Дэлхийд данстай дипломатч | News.MN

Дэлхийд данстай дипломатч

ХҮМҮҮС

Дэлхийд данстай дипломатч

Дэлхийд данстай дипломатч

“NEWS” агентлаг энэ долоо хоногийн “Хүмүүс” булангаараа ОХУ-ын Гадаад хэргийн сайд Сергей Викторович Лавровыг таницуулж байна.


ОХУ-ын Гадаад хэргийн сайд Сергей Викторович Лавров нь ЗХУ, Оросын дипломатч, төрийн зүтгэлтэн төдийгүй дэлхий дахинд танигдсан нэр хүнд бүхий эрхэм юм. ОХУ-ын Онц бөгөөд Бүрэн эрхт Элчин сайд, Дипломат албаны хүндэт ажилтан цолтой тэрбээр 2004 оны гуравдугаар сараас хойш өнөөг хүртэл хойд хөршийн Гадаад хэргийн сайдаар улиран томилогдож, ажиллаж байна.

ОХУ-ын Ерөнхийлөгч В.Путин түүний саяхан /2020.03.17/ болсон 70 насны ойн баяраар нь улс орныхоо өмнө хүлээлсэн үүргээ нэр төртэй биелүүлсэн, гадаад харилцааны чиглэлд үр бүтээлтэй он удаан жил хөдөлмөрлөж байгааг нь үнэлж, ОХУ-ын хөдөлмөрийн баатар цолоор шагнасан юм.

Сергей Лавров 1950 оны гуравдугаар сарын 21-нд Москва хотод төржээ. Эцэг-Виктор Калантарян армян үндэстэн Тбилисээс гаралтай. Ээж-Калерия Борисовна Лаврова орос (дараа нь Сергей Викторович түүний овгийг авсан) Москвагийн ойролцоох Ногинск хотод төрсөн ЗХУ-ын Гадаад худалдааны яамны ажилтан байжээ. Сергей Лавровын паспортын тэмдэглэгээнд Орос үндэстэн гэж бичсэн нь бий. Тэрбээр "Би Тбилисээс гаралтай. Учир нь миний аав тэнд төрсөн, миний судсаар Армен цус урсаж байгаа. Гэхдээ энэ цус тийм чухал гэж үү… Ажил албанд ямар ч хамаагүй" гэж нэгэн ярилцлагадаа хэлсэн нь бий. Аав ээж хоёр нь ЗХУ-ын гадаад худалдааны яаманд ажилладаг, гадаад орон руу олон удаа явдаг байсан учир ээжийнхээ талын өвөө, эмээ хоёр дээрээ өсч, хүмүүжжээ.

Өвөө Борис Николаевич Лавров, Ногинск хотын төмөр замын өртөөний дарга байсан бол эмээ нь хотын эмнэлэгт сувилагчаар ажилладаг байжээ.

Эмээ, өвөө нь түүнийг Москвагийн ойролцоох Ногински хотын В.Короленкийн нэрэмжит англи хэлний гүнзгийрүүлсэн сургалттай тусгай дунд сургуульд оруулсан байна. Хожим нь түүнийг эцэг, эх нь Москвад шилжүүлэхдээ англи хэлний гүнзгийрүүлсэн сургалттай 607 дугаар сургуульд оруулжээ. Тэрбээр тус сургуульд англи хэлийг гүнзгийрүүлэн судалж,  мөнгөн медальтай төгссөн бөгөөд шууд МГИМО эсвэл МИФИ гэсэн хоёр их сургуулийн аль нэгд элсэх эрхтэй байсан ч Москвагийн Олон улсын харилцааны дээд сургуулийг сонгожээ.

Тэрбээр Москвагийн Олон улсын харилцааны дээд сургуулийн дорно дахины салбарт суралцах хугацаандаа англи, франц, сингаль хэл сурч эзэмшин, 1972 онд төгсчээ.

КАРЬЕР, ОЛОН УЛСАД ХИЙСЭН ТОГЛОЛТ 

Сургуулиа төгсөөд 1972-1976 онд Бүгд Найрамдах Шри-Ланка улсад ЗХУ-ын Элчин сайдын яаманд дадлагажигч, атташегийн албанд ажилласан бол 1976-1981 онд ЗХУ-ын Гадаад хэргийн яамны Олон улсын эдийн засгийн харилцан туслах хэлтсийн гурав, хоёрдугаар нарийн бичгийн даргаар ажиллаж байв.

1981-1988 онд-Нью-Йорк хот дахь НҮБ-ын дэргэд ЗХУ-ын байнгын төлөөлөгчийн газрын нарийн бичгийн дарга, зөвлөх, ахлах зөвлөх. 1988-1992 онд ЗСБНХУ-ын Гадаад хэргийн яамны Олон улсын эдийн засгийн байгууллагууд хариуцсан хэлтсийн орлогч, нэгдүгээр орлогч дарга, даргаар ажиллажээ.

Тэрбээр 1991 он хүртэл ЗХУ-ын коммунист намын гишүүн байгаад, намаасаа татгалзсан.

1991-1992 онуудад ЗСБНХУ-ын Гадаад хэргийн яамны Олон улсын байгууллагуудтай харилцах Тамгын газрын дарга, 1992 онд ОХУ-ын Гадаад хэргийн яамны Олон улсын байгууллагууд бүс нутгийн асуудал хариуцсан хэлтсийн даргаар томилогдон ажиллажээ.  Гадаад харилцааны яамны газрын даргын хувьд тэрбээр Орос орны эдийн засгийн хөгжлийг хангахын тулд олон тулгуурт гадаад бодлого явуулах шаардлагатайг уриалан маш шаргуу идэвхи санаачилгатай ажилладаг байжээ.

1992 оны дөрөвдүгээр сарын 3-нд тэрбээр Оросын Гадаад хэргийн сайдын орлогчоор томилогдсон. Энэ албан тушаалд С.Лавров олон улсын хамтын ажиллагааны асуудал мөн ТУХН-ийн асуудал хариуцсан хэлтэс, Олон улсын эдийн засгийн хамтын ажиллагааны ажлыг удирдан чиглүүлдэг байжээ. Тэрбээр энэ албан тушаалд 1994 оны нэгдүгээр сар хүртэл ажилласан ба 1993 оны гуравдугаар сараас эхлэн НҮБ-дахь байнгын төлөөлөгчийн газарт ОХУ-ын төлөөлөх комиссын орлогч дарга. 1993 оны арваннэгдүгээр сараас ОХУ-ын энхийг сахиулах үйл ажиллагаанд оролцуулах ажлыг зохицуулах албаны комиссын даргаар ажиллажээ.

1994-2004 онуудад НҮБ-ын Аюулгүй зөвлөлд ОХУ-ын байнгын төлөөлөгчөөр ажилласан байна. Тэрбээр НҮБ-буюу Нью-Йоркт ажиллах хугацаандаа олон улсын хүрээний том том асуудлуудыг сайтар судалж шийдвэрлэхэд оролцож, маш их туршлага хуримтлуулж, олон ч найз нөхөдтэй болсон гэдэг.

С.Лавров НҮБ-ын дэргэдэх Аюулгүйн зөвлөлд Оросын төлөөлөгчийн газарт ажиллаж байхдаа зориг шийдэмгий дипломатч, зарчимч шударга хүн гэдгээ харуулсан бөгөөд олон улсын дипломат ажилтнуудын дунд нэр хүндтэй нэгэн болсон юм.

НҮБ-ын Аюулгүй зөвлөлийн хуралдаанууд дэлхийн олон тулгамдсан асуудлууд тэр дундаа хуучин Югослав, Ойрхи Дорнод, Кипр, Солонгосын хойг дахь нөхцөл байдлыг шийдвэрлэх үед С.Лавров өөрийн санал дүгнэлтийг хэлдэг, хамгаалдаг, идвэхтэй оролцдог байжээ.

2001 оны есдүгээр сарын 11-нд АНУ-д болсон террорист халдлагын дараа дэлхийн даяар дипломат харилцааны хамгийн их тулгамдсан асуудлын нэг болоод байсан Афганистан, Иракд явуулсан цэргийн ажиллагаа терроризмтой тэмцэх талаар зарчмын хатуу байр суурь баримтлан, асуудлыг зүй зохистой шийдвэрлүүлж байжээ. Тэрбээр Аюулгүй зөвлөлийн хуралдааны үеэр Оросын байр суурийг тууштай хамгаалж олон удаа хатуу байр суурь баримталсан мэдэгдлүүд хийдэг байж. Жишээлбэл, С.Лавров 2000 онд НҮБ-ын Аюулгүйн зөвлөлийн хуралдаанд Балканы хойгийн асуудлаар хэлэлцүүлэгт оролцохыг зөвшөөрөөгүйн улмаас Аюулгүй зөвлөлийн хуралдааныг орхиж байсан явдал ч бий.

Сергей Лавров “НҮБ-70 жил" баримтат кинонд 1990-ээд оны дунд үед ОХУ-ын НҮБ-д суугаа Байнгын төлөөлөгчөөр ажиллаж байсан хамгийн хүнд хэцүү үеийн талаар дурсан ярихдаа….. АНУ ба Кубын хоорондын зөрчлийн тухай, мөн Кубын цагаачдын асуудлаар хэрхэн яаж хандаж ажиллаж байсан тухайгаа. Мөн Кубын дээгүүр жижиг онгоцоор нисэн, ухуулах хуудас тараадаг байсан Кубын агаарын орон зайн хилийг зөрчвөл хариуд нь эрх чөлөөний арлын эрх баригчид хил зөрчигчийг устгах болно гэж олон дахин анхааруулдаг байсан. Кубын талаас хил зөрчсөн нэг онгоц буудан унагаасан яг тэр үед Москвад гүн шөнө болж байсан тухай өгүүлдэг.

Тэр үед АНУ-аас НҮБ-д суугаа байнгын төлөөлөгч М.Олбрайт Аюулгүй зөвлөлийг яаралтай хуралдуулж, Кубын засгийн газрын террорист үйлдлийг буруушаахыг шаардаж мэдэгдэх хуудас бичигт хамгийн хатуу арга хэмжээ авах тухай тусгасан байсан.

НҮБ-ын Аюулгүй зөвлөл дахь манай төлөөлөгчийн газрын ажилтнууд мөн Хятадын төлөөлөгчид бусад хөгжиж буй орнуудаас ирсэн гишүүд төлөөлөгчид асуудалд эрүүл ухаанаар хандаж мэдэгдэх хуудсыг зүй зохистой үг найруулалтай бичих талаар ажилласан юм. Болсон явдлыг мөрдөн шалгах болон үнэнийг тогтоох үйл ажиллагаанд хөндлөнгөөс оролцож саад болохгүй хэн нэгнийг ямар нэг үндэслэлгүйгээр буруутгахгүй байхыг шаардсан.

Бид мэдэгдэлийн агуулгыг зүй зохистой боловсруулж чадсан бөгөөд дараа нь Кубын засгийн газар түүнийг сайшаан дэмжсэн юм.  Миний санаж байгаагаар бид энэ үйл ажиллагаанд зориулж маш олон цаг ажилласан ба М. Олбрайт Вашингтон руу залгахаар оролдсон боловч эцэст нь бид "түүнийг шахаж чадсан юм" гэж тэрбээр хэлсэн байдаг.

Тэрбээр "НҮБ нь Дэлхийн 2-р дайнаас үлдсэн үнс нурман дээр байгуулагдсан бөгөөд хүн төрөлхтний түүхэн дэх хамгийн цуст үйл явдал болсон ийм явдал дахин гарч болохгүй үүний тулд НҮБ байгуулагдсан юм” гэж түүнд хэлж байжээ.

Энэхүү байгууллагыг үндэслэн байгуулсан 3 орны нэг бол Зөвлөлт Холбоот Улс байсан бөгөөд Беловежских хэлэлцээр байгуулагдсаны дараахан (РСФСР) ЗСХБНХУ нь ОХУ болсон.

Тухайн үед ОХУ-ын дипломат харилцааны хамгийн анхны бөгөөд чухал алхамуудын нэг нь НҮБ-ын дүрмэнд хуучин ЗХУ бүх үүргийг Орос улс залгамжлагч гэж хүлээн зөвшөөрүүлэх үйл явдал байлаа. Энэ шийдвэрийг тухайн үед дөнгөж шинээр бий болоод байсан Тусгаар тогтносон улсуудын хамтын нөхөрлөлийн орнуудын төлөөлөгчид болон НҮБ-ын бүх гишүүд бүрэн дэмжиж байсан юм. Тиймээс бидний санал Манай улс НҮБ-ын Аюулгүй зөвлөлд байнгын гишүүнээр элсэн орох, Орос улсыг НҮБ-ын үүсгэн байгуулагч гэж хүлээн зөвшөөрүүлэх явдал байлаа гэж Сергей Лавров дурсан ярьжээ. Тэр энэ үүргээ ч амжилттай биелүүлсэн чадварлаг төлөөлөгч, тэр дундаа НҮБ ба олон улсын байгууллагуудад 10 гаруй жил ажилласан хашир туршлагатай, мэргэжлийн дипломат ажилтан байсан юм.

НҮБ-д суугаа ОХУ-ын байнгын төлөөлөгчийн газрын тэргүүнээр С.Лавров ажилласан он жилүүд Оросын хувьд олон улсын тавцанд хамгийн үр ашигтай амжилттай ажилласан жилүүд байсан гэж үздэг. Энэ жилүүдэд гаргасан Оросын олон тооны санаачилгыг НҮБ байнга дэмжиж ажилласан байдаг. Тэрбээр дипломат үйл ажиллагаатай холбоогүй энгийн ахуйн асуудлыг ч хөндөж байжээ. НҮБ-ын ерөнхий нарийн бичгийн дарга Кофи Аннанд Нью Йорк хотын захирагчтай тохиролцсоны дагуу НҮБ-ын төв байранд тамхи татахыг хориглох шийдвэр гаргаж, уг хориг удаан хугацаанд хүчин төгөлдөр мөрдөгдөж байжээ.

Хэдий тийм ч НҮБ-д суугаа Оросын дипломат төлөөлөгчийн газрын тэргүүн архаг тамхичин, С.Лавров тамхи татахаа багасгаж чадахгүй энэ шаардлагыг биелүүлэхийг хүсээгүй бөгөөд К.Аннаныг эрс шүүмжилжээ. Тэрбээр "Энэ байшин нь ганц түүний эзэмшлийн бус НҮБ-ын бүх гишүүдэд харьяалагддаг, ерөнхий нарийн бичгийн дарга гэдэг эзэн биш зөвхөн менежер юм" гэж мэдэгдэж байжээ. Гэрч нарын мэдүүлснээр тэр цагаас хойш С.Лавровд зориулсан үнсний сав төв байранд тавьж эхэлсэн ба Ерөнхий ассемблейн шийдвэрээр тусгайлан зааж өгсөн газруудад тамхи татахыг үргэлжлүүлэх болсон гэдэг.

НҮБ-дахь Оросын дипломат албаны тэргүүн Ойрхи Дорнодын асуудлыг зохицуулах Иран, Хойд Солонгосын цөмийн хөтөлбөрийн асуудлаарх хэлэлцээнд оролцсон мөн Америкийн пуужингийн довтолгооноос хамгаалах системийг Европт байрлуулахыг идэвхтэй эсэргүүцэж байсан Косовод тусгаар тогтнол олгохыг эсэргүүцсэн гээд Оросын байр суурийг хатуу хамгаалдаг байжээ.

Зарим эх сурвалжад ерөнхийлөгч В.Путин 2000 онд Нью-Йоркт болсон Мянганы дээд хэмжээний уулзалтын үеэр Лавровыг анзаарчээ. Мэргэжилтнүүдийн үзэж байгаагаар тухайн үед Лавров олон улсын болон Оросын улстөрчидөд хүлээн зөвшөөрөгдсөн хамгийн нэр хүнд бүхий дипломат ажилтан байсан бөгөөд НҮБ-д олон жил ажилласан туршлагатай ажилтаны хувьд олон талт дипломат харилцааны асуудлаар бусдаас илүү байлаа.

Түүнийг 2004 оны гуравдугаар сарын 9-нд Ерөнхийлөгч  В.Путин ОХУ-ын Гадаад хэргийн сайдын албан тушаалд томилсон мөн Ерөнхийлөгч Дмитрий Медведев албан тушаалдаа орсоны дараа түүнийг 2008 оны тавдугаар сард дахин томилсон гэх мэтээр хэд хэдэн засгийн газар дамжин энэ албанд ажиллаж байна.

С.Лавров ОХУ-ын Гадаад харилцааны яамыг тэргүүлэн ажилласан энэ олон жилийн хугацаанд олон улсын янз бүрийн асуудалтай тулгарч, тэр бүгдийг харилцан ойлголцол хүндэтгэлийн хүрээнд дипломат аргаар шийдвэрлэхийг эрмэлзэж иржээ. С.Лавров Балтийн орнуудтай газар нутгийн маргаантай асуудлыг шийдвэрлэх, Өмнөд Осетия ба Абхазийн орчим дахь зөрчлийг шийдвэрлэх, ТУХН-ийн орнуудын шинэ эрх баригчидтай найрсаг энгийн харилцаа тогтоох зэрэг олон асуудлыг шийдвэрлэсэн байна. Мөн Орос, Гүржийн харилцаа муудаж 2008 оны наймдугаар сард зэвсэгт мөргөлдөөн болсны дараа Их Британи-Оросын харилцаа эрс хүйтэрч элчин сайдын яамны ажилтнуудаа харилцан хөөж гаргахтай холбоотой дипломат дуулиан шуугиан болж байсан гээд олон асуудлууд бий.

ОХУ- ын хувьд Сирийн асуудлаар бусад орны улс төрийн дотоод хэрэгт хөндлөнгөөс оролцох ёсгүй гэсэн хатуу байр суурь баримталж, ерөнхийлөгч Башар Асадын засгийн газрын талыг дэмжих болно гэлгээ олон удаа зарласан.

Оросын судалгааны байгууллагын (ВЦИОМ) хийсэн судалгаагаар Сергей Лавров ОХУ-ын Засгийн газрын сайд нараас хамгийн үр бүтээлтэй ажилласан гурван сайдын нэг гэж үнэлэгдсэн байдаг.

Их Британийн “Daily Telegraph” сонины 2008 оны есдүгээр сарын дугаарт Сергей Лавровын тухай эгдүүцсэн баримт нийтлэгдэж байжээ.

Нийтлэлд бичсэнээр С.Лавров Их Британийн ерөнхийлөгч Д.Милибандтай хийсэн ярилцлагын үеэр 2008 оны наймдугаар сард Өмнөд Осетид гарсан зөрчил маргааныг шийдвэрлэхтэй холбоотой асуудлаар сэтгүүлчид хариулахдаа зүй бус үг хэллэг хэргэлсэн «Who are you to fucking lecture me?»"Чи надад лекц уншдаг хэн юм?" гэсэн байна. Тухайн үед С.Лавров сэтгүүлчдэд түүний ярианы талаар тайлбар хийхдээ "Милибандтай өвөрмөц орчинд танилцсан тэр надтай Европын холбооны өгсөн заавар зөвлөмжийн дагуу харилцан ярилцсан тэр үед би түүнд Саакашвилигийн талаар "fucking lunatic"» фанатик амьтан гэж хэлсэн.  Бодит байдал тийм юм чинь гэжээ.

Харин ерөнхийлөгч Милибанд есдүгээр сарын 15-нд BBC-н сэтгүүлчид өгсөн ярилцлагадаа "Энэ уулзалтын тухай мэдээлэл худал байна …"тэр намайг “долбаным-дүүрсэн тэнэг "гэж хэлсэн нь худал мэдээлэл гэж хариулсан байдаг.

Ер нь Сергей Лавров хэвлэл мэдээлэлд ярилцлага өгөхдөө нээлттэй чөлөөтэй харилцаж сэтгүүлчдийн асуултанд чин сэтгэлээсээ шударгаар хариулдаг зориг шийдэмгий дипломатч юм. Сергей Лавровын хэлсэн үг ишлэлүүдэд Орос ба АНУ-ын харилцааны талаар "Вальс бүжиг бол байрандаа эргэх хөдөлгөөн юм. Тиймээс вальс тохиромжгүй байх нь бий, Харин танго бүжиг илүү сайн байж болно. Гэвч түүнд бас огцом хөдөлгөөнүүд байдаг. Бидэнд твист  байсан, Тиймээс хоёр алхам урагшаа нэг алхам ухрах хөдөлгөөн үйлддэг, Хандлага нь эерэг гардаг” гэж хэлсэн нь бий.

Түүний хэлсэн үгүүдэд "АНУ тэргүүтэй барууны орнууд ардчилал, хүний ​​эрх, хууль эрх зүй улс орнууд тэгш эрх, тусгаар тогтнолыг дэмжинэ гэдэг харин олон улсын тавцанд яг эсрэг байр суурь баримтлан НҮБ-ын дүрэмд тусгагдсан улс орнуудын тусгаар тогтнол тэгш эрхийг хангах ардчилсан зарчмыг үгүйсгэж, энэ бүх үнэт зүйлийн эсрэг шийдэхийг хичээдэг”

“Вашингтон хэт нэг талыг баримтлан өөрийн ашиг сонирхлыг хамгаалахын тулд цэргийн хүчийг хаана ч хэрэглэх эрхтэй гэж ил тод заралдаг”, "Олон улсын харилцаа нь харилцан ойлголцол, тэгш эрх, уян хатан харилцаа холбоон дээр суурилдаг энэ зарчимаар явагдах ёстой", "АНУ-ын бодлого олон улсын харилцааны бүхий л үнэт зүйлийг тогойг нь хөлрүү харуулах гайхалтай чадвартай.", "Улс төрд та өөрт чинь юу тустай байгааг олж харах хэрэгтэй, Өөртөө ашиггүй хамааралгүй зүйлийг анзаарахгүй байх гэсэн дүрэм ч байдаг”, "Оросууд бид хэн нэгнийг албадахгүй, бид хэн нэгнийг доромжлохгүй, заналхийлдэггүй … Бид эелдэг ёс журамтай хүмүүс юм …"

"Оросуудын хувьд Крым нь Фолклендын арлын төлөө Британий үйлдсэн халдлагатай харьцуулашгүй асар их утга учиртай зүй ёсны явдал юм" гэх мэт олон өвөрмөц хурц мэдэгдэл ишлэлүүд байдаг бөгөөд хэвлэл мэдээллээр цацагдан олон нийтэд дуулиан шуугиан тарьж байсан явдал ч олон бий.

Арабын хавар, Сирийн иргэний дайн, ОХУ- Крымийн хойгийг Украйны оролцоогүйгээр өөртөө нэгтгэсэн үйл явц, үүнээс улбаатай эдийн засгийн хориг арга хэмжээ, АНУ-ын ерөнхийлөгчийн гадаад дотоод бодлогын шинэ параметрүүд, BREXT, Европыг интеграцийн сорилт, ШХАБ-ын өргөжилт, Евро-Азийн эдийн засгийн холбооны тэлэлт, Хятад Америкийн худалдааны дайн, “Нэг бүслүүр нэг зам” санаачилга, Хойд Солонгос, Ираны цөмийн хөтөлбөр гээд олон асуудлыг шийдвэрлэхэд том гүрний гадаад хэргийн сайдын хувьд тэрбээр оролцдог.

Түүнээс гадна С.Лавров нэг туйлтай ертөнцийн загвар нь амьдрах чадваргүй бөгөөд олон улсын тулгамдсан асуудлуудыг шийдэхдээ бүс нутгийн хэмжээнд улс орнуудын эрх тэгш харилцаан дээр тулгуурлан шийдэх ёстой. Ийм нөхцөлд Орос улс дэлхийн улс төр, эдийн засгийн амьдралд идэвхтэй, бүрэн эрхт "тоглогч" болон эргэн ирэх нь онцгой ач холбогдолтой байх болно гэж мэдэгдсэн байдаг.

С.Лавровыг ОХУ-ын Ерөнхийлөгч Борис Ельциний тушаалаар 1998 онд "Эх орны төлөө хүндэтгэл үзүүлэх" IV зэргийн одонгоор шагнажээ. Түүнээс гадна түүнд засгийн газрын хэд хэдэн шагналууд бий.  Мөн түүнийг 2005 онд 55 насны ойгоор нь  Ерөнхийлөгч В.Путиний зарлигаар ОХУ-ын гадаад бодлогын чиглэлд олон жилийн үр бүтээлтэй ажилласныг үнэлж "Эх орны төлөө" III зэргийн одонгоор шагнасан байна. ОХУ-ын Ерөнхийлөгч асан Дмитрий Медведев түүнд 2010 онд "Эх орны төлөө хүндэтгэл үзүүлэх" II-р зэргийн одон шагнаж байсан мөн энэ онд ОХУ-ын Хөдөлмөрийн баатар цолоор шагнасан гэж дээр бичсэн.

ХОББИ БА ГЭР БҮЛ 

С.Лавров морь унах, уулын голоор завиар сэлэх дуртай, мөн хөлбөмбөгийн хорхойтон төрлөх Москва хотынхоо "Спартак" багийн дэмжигч төдийгүй өөрөө ч тоглох дуртай. Түүний нэг муу зуршил нь тамхи их татдаг, хэзээ ч түүнээс татгалзаж чаддаггүй ажээ.

Түүний бас нэг хобби шүлэг бичиж, гитар тоглох, дуулах дуртай түүний бичсэн шүлэг Москвагийн Олон улсын харилцааны дээд сургууль төгсөгчдийн холбооны сүлд дуу болон дуулагдаж байна. Үүний зэрэгцээ эрхэм сайд рафинг сонирхдог, ОХУ-ын Сэлүүрт завины холбоог тэргүүлдэг.

С.Лавров их сургуулийн 3-р курсэд байхдаа ирээдүйн орос хэл, уран зохиолын багш Мариятай гэрэлснээс хойш 40 гаруй жилийг хамтдаа туулж байна. Гэргий Мария Александровна багш мэргэжилтэй.  Их сургууль төгссөн, дээд мэргэжил эзэмшсэн ч дипломатчийн эхнэр тул мэргэжлээрээ ажиллах боломж гараагүй, зөвхөн нөхөр, хүүхэд гэр бүлдээ бүхнээ зориулжээ.

Мариягийн хувьд Сергей Лавровд анхны харцаар дурласнаа ярьдаг. Энэ тухай тэрбээр "Би Серёжаг тэр дор нь анзаарсан. Царайлаг, өндөр залуу үдэшлэг дээр гитар аван Высоцкийн дууг гайхамшигтай дуулж эхлэхэд охидууд галзуурах шахаж байсан юм. Тэр яруу найраг сонирхож, шүлэг гайхалтай сайхан уншиж, гитар тоглон дуулдаг, басхүү сонирхолтой залуу байлаа” хэмээн дурсан ярьжээ. Сергей Викторович одоо ч яруу найраг сонирхдог, шүлгээ бичиж, гитар тоглон дуулдаг хэвээрээ.

Эхнэр Мария Александровна ухаалаг, даруу нэгэн бөгөөд олны нүдэнд бага өртөхийг хүсдэг ч шаардлагатай үед нөхөртэйгөө хамт байхыг эрмэлздэг байна. Загварлаг хувцасладаг. Түүний талаар найз нөхөд, ойр дотнынхон нь “Мария Александровна ухаалаг, боловсролтой. Нөхрөө бүхий л талаар дэмжиж, найдвартай ар тал нь болдог” хэмээн магтан ярьдаг байна. Тэрбээр нөхрийн хамт хэсэг хугацаанд Нью-Йорк хотод амьдрахдаа НҮБ-д суугаа ОХУ-ын байнгын төлөөлөгчийн газрын номын сангийн менежерээр ажиллаж байсан төдийгүй нөхрийнхөө “нөмөр”-т байхыг хичээдэг Мария амьдралд идэвхтэй байр суурь баримтлан дипломатуудын эхнэрүүдийг нэгтгэн "Эмэгтэйчүүдийн клуб" байгуулж байжээ.

Энэхүү байгууллагын ачаар гадаадад гэр бүлтэйгээ очсон эмэгтэйчүүд амьдралын шинэ нөхцөл байдалд илүү хурдан, зүй зохистой дасан зохицох чадварт суралцаж байсан ба гадаадын дипломатуудын эхнэрүүдэд хүний нутагт биеэ хэрхэн зөв авч явах, хүмүүстэй зөв харилцахад нь зөвлөгөө өгч тусалдаг байжээ. Тус “Эмэгтэйчүүдийн клуб”-ын нэр хүнд маш хурдан өсч, гишүүд нь өнөөдрийг хүртэл Мария Александровнад талархан, түүнийг сайн сайхнаар дурсан ярьдаг болжээ.

Тэдний цорын ганц охин Катя Лаврова Сергей Викторовичийг НҮБ-ын ЗХУ-ын байнгын төлөөлөгчийн газарт ажиллаж байхад Нью Йорк хотод мэндэлсэн. Охин нь Манхэттэны ахлах сургууль, Колумбийн их сургууль төгссөн. Катя Лондон хотод сурч байхдаа эмийн магнатын хүү Кембриджийн төгсөгч Александр Винокуровтой танилцаж 2008 онд гэрэлжээ. Тэд хүү охин хоёртой бөгөөд эрхэм сайд зээ нарынхаа халамжит өвөө  нь болсон юм.

Сайдын хүргэн нь одоо Сумма Групп холдингын ерөнхийлөгчийн албан тушаалыг хашиж байгаа бөгөөд Новороссийскийн арилжааны далайн боомт ХК-ийн ТУЗ-ийн гишүүн юм байна.

Сергей Лавров, гэргий Мария, охин Екатерина нарын хамт

Диломатч охин Екатеринагийн хамт

 

Монгол Улсын Зөвлөх Инженер:  Д.Отгонбаатар

 

Энэ мэдээнд өгөх таны сэтгэгдэл?
22
ЗөвЗөв
5
ТэнэглэлТэнэглэл
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

32 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Заагч 2020-04-23 202.179.31.252

Агуу дипломатч шүү атаархагч х***а хурлийзууд л муулж байна өөр хэн ч биш Монголд дэмжлэгтэй ханддаг америк ноёрхлыг эсэргүүцдэг хүн

Avatar

ХӨХҮ-БАРС 2020-04-23 202.131.243.190

In addition to the multilateral policy, who to rely on is a long-term policy,

Avatar

zzz 2020-04-23 202.21.108.33

энэ Лавров бол Импералист Оросын милитарист допломатч 🙂 энэ сайдын үед ОХУ мөн ч олон улстай хонь чоно болсон доо

Avatar

Зочин 2020-04-23 202.131.243.190

битгий дэмийрч балайр даа.

Avatar

ДДДДД 2020-04-23 202.131.243.190

олон улсын тавцанд нэр хүндтэй дипломатч юм даа

Avatar

Зочин 2020-04-23 202.131.243.190

нэр хүндтэй дипломатч даа

Avatar

Зочин 2020-04-23 182.160.35.109

Нөгөө жийнс таавчигний загвар өмсөгч гоо залуу мөнө үү?

Avatar

Зочин 2020-04-23 202.131.245.243

Халтайсан хар гуйлгачин чи энд ингэж амаараа унгас алдаж, дороо хий оцгонож байхынхаа оронд ном, эрдэмд шамдан суралц аа, за юу.

Avatar

Зочин 2020-04-23 202.126.88.128

Лавров бгаа цагт ОХУ одоо шиг Европ, АНУ-н худалдаа, у/төрийн хоригт ороогдсон орон хэвээр бх болно. САЙН Л БИЗ кккк

Avatar

Зочин 2020-04-23 103.212.119.101

Малын оркуудын бичиж байгаа сэтгэгдлийг хараач. Энэ хүний хөлийн чигчий хурууны үнэгүй шаарууд.
Ядаж 1 өгүүлбэр англар хэлээд сурих эхлээд.

Avatar

Зочин 2020-04-23 122.201.23.44

чи тгээд үхснээ өмхий оросыг өмөөрөөд бгаа хулгайч вэ хэхэхэ

Avatar

Зочин 2020-04-23 202.131.245.243

Олон долоон юм хуцалгүй явж мантуугаа гудар.

Avatar

баянаа 2020-04-23 122.201.23.44

олон газар дайн эхлүүлсэн хулгайч да хаххааа Сири, Гүрж Осети Украйн Дрнбасс гээд оросын цэрэг түрэмгийлж бгаа бүх газар энэ хулгайчтай холбоотой

Avatar

zovhin 2020-04-23 66.181.186.22

Manaid irehed Purevsuren eeree hivsen deer zochinoo tsementen deer alhyylsan tuuh uldeesen ydaatai

Avatar

Зочин 2020-04-23 66.181.185.122

дэлхийд данстай хулгайч луйварчин шүү дээ, youtube дээр оросууд энэ хулгайчийг илчилсэн гоё нэвтрүүлэг хийсэн бна билээ

Avatar

Зочин 2020-04-23 202.131.245.243

Халтайсан хар гуйлгачин чи ном, эрдэмд шамдан суралц.

Avatar

Зочин 2020-04-23 103.229.120.97

Гадаад харилцаа бол уламжлал ОХУ, БНХАУ дээр маш тод харагддаг Манайх бас жижиг Улс тусмаа залгамж чанар нарийн бодлого байх ёстой л юм.

Avatar

Зочин 2020-04-23 103.14.36.18

Бидний өвөг дээдсийн буянд хүчирхэг том гүрэн болсон гэдгийг Орос, Хятад 2-т далд утгаар сануулж байх хэрэгтэй. Бид ч бас хүчирхэг хойч үеэ бодлоготойгоор бэлдмээр байна.

Avatar

Зочин 2020-04-23 103.14.36.18

Дээрхи бичсэн хэлсэн шигээ байдаг эсэх нь эргэлзээтэй, орос хятад ер нь барууныхан манайд дээрэлхүү ханддаг шүү дээ, бусдад дээрэлхүүлэхгүйн тулд манай төр засгийн томчуул, дипломатчид өөрсдөө маш их уншиж, мэдлэгээ тэлж, хүчирхэг байх хэрэгтэй. Бас олон нүүдлийн цаадахыг харах, түүхээ сайн мэддэг байх хэрэгтэй

Avatar

у 2020-04-23 202.9.46.176

Уг гарал нь еврей ! Яахав Орос их гүрний алдагдаж байсан гадаад бодлого, дээрэнгүй үзлийг хамгаалж тогтворжуулахад дэлхийн тавцанд үнэтэй хувь нэмэр оруулсан л хүн ! Лавров гэдэг еврей байгаагүй бол Оросын эзэн В Путин Крымыг Оросод нэгтгэж, Сирид цэргийн ажиллагаа явуулж чадахгүй олон улүсын тавцан дээр маш их ганцаардах байсан болов уу !!! Тухайн цагтаа Сталин Молотовыг бүхэл бүтэн армитай зүйрлэсэн бдг ! Яг л түүнтэй адил.

Avatar

Зочин 2020-04-23 103.68.107.30

еврей биш, армени гаралтай

Avatar

Зочин 2020-04-23 66.181.161.93

Сергей Викторович Лавров бол мундаг дипломат хүн л дээ. Дэлхийн хамгийн хүчирхэг их гүрэн Оросын Холбооны улсын гадаад бодлогыг олон жилийн турш нуруундаа үүрч ирсэн мундаг хүн. Энэ хүний ачаар Оросууд олон улс дэлхийн тавцанд өөдтэй өнгөтэй тэргүүн эгнээнд маш нэр хүндтэй явж ирсэн. Цаашдаа ч Агуу их Орос улс эдийн засаг санхүү цэрэг арми боловсрол мэдлэг хөгжил цэцэглэлтээрээ дэлхийд тэргүүлж удахгүй Орос улс дэлхийн хамгийн том эдийн засагтай хүчирхэг Баян чинээлэг улс болно. Энэ үнэн шүү.

Avatar

Зочин 2020-04-23 73.239.67.246

Oros tegeed hamgiin huchirheg guren uu hehehe 😂 dundad zuundaa och

Avatar

Зочин 2020-04-23 150.129.141.131

Гадаад харилцаанд ОХУ-ын нүүр царай болсон хүн бна лээ. Манайд ч МГИМО төгссөн олон "Лавровууд" бий. Тэднийхээ хүчийг Монголын төр хир ашиглаж байгаа бол. Ер нь гадаад харилцаа уламжлалтай байхыг ОХУ-ын туршлага харуулаад байна. Гэхдээ би гадаад харилцааны хүн биш л дээ. ГХЯ-д миний танил, хүндэлдэг олон хүмүүс ажилладагаас л үүдэн ярьж байгаа хэрэг.

Avatar

С.Лавров мандтугай 2020-04-23 59.153.112.213

Монгол улс ийм Эх орон ч, мэргэжлийн бэлтгэгдсэн, хүлээн зөвшөөрөгдсөн Сайд нартай байдаг бол мөн их өөр байх байлаа даа. Гадаадад байтугай дотроо ард иргэддээ хэзээ ч хүндлэгдэхгүй, хүлээн зөвшөөрөгдөхгүй намын шахааны томилгоонууд
манай улсыг элгээр нь хэвтүүлж, Монгол төрийг нэр хүндгүй, хүчгүй болгож байна.

Avatar

Хотын уугуул ЧД иргэн Бат 2020-04-23 202.179.24.41

Нилээн дэлгэрэнгүй сүрхий юм бичжээ. Харин "Их Британийн ерөнхийлөгч Д.Милибанд" гэж бичсэн байх юм. Их Британи Ерөнхийлөгчгүй улс байхаа. Д.Милибанд гэх нөхөр "Их Британи дахь Олон улсын тусламжийн хорооны ерөнхийлөгч" гэж бичих байсныг ташаа бичжээ. (The International Rescue Committee) Манай ГХЯ-ны Цогтбаатар, Оросын Лавров хоёрыг зэрэгцүүлэхэд манай хүн инээдтэй жул харагдах байх л даа. Гэхдээ яахав, атигар ч гэсэн аавын хүү…

Avatar

Д.Батжаргал 2020-04-23 117.102.187.40

Дипломат төлөөлөгчийн газарт огт ажиллаж үзээгүй Гадаад харилцааны сайдтай улс шүү дээ Монгол Улс…

Avatar

Уншигч 2020-04-23 43.242.243.206

Энэ тэнд очиж удаан хугацаагаар ажиллаж амьдрах нь хайран хугацаа байж болох л юм …

Avatar

Зочин 2020-04-23 202.21.108.254

Мундаг дипломатч л даа. Олон улсын харилцааны тухай мэдлэггүй хүн бол ойлгохгүй. Манайд жийнстэй буусан нь хүртэл маш өргөн хүрээний асуудал. Монголчуудыг нэг талаар хүндэлсэн юм л даа. Учир нь монголчууд Америкт дуртай учраас жийнстэй буусан байдаг. Даанч энэ дипломат агуулгыг тайлбарлах хүн одоо хүртэл гарч ирээгүй л байна. Тэгээд баахан дипломатч гээд нэртэй хүмүүс байхыг нь яана.

Avatar

Ёстой нохой долоо 2020-04-23 64.119.16.168

Путины бууны нохой. Их дээрэлхүү, манайд ирэхдээ жинстэй онгоцноос бууж байгаа юм даа. Энэ залуучууд мэдэхгүй л дээ, оросууд ер нь монголчуудтай дээрэлхүү харьцдагийг. Нохой долоо, энэний шилдэг дипломатич болох нь.

Avatar

Зочин 2020-04-23 202.179.24.41

Харин М.Помпео бол Трампын чинь бас бууны нохой болох нь

Avatar

Зочин 2020-04-23 121.168.50.25

Мундаг дипломатч байна.

NewsMN Гар утасны хувилбар Татах
NEWS.mn

Мэдээллийн эх сурвалж