ОХУ-д “covid-19” өвчинтэй хүмүүсийг эмчилж байсан бөөрний эмч халдвараар нас барсныг хамт ажиллагсад нь мэдээлжээ. 56 настай Максим Старинский нь Москва хот дахь коронавирусийн халдварыг эмчлэх Коммунарка эмнэлэгт нас баржээ. Тэрбээр Ахмад дайчдын гуравдугаар эмнэлэгт ажиллаж байхдаа халдвар авсан аж. Максим Старинский нь ОХУ-д коронавирусийн халдвараар нас барсан анхны эмч болов.

Эх сурвалжийн мэдээлснээр Ахмад дайчдын гуравдугаар эмнэлгийн 64 эмч, эмнэлгийн ажилтан өнгөрсөн долоо хоногт коронавирусийн халдвараар оношлогджээ. Түүнчлэн дээрх хоёр эмнэлэгт хоёр эмнэлгийн ажилтан эрчимт эмчилгээнд байгаа аж.

ОХУ-д өнөөдөр халдварын нийт тоо 52763 болж өссөн ба 456 хүн нас баржээ.

Эх сурвалж: The Moscow Times