Коронавирусийн халдвар авч өвчлөн, эмнэлэгт түргэний машинаар хүргэгдэн ирсэн өвчтөний эмчилгээний төлбөрийг л Москва хотын Эрүүл мэндийн албан даатгалын сангаас төлнө хэмээн мэдэгдлээ. Тус сан энэ шийдвэрээ "Covid-19"-ийн халдвартай өвчтөнүүдийг эмчилж буй Москва хотын бүх эмнэлэгт хүргүүлсэн байна.

Түргэний машинаар хүргэгдэн ирж байгаа өвчтөн нь уушгины хатгалгааны хүнд хэлбэр, амьсгалын замын нэг, хоёрдугаар зэргийн дутагдал гэсэн онош тавигдсан байх ёстой юм.

Коронавирусийн халдвар авсан нэг өвчтөний эмчилгээнд Эрүүл мэндийн даатгалын сангаас гарах мөнгө нь 200-205 мянга орчим рубль болж байгаа ажээ.

2020 оны дөрөвдүгээр сарын 23-ны байдлаар ОХУ-д 57 999 хүн халдвар авч, 4420 хүн эдгэрч, 513 хүн нас баржээ.