Ойн арчилгааны ард нуугдсан МОДНЫ ХУЛГАЙ | News.MN

Ойн арчилгааны ард нуугдсан МОДНЫ ХУЛГАЙ

Ойн арчилгааны ард нуугдсан МОДНЫ ХУЛГАЙ

Ойн арчилгааны ард нуугдсан МОДНЫ ХУЛГАЙ

Хэтэвчээ зузаатгахын тулд ойг цэвэрлэх, арчлах нэрийн дор хууль бусаар мод бэлтгэж,  дархан цаазат, тусгай хамгаалалттай газрын ойг сүйтгэж буй байдлыг сурвалжиллаа.


Нийслэлийн Баянзүрх дүүргийн Хүрхэрээгийн аманд Богдхан уулын дархан цаазат газрын модыг огтолж, нуруулдан хураасан байв. Тэндээс Хүрхэрээн амыг даган хоёр цаг орчим алхсаар дээрх модыг бэлтгэсэн бололтой газар хүрч очлоо. Дөнгөж тайрсан модны үндсүүд энд тэнд ёрдойж, мөчир, холтос овоорч, тамхины хайрцаг, архины шил зэрэг нь хог болж хөглөрчээ. Ойн арчилгаа нэрээр байгаль сүйтгэж, хулгайгаар мод огтолж буй аж ахуйн нэгжүүдийн ганцхан жишээ бол “Баялаг-Өөдөө” компани. Ой цэвэрлэх, арчлах үйлчилгээ явуулах зөвшөөрөлтэй 400 гаруй аж ахуй нэгж бий бөгөөд тэдэн дунд гэрээний үүргээ “давуулан биелүүлж”, ойг сүйтгэдэг нь цөөнгүй.

ЦЕГ-ын Экологийн цагдаагийн алба Төв аймгийн Эрдэнэ суманд шалгалт хийж, “Эбээ” ХХК-ийн хууль бус үйл ажиллагааг илрүүлжээ. “Эбээ” компани нь тус сумын Асралтад ойд цэвэрлэгээ хийх гэрээний үүргээ зөрчиж, хууль бусаар мод бэлтгэсэн байна.  Тэр ч бүү хэл, хэрэг үүсгэн шалгаж байх үеэр ойгоос  хууль бусаар дахин мод бэлтгэсэн аж.

ХУУЛЬ БУСААР МОД БЭЛТГЭДЭГ КОМПАНИУД 2007 БОЛОН 2009 ОНД БАЙГУУЛАГДЖЭЭ

Дээрх хоёр компани хэчнээн жил мод бэлтгэж байгааг мэдэхээр Burtgel.mn рүү орлоо. “Эбээ”ХХК нь Улсын бүртгэлд 2009 онд бүртгэгдэж байжээ. Ингэхдээ гадаад худалдаа, мужааны цехийн үйл ажиллагаа явуулж байсан бол 2017 оноос ойн арчилгаа, цэвэрлэгээ, модон бүтээгдэхүүний үйлдвэрлэл эрхлэх болжээ. Захирлыг нь Цэрэннамжилын Эрдэнэсүх гэдэг юм байна.

Харин “Баялаг-Өөдөө” ХХК нь 2007 онд байгуулагджээ. Анх гадаад худалдаа, арьс шир түүхий эдийн чиглэлд үйл ажиллагаа явуулж байсан бол 2008 онд газар тариалан, мал аж ахуй хосолсон бизнес эрхэлж, 2019 оноос модон бүтээгдэхүүний үйлдвэрлэл, худалдаа эрхлэх болжээ. Компанийн гүйцэтгэх захирлаар нь Бадамын Номинчимэг гэх хүн бүртгэлтэй байх бөгөөд Монголын томоохон группийн охин компани болохыг эх сурвалж дурдаж байлаа.

ХУУЛЬ БУСААР МОД БЭЛТГЭХЭД 1-5 ЖИЛ ХОРИХ ЯЛТАЙ

Модыг хууль бусаар бэлтгэж байгаа энэ асуудлыг ЦЕГ-ын Экологийн цагдаагийн газрын Урьдчилан сэргийлэх, хамтын ажиллагааны хэлтсийн мэргэжилтэн, дэслэгч Э.Ариунболдоос тодрууллаа.


-Цэвэрлэгээ, арчилгаа нэрийн дор хууль бусаар мод бэлтгэх хэрэг их гардаг юм билээ. Танай алба одоогоор үүнтэй холбоотой ямар хэргүүдийг илрүүлээд байна вэ?

-Мод бэлтгэх зөвшөөрөлтэй ойн мэргэжлийн байгууллага болох “Эбээ” болон “Баялаг-Өөдөө” ХХК-ийн үйлдлийг илрүүлээд байна.

Экологийн цагдаагийн албанаас дөрөвдүгээр сарын 16-нд Төв аймгийн Эрдэнэ сумын нутаг дэвсгэрт хяналт шалгалт хийхэд тусгай хамгаалалттай газар нутгийн ойгоос “Эбээ” компани нь хууль бусаар 120 шоо метр мод бэлтгэж байсныг илрүүлэн шалгаж байгаа. Тус компани нь энэ оны нэгдүгээр сард Төв аймгийн Эрдэнэ сумын Асралт гэх газраас ойд цэвэрлэгээ хийх гэрээний үүргээ зөрчиж, хууль бусаар мод бэлтгэснийг илрүүлэн, хэрэг үүсгэн шалгаж байх үер дахин ойд цэвэрлэгээ хийх нэрийдлээр ашиг олох зорилгоор хуурайшилт ихтэй, түймэр гарч болзошгүй аюултай энэ үед тухайн ойгоос мод бэлтгэж байсан.

Хан Хэнтийн улсын тусгай хамгаалалттай газрын захиргаанд “Эбээ” компанийн энэ оны нэгдүгээр сард гаргасан хууль бус үйлдлийн талаар мэдэгдэж, тус компанид дахин зөвшөөрөл олгохгүй байхыг анхааруулсан ч давуу байдал бий болгож дахин гэрээ байгуулж, зөвшөөрөл олгосон байна.

Богдхан уулын улсын тусгай хамгаалалттай газарт ой цэвэрлэх үйл ажиллагаа явуулж байсан “Баялаг-Өөдөө” компани нь мөн хууль бусаар мод бэлтгэж байсан.

-“Баялаг-Өөдөө” компани хэр хэмжээний модыг хууль бусаар бэлтгэсэн бэ?

-Одоогоор хэчнээн хэмжээний модыг хууль бусаар бэлтгэсэн нь тодорхой болоогүй байна. Өнгөрсөн амралтын өдөр тус компанийн ажилчдаар мод бэлтгэл явуулсан газарт нь хог, хаягдлыг цэвэрлүүлсэн.

Хуурайшилтын үед буюу гуравдугаар сарын 20-ноос зургадугаар сарын 20-ныг хүртэл ойд ямар нэгэн үйл ажиллагаа явуулахыг бүрэн хориглосон. Ийм байтал “Эбээ” компани нь Хан Хэнтийн улсын тусгай хамгаалалттай газрын Асралт гэдэг газраас ойн цэвэрлэгээ нэрийн дор хууль бусаар мод бэлтгэсэн. Энэ хэргийг Төв аймгийн цагдаагийн газар шалгаж байгаа.

-Хууль бусаар мод бэлтгэсэн тохиолдолд хуулиар ямар хариуцлага хүлээлгэх вэ?

-Хууль бусаар мод бэлтгэсэн тохиолдолд бэлтгэсэн модны их багаас үл хамааран хуулийн хариуцлага тооцдог. Эрүүгийн хуулийн 24.6 дугаар зүйлд зааснаар хууль бусаар мод бэлтгэсэн тохиолдолд 1-5 жил хүртэл хугацаагаар хорих ял шийтгэлтэй. Мөн гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн бол хуулийн этгээдийг тодорхой төрлийн үйл ажиллагаа явуулах эрх хасч 20 мянган нэгжээс 120 мянган нэгжтэй тэнцэх хэмжээний төгрөгөөр торгох ял шийтгэнэ.

ЯМАР КОМПАНИ ХААНА МОД БЭЛТГЭЖ БАЙГААГ МЭДЭХ БОЛОМЖГҮЙ

Байгаль орчин, аялал жуулчлалын яамны Ойн бодлого, зохицуулалтын газрын мэргэжилтэн Р.Ганбат

Ойг цэвэрлэх, арчлах зөвшөөрлийг олгохдоо ямар шалгуур тавьдаг талаар Байгаль орчин, аялал жуулчлалын яамны Ойн бодлого, зохицуулалтын газрын мэргэжилтэн Р.Ганбатаас тодрууллаа. Монгол орны газар нутгийн найман хувийг л ой эзэлдэг бөгөөд 40 орчим хувийг ашиглаад байгаа юм.


-Ойн арчилгаа, цэвэрлэгээ явуулах компанид ямар шалгуур тавьдаг вэ?

-Ойн цэвэрлэгээ, арчилгааг мэргэжлийн аж ахуй нэгжүүд хийдэг. Зөвшөөрлийг нь БОАЖЯ олгож байгаа. Улсын хэмжээнд ойн мэргэжлийн 400 гаруй аж ахуй нэгж бий. Эдгээр компани нь Монгол орны аль ч нутаг дэвсгэрт үйл ажиллагаа явуулах эрхтэй.

-Арчилгаа, цэвэрлэгээний хүрээнд мод бэлтгэдэг юм уу. Дээрх зөвшөөрөл авсан аж ахуй нэгжийн үндсэн үүрэг нь юу вэ?

-Арчилгааг өсвөр, залуу модонд хийдэг. Өөрөөр хэлбэл, 100-гаас доош настай ойд хэрэгжүүлдэг. Арчилгаа нь дотроо дөрвөн төрөлтэй. Цэвэрлэгээ нь хортон шавьж, түймэр, байгалийн хүчин зүйлийн нөлөөгөөр ойд унасан, хатсан, өтөж хөгцөрсөн, ургах чадваргүй болсон модыг авч ашиглах. Цэвэрлэгээ нь мөн хоёр янз байдаг. Унасан модыг ашиглах, ургах чадваргүй болсныг цэвэрлэгээний огтлолт гэдэг.

-Танайх дээрх аж ахуй нэгжүүдэд ямар шалгуур тавьдаг вэ?

-Ойд арчилгаа цэвэрлэгээ явуулахад тодорхой шалгуур бий. Тухайлбал, өөрийн тоног төхөөрөмжтэй байх, мэргэжлийн боловсон хүчин, мэргэжлийн арга зүйч, хөдөлмөр хамгаалал, ойн хээрийн түймрээс урьдчилан бүх зүйлийг хангасан байх хэрэгтэй.

-Ойг арчилж, цэвэрлэгээнд улсаар хэдэн төгрөг зарцуулдаг вэ?

-Санхүүжилт хоёр янз байдаг. Улсын төсвөөс санхүүжүүлж хийдэг арчилгаа, цэвэрлэгээний ажлууд бий. Үүнийг улс, орон нутгийн төсвийн хөрөнгөөр хийж болно. Арчилгааны огтлолын эхний хоёрыг буюу өсвөр залуу модонд хийж байгаа арчилгааг төсвийн хөрөнгөөр хийх ёстой. Учир нь, зулзаган модыг арчлахад аж ахуй нэгжүүдэд ямар ч ашиг гардаггүй. Бусад тохиолдолд буюу өөрийн хөрөнгөөр ажиллаж байгаа бол огтолсон модноосоо ашиг олоод ажилладаг. Улсын төсвөөр арчилгаа хийхэд нэг га-г 120 мянган төгрөгөөр тооцдог. Энэ нь нэг га-д маш бага мөнгө.

-Зах зээлд модны хэрэглээг хангахад жилд хэчнээн хэмжээний мод шаардлагатай байдаг вэ. Жишээ нь, энэ жил хэр хэмжээний мод ашиглах вэ?

-Модны хэрэглээний талаар орон нутгийн Засаг дарга нарын саналыг жил бүр авдаг. Энэ саналд үндэслэн БОАЖЯ-ны сайд хэмжээг жил бүр баталдаг. Энэ жилийн хувьд 1.2 сая орчим шоо метр мод ашиглана.

-Танайхаас зөвшөөрөл өгсөн зарим компани гэрээгээ зөрчсөн тохиолдол гардаг. Олгосон зөвшөөрөлдөө танайх хяналт тавьдаггүй юм уу?

-Ямар компани хаана мод бэлтгэж байгааг би, БОАЖЯ мэдэхгүй. Үүнийг мэдэх боломжгүй. Учир нь, улсын хэмжээнд үйл ажиллагаа явуулах эрхтэй 400 гаруй аж ахуй нэгж байна. БОАЖЯ нь буюу сайд нь тухайн аймаг, нийслэл, сумын жилд бэлтгэх модны хэмжээг л батална. Энэ нь ойн арчилгаа, цэвэрлэгээ хийлгэж буй сум, орон нутгийн хийх ажил. Энэ нь зөв явж байна уу, үгүй юу гэдэгт бид бодлогын хяналт тавина. Мөн энэ нь хууль хяналтын байгууллагын чиг үүргийн ажил.

-Зөрчил үүсгэсэн нь батлагдсан компаниудын зөвшөөрлийг танайх цуцалдаг уу. Тухайлбал, “Баялаг-Өөдөө”, “Эбээ” зэрэг компаниудыг танайх яах вэ?

-Хууль бусаар мод бэлтгэсэн нь шүүхээр батлагдвал манайх эрхийг нь цуцална. Манайх гурван жил болоод дээрх компаниудад аттестатчилал хийдэг. Хамгийн сүүлд 2018 онд аттестатчилал хийсэн.

Монголчуудын сэтгэлзүйд ой модыг ашиглаж болохгүй гэх сэтгэлгээ суучихсан. Өмнө нь буюу 1990 оноос өмнө мод бэлтгэлийн 20-иод газар ажилладаг, жилд гурван шоо метр мод ашигладаг байсан. Ойн баялаг  нь нөхөн сэргээгддэг. Зохистой хэмжээнд ашиглаж байж нөхөн сэргэдэг. Гэтэл манайхан мод ачсан байвал модны хулгайч гэж үздэг. Харин зөвшөөрөлгүйгээр мод бэлтгэвэл өндөр торгуультай болсон. Нэг зулзаган модыг 900 мянга гаруй төгрөгөөр тооцож, түүнийг гурав нугалсан үнээр төлүүлдэг. Энэ нь ой мод экологид ашиг тустай, түүнийг хамгаал гэдгийг илтгэдэг бол нөгөө талдаа зөв зохистой ашиглах ёстой. Ашиглаагүйгээс мод өтөлж, байгальд гүйцэтгэх үүргээ биелүүлж чадахгүйд хүрдэг.

Сүүлийн жилүүдэд модны хулгай эрс багассан. Таны дурдсан тохиолдлууд бэлтгэсэн модныхоо хаягдлыг бүрэн аваагүй, тэнд нь орхисон, арчилгаа хийх явцдаа зарим модыг гэмтээсэн ч юм уу, ийм зөрчлүүд байгаа.

ГЭРЭЛ ЗУРГИЙГ Д.ГАНБҮЖИН

Энэ мэдээнд өгөх таны сэтгэгдэл?
12
БурууБуруу
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Б.Б 2020-04-21 66.181.161.20

Ойлгохгүй юм. Газар дээрхий нь ч газар доорхыг нь ч ухсаар хүн гдг хөгийн бөөс юмдаа. Бидний эцэг өвгөд түлээ модоо түүхдээ хүртэл бидэнд үлдээхийн тулд гамнаж хайрлаж холтос гишүүхнээр галаа нозоортлоо халуун амьдарч чадахгүй явсаар ирсэн. Гтл бид тансаг орд өргөөнд амьдрах тусмаа тэнд байгаа ой хээрээ огтолсоор бна. Хөөцөлдөж бгаа хүүмүүс ч бдггүй Байсных нь амыг дардаг

Avatar

Б.Б 2020-04-21 66.181.161.20

Яг үнэн энэ сэдвээр маш сайн чухалчилж авч үзэх хэрэгтэй. Ой модыг бидний үед л хядаж дуусгалаа. Арай дэндүү. Завхан орж явахад өвөл тэр солонготын давааны ой мод үнэхээр өрөвдөлтэй устаж бхгүй болж бгаа харагдана лээ. Хувцасаа тайлчихсан нүцгэн арга яс шг. Цаад дор нь бас нэг уулын дор ЗИЛ131 гдг билүү УРАЛ гдг билүү машин 1 гэрийн гадаа бсн. Бодвол тэд модны л улс бх. Ургаж тайрхад хэдхэн цаг хугацаа орно нөхөж үржүүлж ойжуулахад 100 зуун жил орно гдгийг ухамсарын дээд хэлбэр хүмүүс даанч о

Avatar

Б 2020-04-21 103.212.116.136

Эдний ард албан тушаалтнууд бий!!!!

Avatar

Ард 2020-04-21 202.70.34.70

ИНГЭЖ ХЭЛЭЭД СУУЖ БАЙГАА ЯАМ, АГЕНТЛАГИЙГ АЖЛАА ХИЙЖ БАЙНА ГЭЖ ҮЗЭХ ҮҮ???????? АРАЙЧ ДЭЭ, ТАТАН БУУЛГА.

Avatar

Зочин 2020-04-21 43.228.131.45

Хуульчлагдсан хулгай. Аймшиг дагуулж байна. Үүнийг яаралтай шийдэх хэрэгтэй???

Avatar

Зочин 2020-04-21 103.229.121.179

Баавгай айл руу дайрсан гээд далимдуулаад баахан баавгай агнасан гэж дуулдсан далимдуулж ашиг олох арга тийм зөв арга биш дээ өөрсдийнхөө амьсгалах агаар газар орчноо л устгаад байвал хэдэн халтар цаастайгаа тун удахгүй л мөхөж устана гэдгийг хүн гээч ёрын амьтан ойлгохгүй л юм даа ойлгоод ойлголоо ч бас асуудал их байна

Avatar

зочин 2020-04-21 202.179.10.26

Ер нь бол нийгэм эдийн засагтай холбоотой өнгөрсөн 30 жилд өмнө нь байсан бүх үйлдвэрээ устгасан ард иргэд ажилгүй орлогогүй байна ойтой сумдуудад арчилгаа цэвэрлэгээний огтлолт хийх зөвшөөрөлтэй 400 гаруй аж ахуйн нэгж бий гэж байна энэ аж ахуйн нэгжүүдэд дор хаяж дөчөөд мянган хүн ажиллаж амьдралаа залгуулж байгаа уул нь Монгол орны ойн сан бүхий газарт 400 гэдэг бол ахадсан тоо л доо энэ ААН бүгд татвар төлдөг үүнээс төсөв бүрддэг учраас БОХЯам болон бусад яам агенлагууд аймаг орон нутгийн

Avatar

Зочин 2020-04-21 122.201.31.53

хөдөө орон нутагт толгойтой болгон л араамтай баына. ойн сан нөхөрлөл гэж нэрийн дор тэр ам тэрнийх энэ ам энэниых гээд л эзэнтэй тэгээд өөрсдөө хувиын юм шиг мод хийж байгаа шдээ. тэгээд тэр жирийн иргэдэд хамаарахгүй . амьдрал хоолоо залгуулахын тулд хууль бусаар явна . эсвэл баригдна эсвэл баригдахгүй . танилтай мөнгөтэй бол санасан бүгд ногоон гэрэл . үгүй бол тэгээд л мишок болно.

Avatar

ЧД иргэн 2020-04-21 202.179.25.200

Баягаль орчны яам ажлаа хийж чадахгуй байна. Удаан жил ажилчихсан нөхөд бүр дүжирчихсэн, хийх ёстой юмаа хийхгүй байна, мөн юу хийхээ ч мэдэхгүй байна. Худлаа юм яриад сууж байгаа. Үнэн хэрэгтээ, ойд "цэвэрлэгээ" хийх нэртэй компаиуд бол голдуу яамны далд эзэнтэй компаниуд байдаг нь нууц биш байхаа. Чоноор хонь мануулна гэж энэ дээ..Ичиж амьдар…

Avatar

Зочин 2020-04-21 202.9.46.194

Энэ үедээ хоолтой байв ч хожим үр хүүхэд нь харангадаж үхэж удам судар нь тасрах нүгэлтнүүд.

Avatar

mongol 2020-04-21 202.21.116.78

arai denduu yum aa. Mongol bol modtoi uls bish. Bas ih belcheer muurai tsoljilt ih yavagdag gazar shyy dee.

Avatar

Зочин 2020-04-21 66.181.176.71

Оюун хорол авгай сайд байхдаа Монголын ойг устгах ажлыг хуульчмлж өгсөн. Тэр өөрөө ой устгадаг мафийн толгойд байдаг юм шиг л юм болсон. Оюунхоролын эхлүүлсэн энэ ой модоо цэвэрлэгээ нэрийн дор хяргах ажил ч одоо үнэхээр мафи боосон байхаа дрон нисгээд шууд зураг аьчихаж чадахгүй юу. Хамгийн наад зах нь гэхэд машины мөрөөр мөшгөөд яг дээр нь ордог юм байгаа биздээ. МАН -ын хулгайч алгийн шаарнууд хулгай л хийнэ. Хүүк өөрөө ч хэлсэн. Хулгайчдын үүр уурхай болсон нам ч гэж дээ зайлуул

Avatar

Зочин 2020-04-21 102.129.224.2

хмм

Avatar

Jinhene mongol 2020-04-21 103.26.195.164

Naad Ganbat geh nohor chini harvaas modnii hulgaich baina.yasan Tom gar boloo ve

Avatar

Jinhene mongol 2020-04-21 103.26.195.164

Hogoo tseverlej chadahgui baij baigali ehiin buteesen oig tseverleed baihdaa yadag teneguud be.ene chine zugeer l hulgai deerem baina sh dee.Hyanalt tavij chadahgui geh yum mongoliin bogsiig mash sain uhaj chaddag biz dee

Avatar

123 2020-04-21 92.38.148.60

Mongoliin tur zasagiin erh barigchid ene modnii hulgain esreg uneneesee temtseesee oiriin ireeduigee bodood! Bodg uul maan ehneesee modgui bolj ehlej bna. Humuus hulgaigaar shunu modiig n tuugeed duuslaa. Neg jishee l gehed Hiimriin ovoo bdag heseg modnuud doroosoo ehleed shingerch ehelsen humuus hulgailaad. Mongolchuud nuhuj mod taridagui baij uursdee bas unuudruu bodood margaashiin gai gamshij yuruusuu bodohgui yum. Monogliin nutag devser modoor baga bolohoor tsuljit uusneshdee hurdan.

Avatar

zochin 2020-04-21 202.70.46.20

Төсвөөс мөнгө олгоод ургаа сайхан модыг тайраад цааш нь зараад бай гэдэг ямар логик бнаа

Avatar

Зочин 2020-04-21 203.91.119.42

Энэ асуудалд яам ямар байр суурьтай байгаагаа бэлээхэн харуулж байна. Яахаараа зөвшөөрөл өгчөөд араас нь өөр газарт хянуулж, цагдуулах ёстой гэж шүүхээр ортолоо мод тайрсаар л байх уу Энэ Ганбат гэдэг хүн юу яриад байнаа.

Avatar

Зочин 2020-04-21 66.181.167.24

Za naadah chini bur zamragaa aldsan shuu selenged , tsewerlgee nereer buh modiig ni tasdaad , naad nuuren taliig ni uldeegeed tssad gunees ni bugdiig ni tairaad achaad ywdag shdee , ter darga tseregteigee bugd niileej bgaad.

Avatar

Зочин 2020-04-21 103.57.94.174

Ednii oi archilna gej yu baih be. Uuruu urgaad iraen yumiig

Avatar

Зочин 2020-04-21 202.55.191.130

ene bur neg xarax tsarainii guliisun xulgaich bna da ted nartaigaa taarsan

Avatar

уугуул 2020-04-21 103.229.122.74

бэлтгэсэн модыг нь харахад хатсан хуурай мод л бна шдээ

Avatar

Зочин 2020-04-21 202.9.46.194

Удам чинь тасарна шүү.

Avatar

Зочин 2020-04-21 202.21.109.73

Зөвшөөрөл өгсөн хүнтэй ярьдаа

Avatar

Би эх орондоо хайртай 2020-04-21 64.119.19.232

Энэ хүн чинь улаан цайм өмөөрөөд сүйд байна. Зөвшөөрөл авч ажиллаж байгаа компаниуды үйл ажиллагаанд нь хяналт тавих боломжтой. Тодорхой нутаг дэвсгэрт тодорхой хугацаанд ой хуваарилж өгөөд тэнд нь хяналт тавих, хог хаягдлыг нь цэвэрлүүлэх шаардлага тавьж болно. Өөрсдөө тодорхой хувь хүртдэг, хахууль авдаг учраас ийм тайлбар тавиад сууж байхыг үгүйсгэхгүй. Ой мод ямар энэ мэт албан тушаалтны өмч юм уу. Энэ бол Монголын баялаг, ард түмний өмч. Ийм хариуцлагагүй нөхдүүдэд арга хэмжээ аваач ээ!

Avatar

Зочин 2020-04-21 66.181.168.157

Хуульчлагдсан хулгайч гэдэг энэ л дээ

Avatar

зочин 2020-04-21 202.21.120.66

хулгайн мод хуулийнханы оролцоотой хийгддэг

NewsMN Гар утасны хувилбар Татах
NEWS.mn

Мэдээллийн эх сурвалж