Ж.Энхбаяр: Цар тахлын хуулийн зүсийг нь хувиргасан байна | News.MN

Ж.Энхбаяр: Цар тахлын хуулийн зүсийг нь хувиргасан байна

Ж.Энхбаяр: Цар тахлын хуулийн зүсийг нь хувиргасан байна

Ж.Энхбаяр: Цар тахлын хуулийн зүсийг нь хувиргасан байна

УИХ-ын Аюулгүй байдал гадаад, бодлогын байнгын хорооны өнөөдөр /2020.04.28/-ийн хуралдаан эхэллээ. Хуралдаанаар Короновируст халдвар /Cvid-19/-ын цар тахлаас урьдчилан сэргийлэх, тэмцэх тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Хэлэлцэж буй асуудалтай холбогдуулан гишүүд асуулт, тодруулга авлаа.

УИХ-ын гишүүн Н.ОЮУНДАРЬ:

-Цар тахлын хуулийн богино хугацаанд боловсруулж оруулж ирсэн боловч зайлшгүй анхаарах шаардлагатай зүйлс байна. Тухайлбал, хүнсний аюулгүй байдал. Тариалан эрхлэгчдийн хувьд үрийн будаа хомсдолтой, чанарт онцгой анхаарахгүй бол болохгүй байна. Хүнсний аюулгүй байдал гэдэг асуудлыг зарчмын зөрүүтэй санал болгож оруулах нь зөв болов уу. Мөн Ерөнхийлөгчөөс ирүүлсэн жирэмсэн, эмзэг бүлгийн иргэд, хөгжлийн бэрхшээлтэй иргэдтэй холбоотой заалтууд маш их хэрэгтэй. Тиймээс энэ зарчмын зөрүүтэй саналуудаа цар тахлын хуульдаа оруулаад явах нь зөв болов уу.

УИХ-ын гишүүн Н.ЭНХБОЛД:

-Хууль уг нь анх жижиг хууль гарсан ч хууль маш том болж өөрчлөгджээ. Нэг удаагийн хууль байтал энийг өөрчил, тэрийг нэм гээд явах нь хууль тогтоомжийн тухай хуульд нийцэж байгаа юу. Маш олон заалт нэмэгдсэн байна. Хуулийн төслийг УИХ-аар хэлэлцсэн. Зарчмын хувьд дэмжээд явсан. Засгийн газрын хувьд цар тахлын үед ямар үе шаттай арга хэмжээ авахаар ажиллаж байгаа. Тэгэхээр тусгайлан судалгаатай, үе шаттай арга хэмжээ авахаар бэлтгэлээ хангаж байгаа учраас энэ хуулийн төслийн зарим заалт давхцах вий.

УИХ-ын гишүүн Т.АЮУРСАЙХАН:

-Холбогдох тогтоолын чиглэлд нийгэм, эдийн засгийн чиглэлийг нэмсэн. Нэг удаагийн хуульд нийгэм, эдийн засаг, эмзэг бүлгээ анхаарах, Монголбанкны үйл ажиллагааг тодруулж өгөх асуудлыг оруулж өгсөн. Хуулийн төсөл дээр нэр томьёоны хоорондын зөрүү, зөрчилтэй асуудлыг цэгцэлсэн. Бусад хууль тогтоомжтой нийцэж байгаа эсэхийг нягталж, ажлын хэсэг ажилласан.

УИХ-ын гишүүн, хууль санаачлагч Ж.ЭНХБАЯР:

-Хуулийн төсөл коронавирусийн цар тахлаас урьдчилан сэргийлэх, тэмцэх. Гэтэл ажлын хэсгээс тэмцэх, урьдчилан сэргийлэх бус цар тахлын үед нийгэм, эдийн засгийн, банк, барилгын салбар гээд агуулгын хувьд болохгүй байна. Хуулийн зорилго нь өвчин тахал тархвал яаж ажиллах, ямар бэлтгэлийг хангах чиглэлтэй. Үндсэн агуулгатай нь нийцэхгүй, тэгэхээр би ийм хууль өргөн бариагүй. Энэ бол цар тахлаас урьдчилан сэргийлэх, тэмцэх хууль. Та нарын оруулж ирсэн хууль нийгэм, эдийн засгийн тогтвортой байдлын тухай хууль болгосон байна. Энэ бол хоорондоо зохицохгүй, бодлогын алдаа болно.

УИХ-ын гишүүн Т.АЮУРСАЙХАН:

-Хуулийн төслийг өргөн барихдаа цар тахлаас урьдчилан сэргийлэх, тэмцэх чиглэлтэй гээд дотор нь УИХ, Засгийн газар, Улсын онцгой комисс, аж ахуй нэгжийн авах арга хэмжээ гээд явж байгаа. Тиймээс Засгийн газар, УИХ-аас авч хэрэгжүүлэх эдийн засгийн арга хэмжээ авах эрх зүйн орчныг бүрдүүлж өгсөн. Тэгэхээр ажлын хэсэг ямар нэг шинэ заалт нэмж санаачлаагүй, хуульд тусгасан тодорхой чиглэлийн үүргийг нэмэгдүүлж өгсөн.

Зам, тээврийн хөгжлийн сайд Б.ЭНХ-АМГАЛАН:

-Засгийн газрын хэрэгжүүлээд явж байгаа зарим арга хэмжээний тухай энэ хуульд оруулсан байна. Хорио цээрийн дэглэмийн тухай асуудлыг бид өмнө нь хийгээд, одоо ч хийгээд л халдваргүйжүүлээд л явж байгаа. Шаардлагатай тоног, төхөөрөмжийг одоо ч бид татаж авч байна. Энэ цар тахлын хуульд Засгийн газрын хийж байгаа арга хэмжээг шинэ хуульд тусгаж байгаа нь дараа нь зөрчил үүсгэхгүй юу. Засгийн газар хийж байсан зүйлээ хуульгүй хийж байгаа юм шиг ойлгогдоод байна. Цар тахлын үед төсвийн орлогыг таслахгүй байж, экспортын орлогоо нэмэгдүүлэх чиглэлээр ажлаа хийж байгаа.

УИХ-ын гишүүн, хууль санаачлагч Ж.ЭНХБАЯР:

-Хуулийн төслийн нэр томъёог уншаарай. Цар тахалтай тэмцэх болохоос биш үүнээс үүдэх эдийн засгийн арга хэмжээг зохицуулсан хууль биш. Хэрэв ийм маягаар явбал би хуулийн төслөө татна. Гуя дагаж, хүзүү гэдэг шиг асуудал оруулж ирж болохгүй. Бид цар тахлын хуулиар Засгийн газар зохицуулалт хийх эрхийг нь олгох, нөгөө талдаа хариуцлага тооцохыг нь л тодорхой тусгаж байгаа юм.

УИХ-ын гишүүн Ц.ЦОГЗОЛМАА:

-Цар тахлаас сэргийлэх зорилгоор асуудлыг урьдчилж хараад төр засгийн чадамжийг нь дээшлүүлэх зорилгоор өргөн баригдсан хууль гэж бодож байна. дэлхийн улс орнууд ийм хүнд үед иргэнд чиглэсэн арга хэмжээг авч хэрэгжүүлж байна. Өрх толгойлсон ээж, аав, олон хүүхэдтэй эмэгтэй, амьжиргааны түвшнээс доогуур орлоготой иргэддээ чиглэсэн амин чухал арга хэмжээг аль томъёолол дээр нь тусгасан бэ.

УИХ-ын гишүүн Т.АЮУРСАЙХАН:

-Төсөл дээр эдийн засгийн үр дагаврын дагуу эмзэг бүлэг, иргэдийн орлогыг хамгаалах чиглэлээр заалт оруулсан. Өндөр настай, хууч өвчтэй, хөгжлийн бэрхшээлтэй, жирэмсэн иргэдэд чиглэсэн арга хэмжээг тодорхой тусгаж өгсөн. Мөн зээлийн хүүг найман хувиар гурван сарын хугацаанд буулгах боломжтой бөгөөд таван хувийг нь Засгийн газар хариуцах боломжтой, гурван хувийг нь арилжааны банк хариуцах боломжтой гэдгийг тусгаж өгсөн.

Ингээд хууль санаачлагчийн зүгээс хуулийн төслөө эргүүлэн татна хэмээж, ямар нэг тодорхой шийдэлд хүрээгүй учраас байнгын хорооны хуралдааныг өндөрлүүллээ.

 

Ш.ЧИМЭГ

Энэ мэдээнд өгөх таны сэтгэгдэл?
3
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хүннү 2020-04-28 202.179.26.161

Наад хуультай хуульгүй болно. Онгой баыдлын үед авах арга хэмэнний тухай заасан хууль байгаа үүндээ ганц нэг юм нэмнэ биз. Тусдаа хууль хэрэггүй, наадхаа татаж ав.

Avatar

Зочин 2020-04-28 72.205.128.5

Ene Enhbayr yamar ch surguuli tugsuugvi, aaviigaa BHY-ni Said baihad Tsergiin ih surguulid orood surch chadalgvi garsan hvn sh dee.
Deed surguuliin huuramch diplomnoos uur yumgvi l hvn shig baigaa yum.
Yaj huuli hiij chadahgvi dee.

Avatar

зочин 2020-04-28 66.181.183.26

зг цаашдаа цар тахалтай тэмцэхэд,тархалт дэгдвэл эмзэгбүлэгийн иргэдээ хамгаалах дэлхийн улс орнуудын хүн амаа энэ өвчинөөс уридчилан хамгаалах арга хэмжээг цогцоор ни авах хэрэгтэй.сангийн сайд ни эдийн засгийн асуудалаар санаа зоволтгүй нэг жилдээ төсөв тодотгох шаардлага үгүй гэж хэлсэн.тэр хэлсэнээр ни эдийн засаг ипорт,эKспорт өр зээлэнд санаа зовохгүй юм биш үү.

Avatar

ЗОЧИН 2020-04-28 202.131.235.74

Ийм алдаатай нийгмийг хуурсан хууль байж болохгүй, зөвхөн цар тахал бус тэмцэх үр уршгийг нь бууруулах цаашид хэрхэх тухай цогц санаа санааачлага байх ёстой. Энхбаяр гишүүнээ Та ийм хуулинцар хийж нийгэм, ядарсан ард түмнийг хуурж төөрөгдүүлэх хэрэггүй, магадгүй Та өөрөө ч ойлгоогүй байж болно л доо. Хамгийн гол нь эдийн засгийн арга хэмжээг хуульчлан оруулаххэрэгтэй

Avatar

Зочинтой санал нэг 2020-04-28 64.119.26.26

Энхбаяр гишүүн гуай Цар тахалтай тэмцэх болохоос биш үүнээс үүдэх эдийн засгийн арга хэмжээг зохицуулсан хууль биш гэж юу гэсэн үг вэ?? Ийм хоёрын хооронд хуулиар яах юм. Цар тахалтай тэмцэх арга хэмжээ, авах арга хэмжээ, эдийн засгийн хамгаалатаа цогцоор нь хуульчилаач

Avatar

Зочин 2020-04-28 103.80.210.183

хууль батлахаа л байчих.

Avatar

Зочин 2020-04-28 43.242.243.90

УГААСАА ХЭРЭГГҮЙ ХУУЛЬ !!! ХАЙРАН ЦАГ ХҮМҮҮСИЙН ХҮЧ ХӨДӨЛМӨР !!!

NewsMN Гар утасны хувилбар Татах
NEWS.mn

Мэдээллийн эх сурвалж