Автомашины борлуулалт, иргэдийн худалдан авалт эрс буурчээ | News.MN

Автомашины борлуулалт, иргэдийн худалдан авалт эрс буурчээ

Автомашины борлуулалт, иргэдийн худалдан авалт эрс буурчээ

Автомашины борлуулалт, иргэдийн худалдан авалт эрс буурчээ

“Эртээ урьдын цагт зах дүүрэн хүнтэй байжээ” гэсэн яриа гарчээ. Улаанбаатар хотын хамгийн их нягтрал, төвлөрөл үүсгэдэг зах, худалдааны төвүүд хөл хорио тогтоосон эдгээр өдрүүдэд хүнгүй болсон дүр зураг ажиглагдаж байна. Монгол улсын автомашины төвлөрсөн томоохон захуудын нэг “Да хүрээ” техникийн зах дээр энэ дүр зураг илүү тодоор харагдана.

Дэлхийн нийтийг хямралд, айдаст автуулаад байгаа коронавирусийн цар тахал хамгийн их нөлөөлж буй худалдааны төв бол Да хүрээ. Өмнө нь хөл хөдөлгөөн тасардаггүй байсан бол одоо энд худалдан авагчид гэхээс илүү худалдаачид өөрсдөө л нааш, цааш холхино. Бид энэ удаад хүний хөл тасардаггүй Да хүрээ худалдааны төвд нөхцөл байдал ямар байгааг сурвалжиллаа.

Цар тахал, эдийн засгийн хямралаас болж "орлогогүй, гүйлгээгүй" болсон гэх үг амны уншлага нь болжээ. Дэлхий нийтээрээ "тэг" зогсолт хийж байгаа энэ үед хэн нэгний худалдаа, бизнесийг дэмжих боломжгүй учраас эндэхийн худалдаачид өдрийн орлогоо таслахгүйн тулд өдөр бүр ажлаа хийсээр. Сүүлийн хоёр сарын хугацаанд автомашин, сэлбэгийн импорт тасалдаагүй ч цаг хугацааны хувьд хоцрогдолтой ирэх болжээ. Хилээр нэвтэрч буй ачаа, бараа бүхэн ариутгал, халдваргүйжүүлэлт, дамжин ирэх хугацаанаас шалтгаалан цаг алдаж байгааг эс тооцвол машины худалдаа эрхлэгчдэд бэрхшээл алга. Харин бараа бүтээгдэхүүнийг нь худалдан авагч алга. Тиймээс тэд түрээсийн мөнгөө таслахгүй, орлогоо алдчихгүйн тулд өдрийг өнгөрөөж буйгаа хуваалцаж байлаа.

Иргэн Л.Лхагвадорж “Да хүрээ” зах дээр автомашины дагалдах хэрэгсэл, тос масло, багаж гэх мэтчилэн жижиглэнгийн зүйлс худалдаалж амьдралаа залгуулдаг.

Иргэн Л.Лхагвадорж:

-Худалдан авагчид ер нь багассан. Бидэнд хэцүү л байна. Түрээсийн хөнгөлөлт тал дээр илүү анхаарвал зүгээр. Улс орны зүгээс ч жижиг, дунд бизнес эрхлэгчдээ дэмжээд, нэг ч удаа гэсэн туслалцаа үзүүлэх хэрэгтэй байх. Бид улс орон, төр засгаасаа ажлын байр гуйгаагүй. Мэргэжлээрээ ч ажиллаж чадалгүй, үр хүүхдээ бодоод л ингээд явж байна. Бараа бүтээгдэхүүний үнийн хувьд ч өөрчлөлт орсон. Урдаас оруулж ирдэг барааны үнэ нэмэгдээд, нааш зөөвөрлөх тээврийн зардал өсч, хугацааны хувьд удах болсон доо.


 

Иргэн Н.Баярмаа Өмнөд Солонгос улсаас автомашины сэлбэг оруулж ирж, сэлбэгийн бизнес эрхэлдэг нэгэн.

Иргэн Н.Баярмаа:

-Хүмүүсийн эрэлт багассан. Бараа бүтээгдэхүүнийхээ үнийг багасгаж байж л худалдан авагчдыг татаж байна. Хүмүүсийн худалдан авах чадвар ч багассан. Манай захын зүгээс өнгөрсөн хоёр сарын түрээсээ 30 хувь хөнгөлсөн. Харин цаашдаа яах нь мэдэгдэхгүй л байна. Захиалсан сэлбэгүүд маань ч удаж орж ирж байна даа.


Япон улсаас автомашин оруулж ирдэг бизнес эрхлэгч П.Отгонбаяр дараах зүйлсийг ярилаа.

Иргэн П.Отгонбаяр:

-Хөдөө орон нутгаас орж ирж машин тэрэг авдаг хүмүүс цөөрсөн. Гүйлгээ эрс муудсан шүү. Наймаачид маань илүү үнээр зараагүй. Ерөөсөө маш бага ашиг олж байгаа. Өмнөх жилүүдийг бодвол илүү бага орлоготой байна. Автомашины үнэ хамаагүй хямдарсан. Японд ч гэсэн хөл хорионоос болж автомашины үнийн хэлбэлзэл үүсч, үнэ нь унаад эхэлсэн. Тэр хямд автомашинууд нь энд орж ирэхээс өмнө бид энд байгаа автомашинуудаа заримдаа алдагдалтай зарж байна. Японоос автомашин орж ирэх хугацаа болон татварт ямар нэгэн өөрчлөлт ороогүй байгаа нь сайн. Борлуулалт л маш муудсан. Харин автомашин орж ирэх хугацаа нь ч богино болсон санагдсан шүү. Орж ирсэн автомашинуудынхаа заримыг авч чадалгүй үлдээсэн нөхцөл байдалтай л байна даа.


Иргэн Э.Цэрэндорж:

-Автомашины борлуулалт зогсонги байдалд ороод үнэн гуниг байна. Хэзээ ийм байсан юм бэ, гайхаад л байж байна. Манайх худалдаалж байгаа автомашинуудаа бүр хямдруулсан шүү дээ. Бараг амиараа л өгч байна гэж хэлж болно. Нээрээ бараг л алдагдалтай ажиллаж байна. Хүмүүс биднийг замбараагүй ашиг олдог гэж бодоод байх шиг байна. Үгүй шүү дээ. Дунджаар 500-600 мянга, хамгийн дээд талдаа 1 сая төгрөгийн ашиг олдог. Одоо бол бүгдийг нь л алдагдалтай борлуулж байна. Харин наашаа Монгол руу орж ирэх хугацаа нь урт болсон юм шиг санагдсан. Захын зүгээс өнгөрсөн гурав болон дөрөвдүгээр саруудад түрээсийн төлбөрөөс 30 хувь хөнгөлсөн. Тэрэнд нь бол баярлаж байгаа шүү.


Та бүхний харж байгаачлан автомашины бизнес эрхлэгчид санхүүгийн хямралд орж, худалдан авагчдын эрэлт хэрэгцээ багасчээ. Энгийн өдрүүдэд л гэхэд хэдэн зуун хүн үйлчлүүлдэг Да хүрээ зах дээр одоо бол бизнес эрхлэгчид болон үйлчилгээний ажилтнуудаас өөр хүн харагдахгүй байлаа. Бизнес эрхлэгчид хамтдаа цугларан өдрийг барж, зарим нэгэн нь "удахгүй үйлчлүүлэгч ирж л таараа" гэсэн найдлага тээсээр автомашина өнгөлөн зогсч энэ хүнд хэцүү цаг хурдан дуусахыг хүсч байгаа нь илхэн харагдана. “Да хүрээ зах”-ын зүгээс ч бизнес эрхлэгчдээ дэмжиж өнгөрсөн хоёр сарынх нь түрээсийн төлбөрөөс 30 хувь хөнгөлж, эрүүл аюулгүй орчноор хангаж өдөр бүр ариутгал хийж буй тухай тус захын удирдлагууд ярьсан юм.

Да хүрээ захын ахлах менежер Ч.Чимэдцэрэн :

-Covid-19 цар тахлын эсрэг манай худалдааны төвөөс урьдчилан сэргийлсэн арга хэмжээнүүдийг шат дараалалтай авч байна. Эхний ээлжинд бизнес эрхлэгчдээ дэмжих зорилгоор өнгөрөгч гурав болон дөрөвдүгээр сарын түрээсийн төлбөрөөс 30 хувь хөнгөлсөн. Үүнээс гадна бизнес эрхлэгчдийнхээ аюулгүй байдлыг ханган 1000 маскыг бүхий л бизнес эрхлэгчдэдээ тараасан байгаа. Мөн УОК-т байгууллагынхаа зүгээс 30 сая төгрөгийг хандив болгон өгсөн.


Да хүрээ захын дотоод хяналт шалгалт, хөдөлмөрийн аюулгүй байдал, эрүүл ахуй хариуцсан менежер Б.Одонтуяа:

-Ариутгал халдваргүйжүүлэлтийг хуваарийн дагуу зам талбайн үйлчлэгчид өдөр болгон хийж байгаа. Энэ бүгдийг бүртгэх хүснэгттэй. Хоёр цаг тутам ариутгал халдваргүйжүүлэлтээ хийгээд явдаг. Харин их цэвэрлэгээг үйлчилгээний байрын дотор болон гадна гээд долоон хоногтоо гурван хийдэг тогтмол хийдэг. Захын үүдэн дээр байцаагчид маань нэвтэрч буй хүмүүсийн халууныг тогтмол шалгаж, гарыг нь ариутгаад, амны хаалттай хүмүүсийг нэвтрүүлж байгаа. Бизнес эрхлэгчдийн амны хаалтыг зүүлгэх шаардлага тавьж, ариутгалын гэрээт компани маань 14 хоног тутам ирж ариутгал, халдваргүйжүүлэлт хийж байгаа. Мөн энэ тавдугаар сард компанийн зүгээс захынхаа бүхий л худалдаа үйлчилгээний байруудаа болон бизнес эрхлэгчдийнхээ зам талбай, байруудыг ариутгах болно.

Худалдан авагч өдрийн од шиг болсон энэ газар зах хэмээх тодотголтой хөл хөдөлгөөн, чимээ шуугиан гээд юу ч байсангүй. Хаа нэгтээ "яриад  аваарай" хэмээн худалдан авагчаа дуудах сонсогдоно.

Ер нь дан ганц техникийн захууд ч гэлтгүй өргөн хэрэглээний бараа бүтээгдэхүүний томоохон зах, худалдааны төвүүд дээр худалдан авагчид багасч, иргэдийн худалдан авах чадвар эрс муудсан гэдгийг худалдаачид ам уралдан хэлж байлаа. Дэлхий нийтээрээ өвдөг сөхөрч байгаа цар тахлын үе хурдан дуусч, амьдрал хэвийн үргэлжлэх хугацаа тодорхойгүй. Тиймээс энэ нөхцөл байдал удаан үргэлжилбэл бараа, бүтээгдэхүүний худалдаачид хамгийн түрүүнд хохирол амсах нь гэдгийг Да хүрээгийн худалдаачид онцолж байлаа.

Энэ мэдээнд өгөх таны сэтгэгдэл?
5
ХахаХаха
4
ТэнэглэлТэнэглэл
4
БурууБуруу
2
ГайхмаарГайхмаар
1
ЗөвЗөв
1
ХарамсалтайХарамсалтай
0
ХөөрхөнХөөрхөн
Баярлалаа!

Холбоотой мэдээ

35 сэтгэгдэл

News.mn сайтад сэтгэгдэл оруулахад анхаарах зүйлс

Avatar

харамсалтай 2020-05-06 64.119.17.215

ТАТВАРынхан захуудыг НӨАТ өгдөг болгооч. БАРИЛГЫН зах гэхэд ердөө НӨАТ өгөхгүй. ТАТВАРн байцаагч нард АВЛИГА өгдөг учраас тэд НӨАТ өгөхийг шаардахгүзй байна

Avatar

Зочин 2020-05-06 46.232.249.138

))))))) Эротик клубэд тавтай морилно уу – https://tinyurl.com/y9mh59ld

Avatar

Hotoos nyylgee 2020-05-06 192.82.77.9

Hohi ni dee naizuud mini,yaponios orj irsen mashiniihaa duguin booltuudiig ni hyrtel soliod zardag bolohoor chini bas osol avart orson mashin avchraad zasch selbeed huurch zardag bolohoor chini yneheer zevyy hyreed ta nar ruu zyglehee bolisoon,lizingdej bgaad ch hamaagyi 00 gyilttei setgeld sevgyi mashin avch unasan ni deer ee! Daanch muuhai hulhi huuramch ajil hiideg uls bna lee chenjyyd ta nar! Da hyreeg hotoos gargaa

Avatar

gerlee 2020-05-06 59.153.85.88

тэртэй тэргүй ханасан зах зээл болой.бушуухан да хүрээг нүүлгэх хэрэгтэй шү.Муу ченжүүд тэр хотын захад очиж үглэг.

Avatar

irgen 2020-05-06 119.104.46.68

Ed nar Er ni Ulsad TATWAR TULJ uzsenuu shunaltai Durakuud

Avatar

Бүр зогсоно 2020-05-06 66.181.189.22

Худалдан авах чадвар "0" заана

Avatar

Зочин 2020-05-06 203.91.119.42

Irgediin hudaldan avalt buursan bn

Avatar

123456 2020-05-06 49.0.212.62

Ямбий хог сэг нь татраг

Avatar

Зочин 2020-05-06 182.160.32.138

Ченжүүд Японы хогоос 150,000 – 200,000 км гүйлтэй үнэгүй хаягдал түүж авч ирээд өндөр үнээр зардаг ашиг бол нуга шд. Бусад улсын ченжүүд 100,000 км гүйлттэй машинийг авдаггүй улс нь хилээрээ оруулахгүй ! Монгол бол хогийн сав

Avatar

Зочин 2020-05-06 202.21.108.240

Chimedehguibhoo

Avatar

Зочин 2020-05-06 202.72.245.122

22-ИЙН ТОВЧООН АВТО ЗАХ ИХ ЗҮГЭЭР ЮМ БИЛЭЭ

Avatar

ard 2020-05-06 202.126.89.42

yag 1 mashinaas 500k ashig oldog goj bvv hutsaaach shunaluuudaaa

Avatar

Зочин 2020-05-06 66.181.161.79

3 жилийн өмнө Toyota Townace машин Японы аукционоос өөрөө худалдаж аваад оруулж ирэхэд бүх зардал нь ороод 6 сая төгрөг болж байсан. Гэтэл яг тэр үед манай техникийн зах дээр ижил үзүүлэлттэй Toyota Townace 11-12 сая төгрөг гээд зогсож байсан шүү!!! Түүнээс хойш ченжээс машин авах хэрэггүй юм байна гэж ойлгосон!

Avatar

Зочин 2020-05-06 192.82.70.142

Да хүрээ захыг хаавал таарна. Авто худалдааны цогцолбор л байхад болоо шүү дээ. Машины ченжүүд хэт олон байна. Цөөлөх хэрэгтэй угаасаа машин авах хүмүүс нь хэд билээ.

Avatar

zochin 2020-05-06 77.111.247.66

hutsdaqg haltaruud we.ulsad 1 ch togrognii tatwar toldgui bj yun yasan hongololt we.tengert tusan une heleel zogsoj bdag shude.ed nariin niigemd hiisen ym gej yuch bhgui.jinhene shulaanii gazar.bolj hulhi ni jaahan buug.odoo mashinii une oshoo hyndarnuu gehees law l osohgui.

Avatar

Машин яршиг л бна 2020-05-06 64.119.18.206

Машин бол яршиг л бна. Идэж уух зүйлээ л авч байвал боллоо

Avatar

zochin 2020-05-06 59.153.113.144

Dandaa tsulaaj baidag yum gej haana baidag yum. Baga zereg l buursan yum bn lee shdee.

Avatar

Зочин 2020-05-06 202.9.40.161

Баар машины худалдаа энэтэр бол цаашаа. Төмөр хаягдлын үүр болголоо.

Avatar

Зочин 2020-05-06 43.242.243.63

Yur ni bol engiin uyed ch mashin gelgui amidarch bolno shd ee. Niitiin teevertee suugaad l amidrahad asuudal uuseheergui hun UB-t zunduu baigaa. Bid l het tsamaanda hun bur mashin unah geed. Mungugui baij shuu

Avatar

Иргэн 2020-05-06 202.126.89.48

Талх давс гурил будаагаа яая гэж байхд

Avatar

Иргэн 2020-05-06 202.21.127.168

бАРААГАА ЗАРАХА ГЭЖ БАЖ ИХ ЗАН ГАРГААД БАЙДАГ ХҮМҮҮСИЙГ ЕРӨӨСӨӨ Ч ОЙЛГОХГҮЙ ЮМ, ХЭ ХЭ ӨВЧИН Л ЮМ БАЙЛГҮЙ ДЭЭ

Avatar

Зочин 2020-05-06 202.9.40.20

Хэдэн даварсан чэнжүүд хямраал биз эднээс илүү хямарсан улс орон ард иргэдэд илүү хэрэгтэй зөндөө л салбар байна. Бас даварсан биднийг харж үзээч гэчихэж ээ. Чэнжийг дэмжиснээс үйлдвэрлэгчидээ дэмжсэн дээр биз дээ…

Avatar

Зочин 2020-05-06 202.21.104.2

Үнэн шүү. Саяхан машин сонирхоод үнийг нь асуухад маш их өндөр үнэтэй, бүр үнийг нь нэмчихсэн юм уу гэмээр, тэгэхээр чинь хэн авах вэ дээ. Худлаа ярьцгаагаад байх юмаа. Үнийг нь буулгаж байгаа юм ердөө ч байхгүй. Тэгээд төрөөс тэтгэлэг,тэтгэмж, хөнгөлөлт, чөлөөлөлт гэж яриад байх юм. Мэргэжлийн хяналт, Шударга өрсөлдөөний газраас ч юм уу шалгалт хийж өгвөл их сайн байна.

Avatar

хотын иргэн 2020-05-06 64.119.22.79

Да хүрээг хаах хэрэгтэй. 22-ын 1000 машины зогсоол их аятайхан болсон байна лээ. Хүн машин худалдан авахаар ихээр бодход 5 жилд л нэг явна биз дээ. Хол байхдаа гэмгүй

Avatar

Зочин 2020-05-06 139.5.219.174

Худлаа ярихаа боль үнээ хямдруул

Avatar

Da huree 2020-05-06 98.253.30.34

Da hureeg haah heregtei. Ter haviin horsnii bohirdol aimaar bolson. Ter havid mashin zasdag sain duriin uran saihanchid 1991 onoos hoish l mashinaas gardag bvhii l shingen tos tosloh bvteegdhuuniug zugeer ter havidaa esvel jalgand il zadgai asgadag. Ymar ch zohitsuulalt bvhgui. Ene bol undsendee eco terrorism.

Avatar

Харарар 2020-05-06 202.126.89.219

Машины наймаачид хэзээ ч үнэнээ ярьдаггүй юмштээ

Avatar

Улаан 2020-05-06 66.181.188.146

Хогийн наймаачид худлаа гэж жигтэйхэн

Avatar

Х.Батсайхан иргэн 2020-05-06 202.21.110.94

дээр үед Улаанбаатар хотын хүмүүс дэлгүүрээс машин худалдаж авдаг байсан тэгвэл одооноос энэ аргаар машин худалдаж авбал яасан юм. машин зардаг дэлгүүр нээе л дээ тэгвэл зах хэрэггүй татвар төгөгчийн тоо нэмэгдэнэ шүү дээ. үүнийг их хуралд гарах гээд байга эрхэмүүд анхаарч үзээрэй. Техникийн талын элдэь асуудал гарахгүй хуучин шинэ гэх ялгаа үгүй болно. Яагаад гэвэл хилээр шинэ машин л оруулдаг болно хуучин тэрэг оруулахгүй болно. Харин нийслэл хотод маань тээврийн ослын тоо эрс буурна

Avatar

Зочин 2020-05-06 64.119.22.25

Таван богд, Мөнххада, Моннис, МСМ гээд зөндөө дэлгүүр байгаа ш дээ

Avatar

Зочин 2020-05-06 202.21.110.94

Захын автомашины наймаачид худлаа ярихаа болооч ээ түрээсийг 30% хөнгөлсөн ч та нар машины үнэ ээ нэмсэн хэвээрээ байгаа ихэнх хүмүүс пүрус машин сонирхож авдаг харин та нар түүн дээр тоглолт хийж үнэ ээ 6 сая-аар нэмсэн байгаа юун алдагдал амь тээх яриад байгаа бэ? битгий худлаа ярь одоо боль доо мөнгө хүүлэгч нараа амин нь тасрах гэж байгаа хүмүүс эмзэг давхарагын хотын захын амжиргааны түвшин доогуур иргэд л байгаа 500-гаас 600 мянгын ашиг 1 машинаас олдог бол ард түмнийг шуулдаг гарууд ..

Avatar

Зочин 2020-05-06 202.131.238.98

ТАТВАР ТӨЛДӨГГҮЙ ЮМ БАЙЖ АМАНДАА ОРСОН ҮНЭ ХЭЛНЭ л******д

Avatar

Иргэн 2020-05-06 150.129.141.230

Dandaa hudlaa … sayahan ochson ih zan gargaad tsaashaa haraad bugsuu haruulaad tomrood tamhi tatataad baisan dag ednii hudulmur gej yu baisan um yamarch nemuu urtug shingeegui bas deer uursduu hiichihsen um shig ih zantai … .

Avatar

Зочин 2020-05-06 66.181.167.61

Сохор зоосны татвар төлөхгүй байж төр засгаас тусламж хүсэж байна гэж ш аах юмаа

Avatar

Зочин 2020-05-06 192.82.68.239

татвараа сайн төлвөл орлого чинь нэмэгдэнэ

NewsMN Гар утасны хувилбар Татах
NEWS.mn

Мэдээллийн эх сурвалж