Сансраас баялаг олборлоно | News.MN - Мэдээллийн эх сурвалж

Сансраас баялаг олборлоно

Хуучирсан мэдээ: 2015.12.01-нд нийтлэгдсэн

Сансарт олборлосон баялгаа өөрсдийн дураар ашиглах боломжийг хувийн компаниудад олгосон хуулийн төсөлд АНУ-ын Ерөнхийлөгч Барак Обама гарын үсэг зуржээ.

Уг хууль нь сансарт олборлосон баялгаа Дэлхийд хүргэсний дараа эзэмших эрхийг зохицуулах бөгөөд сансарт олборлосон бүх баялаг нь олборлогч компани эзэмшинэ гэсэн үг юм. Үүнээс гадна, олборлогч компаниуд 2023 он хүртэл Засгийн газрын хяналт шалгалтаас чөлөөлөгдөх бөгөөд энэ нь тэдэнд сансрыг эзэмших салбарт шинэ технологи боловсруулахад анхаарлаа төвлөрүүлэхэд нь туслах ёстой байна.

“Түүхэн утгаараа энэ бол маш нааштай алхам юм. Магадгүй энэ нь манай соёл иргэншлийг өөрчлөхийг үгүйсгэх аргагүй. Нарны аймгийн баялгийг хэрэгцээндээ ашиглах боломжтой болох тэр мөч удаан хугацаанд дурсагдах болно. Хуульгүйгээр үүнийг хийх боломжгүй байсан”  гэж “Deep Space Industries” компанийн төлөөлөгчид мэдэгджээ.

Харин “The Conversation” сэтгүүлийн сэтгүүлч Гбенга Одунтан дээрх хууль нь сансартай холбоотой хэд хэдэн чухал гэрээг зөрчиж байна гэж үзэж байна.

“Энэ хууль нь 1967 онд байгуулсан Сансрын тухай гэрээ, мөн 1979 оны Сарны тухай гэрээг зөрчиж байж магадгүй. Тухайн үед улс орнууд тэнгэрийн биетүүтэд бүх улс эрх тэгш байх зарчмыг тунхагласан. Өөрөөр хэлбэл, сансрын объектуудад эрх мэдлийг тараан хувааж өгөх нь хууль бус үйл ажиллагаа гэсэн үг юм” гэж Одунтан хэлжээ.

Тус сэтгүүлд мэдээлснээр, сансарт ийм ажил явуулахтай холбоотой болгоомжлол мөн эрдэмтэд  байгаа аж. Сансрын аппаратууд солируудад дэлхийн бичил биетүүдийг аваачиж магадгүй бөгөөд энэ нь ирээдүйд судалгааны ажилд саад болж магадгүй гэж тэд үзэж байна.

Т.МӨНХ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-01 202.179.20.80

Myanganbayart bitgii heleerei

zochin 2015-12-01 182.160.37.54

manai ninj nar ochtson bna lee

Зочин 2015-12-01 86.66.31.238

ene salbar ireeduin ashigt maltmal olborolt bolno. ene taliin shine technology -iig bid turuulj gargaj nevtruulbel delhiigee avarch chadna daa

Зочин 2015-12-01 103.26.195.164

Odoo nuguu hevtee tsenher sansariinhan hudulguun eserguutsel ilerhiilj, ulsgulun zarlana daaa yaanaaa