамгийн дуртай онгоцны нэр аж.

Эх сурвалж: People