Монгол улсын ууган Гавьяат дасгалжуулагч Анжийн Доржсүрэн агсны нэрэмжит өсвөрийн улсын аварга шалгаруулах волейболын тэмцээн 11-р сарын 2-6-ны өдрүүдэд Говьсүмбэр аймагт амжилттай зохион байгуулагдаж өндөрлөлөө. Тэмцээнд охидын 39, хөвгүүдийн 36 нийт 75 багийн өсвөрийн тамирчид өрсөлдлөө.

Тэмцээний дүнг танилцуулья:

Хөвгүүд:

Алтан медаль: Ж.Мөнхбаяр дасгалжуулагчтай, Б.Ган-Эрдэнэ ахлагчтай Сэлэнгэ аймгийн баг.

Мөнгөн медаль: Х.Ренцэндорж дасгалжуулагчтай, Г.Мөнх-Эрдэнэ ахлагчтай Өмнөговь аймаг.

Хүрэл медаль: Л.Амарболд дасгалжуулагчтай, Д.Нямдагва ахлагчтай Хөвсгөл аймаг ЭДЦСургууль,

Охид:

Хүрэл медаль: Э.Мөнхбат дасгалжуулагчтай, Г.Саранчимэг ахлагчтай Баянхонгор аймаг БТСГ.

Мөнгөн медаль: М.Нарантуяа дасгалжуулагчтай, Н.Номин ахлагчтай Дорнод аймаг БТСГ.

Алтан медаль: Т.Отгоншагай эзэнтэй, МУГД Л.Цэдэнсодном ахлах дасгалжуудагчтай, Б.Баярмаа туслах дасгалжуулагчтай, С.Будсүрэн ахлагчтай Говьсүмбэр аймаг ЦТС.

Тэмцээний шилдгүүд:

Тэмцээний шилдгүүдээр "Шилдэг хамгаалан тоглогч"-оор Баянхонгор аймгийн тамирчин Г.Саранчимэг, Сэлэнгэ аймгийн тамирчин С.Лхагвасүрэн.

"Шилдэг давуулагч"-аар Дундговь аймгийн тамирчин н.Сумъяасүрэн, Говьсүмбэр аймгийн тамирчин Б.Бадрангуй.

"Шилдэг холбогч"-оор Говьсүмбэр аймгийн тамирчин Б.Соёлмаа, Хөвсгөл аймгийн тамирчин Д.Нямдагва.

"Шилдэг довтлогч"-оор Говьсүмбэр аймгийн тамирчин С.Будсүрэн, Сэлэнгэ аймгийн тамирчин А.Алтангэрэл.

"Шилдэг тэгш тоглогч"-оор Дорнод аймгийн тамирчин Н.Номин, Өмнөговь аймгийн тамирчин У.Пүрэвтулга.

"Шилдэг дасгалжуулагч"-аар Говьсүмбэр аймгийн дасгалжуулагч Б.Баярмаа, Сэлэнгэ аймгийн дасгалжуулагч Ж.Мөнхбаяр.

"Шилдэг шүүгч"ээр улсын шүүгч Д.Батмагнай нар тус тус шалгарлаа.

ГСА-ийн БТСГ-ын дарга МУГД Л.Цэдэнсодном А.Доржсүрэн агсны гэр бүлд болон ГСА-ийн ЗДТГ-т тэмцээний дурсгалын медаль гардуулж мөн МУГД А.Доржсүрэн агсны нэрэмжит "ДООЁОО БАГШ" сан МВХ-той хамтран "Оны шилдэг дасгалжуулагч"-ыг жил бүр тодруулан шагнадаг уламжлалтай билээ. 2015 оны өсвөр үе, идэрчүүдийн улсын аварга шалгаруулах тэмцээнүүдээс 2 алт, 1 мөнгө, 1 хүрэл авсан амжилтаар Сэлэнгэ аймгийн дасгалжуулагч Ж.Мөнхбаяр шалгарлаа. Мөн Сима клубын нэрэмжит өсөх ирээдүйтэй тамирчинаар Сэлэнгэ аймгийн тамирчин С.Оргил, Дорнод аймгийн тамирчин Н.Номин нар шалгарлаа.