1. Хэрэв  “халуурах” нь нэгэнт тодорхой болбол ууж эхлэхээсээ 2-3 цагийн өмнө бэлтгэл болгоод 50 гр цэвэр архи уучихаарай. Зөвхөн цэвэр цагааныг, 50-хан гр. Илvv юм хэрэггүй. Энэ нь их шартахаас хамгаалдаг ганц арга гэнэ шүү.

2. Нэг л төрлийн ундааг дагнах хэрэгтэйг бид мэднэ. Нэг орой нэг л төрлийн хатуу ундаа хэрэглэх нь харьцангуй бага шартуулдаг. Зарим хvмvvс “бага градустайгаас нь өндөр лvv нь явуулах” байдлаар хольж болно гэдэг. Энэ тийм ч бодитой зvйл биш. Шарталтын хэмжээ биед орсон спиртийн ундааны нийт хэмжээнээс л хамаардаг болохоос эхлээд алийг нь уухаас шалтгаалахгүй.

3. Хоосон ходоодон дээр хэзээ ч битгий уу. Үүнийг  ч бид мэднэ. Тиймээс  уухаасаа өмнө заавал юм ид. Тэр тусмаа өөх тос ихтэй хоол согтолтыг бууруулдаг. Харин хvчиллэг, шvлтлэг зууш, төмс ийм нөлөө vзvvлдэггvй.

4. Хэрвээ та тамхи татдаг бол ууж байх үедээ тамхиа  хэтрvvлэхгvй байхыг хичээгээрэй.

5. Ширээний ард хадаатай юм шиг бvv суу. Болж өгвөл босч яв. Цэвэр агаарт ойр ойрхон гарвал  бvр сайн.

6. Унтахын  өмнө С аминдэм их агуулсан бvтээгдэхvvн, нимбэг, амтат жvрж, vхрийн нvдний цэвэр шvvс, эсвэл 2-3 ширхэг аскорбины хvчил идээрэй.

7. Идэвхжvvлсэн нvvрс хэрэглэ. Эхний хундагыг тогтоохын өмнө 2-4 ширхэг, дараа нь цаг тутам 2 ширхэгийг уугаарай. Өөр чинь яг хэд хэрэгтэйг биеийнхээ жинд харьцуулж буюу 10 кг тутамд 1 ширхэг байхаар бодно. Хэрвээ ходоод, гэдэс, элэг цөс эрvvл бол аспиринаар аргалж бас болох юм.

8. Унтахын өмнө өрөөндөө цэвэр агаар сайн оруулаарай. Унтахдаа дэргэдээ хийжvvлээгvй рашаан, цэвэр ус тавиад унт. Согтууруулах ундаанууд хvний биенд байх усны хэмжээг эрс багасгадаг нь согтолтын нэг шалтгаан юм. Согтууруулах ундаа хэр их ууна.  Тэр хэрээр шингэн дутагдана гэсэн vг.

9. Хэрвээ өглөө сэрэхэд толгой дотор чинь vнэхээр зараа зулзагалж,  матар өндөглөсөн мэт байвал босохдоо битгий  ширvvн  хөдлөөрэй. Зарим нөхдийн хэлдэгчлэн халуун хvйтэн шvршvvрт орох, эрч хvчтэй секс хийх нь vр дvнгvй төдийгvй харин ч эрvvл мэндэд хортой. Согтууруулах ундааны ачаар тэртэй тэргvй цочирч агшчихсан байгаа судас, зvрх чинь гэнэтийн их ачааллыг даахгvй таныг нөгөө ертөнц рvv илгээчихэж мэднэ. Тvvний оронд тайван хэвтэж сайн амраарай.

10. Нэгэнт шартаад боссон бол улаан лоолийн шvvс, дарсан ногооны хэт хvчиллэг, шорвог биш сулавтархан шvvс уугаарай. Байцааных бол бvр сайн. Энэ нь биед дутагдаж буй магни, кальци бусад эрдэс бодисыг нөхөж өгнө.

11. Тараг, тостой шөл уу. Мөн махтай цэлцэгнvvр идэх нь тустай.

Эцэст нь анхааруулж хэлэхэд “хорыг хороор” бvv дар! Ямар ч хэцvv байсан шараа тайлах гэж архи, пиво бусад хатуу юм битгий уу. Такихардия буюу тархи толгой лугшин өвдөж, зvрхний цохилт ихсэх байдал илэрвэл валокордин, корвалол зэрэг тайвшруулах дусаалгаас 40 дуслыг аяга бvлээн усанд найруулаад уугаарай. Уух vедээ илчлэг ихтэй хоол их идэх нь шарталт согтолтыг багасгадаг сайн талтай ч 7 цагаас хойш идсэн махан хоол, ялангуяа vхэр, хонины мах, далайн бvтээгдэхvvн, өөх ихтэй тарган загас сайн шингэдэггvй. Тиймээс болж өгвөл ногоо, жимс, жигнэсэн мах идээрэй. Ширээн дээрх  бvх юмнаас амсаж болно л доо. Гэхдээ бага багаар. Хэрвээ хоолоо ихдvvлэх юм уу, таньж мэдэхгvй хvнс хэрэглээд гэдэс эвгvйрхвэл шаардагдах эмнvvдийг ч өөртөө авч явахад илvvдэхгvй.
Улс улсуудад шарталтаас сэргийлдэг янз бvрийн арга байдаг гэнэ. Заримаас нь сонирхуулвал:

– Эртний грекчvvд найрлахаар ширээнд суухаасаа өмнө яншуйгаар хийсэн малгай өмсдөг байжээ.

– Гаитийн шидтэнvvд уусан архиныхаа лонхонд 13 ширхэг дэгээ зvv хийж домнох ёстой гэдэг

– Индианы Варау омгийн бvсгvйчvvд согтуу нөхрөө яг муми шиг хавтанд хvлээд сэргэтэл нь дvvжилж орхидог

– Пуэрто Рикочууд шинэ нимбэгийг голоор нь хуваагаад хоёр хэсэг тус бvрээр нь хоёр сугаа сайтар арчдаг

– Япончууд сакэ шингээсэн самбай vнэртдэг

– Францчууд хуучны гар аргаар бэлтгэсэн сармисны ханд хэрэглэдэг. Үvний тулд Франц зөөлөн талхны нэг зvсэм дээр бvтэн сармис жижиглэн хэрчиж хийгээд дээрээс нь халуун ус нэмж хэдэн минут болгоод уудаг байна.

Зохиогчын эрх:  Венера сонин