Ким Жон Ун хаана байгаа вэ? | News.MN

Ким Жон Ун хаана байгаа вэ?

Ким Жон Ун хаана байгаа вэ?

Ким Жон Ун хаана байгаа вэ?

Хойд Солонгосыг үндэслэгч Ким Ир Сений төрсөн өдрийг тэмдэглэх дөрөвдүгээр сарын 15-ны уламжлалт арга хэмжээнд удирдагч Ким Жон Ун оролцоогүй. Хойд Солонгосын төв телевизэд мэдээлснээр Ким Жон Ун сүүлд дөрөвдүгээр сарын 11-нд улс төрийн хорооны хуралд оролцжээ. Үүнээс хойш хоёр долоо хоногийн хугацаанд Ким Жон Уны эрүүл мэнд, хаана байгаа талаар янз бүрийн мэдээлэл цацагдаж, олон улсын удирдагчид ч маш их анхаарал тавьж байна. Гэхдээ хэн ч түүнийг хаана, ямар байдалд байгааг тодорхой мэдэж чадахгүй байна. Тухайлбал, АНУ-ын Ерөнхийлөгч Дональд Трамп өөрийн “найз” гэж нэрлэсэн Ким Жон Уны талаар хэд хэдэн удаа мэдэгдэл хийсэн юм. Тэрбээр “Ким Жон Ун хагалгаанд орсны дараа бие нь сайнгүй байгаа гэх мэдээлэлд итгэхгүй байгаа ч түүнд сайн сайхныг хүсч байна” гэснээр олны анхаарлыг татсан. Тэгвэл Дональд Трамп өчигдөр сэтгүүлчдэд хэлэхдээ “Ким Жон Ун яагаад сураг алдарсныг мэдэж байгаа. Гэхдээ та бүхэнтэй хуваалцаж чадахгүй. Түүнд сайныг л хүсч байна” хэмээжээ. Дональд Трамп үнэхээр Ким Жон Уны биеийн байдлыг мэдэж байгаа эсвэл олон нийтийн анхаарлыг татах оролдлого уу, гэдэг нь ойлгомжгүй. Трамп өнгөрсөн 2018 оноос хойш Ким Жон Унтай гурван удаа уулзаж, хоёр орны дайсагналыг нэлээд зөөлрүүлэн хоорондоо захидал солилцдог болсон юм.

Хойд Солонгост мэдээллийн урсгалыг нарийн хянаж, цөөн тооны гар утас хэрэглэгч иргэдийг хатуу хяналт дор байлгадаг. Тиймдээ ч дэлхий дээрх хамгийн хаагдмал орны төрийн тэргүүний мэдээлэл өндөр нууцлалттай тул Ким Жон Уны талаар мэдээллийг олж авна гэдэг амаргүй. Хөрш Өмнөд Солонгос улсын тагнуулын сүлжээ ч Ким Жон Уны эрүүл мэнд, хаана байгааг нарийн мэдэж чадахгүй байна. Ихэнх мэдээлэл цөөн тооны эх сурвалжийн таамаглал, сураг ажиг дээр үндэслэсэн байх аж. Өмнө нь Ким Жон Уны эцэг Ким Жон Иль нас барсан мэдээлэл хоёр хоногийн дараа анх Хойд Солонгосын төрийн мэдээллийн агентлагаар цацагдаж байжээ. Хойд Солонгосын хоёр дахь удирдагч Ким Жон Иль нь 2011 онд зүрхний шигдээсээр нас барсан билээ.

Сөүлд төвтэй Хойд Солонгосын мэдээ (Daily NK) вэбсайтад мэдээлснээр Ким Жон Ун нь эрүүл бус амьдралын хэв маяг, хорт зуршлынхаа улмаас зүрхний өвчнөөр өвдөж, мэс засалд орсон гэх мэдээллийг өөрийн эх сурвалждаа үндэслэн нийтэлсэн. Түүнчлэн Ким Жон Ун хагалгааны дараа биеийн байдал нь муу байгаа гэж мэдээлсэн юм. 36 настай Ким Жон Ун жингийн илүүдэлтэй, тамхи их татдаг, ажлын ачаалал ихтэй байдгаас шалтгаалан өвдсөн гэх таамаг байна. Эх сурвалжийн мэдээлснээр Ким Жон Ун дөрөвдүгээр сарын 12-нд зүрхний мэс засалд оржээ. Үүний зэрэгцээ Вашингтонд төвтэй 38-р өргөргийг ажиглах бүлгээс Ким Жон Уны галт тэрэг зүүн эргийн Уонсан хотод байгааг хиймэл дагуулын зургаар баталж, түүнийг тэнд амарч, эмчлүүлж байгаа гэх таамгийг дэвшүүлсэн юм. Харин Өмнөд Солонгосын талаас мэдээлснээр Ким Жон Ун харагдахгүй байгаа ч тус улстай хийж буй бизнес, харилцаа хэвийн үргэлжилж байгааг онцолсон. Мөн Өмнөд Солонгосын Нэгдлийн сайд Ким Ён Чул даваа гаригт Ким Жон Уны биеийн байдал сайн, эсэн мэнд байгаа гэх мэдээллийг хийсэн юм. Коммунист намын эрхлэн гаргадаг “Родон Синмун” сонинд энэ долоо хоногийн эхээр удирдагч Ким Жон Ун нь өөрийн байрлаж буй Уонсан хот дахь жуулчдад зориулсан байгууламжийг барьж буй ажилчдад талархлын захидал илгээснийг мэдээлжээ. Үүний зэрэгцээ сүүлийн хэд хоногт Хойд Солонгосын төрийн мэдээллийн агентлагаас удирдагч Ким Жон Ун Сири, Куба, Өмнөд Африкийн төрийн тэргүүн, Ерөнхийлөгч нарт мэндчилгээ дэвшүүлснийг мэдээлжээ. Гэхдээ эдгээр мэдээнүүд ямар нэгэн зураггүй цацагдсан нь хардлага төрүүлж байна.

Ким Жон Уны эрүүл мэнд бүс нутгийн аюулгүй, тогтвортой байдалд шууд нөлөө үзүүлэхийг олон улсын мэргэжилтнүүд онцолж, АНУ, Өмнөд Солонгос болон бусад орнуудыг тогтворгүй байдалд бэлтгэлтэй байхыг сануулжээ. Хэрэв Ким Жон Ун нас барвал албан ёсоор зарласан залгамжлагч байхгүй тул Хойд Солонгост улс төр, цэргийнхний хооронд сөргөлдөөн гарч, тогтворгүй байдал үүсэх эрсдэлтэй.

Ким Жон Уны талаар дараах таамгуудыг мэргэжилтнүүд дэвшүүлж байна:

1. Хагалгааны дараа тэнхэрч байгаа

Удирдагч Ким Жон Ун энэ дөрөвдүгээр сарын эхээр зүрхний мэс засалд орж, хэсэг хугацаанд эмнэлэгт хэвтэн тэнхэрч байгаа гэж “Daily NK” вэбсайт мэдээлсэн. Түүнийг Хойд Солонгосын нийслэл Пёньян хотын захад орших Хянгсан эрүүл мэндийн төвд эмчлүүлж байгаа гэж мэдээлсэн. Өмнөд Солонгосын Ерөнхийлөгч Мун Жэ Иний тусгай зөвлөх Мун Чун Ин хэлэхдээ “Ким Жон Ун эсэн мэнд байгаа. Тэрбээр дөрөвдүгээр сарын 13-аас хойш тэнгисийн эргийн Уонсан хотод байгаа” хэмээн мэдэгджээ.

2. Ким Жон Уны амь нас дээсэн дөрөөн дээр байгаа

Ким Жон Уныг хагалгаанд орсныг мэдээлснээс хэдэн цагийн дараа “CNN” агентлаг АНУ-ын тагнуулын эх сурвалжид тулгуурлан түүний амь эрсдэл орсон гэж мэдээлжээ. Түүнчлэн “Bloomberg News” сайтад Ким Жон Уны биеийн байдал тодорхойгүй байгаа ч амь нас нь дээсэн дөрөөн дээр байгаа бололтой гэж мэдээлсэн юм. Харин АНУ-ын Ерөнхийлөгч Дональд Трамп дээрх мэдээллүүдийг үгүйсгэсэн мэдэгдэл хийсэн. Гэтэл “Reuters” мэдээллийн агентлаг өнгөрсөн амралтын өдрөөр Хятадын Коммунист намын олон улсын харилцаа холбооны газрын албаныхан Пёньянд айлчилсныг мэдээлжээ. Айлчлалын бүрэлдэхүүнд Ким Жон Уны эрүүл мэндийн байдалд зөвлөх Хятадын эмнэлгийн мэргэжилтнүүд багтсаныг онцолсон юм. Харин Хятадын гадаад хэргийн яамнаас Пёньян руу коронавирусийг оношлоход зориулсан баг илгээсэн тэд нар эмнэлгийн мэргэжилтнүүдээс ялгаатай гэх тайлбар хийжээ. Өмнө нь 2008 онд Ким Жон Уны эцэг Ким Жон Иль тархинд цус харвах үед Хятад, Францын эмч нар эмчилгээнд оролцож байсныг хожим мэдээлсэн.

3.Өөрийгөө тусгаарласан

Хойд Солонгосын албаныхан тус улсад коронавирусийн цар тахал бүртгэгдээгүй гэж мэдээлж байгаа ч Хятадаас эмнэлгийн баг илгээсэн нь анхаарал татаж байна. Хятад улс нь коронавирусийн эсрэг мэргэшсэн эмч нарын багаа олон улсад илгээн тусламж үзүүлж буй. Сөүлд байрлаж буй АНУ-ын өндөр албан тушаалын генералын мэдээлснээр Хойд Солонгост олон мянган хүнийг тусгаарлаж, халдварын тохиолдол бүртгэгдсэн нь тодорхой гэж мэдээлжээ. Түүнчлэн Өмнөд Солонгосын “JoongAng Daily” сонинд мэдээлэхдээ Ким Жон Ун халдвараас сэргийлэн өөрийгөө тусгаарласан гэнэ. Хятад дахь эх сурвалжийн мэдээлснээр Ким Жон Уны бие хамгаалагчдын нэг нь коронавирусийн халдвар авсан нь тогтоогдсоноор тэрбээр өөрийгөө тусгаарлан ажиглаж байгаа гэнэ. Тиймээс Хятадын Коммунист намаас Пёньян руу 50 орчим хүний бүрэлдэхүүнтэй эмнэлгийн багаа илгээсэн аж.

4. Цэргийн сургуулилтын үеэр гэмтсэн

Ким Жон Уны эрэлд гарсан гадаадын эх сурвалжууд түүний хуягт галт тэрэг зүүн эргийн Уонсан хотод буудалласныг ажиглажээ. Тус хотод Кимийн гэр бүлийн амралтын орд байрладаг бөгөөд тогтмол пуужингийн туршилт явагддаг. Вашингтонд төвтэй 38-р өргөргийг ажиглах бүлгээс Ким Жон Уны галт тэрэг зүүн эргийн Уонсан хотод байгааг хиймэл дагуулын зургаар баталжээ. Нийслэл Пёньянаас 230 км зайтай орших Уонсан хотод дөрөвдүгээр сарын 14-нд пуужингийн туршилт, байлдааны хөлгийг оролцуулсан цэргийн сургуулилт болжээ. АНУ-д амьдарч буй дүрвэгч Ри Жон Хо гэгчийн мэдээлснээр Ким Жон Ун энэхүү сургуулилтын үеэр гэмтсэн байх магадлалтай гэнэ.

5. Анхаарал татах заль

Хоёр Солонгосын харилцааны асуудлыг хариуцдаг БНСУ-ын парламентын хорооны гишүүн Юн Сан Хёны тайлбарласнаар Ким Жон Уны гэнэт сураг тасарсан нь дэлхий дахины анхаарлыг татах заль байх магадлалтай гэнэ. Энэ нөхцөлд Ким Жон Ун түүний залгамжлагч болон хүчний тэмцлийн талаарх маргааныг тогтворжуулахын тулд ойрын өдрүүдэд дахин гарч ирнэ гэж тайлбарлажээ. Гэхдээ Ким Жон Ун өмнө нь 2014 онд хэсэг хугацаанд сураггүй болсныхоо дараа шагайн гэмтлээс болж бага зэрэг доголж байсан юм. Тэрбээр таягтай олон хоног явсан аж. Тиймээс зүгээр анхаарал татахын тулд сураггүй болсон гэх тайлбараас илүү эрүүл мэндийн шалтгаантай байх магадлал өндөр байна.

 

Энэ мэдээнд өгөх таны сэтгэгдэл?
5
ХахаХаха
3
ЗөвЗөв
2
ТэнэглэлТэнэглэл
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

k 2020-04-29 122.201.22.169

haana baidgiin tanai Elbegdorj shig haa neg gazar utsaa maajaad hor nairuulaad,ard tumnee yaj zovooh ve geed hevtej bgaa biz,copy-dson uim shig ijilhen 2 doo, 2-uulaa ih tom ambiztai,huzuugui,ailiin erh durak batsaan shig ..

Avatar

Зочин 2020-04-29 202.126.89.24

Маруужин идэж үзээгүй өлөн хүн төрийг барихаар уруудуулж таарна шүү дээ.

Avatar

Zochin 2020-04-29 202.21.107.95

Iim sodon 6 tsel zaluu udirdagch amid baig. !!!👌

Avatar

Зочин 2020-04-29 49.0.213.170

Диваажингийн оронд заларч байгаа

Avatar

Зочин 2020-04-29 149.205.250.155

коронавирусээс хамгаалах заль

Avatar

Зочин 2020-04-29 66.181.161.115

Солонгосчууд маш хөдөлмөрч мундаг ард түмэн, хайран улсыг ингэж зовоож байх гэж?!! Хойд Солонгосын энэ гайн эх үүсвэрийг СССР л тавьсан шүү дээ! 1950 хэдэн онд Солонгосыг хоёр хуваан хооронд нь байлдуулж, дараа нь Ким Ир Сен гэгч өөрийн тавиулыг засгийн эрхэнд гаргаж, дарангуйлагч коммунист дэглэм тогтоосны гай нь одоо хүртэл үргэлжилсээр!!! Хэрэв Солонгос 2 хуваагдаагүй бол Өмнөд шигээ өндөр хөгжилтэй маш хүчирхэг том улс байх байжээ!!!

Avatar

Зочин 2020-04-29 150.129.143.4

Социализм, Коммунизм олон улс оронд хар сүүдрээ тусгасан. Хүмүүсийн үзэл бодол бүх зүйлийг буруугаар эргүүлдэг. Одоо хөлөө олохгүй бруу замаар будаа тээгээд байгаа улсууд СССР-ийг дагагчид л байна. Манай Монгол үүний нэгэн адил Социализмыг хар тусгалаас салж чадаагүй төр засгийн болон хууль хүчний байгууллагуудын бүтэц нь яг хуучин хэвээрээ хамаг хөгжилд чөдөр тушаа болсон хэвээрээ л явж байна.

Avatar

Зочин 2020-04-29 202.126.89.93

Нийгмийн шинжлэх ухааны үнэрчгүй гарууд хамаг юмыг нэг юм руу зөв эсвэл буруу гээд үхэр шиг зүтгэчих юм аа. Тэгээд өмнөх нийгмээ үзэн ядаад эморчихно. Үмбүү минь бага мөөр. Мэддэг хэдэн үг нь СССР, коммунизм, соц, кап, либерал тэгээд дуусаа😂

Avatar

Иргэн 2020-04-29 202.9.46.209

Солонгосын 2 хуваахад АНУ гол үүргийг гүйцэтгэсэн шүү дээ, улс төрийн янз бүрийн тогтолцоо ой олон л орнууд байдаг шүү дээ, энэАНУ мундаг ардчилалтай улс л гэх юм тийм л юм бол бусад улсуудыг ямар замаар яаж хөгжихийн нь өөрсдөд нь үлдээх хэрэгтэй л дээ, дэндүү дарамталж, эдийн засгаар боон, хөгжил дэвшилд нь их саад хийх юмаа, АНУ өөрөө бөөн өр, ямар ч ардчилал гэж ийм бхйдгийн

Avatar

Буруу Цолмон 2020-04-29 103.10.23.119

Хэрвээ хулгайч луйварчин гэмэт хэрэгтэн нарын гарт төр нь орож
Ард түмэн нийтээр ядуурах юм Хууль бусаар баяжсан хулгайч цөөнх Бүхнээн хулгайч
нарын гарт алдсан ядуу олнох хоёрын
хооронд төрийн эрх мэдлийн төлөөх цус асагруулсан тэмцэл
болож өргөждөг нь түүхээр батлагдсан зүүль Монголын ард түмэн хулгайч нарын гараас төрөөн салгаж авах арга бол
сонгууль МАН -АН хэмээх хууртаж хулгайч сонгодгоон болий ард иргэдээ Бүхнийг бидний сонголт шийднэ

Avatar

Зочин 2020-04-29 203.91.115.43

түүхээ сайн унш ЗХУ-ын үед бид Хятадаар тусгаар тогтнолоо хүлээн зөвшөөрүүлж БНМАУ болж НҮБ-ын бүрэн эрхэт гишүүн улс болсым ш дээ оркоо тэгээгүй бол Хятад улсын харьяат гадаад монгол байх байлаа цааш нь ярьвал их л юм байгаа даа орк минь ээ

Avatar

Зочин 2020-04-29 72.205.128.5

Baruuni soyoliin nuluun dor hvmvvjsen bvhel bvten zaluu ve garch irj bna. Mongoliig tusgaar uls shig avch yavah shine ye bol ted nar boloi.
Lyumpen orkuud vvniig oilgohgvi, haraah zvxexee l urital bolgoj bna.

Avatar

Зочин 2020-04-29 66.181.161.81

Айн айцгаана уу ч гэх шиг. Энэ Элбэгээ тэнэг тэнэг юм бичихээ болиоч ээ. Сэтгэгдэл доор нь бичиж болдог байсан бол зад хараах юмсан. Монголын хамгийн хар бараан хүн шүү дээ

Avatar

Зочин 2020-04-29 202.126.89.93

Барууны шар хэвлэлийн мэдээг нэгтгээд ийм хогийн мэдээлэл хийх хэнд ч хэрэгтэй юм. Энэ хүн Монголд ямар ч хэрэггүй. Харин Хятад, Орос, Өмнөд Солонгос, Япон, Америкт бол хэрэгтэй. Кимээр хүмүүсийг айлгаж улс төр, гео улс төр хийдэг. Манайд ямар балууны улс төр хийх вэ дээ. Нэгнийгээ Хойд Солонгос руу яв гэж үзэл бодлоор хавчиж хэрэлдэж, маазрахаас хэтэрдэггүй шд😂

Avatar

Зочин 2020-04-29 202.55.191.130

baruunii tejeberuud mongold olshirood l teree.tarhia ugaalgasan bvhel bvten ve garaad irsen ch dee..

NewsMN Гар утасны хувилбар Татах
NEWS.mn

Мэдээллийн эх сурвалж