Д.Цогтбаатар: Импортын татвараа 30 болговол худалдааны цохилтод орно | News.MN

Д.Цогтбаатар: Импортын татвараа 30 болговол худалдааны цохилтод орно

LiveД.Цогтбаатар: Импортын татвараа 30 болговол худалдааны цохилтод орно

УИХ-ын чуулганы хуралдаан /2020.04.23/

Posted by News.mn on Thursday, April 23, 2020

18 : 59
2020-4-23

Д.Цогтбаатар: Импортын татвараа 30 болговол худалдааны цохилтод орно

УИХ-ын чуулганы үдээс хойших хуралдаанаар  УИХ-ын гишүүн С.Бямбацогт, О.Баасанхүү, Д.Оюунхорол, Д.Тогтохсүрэн нарын 10 гишүүн санаачлан боловсруулсан,  Монгол Улсын Их Хурлын тухай хуулийн шинэчилсэн найруулгын төслийн хэлэлцэх эсэхийг шийдвэрлэв. Төсөл санаачлагчийн илтгэлийг Улсын Их Хурлын гишүүн С.Бямбацогт танилцууллаа.

Монгол Улсын Их Хурлын тухай хуулийн шинэчилсэн найруулгын төсөл нь 7 бүлэг 50 зүйлтэй. Төсөлд Үндсэн хуулийн нэмэлт, өөрчлөлттэй холбоотой харилцааг шинээр болон өөрчлөн найруулсан байна. Тухайлбал, Улсын Их Хурлын нэгэн бүрэн эрхийн хугацаа дуусгавар болох тухай, Улсын Их Хурал зөвхөн Ерөнхий сайдыг томилж, огцруулж, харин Засгийн газрын гишүүдийг томилж, чөлөөлж, огцруулах эрхийг хассан байна. Засгийн газрын үйл ажиллагааны хөтөлбөр, улсын төсөв, түүний гүйцэтгэлийн тайланг хөгжлийн болон үндэсний аюулгүй байдлын бодлогод нийцүүлэн батлах, хөгжлийн бодлого төлөвлөлт тогтвортой байх болон улсын төсвийг хэлэлцэн батлахдаа төсвийн зарлагын болон алдагдлын хэмжээг нэмэгдүүлж болохгүй талаар заасан байна. Хууль санаачлах эрхийн хүрээ хязгаарыг хуулиар тогтоох тухай, Улсын Их Хурлын ээлжит чуулганы үргэлжлэх хугацааг 75-аас доошгүй ажлын өдөр болгох тухай, чуулган нэгдэн болон Байнгын хорооны хуралдаан гишүүдийн олонх хүрэлцсэн ирсэн тохиолдолд хүчинтэйд үзэх, Үндсэн хуульд өөрөөр заагаагүй бол асуудлыг хуралдаанд оролцсон гишүүдийн саналаар шийдвэрлэх, хуулийг Улсын Их Хурлын нийт гишүүдийн олонхын саналаар батлах тухай зохицуулалтуудыг төсөлд тусгасан болохыг С.Бямбацогт гишүүн тодотгосон юм.

 Шинэчилсэн найруулгын төсөлд:

УИХ-ын зорилт, чиг үүрэг, УИХ-ын бие даасан байдлыг хангах;

УИХ-ын гишүүний бүрэн эрх болон гишүүний тангаргийг өөрчлөн найруулах, УИХ-ын гишүүнийг эгүүлэн татах;

УИХ-ын нэгэн бүрэн эрх хугацаанаасаа өмнө дуусгавар болох;

УИХ дахь олонх, цөөнхийн зохицуулалтыг Үндсэн хуулийн нэмэлт, өөрчлөлттэй уялдуулах;

УИХ-ын даргыг сонгох, чөлөөлөх;

УИХ-аар асуудлыг хэлэлцэн шийдвэрлэх, хуулийг эцэслэн батлах, санал хураалт явуулах зарчмыг шинэчлэх;

Хянан шалгах түр хороо хуулиар тусгайлан тогтоосон эрх хэмжээний хүрээнд нийтийн ашиг сонирхлыг хөндсөн тодорхой асуудлыг хянан шалгаж, тайлан гаргах, гаргасан тайлан нь шүүхэд үүрэг хүлээлгэхгүй байх;

УИХ дахь нам, эвслийн бүлгийн зохицуулалтыг нарийвчилж, сонгуулийн дараах эвслийн бүлгийн зохицуулалтыг шинээр тусгах;

УИХ-ын хууль тогтоох бүрэн эрх болон хянан шалгах бүрэн эрхээ хэрэгжүүлэхтэй холбоотой зүйл, заалтыг боловсронгуй болгох;

Гишүүний үйл ажиллагаанд хориглох зүйлсэд шинэ зохицуулалт нэмэх;

Ерөнхийлөгч, УИХ-ын гишүүн, Засгийн газрын хууль санаачлах эрхийн хүрээ, хязгаарыг тодорхойлох; зэрэгтэй холбоотой өөрчлөлтүүд тусгажээ.

Дараа нь Импортын барааны гаалийн албан татварын хувь, хэмжээ батлах тухай тогтоолын хавсралтад өөрчлөлт оруулах тухай Улсын Их Хурлын тогтоолын төслийн анхны хэлэлцүүлгийг хийснээр эцсийн хэлэлцүүлэгт шилжүүллээ.

Уг тогтоолд хүн амыг эрүүл, аюулгүй хүнсээр хангах болон хүнсний ногооны үйлдвэрлэл эрхлэгчдийг төрөөс бодлогоор дэмжих зорилгоор хүнсний ногоо, зарим ургамлын үндэс булцуу, төмс, сонгино, саримс, улаан лооль, өргөст хэмх, байцаа, шар лууван, шар манжин тус бүрийг импортоор оруулахад гаалийн албан татварын хувь, хэмжээ 20 хувь байгааг 30 хувь болгон нэмэгдүүлэх, үр тариа, тосны ургамал, тэжээлийн таримал, төмс, хүнсний ногооны үрийн гаалийн албан татварын хувь, хэмжээг “0” болгож, чанартай үрийг импортлох зайлшгүй шаардлагатай байгааг харгалзан тогтоолын төслийг боловсруулжээ. Импортын татварыг нэмэгдүүлж, төрийн бодлогоор үндэсний үйлдвэрлэгчдээ хамгаалснаар гучаад жилийн өмнөх шиг дотоодын хэрэгцээг чанартай хүнсний ногоогоор 100 хувь хангах нөхцөл бүрдэнэ гэж төсөл санаачлагчид үзэж буй.

Хэлэлцэж буй асуудалтай холбогдуулан Гадаад харилцааны сайд Д.Цогтбаатар “Монгол улс 164 орныг нэгтгэсэн Дэлхийн худалдааны байгууллага/ДХБ/-ын гишүүн орон. 1997 онд Монгол Улс ДХБ-д нэгдэн орохдоо импортын татвараа дээд тал нь 20 хувь байлгах үүрэг хүлээсэн. Энэ тохирсон дээд хязгаараа барьж явахгүй бол ДХБ-ын маргаан таслах механизмд очно. Учир нь энэ арга хэмжээнээс үүдэж хохирсон улс гомдол гаргах эрхтэй. Нэгэнт гомдол гаргачихвал маргаан таслах механизм автомат шинж чанартай учраас шууд цааш явна. Эхний шатанд харилцан зөвлөлддөг энэ үед нь л  маргааныг таслах боломжтой.  164 гишүүн орны өмнө хүлээсэн үүргээ Монгол улс биелүүлээгүйн үр дагавар нь ДХБ-ын маргаан таслах механизмаар хэрэв манайх ялагдвал бусад орнууд хариу арга хэмжээг авах эрхтэй. Үүний үр дагавраар  худалдааны цохилт болох эрсдэлтэй. Өмнө нь манай улс маргаан таслах механизмд орох нөхцөл байдал хэд хэд бүрдсэн. Тухайн үед нь Гадаад харилцааны яам урьдчилан сануулж, зөвлөлдөх шатанд нь маргааныг таслан зогсоож байсан юм.  Харин одоо энэ тогтоол батлагдвал маргаан гарах амаргүй байдал үүснэ. Тиймээс гарах гарцын тухайд, ДХБ-д иймэрхүү нөхцөл байдалд заасан хамгаалалтын арга хэмжээний тухай эрхзүйн зохицуулалтууд байдаг. Хөдөө аж ахуйн хэлэлцээр дотроо мөн адил хамгаалалтын механизмууд бий. Уг нь Засгийн газрын хамгаалалтын арга хэмжээний хэлэлцээрийн хүрээнд импортын барааны өсөлтөд ноцтой хохирол дотоодын үйлдвэрт учруулж байгаа тохиолдолд сэргийлэх үүднээс журам гаргаж болно. Тус журмыг гаргаснаар дээд хязгаараас давсан тарифыг тавих боломжтой юм” гэсэн юм.  

Д.Цогтбаатар сайдын хэлж буй дээрх саналыг дараагийн хэлэлцүүлэгт анхаарах ёстойг гишүүд хэлж байв.

Үргэлжлүүлэн Нэмэгдсэн өртгийн албан татвараас чөлөөлөх тухай хуулийн төслийг хэлэлцээд эцсийн хэлэлцүүлэгт бэлтгүүлэхээр  Төсвийн байнгын хороонд хороонд шилжүүллээ. Үүгээр өнөөдрийн чуулганы хуралдааныг хаалаа.

 

 

15 : 33
2020-4-23

"Маск зүүгээгүй иргэнийг 150 мянган төгрөгөөр торгох нь өндөр байна"

УИХ-ын чуулганы үдээс хойших хуралдаан эхэллээ. Хуралдаанаар Зэвсэгт хүчний тухай хуульд нэмэлт, өөрчлөлт оруулах тухай хуулийн төслийг хэлэлцэхтэй холбогдуулан гишүүд хууль санаачлагчаас асуулт асууж байна.

Хуулийн төслийн талаар Засгийн газрын гишүүн, Батлан хамгаалахын сайд Н.Энхболд танилцуулсан.  Сүүлийн жилүүдэд улсыг хөгжүүлэх бүтээн байгуулалтын ажлууд болох төмөр зам, авто зам, барилга байгууламж, газрын тосны үйлдвэрийн дэд бүтэц зэрэг томоохон төсөл, хөтөлбөрт Зэвсэгт хүчний барилга, инженерийн анги, байгууллагуудыг татан оролцуулж, амжилттай хэрэгжүүлж байна. Тухайлбал, Монголын газрын тос боловсруулах үйлдвэрийн дэд бүтцийн хүнд даацын автозамын төсөл болон “Халх гол" сумын шинэчлэлийн ажлуудыг хэрэгжүүлж дуусгалаа. Мөн Тавантолгой- Зүүнбаян чиглэлийн 414.6 километр төмөр замын суурь бүтэц угсрах, доод бүтэц барих бүтээн байгуулалтын ажлыг Зэвсэгт хүчний бие бүрэлдэхүүн хариуцан ажиллаж байгааг Батлан хамгаалахын сайд танилцуулгадаа онцоллоо.

Монгол Улсын Зэвсэгт хүчний бие бүрэлдэхүүнийг дээрх бүтээн байгуулалтын ажилд оролцуулахдаа үндсэн үүргээ биелүүлэх, бэлэн байдлыг алдагдуулахгүйгээр чиг үүргийг хуулиар нарийвчлан тодорхойлж, түүний харьцангуй бие даасан удирдлагатай, төвлөрсөн нэгдмэл байдлыг хангах шаардлагатай. Мөн орчин үед цахим кибер хандлага хурдтай нэмэгдэж, мэдээллийн аюулгүй байдалд заналхийлэх болсонтой холбогдуулан Зэвсэгт хүчинд кибер аюулгүй байдлыг хангах эрх зүйн үндсийг хуулиар бий болгох зэрэг асуудлыг нэн даруй шийдвэрлэх, хэрэгцээ, шаардлага бий болсон гэж төсөл санаачлагчид үзжээ.

УИХ-ын гишүүн О.Баасанхүү:

 Зүүн чиглэлийн төмөр замын бүтээн байгуулалтад оролцож буй цэргүүд хэдэн төгрөгийн цалин авч байгаа вэ. Энэ хууль батлагдсанаар сард 2 сая төгрөгийн  цалин авч чадах уу. Тухайн цэрэг алба хаагаад буухдаа 40-60 сая төгрөгийн хуримтлалтай буугаасай гэж хүсч байна.  Энэ хэмжээний хуримтлал бүрдэх боломж байгаа юу. Мөн бүтээн байгуулалтад оролцох болон цэргийн алба хаах хоёр нь өөр. Бүтээн байгуулалтад оролцож байгаа бол хугацаагаа сунгах боломж бий юу. Кибер аюулгүй байдлыг хангах чиглэлд аль улсын  туршлага судалж байна вэ. Хамгийн шалгарсан нь ОХУ.

Батлан хамгаалахын сайд, хууль санаачлагч Н.Энхболд: 

Цалингийн хувьд Сангийн яам, Батлан хамгаалахын сайдын хамтарсан тушаал гарсан. Бүтээн байгуулалтад ажиллаж байгаа цэргийн алба хаагч өдөрт 70 хүртэл мянган төгрөгийн цалин авах боломжтой болсон. Мэргэжлийн хүмүүсийг  тусгай  гэрээ байгуулж, цалинг тусгайлан тохиролцож байна. Хугацаат цэргийн алба хаагчдаас сургалтад хамруулан бүтээн байгуулалтад ажиллуулж, сард 2 сая төгрөгөөс доошгүй цалин авах нөхцөл боломж бүрдсэн. Цэргийн хугацааны хувьд бүтээн байгуулалтад мэргэжлийн ахлагч нар, багахан хувийг, бусдад нь хугацаат цэргийн алба хаагчид эзэлж байна. Цаашид хугацаат цэргийн алба хаагчдын ахлагч болгоод гэрээг сунгаад ажиллах боломжтой. Сүүлийн гурван жил цэрэг татлагад нарийн мэргэжлийн залуусыг авахад  чиглэсэн. Хүсвэл манай дээр ирээд гэрээ байгуулаад бүтээн байгуулалтад ажиллах боломжтой.

Энхийг сахиулах ажиллагаанд инженерийн ангиа явуулаач гэсэн хүсэлт НҮБ-иас ирсэн. Энэ хүрээнд инженерийн батальон явуулах бэлтгэлийг хангаж ажиллаж байна.

УИХ-ын гишүүн Б.Бат-Эрдэнэ: Төслийг дэмжиж байна. Хуучин бол барилгын цэрэг гэж байсан. Барилгын цэргүүд олон бүтээн байгуулалтын ажлууд хийсэн боловч тухайн үеийнх нь үйлдвэрлэл, материалаас  болоод ажлын доголдол зарим талаараа гарч байсан. Энэ тал дээр сайтар анхаараарай. Төмөр замын ажлыг чанарын өндөр түвшинд хийж байгаа гэж хэвлэлийн мэдээллүүдээс харсан.

УИХ-ын гишүүн О.Баасанхүү: Хуулийн төслийг дэмжиж байна. Гэхдээ хэдэн зүйлийг анхаараасай гэж хүсэж байна. Цэрэгт ямар айлын хүүхдүүд явж байна вэ гэхээр ихэвчлэн амьдрал нь тааруу, нөхөн төлбөр төлөөд  цэргийн албаас чөлөөлөгдөх боломжгүй нь явж байна. Тэгэхээр одоо цэргийн албанд хүсэж, мөрөөдөж явдаг болмоор байна. Цэргийн албанд явснаар амьдрал нь сайжирдаг  гэж хүлээж авдаг баймаар байна. Анх Солонгос явж ажил хийж байхаар Монголдоо цэргийн албанд яваад тийм хэмжээний цалин авдаг болно гэж ярьж байсан. Гэтэл одоо анзаараад байхад тийм биш байна. Цэргийн алба хаагаад бүтээн байгуулалтад оролцоод ядаж орон сууцны зээлийн урьдчилгаатай болчихдог эсвэл боловсролдоо анхаарах санхүүгийн чадамжтай  буудаг баймаар байна.

УИХ-ын гишүүн Т.Аюурсайхан:

Хуулийн төслийг дэмжиж байна. Төслийн заалтуудад анхаарах зүйл байна. Тухайлбал төсөлд кибер аюулгүй байдлыг хангах гэж оруулсан. Өнөөдрийн нөхцөлд кибер орон зайд улсын хэмжээний аюулгүй байдлыг нэг байгууллага дангаараа хариуцахад хүндрэлтэй. Олон талын орчинд кибер аюулгүй байдлыг хангах ёстой. Гадаад, дотоод харилцаа, нийгэм, эдийн засаг, аж үйлдвэр, шинжлэх ухаан, технологи зэрэг дэд бүтцүүдэд кибер аюулгүй байдлыг улсын хэмжээнд хангах шаардлагатай. Нэг байгууллага улсын хэмжээний  кибер орон зайг хамгаалах зохицуулалтыг бид баталбал хуулийг хэрэгжүүлэхэд хийдэл гарах вий. Хоёрдугаарт, хууль хооронд зөрчилгүй байх ёстой. Тагнуулын байгууллагын тухай хуульд  ТЕГ-ын хариуцах үүргүүдийг маш тодорхой заасан байдаг. Тухайлбал, төрийн болон онц чухал мэдээллийн сүлжээ, харилцаа холбооны аюулгүй байдлыг хангах, цахим аюул, заналтай тэмцэх гэсэн үүргүүдийг хуулиар нь оногдуулсан. Тэгэхээр дагалдах хуульдаа энэ зохицуулалтыг огт тусгаагүй байна. Тиймээс энэ чигээр нь хуулийг баталбал хоёр байгууллагын эрх хүрээнд хуулийн давхцал үүсч улмаар ажил эзэнгүйдэх нөхцөл байдал үүснэ. Хуулийн хийдлийг засахад хэлэлцүүлгүүдийн үеэр онцгой  анхаараарай. Зэвсэгт хүчин бол батлан хамгаалахын салбарын кибер аюулгүй байдлыг хангах боломжтой гэж үзэж байна.

Үүгээр төслийн талаар гишүүд үг хэлж дууссанаар гишүүдийн дийлэнх нь хуулийн төслийг дэмжих нь зүйтэй гэж үзсэн тул тул анхны хэлэлцүүлэгт бэлтгүүлэхээр холбогдох байнгын хороонд шилжүүллээ.  

Үргэлжлүүлэн УИХ-ын чуулганаар Гамшгаас хамгаалах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Энхбаяр өргөн мэдүүлсэн, хэлэлцэх эсэх/-ийг хэлэлцэж анхны хэлэлцүүлэгт бэлтгүүлэхээр байнгын хороонд шилжүүллээ.

Энэ үеэр УИХ-ын гишүүн Д.Оюунхорол: Хуулийн төслийг дэмжиж байна. Цар тахал гарсан энэ шинэ нөхцөл байдалд Гамшгийн  тухай хуульд оруулах тодорхой бус нэр томьёоллуудыг тодорхой болгох шаардлага бий. Хүн амын аюулгүй, эрүүл таатай орчинд амьдрах нөхцөлийг бүрдүүлэх эрхзүйн орчныг илүү сайжруулна гэж харж байна. Гамшгийн үед Засгийн  газар, УОК, Эрүүл мэндийн яам  маш сайн ажиллаж байгаа. Ж.Энхбаяр, Х.Нямбаатар нарын Цар тахалд зориулсан тусгай хуулийг энэ хуультай нэлээд уялдуулах шаардлага байна. Сovid-19 тухай хууль нь  нэг удаа хэрэгжээд хаагдана. Маск зүүгээгүй иргэнийг 150 мянган төгрөгөөр торгоно гэснийг эргэж харах боломж байна уу. Маск зүүгээгүй бол торгож, хариуцлага оногдуулах хэрэгтэй. Гэхдээ  өнөөдөр орлогогүй болсон иргэдэд 150 мянган төгрөгийн торгууль өндөр. Төрийн албан хаагчийн хагас сарын цалингийн тал хувь нь. Тийм учраас 25-30 мянган төгрөгөөр торгож болохгүй юу. Нөгөө талаас Гамшгийн эрсдэлийг бууруулахын тулд иргэдэд маск, ариутгалын бодис тараах мөн хүнсний хомсдолтой байгаа иргэдэд дархлааг нь дэмжиж витаминжуулах гэсэн дөрвөн арга хэмжээг авмаар байна. Өрх толгойлсон эмэгтэйчүүд, олон хүүхдүүдтэй ээж нар, орлого нь буурсан эмзэг бүлгийнхэн мөн хөгжлийн бэрхшээлтэй иргэд бүгд орлогогүй болсон. Энэ хүмүүстээ бид хүмүүнлэгийн тусламж олгох  зайлшгүй шаардлага байна. Сургуульд хүүхэд явж байх үедээ үдийн цай, хоол иддэг байлаа. Гэтэл өнөөдөр энэ нь зогсчихсон учраас гэртээ байгаа хүүхэд өдөржингөө идэж, уудаг юм байна. Тиймээс гэр бүлийн зардал маш их нэмэгдэж байна. Энэ тал дээр анхаарч төсөлдөө тусгаасай гэж хүсч байна.

11 : 37
2020-4-23

Ж.Энхбаяр: Иргэдийн эрх, эрх чөлөөг хязгаарлаж, хорино

энхбаяр

Posted by News.mn on Wednesday, April 22, 2020

УИХ-ын үдээс өмнөх чуулганаар Коронавируст халдвар /COVID-19/-ын цар тахлаас урьдчилан сэргийлэх, тэмцэх тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Энхбаяр, Х.Нямбаатар нар өргөн мэдүүлсэн/-ийн хэлэлцэх эсэхийг хэлэлцэж байна.

Төсөл санаачлагч гишүүн Ж.Энхбаяр танилцуулгадаа, дэлхий дахинд коронавирусийн халдвараар өнөөдөр 2.5 сая хүн өвчилж,  манай улсад өнөөдрийн байдлаар 35 дахь тохиолдол бүртгэгдээд байна. Дэлхий дахинд тархсан энэхүү цар тахлын улмаас Монгол Улсын үндэсний аюулгүй байдал, хүн амын эрүүл мэнд, нийгэм, эдийн засгийн тогтвортой байдалд үзүүлж байгаа сөрөг нөлөө, учруулах хохирол нь  гамшгийн хэмжээнд хүрээд байгааг дурдав. 

Иймд Засгийн газраас өндөржүүлсэн болон бүх нийтийн бэлэн байдлын зэрэгт шилжүүлсэн хугацаанд өвчнөөс урьдчилан сэргийлэх, тэмцэх чиглэлээр нэг удаагийн  буюу 4 бүлэг 19  зүйлтэй хуулийн төсөл боловсруулжээ. 

Уг хуулийн төсөлд өндөржүүлсэн болон бүх нийтийн бэлэн байдлын зэрэгт шилжүүлсэн хугацаанд Засгийн газар, Улсын онцгой комисс болон бусад байгууллагын шийдвэрлэх асуудал, чиг үүрэг, тэдгээрийн харилцан ажиллагаа, тухайлбал, коронавируст халдвар (СОVID-19)-ын цар тахлын үед Засгийн газраас хорио цээр, хөдөлгөөний болон цагийн хязгаарлалт тогтоох зэрэг шаардлагатай арга хэмжээг авч, тэдгээрт мөрдөх дэглэм, журам, зааврыг батлах эрх олгох зохицуулалтыг тусгажээ. 

Хуулийн төслийн талаар гишүүд асуулт асуув.

БСШУС-ын сайд Ё.Баатарбилэг:

Хорио цээрийн үед манай боловсролын яам хүндрэлтэй нөхцөлд ачаалалтай ажиллаж байгаа. Тэргүүлэх зэрэглэлийн багш нар цахим хичээл зааж, сурагчид зайнаас сурч байна. Өмнө нь ийм туршлага байхгүй учир хүндхэн сорилтууд тулгарч байна. Сүүлийн үед сошиал хуудсуудаар хичээл сургуультай холбоотой буруу ташаа мэдээлэл гарах боллоо. Үүнтэй холбоотой ямар зохицуулалтууд хуульд тусгагдсан бэ.

Хууль санаачлагч Х.Нямбаатар:

Хууль гаргах  шаардлагын талаар та бүхэнд мэдээлэл өгсөн. Өндөржүүлсэн бэлэн байдлын үед авч хэрэгжүүлэх хууль тогтоомжтой уялдуулах үндсэн шаардлагын хүрээнд Ж.Энхбаяр гишүүнтэй хамтран санаачилсан. Энэ хуулийн төсөл ЕБС-ын үйл ажиллагааг тодорхой хугацаагаар хойшлуулсан, хязгаарласан тохиолдолд онлайн эсвэл бусад хэлбэрээр зайн сургалтыг чанартай хүртээмжтэй хүргэх, багш болон сурагчдын оролцоо түүнд тавигдах хяналтыг сайжруулах үүргийг боловсролын асуудал хариуцсан төв байгууллагад нь үүрэгжүүлсэн. Цар тахлын үед зайн сургалтыг хэрэгжүүлж байх явцад олон нийтийг төөрөгдүүлсэн худал, ташаа мэдээлэл түгээх явдал гарч байгаа. Үүнийг төсөлд мөн тусгаж тодорхой хязгаарлалтыг өгсөн. Хэрэв төөрөгдүүлэх, худал мэдээлэл тархахаас сэргийлэх зорилгоор цахим орчинд зохицуулалт хийх журмыг Цагдаагийн төв байгууллага, ХХЗХ-тай хамтран журам баталж, хэрэгжилтэд нь хяналт тавьж ажиллахыг үүрэг болгосон. Энэ хууль батлагдсанаар  Цагдаагийн төв байгууллага, ХХЗХ хамтарсан журмаараа цахим сүлжээнд худал ташаа мэдээлэл тарааж буй үйлдлийг таслан зогсоох, эзэн хаяггүй пэйж хуудсуудыг хаах хүртэлх арга хэмжээг авна.

УИХ-ын гишүүн Б.Жавхлан: 

Энэ хууль зайлшгүй хэрэгтэй. Төсөлд орхигдуулсан нэг асуудал байна. УОК-оос гаргаж байгаа тоо, шүүлтүүрээр Монголдоо хүлээн авах хүчин чадлын хэмжээнд гадаад улсаас иргэдээ авчирч байна. Хязгаартай байгаа, хязгаарын цаана бүлтийгээд үлдэж байгаа иргэдэд чиглэсэн ямар арга хэмжээнүүд авах боломжууд байгаа вэ. Энэ талаар  хуульд тусгасан зохицуулалт байна уу?

УИХ-ын гишүүн, хууль санаачлагч Ж.Энхбаяр: 

Ний нуугүй хэлэхэд, УОК, ЗГ зарим зохицуулалтыг нарийвчилсан хуулийн зохицуулалтгүйгээр  практикт тулгуурлан шийдвэрлэж байна. Энэ нь цаашид хуулийн зөрчил үүсгэх учраас төслийг боловсруулсан. УОК, ЗГ-ын бүрэн эрхийн хүрээнд гадаад улсаас иргэдээ татан авах ажиллагааг тусгасан. Цар тахлын үед төр болон иргэд, ААН, ҮАБЗ, УОК, ЗГ, яам, сайдууд ямар чиг үүрэгтэй ажиллах вэ гэдгийг нэг бүрчлэн тодорхой тусгаж өгсөн. Ингэхдээ дэлхийн улс орнуудын туршлага болон өнгөрсөн хугацаанд хийж ирсэн ажлуудаа дүгнэж боловсруулсан. Иргэдээ гадаадаас татан авах ажлыг зохион байгуулах, шийдвэрлэх онцгой эрхийг Засгийн газар, УОК-т бүрэн олгож байгаа.

УИХ-ын гишүүн, хууль санаачлагч Х.Нямбаатар: 

Төслийн 15.2-т хандив тусламжийн асуудлыг тусгасан. Хандивын тодорхой хэсгийг Засгийн газрын тусгай санд төвлөрүүлж гадаад улсад байгаа, эх орондоо ирж чадахгүй санхүүгийн хүндрэлд орсон иргэдээс тодорхой шалгуур хангасан  зорилтот иргэдэд тусламж үзүүлэхээр тусгасан.  Маргааш УИХ-ын даргын дэргэдэх зөвлөлийн хуралдаан болно. Хууль зүйн байнгын хорооны хуралдаан дээр Монгол Улсын иргэд гадаадад зорчих, цагаачлах тухай шинэчилсэн найруулгын төсөл орж ирнэ. Энэ хуульд манай улсын иргэдэд гадаадад хувийн болон албаны хэргээр зорчсон иргэдийг бүртгэлжүүлэх асуудлыг цахим хэлбэр рүү шилжүүлэхээр хуулийн төсөлд тусгасан. Энэ хуулийг яаралтай хэлэлцүүлэхээр Даргын зөвлөлийн хуралдаанд санал оруулна.

УИХ-ын гишүүн Д.Тэрбишдагва: 

Цар тахлын үед хүнсний хэрэгцээний асуудал тулгамдаж байна. Хангамжийн талаар тодорхой томьёолол оруулж өгмөөр байна.  Хүний анхдагч хэрэгцээ бол хоол, хүнс. Онцгой нөхцөлд хуульд заагдаагүй зүйлсийг оруулахгүй бол энэ хууль  нуршуу, ойлгоход түвэгтэй байгааг анхаараарай.

УИХ-ын гишүүн, хууль санаачлагч Ж.Энхбаяр:

Өнгөрсөн гурван сарын хугацаанд Засгийн газар шийдвэртэй арга хэмжээнүүдийг авсны хүчинд цар тахлын халдварыг дотооддоо барьж чадсан. Ингэхдээ зарим зохицуулалт  нь хуулийн гадна хийгдсэн. Тайван цагийн ердийн хууль өнөөдөр цар  тахлын үед эрхзүйн чадамжаа алдаж байна. Тиймээс тусгай хуулийн зохицуулалтууд хэрэгтэй. Засгийн газарт 23 эрх өгсөн нь өнгөрсөн саруудад  практик үйл ажиллагаанаас нь авч тусгасан. Зайлшгүй нөхцөлд хүний эрх, эрх чөлөөг хязгаарлах, сахилга хариуцлагыг дээшлүүлэх кейсүүд гарч байна. Дэлхийн олон улсад өвчтэй хүмүүсээ ялгаварлан гадуурхаж байна. Зарим улс иргэдээ гаднаас нь шатаах тохиолдол гарлаа, буудахыг хүсэж байна. Бид ердийн хуулиар энэ бүхнийг зохицуулж болохгүй.  Иймд нэг удаагийн тусгай хуулийг боловсруулж байгаа юм. Бид түрүүлж хөдөлснөөр өнөөдөр дотооддоо халдварыг алдаагүй байна. Одоо төрийн байгууллагуудын ажиллах орчин нөхцөлийг нь улам тодорхой болгох шаардлагатай.

УИХ-ын гишүүн Б.Дэлгэрсайхан:

 Хуурамч мэдээлэл түгээсэн иргэнд хариуцлага тооцох хэрэгтэй. Мөн халдвартайгаа мэдэж байж явсан маршрутаа нуусан, эсвэл зориуд нуусан иргэнд  ямар хариуцлага тооцох вэ. Энэ бол улс орныхоо эсрэг хийж байгаа эрүүгийн хэрэг. Мөн цар тахлын үед эдийн засагтаа анхаарахгүй байна. Зөвхөн өвчиндөө анхаараад байна. Хилийн боомтуудад онцгой анхаарал тавиач ээ.

УИХ-ын гишүүн, хууль санаачлагч Ж.Энхбаяр: 

Хилийн боомтод үүсч байгаа асуудал хууль эрхзүйтэй холбоотой. Ажлын хэсэг орон нутаг, хилийн боомтод  очиж ажилласан.Тангараг өргөсөн эмч, төрийн цэргийн байгууллагын бүрэлдэхүүн, цагдаагийн алба хаагчид тэргүүн эгнээнд ажиллаж байна. Тиймээс тэдний нийгмийн баталгааг хангахаар хуульд оруулсан. Мэдээллийн аюулгүй байдалтай холбоотой хоёр заалт орсон. Хуурамч мэдээлэлтэй холбоотойгоор ЦЕГ, ХХЗХ хамтран хяналт тавина, эзэнтэй болсон. Үүрэн холбоо, интернет үйлчилгээ үзүүлдэг байгууллагууд мөн хязгаарлалт хийх боломжтой. Дэлхий нийтэд өвчнөө санаатай нууж тараасан асуудал гарсан. Тиймээс энэ асуудалд оногдох хариуцлагыг чангатгахаар төсөлд тусгасан. Цар тахлын үед хэн, хэн юуг хийх талаар маш тодорхой оруулсан.  

УИХ-ын гишүүн, хууль санаачлагч Х.Нямбаатар: 

Эрүүгийн хуулийн 15.6-д халдварт өвчнийг бусдад санаатайгаар халдаасан бол эрүүгийн хариуцлага хүлээлгэхээр заасан. Мөн үнийн хөөргөдөл, бараа бүтээгдэхүүний зохиомол хомсдол үүсгэвэл эрүүгийн хариуцлага хүлээлгэхээр тусгасан. Зөрчлийн тухай хуульд нэмэлт, өөрчлөлт оруулах замаар гамшиг, цар тахлын үед  олон нийтийг төөрөгдүүлсэн худал мэдээ түгээсэн тохиолдолд 500 нэгжээр торгохоор оруулсан. Борлогдоогүй орон сууцуудыг эдийн засгийн эргэлтэд оруулж, төрийн тусгай алба хаагчид, эрүүл мэндийн салбар, онцгойгийн албан хаагчдын нийгмийн баталгааг хангах хөтөлбөрийг  энэ хуульд тусгасан. Галын тэргүүн эгнээнд ажиллаж байгаа алба хаагчдын цалин хөлсийг нэмэгдүүлэх асуудал орсон.

УИХ-ын гишүүн Б.Бат-Эрдэнэ:

Гадаадад байгаа иргэд маань дотоодын банкуудад хадгаламжтай юм байна. Хадгаламжаа авъя гэхээр мөнгийг нь өгөхгүй байгаа асуудлаар гадаадаас иргэд хандаж байна. Тэнд нөхцөл байдал хүнд хадгаламжийн мөнгөө татаж авах гэхээр гацчихсан ийм асуудлыг яах вэ. Иргэд өнөөдөр өндөр ухамсартай харьцангуй сайн байгаа. Бусад сошил харилцааг нь нээлттэй үлдээсэн нь зөв байх. Цар тахал хяналтаас нь  гарсан  улс орнуудыг харахад шийдвэр гаргах түвшний хүмүүс нь хайхрамжгүй, хэнэггүй байсантай холбоотой байна. УОК-оос гаргасан шийдвэрийг иргэд сахиж биелүүлж байгаа ч УИХ-ын гишүүд, эрх мэдэлтэй, дарга сайд нарт хэн хариуцлага тооцох юм бэ. Үүнийг хуульдаа нарийвчлан тусгах шаардлагатай.Хуулийг хүн бүр дагах ёстой.

УИХ-ын гишүүн, хууль санаачлагч Ж.Энхбаяр:

Цар тахлын үед Засгийн газарт төсөв санхүүгийн онцгой эрхийг нь  олгож байгаа. УИХ-ын гишүүн байна уу, дарга нь байна уу,  хамаагүй адилхан иргэн.  Хүн  бүр ямар үүрэг хариуцлага хүлээх үү гэдгийг маш сайн задалж өгсөн. Хэн ч байсан энэ хуулийг дагаж мөрдөнө. Нэлээд чанга хууль гарна. Иргэдийн эрх, эрх чөлөөг хязгаарлана. Төрийн байгууллагуудын шаардлага  чангарна. Дотооддоо тархалтыг гаргахгүй барьж чадсан амжилтаа бид хадгалах хэрэгтэй. Хүнд сорилтыг бид зохион байгуулалттайгаар хамтдаа давж гарна.

Үүгээр гишүүд хууль санаачилсан гишүүдээс асуулт асууж, үг хэлж дууссаны дараа Коронавируст халдвар /COVID-19/-ын цар тахлаас урьдчилан сэргийлэх, тэмцэх тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Энхбаяр, Х.Нямбаатар нар өргөн мэдүүлсэн/-ийн хэлэлцэх эсэхийг хэлэлцэн дэмжээд анхны хэлэлцүүлэгт шилжүүлэхээр холбогдох байнгын хороонд шилжүүлэв.

Дараа нь Зэвсэгт хүчний тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхтэй холбогдуулан  үг хэлэх гишүүдийн нэрсийг авснаар үдээс өмнөх чуулганы хуралдааныг завсарлууллаа.

09 : 55
2020-4-23

Д.Сарангэрэл: Дахин 415 амьсгалын аппарат авна

Сарангэрэл
Пүрэв гаригийн цахим чуулганы нэгдсэн хуралдаан эхэллээ. Хуралдаанаар дараах асуудлуудыг хэлэлцэхээр төлөвлөжээ.
 
1.Монгол Улс, Азийн хөгжлийн банк хоорондын Шуурхай хариу арга хэмжээ авах санхүүжилтийн ерөнхий хөтөлбөрийг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
2.Монгол Улс, Олон улсын хөгжлийн ассоциаци хоорондын санхүүжилтийн хэлэлцээр болон Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
3.Монгол Улсын Засгийн газар, Азийн хөгжлийн банк хоорондын “Санхүүжилтийн ерөнхий хөтөлбөрт оруулах нэмэлт, өөрчлөлт”-ийг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
4.Коронавируст халдвар /COVID-19/-ын цар тахлаас урьдчилан сэргийлэх, тэмцэх тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Энхбаяр, Х.Нямбаатар нар өргөн мэдүүлсэн, хэлэлцэх эсэх/;
5.Зэвсэгт хүчний тухай хуульд нэмэлт, өөрчлөлт оруулах тухай хуулийн төсөл /Засгийн газар өргөн мэдүүлсэн, хэлэлцэх эсэх/;
6.Гамшгаас хамгаалах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Энхбаяр өргөн мэдүүлсэн, хэлэлцэх эсэх/;
7.Монгол Улсын Их Хурлын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Улсын Их Хурлын гишүүн С.Бямбацогт нарын 10 гишүүн өргөн мэдүүлсэн, хэлэлцэх эсэх/;
8.“Импортын барааны гаалийн албан татварын хувь, хэмжээ батлах тухай тогтоолын хавсралтад өөрчлөлт оруулах тухай” Улсын Их Хурлын тогтоолын төсөл /анхны хэлэлцүүлэг/;
9.Нэмэгдсэн өртгийн албан татвараас чөлөөлөх тухай хуулийн төсөл /анхны хэлэлцүүлэг/;
10.Төрийн аудитын хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /анхны хэлэлцүүлэг/;
11.Нийгмийн хамгааллын тухай Монгол Улс болон Бүгд Найрамдах Чех Улс хоорондын хэлэлцээр соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;

Хэлэлцэх асуудалтай холбогдуулан УИХ-ын гишүүн, Эдийн засгийн байнгын хорооны дарга  Ж.Ганбаатар: НӨАТ-ыг чөлөөлөх тухай хуулийн төсөл хэлэлцэх асуудалд орж ирсэн. НӨАТ-ыг чөлөөлснөөр падаан бичдэг байгууллагууд бичихгүй болно. НӨАТ-аас чөлөөлөгдсөн ААН-үүдийн өмнөөс байгууллагууд НӨАТ төлдөг. Засгийн газраас энэ хуулийн төслийг оруулж ирж байгаа бол падааныг нь ААН, иргэдэд өгөх боломжоор хангахгүй юм уу. Энэ талаар би хэдэнтээ асууж байгаа. НӨАТ төлдөггүй байгууллагуудын тоо ч нэмэгдэж байна. нэгэнт л НӨАТ-ыг чөлөөлж байгаа бол жижиг ААН-үүд,  иргэдэд очих дарамтаас ч гэсэн ч чөлөөлөх шаардлагатай.  Энэ асуудалд анхаарч өгөөч.

Үүгээр хэлэлцэх асуудалдаа орлоо. Монгол Улс, Азийн хөгжлийн банк хоорондын Шуурхай хариу арга хэмжээ авах санхүүжилтийн ерөнхий хөтөлбөрийг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/ эсэхийг хэлэлцэж байна.

УИХ-ын гишүүн Д.Оюунхорол:

Энэ төслийг шуурхай яаралтай хэлэлцэх нь чухал. Өнөөдөр дэлхийн олон оронд цар тахлын нөхцөл байдал хүндэрч байна. Манай улс эрсдэлийн өндөр түвшинд хэвээрээ байгаа. ОХУ-д халдвар эрчимтэй тархаж байна. манайд гаднаас зөөвөрлөгдөж орж ирэх нөхцөл байдал улам үүсч байна. Эмнэлгүүдийг бэлэн байдалд хангаж, тоног төхөөрөмж, амьсгалын аппаратуудыг яаралтай худалдаж авах шаардлагатай. Энэ үүднээс хуулийн төслийг шуурхай шийдвэрлэх хэрэгтэй.

УИХ-ын гишүүн Ж.Батзандан:

Монгол Улсын Засгийн газар Азийн хөгжлийн банктай хоёр ч хэлэлцээрийг байгуулна гэж ойлголоо. Аль аль хэлэлцээр нь  коронавирусийн халдварыг даван туулахад бага хүүтэй зээлийг олгох юм байна. Хэдэн амьсгалын аппарат, хамгаалалтын хувцас  худалдан авах вэ, нэг аппарат нь хэдэн төгрөгийн үнэ ханштай талаар мэдээлэл өгөөч.

Сангийн сайд Ч.Хүрэлбаатар: 

АХБ-ний 300 сая ам.долларын зээл. Энэ нь дотроо гурван хэсэгтэй. Эхнийх нь 200-250 сая ам.долларын төсвийн дэмжлэг авч байгаа зээл. Хүү лайбер дээр нэмэх нь 0.5 хувь. Хоёр дахь хэсэг нь эмнэлгийн тоног төхөөрөмж, эмнэлгийн хэрэгслүүдийг  яаралтай худалдан авахад зориулсан 30 сая ам.доллар. Хүү нь нэг хувийн хүүтэй 40 жилийн хугацаатай. Эхний 10 жилд үндсэн төлбөрөөс чөлөөлөгдөх зээл. Коронавирус гарч эхэлснээс хойш энэ зээлийн хэлэлцээ эхэлсэн.

Гуравдах  ээл нь 100 сая ам.долларынх. Манай улсын эрчим хүчний балансыг хангахад чиглэгдсэн ийм зээл. Цахилгаан хураагуурын энэ зээлийг сүүлийн нэг жилийн хугацаанд яригдсан хэлэлцээ.

Эрүүл мэндийн сайд Д.Сарангэрэл:

Нэгдүгээр сарын 03-ны өдрөөс хойш мэндийн салбар өндөржүүлсэн бэлэн байдалд ажиллаж байна. Энэ хүрээнд эрүүл мэндийн урьдчилан сэргийлэх арга хэмжээний санхүүжилтийг шийдэхэд Засгийн газар, Сангийн сайд Ч.Хүрэлбааатар шуурхай санаачилгатай ажиллаж зохих арга хэмжээнүүдийг авч байгаа. Бид Азийн хөгжлийн банк, Дэлхийн банкны санхүүжилтээр 70 гаруй амьсгалын аппарат, бусад тоног төхөөрөмжийг худалдан авсан. Одоо Азийн хөгжлийн банкнаас авах зээлийн хүрээнд  дахин 415 амьсгалын аппарат буюу 500 гаруй эрчимт эмчилгээний орыг бэлдэхээр ажиллаж байна.  

Ийнхүү гишүүд асуулт тавьж, хариулт авсны дараагаар Монгол Улс, Азийн хөгжлийн банк хоорондын Шуурхай хариу арга хэмжээ авах санхүүжилтийн ерөнхий хөтөлбөрийг соёрхон батлах тухай хуулийн төслийг соёрхон батлахыг дэмжлээ.

Үргэлжлүүлэн Монгол Улс, Олон улсын хөгжлийн ассоциаци хоорондын санхүүжилтийн хэлэлцээр болон Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр соёрхон батлах тухай хуулийн төслийг, Монгол Улсын Засгийн газар, Азийн хөгжлийн банк хоорондын “Санхүүжилтийн ерөнхий хөтөлбөрт оруулах нэмэлт, өөрчлөлт”-ийг соёрхон батлах тухай хуулийн төслүүдийг баталлаа.

Энэ мэдээнд өгөх таны сэтгэгдэл?
12
ТэнэглэлТэнэглэл
2
ХарамсалтайХарамсалтай
1
ХахаХаха
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

64 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-23 202.21.108.188

хуйлгүй оронд хуйл ярьцгаасан ..

Avatar

Altai 2020-04-23 72.205.128.3

Ugur tolgoi Enhbayr JDY-chin haana,horino,tsagdana,barina, buudna gehees uur medehgvi maanag bolovsrolgvi har yum Govi-Altaidaa bvr ner nvvree barj gvitssen amitandaa,chaavaas.

Avatar

zochin 2020-04-23 122.201.23.226

IMPORTIN TATVARIG NEMEH N ZOV ,GEHDEE AAJIM AAJMAAR NEMEH HEREGTEI GEJ BODOJ BNA,HYATAD ULS MANAI EXPORTOD BAS ADILHAN HUVIAR NEMCHIHVEL YANA

Avatar

Зочин 2020-04-23 121.168.50.25

Сэтгэл байвал бүх зүйл боломжтой, Цогтбаатараа!!! Битгий дандаа болохгүй талаас нь яриад байгаарай. ДХБ- руу хүсэлт бичиж болно биздээ? Болийшдээ! Манай жижиг улс хүнсний дотоодын аюулгүй байдлаа хангах хэрэгтэй байна, уучлаарай ядаж хүнсний ийм ийм ногоон дээр татьар нэмэхийг зөвшөөрнө үү гээд асуудлуудаа шалтгаантай нь гаргаж тавь! Амид хүмүүс юм чинь ойлгоно тэд нар. Эсвэл манайх тэр ногоонуудыг нь шууд импортыг нь хаа! Асуудал амархан, хүсэл бас сэтгэл байвал!

Avatar

Зочин 2020-04-23 72.205.128.3

Yaralzsan zaluu kommunistuud daranguilal togtoohiig hvsch baina daa.
Nas shvd ni gaigvi murtluu vzel sanaa ni bvr 19- r zuuniih yumaa!

Avatar

зочин 2020-04-23 66.181.179.249

ЗАМАА НЭЭГЭЭЧЭЭ, ӨӨР ХААХ БООХООС ӨӨР АЖИЛ АЛГА УУ

Avatar

Зочин 2020-04-23 202.126.88.222

Худлаа л хэлбэрдээд бхын. Хөдөө орон нутгийн зам нээгээчээ, хүмүүсийн амьдралд нэмэр болохоосоо саад болоод бхын

Avatar

Зочин 2020-04-23 66.181.185.236

Etsegee duiraisan sagsuu p***a

Avatar

Архийгхорь 2020-04-23 150.129.142.87

Шинэ хуулиндаа архи архидалт архичидтай хийх тэмцэлийг маш тод тусгах хэрэгтэй. Архины худалдаа, хэрэглээг хориглох, архаг архичдыг нийгмээс шахах, тусгаарлах ажлыг даруй хийхгүй бол гэр хорооллын архичид дулаарлаа гэсэн шиг гудамжинд ил гараад ирлээ. Тэд л архины орлого оруулдаг гээд эрх чөлөөтэй, дураараа дургиж байна. Хөл хорио, карантин дэлхийн бараг бүх улс оронд тулгараад байхад монголын архичид арай дэндүү доромжилж байгаа бус уу, Ж.Энхбаяр гишүүн ээ?

Avatar

хотын иргэн. 2020-04-23 94.187.194.121

Үргэлж л хаана хорино гэх юм яасан хэцүү юм дээ.Өөрсдөө тасархай амьдарч ардуудыг торгож тэр мөнгөөр тансаг амьдарч бна даа.Ардууд бид сэрэх болсон доо

Avatar

Zochin 2020-04-23 80.110.108.38

Цогтбаатарын хийж байгаа мэдэгдэл үнхээр ичгүүртэй байна!!! 2 онгоцтой, байрлуулах байр байхгүй ч гэх шиг!!! Хөл хорионд орчон хүмүүс бүгд мөнгөө өөрсдөө төлж байгаа биздээ!!! Халдвар дэгдээд тахалын хэмжээнд хзрсэн газраас хүмүүсээ авахгзй байсаар байгаад алт хэдийн халдвар авцан хойно нь Татаж байгаа дүр үзүүлж байгаа нь өөрөө маш их эрсдэлтэй тэнэглэл юм

Avatar

Zochin 2020-04-23 80.110.108.38

адаадад байгаа иргэдээ хамаг чадлаараа буцаан татаж авах ёстой байсан юм!!! Хойрогшиж хойш суусаар! Авсан дүр үзүүлж байсаар байтал чинь халдвартай газар удах тусмаа эрсдэл өндөрсөөд байгааг Оросоос ирсэн оюутанууд баталж байна!!! Бусад улс орнууд хүмүүсээ буцаж эх орондоо ирхийг уриалаад бүгдийн зохион байгуулалт сайтайгаар маш богино хугцаанд татаж байгаа нь гарах эрсдэлийг бууруулж байна!!!

Avatar

Хас 2020-04-23 167.114.244.135

2 ОНГОЦТОЙ ХЭДХЭН НИСГЭГЧТЭЙ, НИСЭЖ ИРЭЭД ЭКИПАЖ КАРАНТИНД! БАЙГАА БОЛОМЖООРОО САЙН АЖИЛЛАЖ БАЙГАА

Avatar

Ub irged 2020-04-23 66.181.161.47

Энэ цогтбаатар гэсэн чавганц царайлсан долдойг зайлуулаачээ.

Avatar

mask bolon amnii haalt oroolt 2020-04-23 5.181.92.40

Mask, maskiig orloson oroolt bolon amnii haalt gej oruulj ornoor.
uchir ni mask oldohgiu ued am haasan deer orluulagch baij bolno.

Avatar

Зочин 2020-04-23 64.119.16.141

Болдод бол хөнгөн байна.

Avatar

ждүчид баяртай 2020-04-23 103.212.116.103

за даа тэр сонгуулиар ни ждүчин нямбаатар,энхбаяр хүрэлсүх тэргүүтэй 40гаруй ждүчин нэрээ дэвшүүлэх юм бол арчаөд өгчих.тэгвэл энэ ждүчид далд орж сэтгэл чини амар байх болно.37 оны жамбалдоржийн хар хуули гэдэг шигээ цар тахалын тухай хуулинд хүний эрх эрх чөлөөг хязгаарлана ч гэх шиг элийрсэн харгис үг нямбаатарын амнаас гарч байх юм.дахиж энэ суудал дээрээ суухгүй дээ гэж нямбаатарт хэлэх мини.

Avatar

Зочин 2020-04-23 202.179.26.44

Хууль чанга байсан газар л хэрэг зөрчил бага гардаг.

Avatar

Бүү донгос 2020-04-23 202.126.89.217

Эмэгтэйчүүд юм ярихаараа арай л сонин байх юмаа. Угаасаа л маск зүүж хэвшүүлэх гэж гаргасан чанга шийтгэл. Зорилгодоо нийцүүлсэн торгууль болохоос биш хүмүүсийн амжиргаанд нийцүүлсэн юм биш.

Avatar

Зочин 2020-04-23 202.126.89.229

500$ торгоорой

Avatar

Болдэрдэнэ 2020-04-23 185.69.144.82

МАН намын энэ далд ордоггүй хувалзнууд зайлсан цагт Монгол хөгжинө. 30 жил их хуралд сууна гэж юу байсан юм бэ. Арай ч дээ.

Avatar

зочин 2020-04-23 192.82.70.188

АН төрд гарсан цагт л харин тэр Луйвар тонуул жолоогоо алдаж төрийн сан хоосорч улс орон гадаад дотоодын өр зээлд баригдан сэхэхэд хүнд сүйрлийн ирмэгт ирдэг биз дээ Одоо түүнээс үүссэн их хохирлыг бага ч гэсэн засах вирусын энэ аюултай үёийг хохирол багатай давах гээд л бусад сөрөг намуудын гүтгэлэг дайралтыг тэвчин шүд зуун зүтгэж байна Үүнийг чи бид хоёроор заалгахгүй ард түмэн мэдэж байгаа

Avatar

Зочин 2020-04-23 66.181.161.24

Монгол хэлэнд "Их, бага" гэдэг үгс хаашаа алга болчихсон юм бэ?? "Торгууль өндөр" гэж юу яриад байгаа юм бэ??? Мөнгөний их, багыг хэлж байгаа бол өндөр, нам гэж ярихгүй шүү дээ!!! Тэр тусмаа хувийн Их сургуультай авгай ийм юм яриад сууж байдаг?!?!!

Avatar

Зочин 2020-04-23 192.82.70.188

Энэ хууль чинь Монголд короновирус тархаахгүй Монгол хүнийг хамгаалах зорилготой л байна шүү дээ Хуулийг санаагчид рүү яагаад энгэж хэсэг хүмүүс бүлэглэн уулаглан дайрах болов Вирүс тархаах нь зөв болж байна уу Ямар аймшигтай хүмүүс бидний дунд байна вэ Ард түмэн туйлын анхааралтай байхгүй бол хүнд хэцүү үё ирж болзошгүй байна шүү

Avatar

Зочин 2020-04-23 192.82.72.121

Ж.Энхбаяр ард түмнийг басамжлан доромжилж бай ЖДУ-гийн муу хулгайч чи ард түмний татварын мөнгийг хувьдаа ашигласан өр төлөөсийг өгөх цаг ирнэ дээ

Avatar

Зочин 2020-04-23 192.82.70.188

Энэ бол эсрэг талын сурталчилгаа гүтгэлэг байна Эдний сурсан сайн хийж чадах зүйл нь Хүний нэр төрд халдах Нөгөө намынхаа жаахан авьяастай ухаантай чадвартай залуус рүү дайрч олон түмний дунд нэр төрийг нь унагах зүрхийг нь үхүүлэх энгэж байж төрийн эрхэнд өөрийн атгаг санаатнуудыг шургуулах зам нээх явдал байдгийг хүн бүр мэддэг болсон доо Ийм боломжийг тэдэнд бүү буй болго

Avatar

иргэн 2020-04-23 103.10.21.55

Маск зүүгээгүй иргэнийг 150 мянган төгрөгөөр торгох нь харин ч бага байна.

Avatar

Зочин 2020-04-23 64.119.19.46

150 мянга байтугаа 100 төгрөг ч үгүй хүмүүс олон. цатгалан хүн өлсгөлөн хүний зовлонг ойлгодоггүй. эндээс л хувьсгал гардаг

Avatar

Зочин 2020-04-23 64.119.16.141

Тэгвэл маскаа зүүгээч. Хэн торгох вэ.

Avatar

Зочин 2020-04-23 174.193.134.155

маскаа зүү ……хэн ч хэдээр ч торгохгүй

Avatar

иргзн 2020-04-23 202.179.25.236

муу Өгөр толгой Энхбаяр Чи арай Иргэд олон түмнийг ЖДҮ энэ тэрээс Луйвар хийж Баяжчихсан энэ тэр гэж санаагүй биз дээ, нээг их Торгоно шийтгэнэ Хорино ч гэх шиг Чам Молом царайлсан юмнууд нээг их хол явахгүй дээ,

Avatar

Иргэн 2020-04-23 193.176.211.29

Энэ нөхөр Беларусс улсаас улсын нэрээр 50 сая евро 30 жилийн хугацаатай хүүгүй авах гэж байгаа гэж дуулсан. Байдал ийм л байна даа нөхдүүдээ. Шалгаад үзээрэй.

Avatar

Зочин 2020-04-23 59.153.114.19

энэ энхбаяр гэдэг хүн юм л бол торгоно,шийтгэнэ гэхийн.Өөрөө бол ЖДҮгийн улаан луйварчин биз дээ

Avatar

Зочин 2020-04-23 202.21.108.254

JADAMBAAGIIN TENEG HUUG HEN NI SUMLAAD TAVICHIHVAA? BARUUN SOLGOIGUI GALLAAD GEREE SHATAALAA ENE MAL CHINE.

Avatar

Irgen 2020-04-23 103.119.92.81

Цар тахлын үед онлайн хичээл сайн явагдаж бгаа,ялангуяа зарим хувийн сургуулиуд өөрийн бололцоог ашиглаж өдөр бүр багш яг хуваарийн дагуу хичээлээ зааж,сурагчидтайгаа байнга харилцаж бна.Гэтэл сайны хажуугаар саар гэгчээр зарим эцэг эхчүүд зөвхөн төлбөрөө буцаахын тулд энэ ажлуудыг үгүйсгэж,бусдыг уриалан байгааг илрүүлэн пейж хуудсыг хааж арга хэмжээг авах нь маш зүйтэй байна

Avatar

Зочин 2020-04-23 202.170.80.25

худлаа попроод байгаарай

Avatar

зочин 2020-04-23 202.21.120.66

Ж.Энхбаяр Х.Нямбаатар нар бол жинхэнэ тэнэг коммунистууд та нарын энэ хууль чинь нилээд олон жирийн ард иргэдийг туйлдуулж тамирдуулах байхдаа. Дан нэг талыг барьж асуудалд хандах юм за яахав та 2 ард түмэн дүнгээ тавих цаг ирнэ

Avatar

зочин 2020-04-23 59.153.87.39

Онолын ямар ч ойлголтгүй, хар ухааны, идэж уухаас өөр зүйлс бодохоо байсан гишүүд хэргэмтнүүд ийм л зүйл сэднэ дээ. Тэр шорондоо хоригдлуудаа нэмж бөөнөөр нь устгах бодлого гэж үзэхээс өөр аргагүй. Үүний оронд өөрсдийн идэж уусан мөнгөнөөсөө энэ тэмцэлд зориулья гэдэг хууль гаргасан бол та нарт санал өгөх байлаа.

Avatar

haabar 2020-04-23 59.153.87.39

Онцгой байдал гэдгээр далимдуулаад хэт туйлширч, иргэдийнхээ эрх, эрх чөлөөнд үндэслэл муутай халдах зүйлс л битгий хийгээрэй,

Avatar

Сонгууль 2020-04-23 64.119.22.226

Сонгуулиар 2 намын ждучид, 60 тэр бумтангууд, 7 сарын 1, оюу толгой гэрээ гэсэн фактуудаар нь гаргахгуй байх хэрэгтэй

Avatar

Зочин 2020-04-23 202.179.27.204

коммунистнууд ийм л юм ярина

Avatar

ИРГЭН 2020-04-23 66.181.167.254

МАСК ЗҮЙГНЭГҮЙ ГЭЭД ЖИРИЙН ИРГЭД ХОРИГДООД, ХЭДЭН ТЭРБУМААР ХУЛГАЙ ХИЙСЭН ДАРГА НАР ДААМ ГАРААД …

Avatar

Зочин 2020-04-23 202.126.89.249

Жадамбаагийн овгоо ЖДҮмбээгийн хочоор сольсон Энхбаярт: Сонгуулийн үеэр өөрсдийнхөө бузар булайг л ил гарахаас л айж та нар ингэж байгаа байх.Тэгээд ч танай аав хүмүүсийн ярьдагчлан тийм сайн хүн байгаагүй.Танай ааваас өөр олигтой цэрэг армиа, офицер ахлагч нараа гэсэн сэтгэлтэй байсан бол 1980-аад оны сүүлч, 1990-ээд оны эхээр манай улсад байрлаж байгаад гарсан хуучин Зөвлөлтийн армийн орхиод явсан өчнөөн олон обьектуудыг ялангуяа орон сууцны хороололуудыг офицер ахлагч нартаа аваад үлдчихэж ча

Avatar

zochin 2020-04-23 203.166.248.133

ehleed uuruusuu ehelchih uchnuun hunii amidarliig hulgailj gantsaaraa bashan zeel avsan ene enkhbayrt huuli uilcheldiimuu

Avatar

Зочин 2020-04-23 202.131.229.34

Далимдуулж хаанчлал тогтоохоор яарч байна. Дараа нь эх орноо худалдахад нь амар болох нь л дээ

Avatar

Зочин 2020-04-23 192.82.70.188

Маш зөв чухал хууль байна Маш сайн үр дүн өгнө Монголд Хууль дүрмээ чангатгаж эмх журамтай байхгүй бол аюул нөмөрч үй олон хүн усдах аюул ч гарч болзошүй байна шүү Ёр нь Монголчуудыг ийм аюулд хүргэхийг сонирхогч цөөнгүй хүмүүс манайд байдаг бололтой Энэ сэтгэлгээ бичсэн хүмүүсийг хар даа Энэ хуулийг санаачласан хүмүүс рүү яаж үзэн ядаж дайрч давшилж байна вэ Эд ёр нь мэдрэл нь эрүүл л байдаг байгаа даа Яах дээрээ хүмүүс ийм яргач маягийн авиртай болчихдог байна вэ

Avatar

Зочин 2020-04-23 202.126.89.249

чи өөрөө л сэтгэцийн хувьд эрүүл биш манкурт боол байна.

Avatar

Зочин 2020-04-23 192.82.70.188

чи харин сэтгэцийн хувьд дандалчин хүний үнэргүй хог шавхруу яргачин ч байж болзошгүй

Avatar

Зочин 2020-04-23 122.201.31.4

JIDU ENHBAYAR AAA UURUU HORIGDVOL ZUGEER BISHUUU

Avatar

Zochin 2020-04-23 76.164.228.157

Тахалтай улсууд нь
Хоригдлуудаа суллана гээд байх
Тахалгүй манайх хоригдол нэмнэ гээд байх
Галсансүхийн шүлэг санаанд орж ирж байна шүү

Avatar

Зочин 2020-04-23 202.179.27.204

яг үнэн. цөөхөн монголчуудыг шоронжуулаад устгах нь

Avatar

Зочин 2020-04-23 192.82.72.226

Iim hund ved JDU chdiin mongiig avch ard tumend taraamaar bn

Avatar

Zochin 2020-04-23 64.119.16.245

Gadnaas zuuhuu boli, gadna bga humuusde mungu shiljuul tuslah arga hemjee avah heregtei

Avatar

Зочин 2020-04-23 202.21.100.210

Заримдаа Улаанбаатар эсвэл Москва хотод байгаагаа мэдэхээ болилоо. 2017 оноос хойш Монгол оронд маань сүржин хуйсгануур хпопилист нүүрэндээ хэт эх оронч ийн дүр эсгэгч нар олширсоор байна. Миний оронд энэ ЖДУ-гийн зээлийг 1000 хүнд хуваагаад өг гэж хэлчих ухаан суусны дараа Ж.Энхбаяр хуулиа боловсруулах ёс суртхууны эрхтэй болно шүү

Avatar

Зочин 2020-04-23 183.177.97.14

Jidumba giin huug shorond 30 jil hori

Avatar

Зочин 2020-04-23 183.81.171.2

ЭНЭ ЭНХБАЯР ГЭДЭГ ЭРГҮҮ ЖДҮЧИН МАЛ ЧИНЬ ИРГЭДИЙН ЭРХ ЧӨЛӨӨГ ДАРАМТЛНА ГЭХЭЭС ӨӨР ОЛГОЙ ТОЛГОЙД НЬ ОРЖ ИРДЭГҮЙ СОЦЫН ҮЛДЭГДЭЛ ШААР ВЭ? ДҮРЭМ ЖУРАМ ХЭМЖЭЭТЭЙ ШҮҮ ЭРГҮҮНҮҮДЭЭ ДАЛИМДУУЛААД СОЦИАЛИЗМАА КОМНИЗМАА МӨРӨӨДӨӨД ДАРАНГУЙЛАЛ ТОГТООЧИХ ЭРГҮҮ ГАРУУД УУ ГҮЙ ЮУ АРД ТҮМЭН СОНОР СЭРЭМЖТЭЙ БАЙГААРАА ИЙМЭРХҮҮ НОХОЙН ГӨЛӨГНӨӨС ЯМАР Ч МУУХАЙ ЮМ ГАРЧ МЭДНЭ ШҮҮ..

Avatar

ИРГЭН 2020-04-23 183.81.171.2

ЭНЭ ЭНХБАЯР ГЭДЭГ ЭРГҮҮ ЖДҮЧИН МАЛ ЧИНЬ ИРГЭДИЙН ЭРХ ЧӨЛӨӨГ ДАРАМТЛНА ГЭХЭЭС ӨӨР ОЛГОЙ ТОЛГОЙД НЬ ОРЖ ИРДЭГҮЙ СОЦЫН ҮЛДЭГДЭЛ ШААР ВЭ? ДҮРЭМ ЖУРАМ ХЭМЖЭЭТЭЙ ШҮҮ ЭРГҮҮНҮҮДЭЭ ДАЛИМДУУЛААД СОЦИАЛИЗМАА КОМНИЗМАА МӨРӨӨДӨӨД ДАРАНГУЙЛАЛ ТОГТООЧИХ ЭРГҮҮ ГАРУУД УУ ГҮЙ ЮУ АРД ТҮМЭН СОНОР СЭРЭМЖТЭЙ БАЙГААРАА ИЙМЭРХҮҮ НОХОЙН ГӨЛӨГНӨӨС ЯМАР Ч МУУХАЙ ЮМ ГАРЧ МЭДНЭ ШҮҮ..

Avatar

зочин 2020-04-23 59.153.87.39

үнэн үг

Avatar

иргэн 2020-04-23 66.181.170.215

sanaatai neg ch hun taraahgui, enhbayraa ooroo tendee suuu

Avatar

Uher 2020-04-23 66.181.179.237

Ehleed n jdu chin lal ruudaa hori

Avatar

Иргэн 2020-04-23 64.119.23.132

Хүрэлсүх тэргүүтэй ЖДҮчид коммунистуудын хийж чаддаг ажил хаах, хорих, хулгайлах болжээ.Энэ коммунистуудаас салмаар байна

Avatar

иргзн 2020-04-23 202.179.25.236

Энхбаяр муу новшийн ЖДҮ-ын Хулгайч Чамайг Өөрий чинь барьж хоривол таарна, Өндөөр Чи Хулгай Луйврын мөнгөөрөө сагсалзаж байвч удахгүй Чи өөрөө Шоронгийн хадаас болноо, Чи энэ маягаар Өөдлөхгүй шүү

Avatar

Зочин 2020-04-23 192.82.70.188

Энхбаяр яасан юм вэ Сайн үүлтрийн үржлийн мал гаргах чиглэлээр зээл аваад ажиллах гэж байхдаа шүүмжлэлд өрнөөд дөнгөж энэ чиглэлээр авсан зээлээ буцаагаад өгсөн л гээ биз дээ Тэр УИХ-ын гишүүн болсон эрхээ шилжүүлсэн байсан гээ биз дээ Манай АН-ын бууны нохойнууд сурсан юм нь хүний нэр төрд халдан эсрэг намынхаа жаахан авьяастай ухаантай чадалтай залуучууд рүү дайрч олон түмний дунд нэр төрийг нь унагах явдал байх юм Энгэж байж төрийн эрхийг өөрийн буруу санаатнуудад атгуулах зам нь нээгддэг

Avatar

Зочин 2020-04-23 139.5.218.47

Ж.Энхбаяр гэдэг муу хулгайч юм л хорино шийтгэнэ гэж хуцдаг болжээ. Хаана л сан мөнгө байна тэрийг л хулгайлж явдаг хулгайч шүү чи

NewsMN Гар утасны хувилбар Татах
NEWS.mn

Мэдээллийн эх сурвалж