50 ортой хүүхдийн эмнэлгийн шав тавилаа | News.MN

50 ортой хүүхдийн эмнэлгийн шав тавилаа

50 ортой хүүхдийн эмнэлгийн шав тавилаа

50 ортой хүүхдийн эмнэлгийн шав тавилаа

Улсын хоёрдугаар төв эмнэлгийн 50 ортой хүүхдийн эмнэлгийн шав тавих ёслолын үйл ажиллагаа өнөөдөр /2020.04.30/ боллоо. Уг арга хэмжээнд Эрүүл мэндийн Сайд Д.Сарангэрэл, БНХАУ-аас Монгол улсад суугаа элчин сайд Цай Вэньруй, БСШУС-ийн дэд сайд Г.Ганбаяр болон холбогдох албаны хүмүүс оролцлоо.

Улсын хүүхдийн төв эмнэлэг нь насанд хүрэгчид төдийгүй хүүхэд багачуудын эрүүл мэндийн төлөө ажилласаар ирсэн түүхэн уламжлалтай билээ. 1965 онд анх 50 ортой Хүүхдийн эмнэлэг байгуулж өдгөөг хүртэл тасралтгүй үйл ажиллагаагаа явуулсаар байгаа цөөхөн төв эмнэлгүүдийн нэг юм.

1990 оноос 12 ортойгоор тус эмнэлэг үйл ажиллагаа явуулж ирсэн ч, эмнэлгээ өргөтгөх, хүрээг нь нэмэгдүүлэх хүсэлтийг дээд шатны байгууллагууддаа уламжлан ирсэн. Энэхүү зорилго хэрэгжин БНХАУ-н Энхтайван хөгжлийн сан мөн Хангарьд хөгжлийн төв ТББ, ЭМЯ дэмжиж, буцалтгүй хандив тусламжаар 50 ортой хүүхдийн иж бүрэн эмнэлэг барих ажил эхэлж байна. Эмнэлгийг энэ оны 9 сарын 1 гэхэд багтаан ашиглалтанд оруулахаар төлөвлөжээ. Үйл ажиллагаа нь энэ намар эхэлснээр хотын зүүн талын дүүргүүдэд амьдарч байгаа 150000 гаруй хүүхдүүдэд тусламж үзүүлдэг дүүргийн эмнэлгүүдийн ачаалал 20% -р буурах юм. Амбулаторийн нарийн мэргэжлийн үзлэг, яаралтай тусламж, хэвтэн эмчлүүлэх, эрчимт эмчилгээ, товлолын дархлаажуулалт, нярайн эргэлт хүүхдийн эрүүл мэндийн боловсрол зэрэг тусламж үйлчилгээг цогцоор нь чанартай үзүүлэх боломжтой болж байна. Жилдээ амбулаториор 18 мянга, хэвтэн эмчлэхээр 2 мянган хүүхэд хүлээн авах хүчин чадалтайгаар төлөвлөгдсөн хүүхдийн эмнэлэг ийнхүү шав тавьснаар барилгын ажил нь эхэллээ. Мөн УХТЭ-ийн ҮОЭТ-ийн тоног төхөөрөмжөөр оношилгоо хийлгэх давуу талтай юм.

Д.ГАНБҮЖИН

Энэ мэдээнд өгөх таны сэтгэгдэл?
5
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-30 202.9.46.185

Эмнэлгүүдийг тойроод модот цэцэрлэг байвал уг нь зөв байгаа юм. Харамсалтай нь манайхан байсныг нь устгаад битүү шамбааралдуулаад л нэмж бариад байх юм. 1, 2, 3-р эмнэлэг, Эх нялхас, Халдварт анх ямар байхаар төлөвлөгдөж байсан, одоо ямар байсныг харахаар нүд халтирна. Эмнэлгийн хажууд байр аваад хэрэггүй шүү, хүмүүс ээ

Avatar

Зочин 2020-04-30 103.80.210.183

шав тавьх яах бэ барьж байгаагаа гаргаач дээ. очоод боорцог булуулдуж бухуур буй ум

NewsMN Гар утасны хувилбар Татах
NEWS.mn

Мэдээллийн эх сурвалж