Covid-19: ОХУ-ын Ерөнхий сайд Михаил Мишустин халдвар авчээ | News.MN

Covid-19: ОХУ-ын Ерөнхий сайд Михаил Мишустин халдвар авчээ

COVID-19

Covid-19: ОХУ-ын Ерөнхий сайд Михаил Мишустин халдвар авчээ

Covid-19: ОХУ-ын Ерөнхий сайд Михаил Мишустин халдвар авчээ

ОХУ-ын Ерөнхий сайд Михаил Мишустин шинэ коронавирусийн халдвар авчээ. Тэрбээр энэ тухайгаа Ерөнхийлөгч Владимир Путинтэй цахимаар холбогдох үедээ мэдэгдсэн байна. Одоогоор Михаил Мишустин өөрийгөө тусгаарлажээ.

Ерөнхийлөгч Владимир Путин түүнийг хурдан эдгэхийг хүсээд, Засгийн газрын ажлыг нэгдүгээр шадар сайд Андрей Белоусов түр орлон гүйцэтгэх тушаал буулгав.

ОХУ-ын төр засгийн тэргүүн нарын дунд Михаил Мишустин коронавирусийн халдвар авсан анхны тохиолдол биш. Өнгөрсөн Бямба гаригт төрийн ДУМ дахь КПРФ намын төлөөлөгч Дмитрий Новиков, Леонид Калашников нар мөн адил халдвартай болох нь тогтоогдсон юм.

Калашниковын хувьд өндөр халуунтай байгаа бол Новиков одоогоор халуунгүй байна. Тэд эмнэлэгт эмчлүүлж байгаа бөгөөд жолооч нараасаа коронавирусийн халдвар авсан хэмээн мэдүүлжээ.

Интерфакс агентлагийн мэдээлж буйгаар, Төрийн ДУМ-ын дөрвөн жолооч коронавирусийн халдвартай болох нь тогтоогдож, эмнэлэгт эмчлүүлж байна.

Гуравдугаар сарын сүүл, дөрөвдүгээр сарын дунд үед Төрийн ДУМ-ийн бүхий л ажилтан, албан тушаалтнуудад коронавирусийн шинжилгээ хийхэд, ганц ч тохиолдол илрээгүй аж. Харин дөрөвдүгээр сарын эхээр Нийслэлийн ДУМ-д коронавирусийн халдвар илэрч, хэд хэдэн албан тушаалтнууд вирусийн халдвар авсан болох нь тогтоогдож, улмаар дөрөвдүгээр сарын 18-нд 63 настай нийслэл Москва хотын ДУМ-ын гишүүн Иван Жуков covid-19-ийн улмаас нас баржээ.

Харин гуравдугаар сарын сүүлд ОХУ-ын Ерөнхийлөгчийн Тамгийн газарт хоёр тохиолдол илэрсэн. Тухайн үед Ерөнхийлөгчин хэвлэлийн төлөөлөгч Дмитрий Песков хэлэхдээ Путинтэй уулзахын өмнө коронавирусийн шинжилгээ өгөх шаардлагатай тавьж, түүнээс зай барихыг анхааруулсан билээ.

ОХУ-д 24 цагийн хугацаанд 7099 шинэ тохиолдол бүртгэгдэж, 101 хүн нэмж нас баржээ. Тус улсад Covid-19-ийн нийт тохиолдол 106 мянга 498-д хүрч, 1073 хүн хорвоог орхиж, 11 мянга 619 хүн эдгэжээ.

Эх сурвалж: BBC

Энэ мэдээнд өгөх таны сэтгэгдэл?
12
ХарамсалтайХарамсалтай
6
ЗөвЗөв
4
ХахаХаха
1
ГайхмаарГайхмаар
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

123456 2020-05-01 49.0.212.62

Ха ха ха, маскаа зүүхгүй бол тэгдийм даа тэгдийм

Avatar

zochin 2020-05-01 202.126.89.60

Yuvropiin heneggui tomchuudiig duuraij maskgui l haragdaad baisan.Ovchin darga tsereg gej yalgahgui.Orosuud mini maskaa sain zuu.l dee.Yund naidna be

Avatar

Зочин 2020-05-01 122.201.24.73

Хэхэ путин таалагдахгуй болохоор зайлуулах арга олжээ!

Avatar

зочин 2020-05-01 182.160.32.155

наад сэтгэцээ эмчид үзүүл, эрүүл биш байна, юм болгоныг улс төржүүлнэ

Avatar

Зочин 2020-05-01 64.119.27.99

Байгалийн өмнө хүн юу ч биш.

Avatar

Oh 2020-05-01 139.5.217.10

Oros ih guren yyl ni huchtei yumsan, Corona-iin omno huch mohostoj bna shu…. Oros ylsad amidarch, syrch bga , mongol irged maskaa zuuj anhaaral bolgoomjtoi baih heregetei bna.

NewsMN Гар утасны хувилбар Татах
NEWS.mn

Мэдээллийн эх сурвалж