Ногооны хүлэмжийн "босс" | News.MN

Ногооны хүлэмжийн "босс"

Ногооны хүлэмжийн "босс"

Хаврын ургац тариалалтын ажил ид өрнөж буй энэ үед хүлэмжийн аж ахуй эрхэлдэг хөдөлмөрч бүсгүйн ногооны талбайд саатлаа. Навчит ногоог үрсэлгээгээр тариалбал зуны хүлэмжээс жилд дөрвөн удаа ургац хураан авдаг байна. 3-р сарын 23-нд тариалсан нарийн ногооны эхний ургац хураалт нь болж ид завгүй ажиллах түүнтэй цөөн хором ярилцсанаа хүргэе. Түүнийг Цогзоогийн Сүнжидмаа гэдэг. ХААИС-ийг агрономич мэргэжлээр 2005 онд төгсөөд 16 дахь жилдээ газар тариаланд ажиллаж байгаа хөдөлмөрч нэгэн юм. Түүний гэр бүлийн хүн Амарсанаа нь төмөр замд 17 жил ажиллаад сүүлийн хоёр жил хувийн аж ахуйгаа хамтран эрхлэх болжээ. Сүнжидмаа таван сайхан охин төрүүлсэн алдарт эх юм.

Түүний ногооны талбай Сонгинохайрхан дүүргийн зүүн салаанд байдаг. Сүүлийн таван жил хүлэмжийн аж ахуйг голлон эрхэлж, навчит ногоо голдуу 20 гаруй төрлийн нарийн ногоо тариалан жилд дунджаар 20 тонн ургац хураан авдаг байна. Сүнжидмаагийн тариалан эрхлэхдээ баримталдаг онцлог нь зай талбайг сайн ашиглаж, бага талбайд илүү хөдөлмөрлөж их ургац авах юм. Тэрээр талбайдаа сул зай үлдээлгүй ногоо битүү тарьдаг. Ургацын мөр хоорондын зайгаар нь яваад арчилгаагаа хийдэг байна. Навчит ногоог 1мк-аас 3кг ургац авна  гэж тооцоолон ажилладаг.

Тэрээр гадаад талбайдаа өрхийн хэрэгцээний хүнсний ногоогоо тарьдаг. Дэлгүүрээс ямар ч төрлийн ногоо худалдаж авдаггүй бөгөөд намар дарж, нөөцөлж болох ногоогоо бүгдийг нь нөөшлөөд, энгийн хадгалах боломжтой ногоогоо зоориндоо хадгалдаг гэнэ. Жилд 300 орчим шил ногоо нөөцлөөд өөрийн хэрэгцээндээ болон хамаатан ах дүүстээ өгөхөд хангалттай хүрэлцдэг байна.

Тэрбээр “Айлуудын хашаанд 100 мкв талбай зэрлэгэндээ бариулаад л байж байгаа. Өрхийн хэрэглээнд ногоо тарихад хангалттай талбай. Тиймээс ногоогоо худалдаж авахгүйгээр өөрсдөө тариад идэх боломж байгаа”хэмээн ярилаа.

“ЖДҮ-ИЙГ ХӨГЖҮҮЛЭХ САНД ГУРВАН ЖИЛ ДАРААЛАН ӨРГӨДӨЛ ӨГСӨН Ч ЗЭЭЛ ОЛДООГҮЙ”

Навчит ногоог жилийн дөрвөн улиралд шинээр нь хэрэглэгчдэд хүргэхийн тулд өвлийн хүлэмжний тариалалт зайлшгүй хэрэгтэй. Өвлийн хүлэмжийг 1 мкв-ийг нь 200 мянган төгрөгөөр барьдаг байна. Хүлэмжийн аж ахуй эрхлэхийг хүссэн дурын хүн 1000 мкв хүлэмжийг 200 саяар бариулах боломж ховор. Сүнжидмаа өвлийн хүлэмжтэй болох зорилт тавин ЖДҮ-ийг хөгжүүлэх санд гурван жил өргөдөл өгсөн ч хөнгөлөлттэй нөхцөлтэй зээл олдоогүй байна. Тэрбээр “Стандарт шаардлагын дагуу аж ахуй дээрээ үндэслээд нилээд ажил чирэгдэл болж бичсэн зээл хүссэн төсөл маань дандаа буцаагддаг. Ямар хүмүүсийнх бүтдэг юм сайн мэдэхгүй байна. Энэ жил төсөл өгөөгүй ээ, угаасаа бүтэх биш” гээд  Мөн “Гадагшаа гарч буй мөнгөний урсгалаа тодорхой хэмжээнд зогсооё гэвэл газар тариалан, хүлэмжийн аж ахуйг төр засгаас бодлогоор дэмжих хэрэгтэй байна. Навчит ногоо, нарийн ногоогоор дотоодын хэрэгцээг хангах бүрэн боломжтой. Бид нар стандартад нийцсэн эрүүл хүнс үйлдвэрлэж чадаж байгаа. Импортын хүнс хэд хоносон ч мууддаггүй. Тэгэхээр хүний биед сөрөг нөлөөтэй нь ойлгомжтой. Манай хэрэглэгчид брокли, саладны навч, дун ногоо, юуцай зэргийг дотооддоо тариалдгийг сайн мэддэггүй. Эрүүл хүнс болох навчит ногооны хэрэглээг хэрэглэгчдэд таниулах хэрэгтэй байна” гэлээ.

“НОГООНЫ ЧЕНЖҮҮД Л ҮНЭ ТОГТООДОГ”

Сүнжидмаа өглөө 04.00 цагт явж бөөний төвүүдээр түгээлтээ хийдэг. Ногооны үнийг ченжүүд л мэддэг байна. Юуцай, бууцай, саладны навчийг 1000-3500 төгрөгийн хооронд худалдаалдаг. Заримдаа өгч чадахгүй ч үе байдаг гэнэ. Дунджаар ногоогоо 2000 төгрөгөөр зардаг бөгөөд цааш дамлагдсан ногоо лангуун дээрээ 5000 орчим төгрөгөөр зарагддаг байна.

“Газар тариалан бол ажиллахад хүнд салбар. Нар салхи, бороо шороо гээд ажиллах хүн бараг олдохгүй. Манайх үндсэн гурван ажилтантай. Ургац хураалт болоход нэмэлтээр таваас зургаан хүн авч ажиллуулдаг. Зуны улиралд шөнө унтах завгүй шахуу ажилладаг. Хөдөлмөрлөж л байж ургац сайн авна шүү дээ. Аж ахуйгаасаа олох орлого боломжийн. Гэхдээ хуримтлал үүсгэж чадаагүй л байна. Ажиллахад хэцүү ч гэсэн агрономич гэдэг энэ мэргэжлийг эзэмшсэн дээ би баяртай байдаг. Энэ мэргэжлийг эзэмшсэн хүн өлсөнө  гэж байхгүй. Одоо ингээд хийсэн ажлаа хараад сууж байх сайхан байна шүү дээ. Газраас алт ургаж байна гэсэн үг. Хүн залхуу байж болохгүй. Хөдөлмөрлөж л байвал шагнал нь заавал ирнэ” хэмээн бүтээсэн хөдөлмөрийнхөө дэргэд суугаад ярих ажилсаг дайчин бүсгүйгээр бахархахгүй байхын аргаггүй юмаа.

Д.ГАНБҮЖИН

Энэ мэдээнд өгөх таны сэтгэгдэл?
47
ЗөвЗөв
4
ХөөрхөнХөөрхөн
2
ТэнэглэлТэнэглэл
1
ХахаХаха
1
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-06 66.181.161.125

Амараа Сүнжээ хоёрыг танина Дэндүү ажилсаг хичээнгүй тусч сайхан залуус Тэдний хашаанд ороод чөлөөтэй гишгэх газар олдохгй,сөөм газрыг ч зөв ашиглахын төлөө ажилладаг тийм хүмүүс.Хоёр дүүдээ хамгийн эрүүл байж үр хүүхдээ ажилч хичээнгүй болгон хүмүүжүүлж өсгөхийг хүсье Та нарын зорилгод их амжилтыг хүсье.

Avatar

Зочин 2020-05-06 192.82.73.166

Сайхан хөдөлмөрч гэр бүлд аз жаргал,ажлын өндөр амжилт хүсье! ЖДҮ эзнээ олдоггүй жишээ энэ байна даа.Гадуур монгол ногоо маш үнэтэй байна.Эдгээр хүмүүсийн борлуулалтын сүлжээг өргөжүүлж,Имарт,Номин гэх мэт томоохон худалдааны төвүүд хамтарч ажиллах уян хатан бодлого баримтлахыг хүсэж байна.

Avatar

ЗочинА 2020-05-06 203.98.76.9

Баяр хүргэе, хөдөлмөрч эмэгтэй байна. Аж ахуйгаа өргөжүүлээд чанартай ногоогоор иргэдээ хангахыг хүсье

Avatar

Зочин 2020-05-06 66.181.161.69

Ажилсаг хөдөлмөрч хүн шүү

Avatar

ждүчин 2020-05-06 66.181.161.92

ждү жинхэнэ толгой нь хүрэлсүх сонгуулиин дараа ил болно өнөөдрөөс мөнгөө тарааж эхлэв

Avatar

Зочин 2020-05-06 103.229.123.220

ТӨР УЛС ГЭЖ БАЙДАГ БОЛ ЭНЭ ХҮНД ДАРААЛААД ЖДҮ ЗЭЭЛ ӨГӨӨГҮЙ ЭРХЭМҮҮДИЙГ ХАРИУЦЛАГА ТООЦОХГҮЙ БОЛ ДАРААГИЙН ИЙМ САЙН ХҮМҮҮС ДАХИАД Л ХОХИРСООР ХОХИРСООР ЭНЭ НЬ ҮНДЭСНИЙ ЯЗГУУР ЭРХ АШИГИЙГ НОЦТОЙ ЗӨРЧИЖ БАЙНА ГЭСЭН ҮГ ЮМ.

Avatar

irgen 2020-05-06 66.181.168.8

Mundag hodolmorch yumaa, zalhuu hun gej zugeer l ajil hiihiig husdeggui belenchleh setgelgeetei huniig heldiin, ene hunees gaihaltai chanaruudiig haraad baharhaj bna, mundag yumaa, hun hodolmorloj chadval ali ch salbart bolomj urgelj bdag, tanai ger buld eruul enhiig, amjilt husie

Avatar

Зочин 2020-05-06 66.181.165.160

ymar saihan hudulmurch humuus be

Avatar

1 2020-05-06 66.181.161.78

Muuhai unertei a l t a i huuhen bj bilee

Avatar

Зочин 2020-05-06 59.153.112.252

Явж эмээ уу цаг чинь болж

Avatar

Hilenz 2020-05-06 103.57.94.20

Muusain archaagui jdu jid ed nart ojih zeeliig awsan biz dee. Nowshnuudig tenger nirgeesei

Avatar

иргэн 2020-05-06 103.26.193.141

Ийм хүмүүсийг дэмжээрэй төр засаг аа. Сайхан гэр бүл, сайхан ажилсаг эмэгтэй юмаа баяр хүргэе. Мэргэжлээ эзэмшсэн шиг болжээ.

Avatar

Баяр хүргэе 2020-05-06 202.21.116.5

Эзэмшсэн мэргэжилдээ эзэн болж, бусдад сайн үлгэр үзүүлж буй ажилсаг, хөдөлмөрч бүсгүйд байр хүргэе. Амжилт хүсье.

Avatar

Зочин 2020-05-06 66.181.189.201

Ийм ажилсаг хүмүүст ЖДҮ ийг дэмжих зээлийг олгох ёстой. Ажилсаг сайхан хүмүүсийн амьдрал өөдөлж байна. Ченжүүд гэж ажил хийхгүй үнэ хөөрөгддөг нөхдүүдийг зохижуулсан хууль гаргах, ложистик бирж, сүлжээ дэлгүүр бий болгох хэрэгтэй

Avatar

Guesto 2020-05-06 202.131.229.146

Ymr mundagiin be :O

Avatar

Anar 2020-05-06 202.126.89.226

ENE JAAHAN AMITDIIN IREEGUIGEES HUMSALJ, MONGO HUULSEN JDU CHDIIG MONGOLIIN ARD TUMEN UDAM SUDRAAR JIGSHIN ZEVUUTSEJ, UZEN YADAH N ZUITEI!!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж