УБТЗ насжилт өндөр вагонуудаар даац хэтэрсэн их ачааг зөөж байна | News.MN

УБТЗ насжилт өндөр вагонуудаар даац хэтэрсэн их ачааг зөөж байна

УБТЗ насжилт өндөр вагонуудаар даац хэтэрсэн их ачааг зөөж байна

УБТЗ насжилт өндөр вагонуудаар даац хэтэрсэн их ачааг зөөж байна

Монгол Улсын ачаа эргэлтийн 70 орчим хувийг дангаараа эзэлдэг УБТЗ-ын тээврийн хэмжээ хурдацтай өсөн нэмэгдэж ачааллаа даахгүй нөхцөл байдал үүсээд байгаа юм. Замын тээх нэвтрүүлэх хүчин чадал 25 сая.тн гэтэл 2019 онд 28.2 сая.тн ачаа тээсэн. Энэ нь нийт захиалгынхаа дөнгөж  70 хувийг л биелүүлжээ. Цаана нь үлдэж буй 30 хувиас хамгийн багадаа 80 орчим тэрбум төгрөгийн тээврийн орлого олох боломж байсан ч зүтгүүр, вагоны хүрэлцээ дутмагаас шалтгаалж 30 сая тонн ачаа тээвэрлэх боломжоо алдсан гэсэн үг.

Энэ онд гэхэд коронавирусийн  цар тахлаас үүдэн өнгөрсөн нэг, хоёрдугаар саруудад дамжин өнгөрөх тээврийн хэмжээ буурсан боловч гуравдугаар сараас тээвэр сэргэж, энэ оны 1-р улиралд 7.1 сая.тн ачаа тээвэрлэсэн нь өнгөрсөн оны мөн үетэй харьцуулахад 10 хувиар өссөн үзүүлэлттэй байгааг албаныхан тодотголоо.

УБТЗ-ын тээврийн хүчин чадал хэр өндөр байна түүнээс хамаарч тус нийгэмлэгийн харьяа олон  улсын тээвэр зуучлалын төв бага зардлаар, хурдан шуурхай хэрэглэгчид хүргэх үйл ажиллагааг оновчтой зохион байгуулах  юм. Тус төв тээвэр зуучлал, гаалийн, авто тээврийн, агуулах талбайн, даатгалын гэсэн үндсэн дөрвөн төрөлд үйлчилгээ үзүүлдэг.

Санхүүгийн боломж, нөөцгүйгээс өсөн нэмэгдэж буй тээврийн эрэлт хэрэгцээг хангах техникийн шинэчлэл УБТЗ-д  хийгдэж чадахгүй ирсэн нь  олон улсын тээвэр зуучлалын төвийн үйл ажиллагаанд ч хүндрэл дагуулж буй. Хэдий тийм ч тус төв хагас цэргийн зохион байгуулалттай, хариуцлагатай, туршлагатай, хөдөлмөрийн сахилга бат хэвшсэн хамт олон тулдаа л  даац хэтэрсэн их ачаагаа хэл амгүй зөөж тээвэрлэж олон жилийн туршид өөрсдийгөө болгож амьдарч байна.

Хэрэв УБТЗ-ын бааз суурь, техникийн шинэчлэлтүүдийг сайжируулчихвал төмөр замын  ачаа тээврийн хэмжээ нэмэгдэж өрсөлдөх чадвар нь тэр хэрээр  өсөх юм. Одоо бол УБТЗ  байгаа хүчин чадлаасаа давсан их ачааллыг нуруун дээрээ үүрч явна. Ганц ашигтай ажилладаг транзит тээврийн орлогоороо бусад тээврийн алдагдлаа хааж, хуримтлалгүй явж ирсэн нь өнөөдөр төмөр замын харьяа байгууллагууд нь ч зах зээлийн зарчмаараа явж чадахгүй байгаа юм.

Энэ асуудлыг УБТЗ-ын олон улсын тээвэр зуучлалын төвийн дарга Д.Амарбаясгалангаас тодруулахад "Тээвэр зуучлал гэдэг бол тээврийг оновчтой маршрутаар, бага зардлаар, хурдан шуурхай хэрэглэгчид хүргэх үйл ажиллагааг оновчтой зохион байгуулах цогц шийдэл. Өөрөөр хэлбэл, барилгын архитехторч гэдэг шиг “Тээвэр зохион байгуулалт”-ын архитехторч юм. Энэ салбараа хөгжүүлэх  зайлшгүй шаардлагатай юм. Яагаад гэвэл манай улс түүхий эдийн орон учраас төмөр замын хөгжил маш сайн байх ёстой. Гэтэл нийт тээврийн 80 орчим хувийг эзэлдэг дотоодын тээврийн тариф нь алдагдалтай транзит тээврийн орлогоор алдагдлаа нөхөж нийгмийн бүх салбараа авч явдаг, вагон, зүтгүүрийн парк хуучирсан, насжилт өндөртэй, замын бүтэц нь муудсан, тусгай зориулалтын хөдлөх бүрэлдэхүүн болон чингэлгийн парк огт байхгүй гэх мэт олон хүндрэлүүд байна. Өсөн нэмэгдэж буй тээврийн хэрэгцээг оновчтой зохион байгуулахын тулд Эрээн-Замын-Үүдийн хилийн боомт ачааллаа дийлэхгүй байгаа тул галт тэрэг солилцоог саадгүй хийх шинээр хилийн гарцууд нээх шаардлагатай байгаа" гэв.

Сануулахад, УБТЗ-ын  Олон улсын тээвэр зуучлалын төв нь 1993 онд байгуулагдсан тээвэр логистикийн иж бүрэн цогц үйлчилгээг нийгэмд хүргэдэг логистикийн салбарын тэргүүлэгч анхдагч байгууллага юм. Тус төв нь 2017 онд 150 9001:2015 чанарын удирдлагын тогтолцоог байгууллагын үйл ажиллагаандаа нэвтрүүлж Их Британы олон улсын стандартын байгууллагын  сертификатаар баталгаажуулсан. Жил бүр явагддаг Их Британы стандартын В81 байгууллагын аудитын шалгалтад амжилттай тэнцэж үйл ажиллагаагаа тасралтгүй сайжруулсаар байгаа ч нөгөө талд төмөр замын тээх нэвтрүүлэх хүчин чадал сул тал нь болж байна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бэнроб 2020-05-01 202.179.27.43

Удирдах газар хавьд хадагдчихсан юм шиг байдаг хэдэн дарга нэртэй их зантай энэ мэтийн хүмүүсээсээ салаагүй цагт хөгжил яриад хэрэггүй. Одоо ачаа байхгүй сул зогсох дээрээ тулж байж юун захиалгаа гүйцэхгүй нтр вэ? Төмөр замтайгаа нийлж монополдоод ч бусад тээвэр зуучаас илүү гарч чаддаггүй чадавхигүй, дээрэмчин, шантаажчин IFFC ийн толгойлогч

Avatar

hahaha 2020-05-01 139.5.219.82

ene balai uuriiguu zahirch nedehgu avgaig zailuulaach

Avatar

Зочин 2020-05-01 107.77.173.20

1600-гаадхан км урттай дан замд 16.000 хүн ажиллахаар яаж өөдөлдөг юм.16 мянгын ихэнх хагас нь хэнд ч хэрэггүй хоолны савнужд,конторт үүрлэсэн хулгайч дээрэмчид байгаа шд

Avatar

Зочин 2020-05-01 103.212.119.123

Хоёр хөрш давхар вагоноор монголыг орхиод хол түрүүлэх цаг удахгүй

Avatar

Гоншигонох 2020-05-01 182.160.0.253

Компани юм бол парк шинэчлэлтээ, ажлаа өөрсдөө хий л дээ. Юунд байн байн гоншигонож харагдана вэ. Олон жил ашигтай л ажиллаа биз дээ?

Avatar

Зочин 2020-05-01 66.181.161.55

"Насжилт өндөр вагон" гэж хаанахын ямар гээч хэллэг вэ?? "Хуучин вагон", "Олон жил ашигласан вагон" гэж хэлж болдоггүй ю уу??? Улс үндэстнийг мөхөөе гэвэл эх хэлийг нь бузарлан эвдэх хэрэгтэй гэдэг шүү!!!

Avatar

Зочин 2020-05-01 66.181.189.74

Энэ авгай зайгаа тавь

Avatar

Зочин 2020-05-01 202.55.188.92

Бүх хэсэг нэгжид шахаа мэдрэгдэх боллоо энэ жилийн нүүрс хүртэл шавартайи шороотой илчгүй нүүрс ирэх юм манай энгийн төмөр замчид чадлаараа л ажиллаж байна

Avatar

Зочин 2020-05-01 103.26.193.124

Оросоос хараат, улс төрчдийн шахаасанд байдаг юм чинь яаж хөгжих вэ дээ,

Avatar

Зочин 2020-05-01 202.55.188.92

Дарваан хар Жигээ дарга 2 ынхоо шахааг боль

Avatar

Зочин 2020-05-01 202.55.188.92

Darga nariinhaa tansaglalaa bolij hiih yostoi zuildee munguu zartsu

Avatar

Zochin 2020-05-01 66.181.161.66

Orosoos haraat hedelj chadahgyu zovlon baidag biz, une tarifiig ny cheleelj egmeer yum, communistuud songuulid yalah gej ikh hicheej baina, ard tumnee yaduu bailgaj sanaliig ny avah chuhal, gantshan jishee gehed huuhded 10,000 tegreg yamaand 20,000 egch baigaagaas haragdaj baina, uneheer uur zevuu hurch heleh ch ug oldohgui baina

Avatar

зочин 2020-05-01 202.131.227.30

Америкчууд туслая төмөр зам барьж өгөе вагон авч өгөеө гэхэд Орос Якунин гэж нөхөр хэрэггүй гээд л болиулсан одоо тэр нөхрөөс асуух хэрэгтэй

Avatar

Болд 2020-05-01 192.82.70.54

"Дарваан хар" баахан хуучин вагон шахсан гэж сонссон юм байна…

Avatar

Зочин ц 2020-05-01 66.181.161.110

АНУ, Орос, Хятад, Энэтхэг, Канад, Австрали зэрэг том газар нутагтай, төмөр замын сүлжээ сайн хөгжсөн улсуудтай харьцуулахад манай төмөр замын хөгжил аль хавьцаа нь явдаг юм бол.

NewsMN Гар утасны хувилбар Татах
NEWS.mn

Мэдээллийн эх сурвалж