БНСУ: Ким Жон Ун эсэн мэнд байгаа | News.MN

БНСУ: Ким Жон Ун эсэн мэнд байгаа

БНСУ: Ким Жон Ун эсэн мэнд байгаа

БНСУ: Ким Жон Ун эсэн мэнд байгаа

БНАСАУ-ын удирдагч Ким Жон Уны биеийн байдлын талаар элдэв цуу яриа, таамаглал, эргэлзээг эцэс болгохоор БНСУ мэдэгдэл хийжээ.

БНСУ-ын Ерөнхийлөгч Мүн Жэ Иний гадаад бодлогын зөвлөх Мүн Чун Ин “Манай засгийн газрын байр суурь хөдөлшгүй. Ким Жон Ун амьд, тэр ч байтугай эсэн мэнд байгаа. Тэрбээр дөрөвдүгээр сарын 13-наас хойш Канвон мужийн далайн эргийн Вонсан хотод байрлаж байгаа. Ойролцоо нь ямар ч сэжигтэй хөдөлгөөн ажиглагдаагүй байна” хэмээн мэдээлсэн байна.

Ким Жон Ун дөрөвдүгээр сарын 15-нд БНАСАУ-ын хамгийн том баярын нэг болох, өмнө нь хэзээ ч алгасч байгаагүй, жил бүр тэмдэглэдэг БНАСАУ-ыг үүсгэн байгуулагч, өвөө Ким Ил Суны төрсөн өдөрт ирээгүйгээс болж олон хүн түүний биеийн байдалд эргэлзэж, тэр ч байтугай зарим эх сурвалжууд түүнийг нас барсан хэмээн мэдээлэх болсон билээ. Тэрбээр хамгийн сүүлд дөрөвдүгээр сарын 11-нд улс төрийн бодлогын уулзалтад оролцсоныг Умард Солонгосын төрийн мэдээллийн агентлаг мэдээлсэн юм.

Олон улсын эх сурвалжуудад Ким Жон Уны биеийн байдалд эргэлзсэн мэдээллүүд цацсанаас хойш БНСУ-д байдаг БНАСАУ-ын үйл явдалд голчлон анхаарал хандуулдаг Умард Солонгосын өдөр тутмын сонин “Ким Жон Ун сүүлийн үед олон цагаар ажиллах, таргалах, тамхи ихээр татах зэрэг хүчин зүйлээс болж бие нь чилээрхсэн тул эмчилгээ хийлгэж байгаа.  Одоогоор анхаарлын төвөөс хол биеэ тэнхрүүлж буй. Түүний бие сайжирч байгаа учир эмч нарын багийн цөөхөн хүн түүнийг асран үлдэж, бусад эмч нар дөрөвдүгээр сарын 19-нд Пёньян хотод эргэн ирсэн” хэмээн мэдээлсэн билээ.

Харин өчигдөр/2020.04.26/ Умард Солонгосын Родон сонинд Ким Жон Ун өөрийг нь эмчлэхэд гар бие оролцсон эмч, ажилтнуудад гүн талархал илэрхийлсэн тухай нийтэлсэн байна.

Мөн хиймэл дагуулаас авсан зургаас харахад Ким Жон Уны галт тэрэг түүний амарч байгаа гэгдэх Вонсан хотын галт тэрэгний буудалд дөрөвдүгээр сарын 21-нд ирснээсээ хойш хөдлөөгүй байна. Вонсан дахь амралтын газар нь зочид хүлээн авах нийт есөн том хэмжээний байр, сувиллын төв, хоргодох байр, буудлагын талбай болон бусад тансаг хэрэглээний үйлчилгээ бүхий, Кимийн бага наснаасаа хойш очих дуртай, үргэлж очдог газар аж.

Эх сурвалж: CNN.COM

Энэ мэдээнд өгөх таны сэтгэгдэл?
11
ЗөвЗөв
8
ТэнэглэлТэнэглэл
3
ХахаХаха
2
ХөөрхөнХөөрхөн
2
ХарамсалтайХарамсалтай
1
БурууБуруу
0
ГайхмаарГайхмаар
Баярлалаа!

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-04-27 202.126.89.166

манай их удирдагч эрүүл саруул гэдэгт итгэлтэй байна.

Avatar

Зочин 2020-04-27 49.0.212.253

амьд мэнд байж л байг л дээ. Үхчихвэл янз бүрийн юмнууд өнгөлзөөд эхэлнэ, нөгөөдүүл нь ч зүгээр байхгүй, б** зэвсгээ онилоод , аягүй бол бас нэг хэрэггүй дайн болно

Avatar

Зочин 2020-04-27 192.82.71.247

Чад хийсэн гэж сошиалд хэн бичээд байсан бэ. Манай нөгөө далдгар АСА аварга.

Avatar

Японы мэдээгээр гарсан 2020-04-27 202.55.180.219

Японы мэдээгээр чад хийсэн гэж гарсан 2, 3 хоногын емне байхаа

Avatar

КНДР 2020-04-27 192.82.77.27

Корона вируснаас дутахгүй анхаарлын төвд орчих юм даа.

Avatar

Зочин 2020-04-27 202.21.107.122

Үхүүлж яах юм бэ жинхэнэ үзэж байгаа хүн

Avatar

зочин 2020-04-27 66.181.161.17

Гэгээн дүрээ үзүүлэхгүй л байгаа юм даа . Сэжигтэй дээ ! . Чадарцан , эсвэл хүнд үзүүлэх аргагүй үхлүүт амьтан хэвтэж байгаа …

Avatar

Зочин 2020-04-27 178.162.198.111

Ким ун үхээсэй Хөөрхий хойд Солонгосын өлбөрч үхэх гэж байгаа хүмүүс нэг цаг ч гэсэн цатгалан сэтгэл амар байгаасай

Avatar

ст 2020-04-27 31.206.239.80

хойд Солонгос цөмийн эрчим хүчийг зөв хэрэглээрэй билээ,,, дэлхий сөнөхгүй байгалийн сайханаараа байгаасай,,стхэн үхэх нь чухал биш бүгд л үхдэг жамтай

Avatar

зочин 2020-04-27 202.21.104.46

"… амьд тэр байтугай эсэн мэнд" гэж юу гэсэн үг вэ

Avatar

Зочин 2020-04-27 202.126.89.59

Хогийн ургамал үхдэггүй.

Avatar

Зочин 2020-04-27 202.179.27.156

Чамд энэ хүн ямар муу юм хийсэн юм. Америкийг дагаж битгий алцагнаад бай.

Avatar

Зочин 2020-04-27 66.181.190.224

Энэ элбэгдоржийн сайт. Доржоо ёэтгүүлч боловсон хүчин сайтай. Харин Төр засаг боловсон хүчин муутай гэж яриад байдаг шүү…

Avatar

Зочин 2020-04-27 66.181.187.188

Ким Ир Сен гэж зөв бичээчээ,

Avatar

Зочин 2020-04-27 207.6.112.23

"Харин өчигдөр 2020.04.28" гэнэ үү?? Ийм орон гаран галзуу хүмүүсийн бичиж бгаа өдрийн тэмдэглэлийг бид уншиж цагаа үрдэг юу вэ. Энэ аль дэлхийн ямар цагаар 4 сарын 28 өчигдөр болоод өнгөрчив????

Avatar

Чад хийсэн гэнээ 2020-04-27 103.229.123.131

Аль хэзээний чад хийчжээ гээд гадаад мэдээгээр яваад байна. Оны суулээр еех соруулах мэс засал хийлгэж байгаад тэрнээсээ хундрээд зурхний судас нь беглереед он гарснаас хойш зурхний бас тархины мэс засалууд хийлгээд ч бутээгуй тархи нь ухжиж байж байгаад хэд хоногын емне чад хийснийг нуугаад байгаа гэнэ.

NewsMN Гар утасны хувилбар Татах
NEWS.mn

Мэдээллийн эх сурвалж