Шөнийн цагт 50 хувийн хямдралтай цахилгаан, эрчим хүч хэрэглэнэ | News.MN - Мэдээллийн эх сурвалж

Шөнийн цагт 50 хувийн хямдралтай цахилгаан, эрчим хүч хэрэглэнэ

Хуучирсан мэдээ: 2015.12.01-нд нийтлэгдсэн

Шөнийн цагт 50 хувийн хямдралтай цахилгаан, эрчим хүч хэрэглэнэ

Гэр хорооллын айл өрхүүд өнөөдрөөс шөнийн цагт 50 хувийн хямдралтай цахилгаан, эрчим хүч хэрэглэнэ

Агаарын бохирдлыг бууруулах, төвийн эрчим хүчний системийн арилжааны зах зээлийн үйл ажиллагааны хүрээнд гэр хорооллын айл өрхүүдэд цахилгаан халаагуур хэрэглэхийг дэмжих, дулааны цахилгаан станцууд, дамжуулах, түгээх сүлжээ компаниудын горим ажиллагааг тогтворжуулах, найдвартай, аюулгүй байдлыг хангах ажлыг холбогдох хууль, тогтоомжийн дагуу зохион байгуулж ажиллахыг Эрчим хүчний сайд Д.Зоригтод даалгалаа.

Эрчим хүчний салбарын санхүү, эдийн засгийн чадавхийг сайжруулах, үр ашгийг дээшлүүлэх чиглэлд хийгдсэн тарифын зохицуулалтын үр дүнд үндэслэн төвийн бүсийн хэмжээнд гэр хорооллын айл өрхөд үзүүлэх үнийн хөнгөлөлт, урамшууллын хэлбэр, хувь хэмжээ, хөнгөлөлт урамшуулал үзүүлэх нөхцөл зэргийг тарифын зохицуулалтын хүрээнд холбогдох хууль тогтоомжийн дагуу хянаж шийдвэрлэхийг Эрчим хүчний зохицуулах хорооны дарга С.Отгонбаярт зөвлөлөө.

Айл өрхийн цахилгаан эрчим хүчний хэрэглээний 40 орчим хувийг орон сууцанд, 60 орчим хувийг гэр хороололд амьдарч буй хэрэглэгч эзэлж байна. Гэр хорооллын айл өрхийн хэрэглэсэн цахилгаан, эрчим хүчний шөнийн хэрэглээний үнэ тарифыг 50 хувиар бууруулах зохион байгуулалтын арга хэмжээг авч хэрэгжүүлснээр одоо энгийн тоолуур хэрэглэж байгаа хэрэглэгчид тарифт тоолуур болгон өөрчлөх шаардлагатай. Тоолуураа сольсноор оройн 21 цагаас өглөөний 06 цагт хямд үнэтэй эрчим хүч хэрэглэж, цахилгаан эрчим хүчний төлбөр буурах нөхцөл бүрдэх юм.

Эрчим хүчний зохицуулах хорооноос баталсан одоо мөрдөгдөж байгаа шөнийн тариф 77,10 төг/кВт.цаг байгаа бөгөөд 50 хувиар бууруулсан тохиолдолд 38,55 төг/кВт.цаг болж байна.

ЭХ СУРВАЛЖ: ЗАСГИЙН ГАЗАР

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-01 150.129.141.36

ЦЭХТ Баруун төвийнхэн лав бид юуч мэдэхгүй гэж байна даа дарга нараа

Зочин 2015-12-01 202.179.29.66

ердөө маргааш нь сэтгүүлчдээ явуулж хэр хэмнэлт гарч бна ч гэнэ үү асуултархуу юм халээд үнэн шоудаж бна даа гэрхороолол тень залгахас өөр шөнө юугаа хийх вэ

zochin 2015-12-01 202.131.235.2

hudlaa medeelel tavihaa bolioch 70047004 asuu naadah chini hudlaa gej bsan