Тахлын дараа аюулгүй нисэхийн тулд онгоцны суудлуудыг өөрчилж магадгүй | News.MN

Тахлын дараа аюулгүй нисэхийн тулд онгоцны суудлуудыг өөрчилж магадгүй

Тахлын дараа аюулгүй нисэхийн тулд онгоцны суудлуудыг өөрчилж магадгүй

Тахлын дараа аюулгүй нисэхийн тулд онгоцны суудлуудыг өөрчилж магадгүй

Дэлхийн олон оронд дэгдээд буй цар тахал ирээдүйн аяллын хэлбэрийг маш олон талаар өөрчлөх нь гарцаагүй болоод байна. Ялангуяа олон зуун танихгүй хүн нэг бүхээгт сууж нисдэг агаарын тээврийн салбар үүнд хамгийн их санаа зовж байгаа билээ.

Хэчнээн нисэх онгоцны бүхээгийг нэг бүрчлэн цэвэрлэж халдваргүйжүүлэх, нисэх онгоцны буудал дээр бусдаас болгоомжлох, нислэгийн үед хэрхэн аюулгүй байдлаа хангах зэрэг эмч, мэргэжилтнүүдийн зөвлөгөө гарсан ч агаарын тээврээр үйлчлүүлэх хүмүүсийн тоо эргээд хэвэндээ ороход хэдэн жил шаардлагатай хэмээн компаниуд үзэж байгаа.

Хүмүүсийн хамгийн их айж, болгоомжилж байгаа зүйл бол онгоцны бүхээг доторх олон танихгүй хүнээс аливаа өвчний халдвар авах юм. Тиймдээ ч хүмүүс ойрын хэдэн жилдээ онгоцонд суухаас айсаар байх бололтой. Зарим хүмүүс онгоцны голын суудлуудад зорчигч авахгүй байх нь үр дүнтэй байж магадгүй хэмээн үзэж байна.

Гэтэл Италийн нэгэн компани нисэх онгоцны бүхээгт хэрхэн аюулгүй зорчих тухай хачирхалтай арга олжээ. Зөөврийн сандал үйлдвэрлэдгээрээ алдартай Авиаинтерьерс компани өмнө нь онгоцны бүхээгт хэрхэн аль болох олон суудал багтаах вэ хэмээн ажилладаг байсан бол өдгөө онгоцны бүхээгт хэрхэн суудлуудыг тусгаарлах вэ хэмээн бодох болсон аж.

Тэд ийнхүү бодсоор хоёр сонирхолтой шийдэл олжээ. Эхнийх нь шилэн тусгаарлагчтай суудал. Энэ загвар нь онгоц бүрэн хүчин чадал, багтаамжаараа ажиллахын хажуугаар толгойн хэсэгт байрласан шилэн тусгаарлагчуудын тусламжтайгаар хүмүүс хоорондоо халдвар дамжуулах эрсдэлийг багасгах зорилготой гэнэ. Мөн компаниуд заавал бүтэн суудлыг биш ердөө шилэн тусгаарлагчийг худалдан авч онгоцныхоо одоо байгаа суудалд тавих боломжтой ажээ.

Харин өөр нэг санаа бол голын суудлыг арагш нь харуулах юм. Ингэснээр гурван суудал бүгд хоорондоо тусгаарлагдахаас гадна зай хэмнэх боломжтой аж. Түүнээс гадна энэ санааг хэрэгжүүлснээр аюулгүй байдал хангагдахаас гадна зорчигч бүрт хувийн орон зай бүрдүүлэх давхар ашигтай гэнэ.

Эх сурвалж: BUSINESS INSIDER

Энэ мэдээнд өгөх таны сэтгэгдэл?
4
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Билетний унэ ч есех нь дээ 2020-04-30 202.126.89.222

Суудлуудыг цеелж тусгаарлана гэдэг чинь тэр хэрээр билетний унэ есех нь тодорхой

Avatar

Зочин 2020-04-30 202.9.46.112

өсөх нь зөв чадах нь аялаг захын нэг гуйлгачин дэвэн дэлхийгээр хэсч бузарлахаа болиг

Avatar

Зочин 2020-04-30 66.181.161.4

Номтой тайвшир

NewsMN Гар утасны хувилбар Татах
NEWS.mn

Мэдээллийн эх сурвалж