НЭМЭЛТ:

УОК-ын 19 дугаар хуралдаанаас гарсан шийдвэрийн талаар мэдээлэл хийлээ. Европын холбооны улсаас ОХУ-аар дамжин Сэлэнгэ аймгийн Алтанбулагийн боомтоор орж ирсэн ачаа тээврийн жолоочоос коронавирусийн халдвар илэрсэнтэй холбоотой Улаанбаатар хот, Дархан-уул аймаг, Сэлэнгэ аймгаас орох, гарах чиглэлийн хот хоорондын зорчигч тээвэр, суудлын галт тэрэгний хөдөлгөөнийг өнөөдөр /2020.04.21/ 21.00 цагаас дөрөвдүгээр сарын 25-ны 06.00 цаг хүртэл түр зогсоохоор болжээ.

УОК ШУУРХАЙ ХУРАЛДААН ЗАРЛАЛАА

Улсын Онцгой комисс цаг үеийн асуудлаар өнөөдөр /2020.04.21/ 18.30 цагт шуурхай хуралдаан зарлажээ.

Манай улсад короанвирусийн халдвар зөөвөрлөгдөж орж ирсэн 34 тохиолдол илэрсэн. Гадаадад байгаа иргэдээ татан авах ажиллагааг Улсын онцгой комисс, Гадаад харилцааны яам зохион байгуулж, дөрөвдүгээр сарын 30-нд Сөүл, тавдугаар сарын 2-нд Франкфурт руу МИАТ-ийн тусгай үүргийн онгоц нисгэхээр шийдвэрлэсэн юм.

Үүнтэй холбоотойгоор УОК  цаг үеийн зарим асуудлыг хэлэлцэхээр болжээ.