"Тавантолгой түлш" ХХК-ийг шүүхэд өгөв | News.MN

"Тавантолгой түлш" ХХК-ийг шүүхэд өгөв

"Тавантолгой түлш" ХХК-ийг шүүхэд өгөв

"Тавантолгой түлш" ХХК-ийг шүүхэд өгөв

Сайжруулсан түлшинд угаартаж нас барсан хүүхдийн ар гэрээс “Тавантолгой түлш” ХХК болон Засгийн газрыг өнөөдөр /2020.04.20/ иргэний шүүхэд өгөхөө мэдэгдлээ.

Баянзүрх дүүргийн иргэн Л. Галбадрахын охин болон гурван настай зээ 2019 оны 10-р сарын 18-наас 19-нд шилжих шөнө угаартжээ. Тухайн үед зээ охин нь эмнэлгийн тусламж авч чадалгүй нас барсан байна. Охин Г.Уянга нь угаартаж, олон цаг хэвтсэнээс болж зүүн хөлийн судас боогдож хагалгаанд оржээ. Одоогийн байдлаар хөлний ул үрэвсэж, цоорсон байдалтай дүүргийн эмнэлэгт хэвтэн эмчлүүлж байгаа аж.

Иргэн Л.Галбадбадрах “Тухайн хэрэг үйл явдал болсны дараа "Тавантолгой" ХХК-иас ямар ч мэдэгдэл хийгээгүй. Улаанбаатар хотын засаг дарга оршуулгын зардалд арван сая төгрөг, эмчилгээнд найман сая төгрөг өгсөн. Охиноо хөл дээр нь босгож авахын тулд л нэхэмжлэл өгч байна. Бид энэ хэргийг ингээд мартуулахыг хүсэхгүй байна” гэлээ.

Хуульч Н.Ариунболд “Тухайн үед төрөөс болон утаагүй түлш үйлдвэрлэдэг "Тавантолгой түлш" компаниас ямар нэгэн арга хэмжээ авах болов уу гэсэн үүднээс иргэний шүүхээр явалгүй харзнаж байлаа. Иргэний хуульд зааснаар хувь хүний эрүүл мэнд, амь насанд болгоомжгүй болон санаатай үйлдлээр хохирол учруулсан асуудлыг иргэний шүүхээр шийдүүлж болдог. Нэгэнт эрүүгийн журмаар хэрэг үүсгэж шийдэгдээгүй учраас иргэний шүүхэд гомдол гаргаж байна.

Талийгаач охины задлан шинжилгээний хариу угаарын хийнээс болж нас барсан гэсэн дүгнэлттэй гарсан. Талийгаачийн ээж Г.Уянга угаарын хийнээс хордож, биед нь гэмтэл учран, хөдөлмөрийн чадвараа 69% хүртэл алдсан гэх дүгнэлт гарсан. Гэсэн хэдий ч хууль хяналтын байгууллага шалгахгүй дарах маягтай таг чиг боллоо. Шүүхэд өгнө гэсэн мэдээлэл гарсны дараа "Тавантолгой түлш" ХХК-иас над руу хэд хэдэн удаа залгаж, уулзаж ярилцан, тохиролцье гэсэн. Хүний амь насаар тохиролцдоггүй юм гэж хэлмээр байна” гэв.

Аливаа бүтээгдэхүүнийг зах зээлд нийцүүлэхдээ яаж хэрэглэхийг нь тайлбарладаг, дээрээс нь буруу хэрэглэвэл ямар аюул нүүрлэж болохыг анхааруулах байдлаар сав, баглаа боодол дээр нь зааж өгөх ёстой байдаг. Тэгж өгөөгүйн улмаас хүмүүс энгийн нүүрс шиг түлээд угаартсан болгоомжгүй үйлдлээр хүний амь насанд хүрсэн гэдэг утгаар "Тавантолгой түлш" ХХК болон хэрэгжүүлэгч Засгийн газрыг холбогдуулж Сүхбаатар дүүргийн иргэний шүүхэд нэхэмжлэл гаргаж байна гэлээ.

Мөн угаарын хийд хордсон иргэд, тэдний ар гэрийнхэн 93205233 утсаар хуульч Н.Ариунболдтой холбогдоорой, "Хамтдаа тэмцье”  гэж уриалж байна гэв.

Г.ЭНЭБИШ

Энэ мэдээнд өгөх таны сэтгэгдэл?
11
ЗөвЗөв
3
ХарамсалтайХарамсалтай
1
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Irgen 2020-04-20 202.126.89.186

Ter hulgaich MCS iin Odjargalaas hun ami neh odooch taraasan zuuh ni bogloorch ugaartuulj bna.ter hogiin zuuhiin gargaad hayasan huuchin gar hiitsiin zuuhaa tavisan zugeer bna.ovliin huitend boglorson zuuhaa ugaagaad suuj baihuu Odjargalgaui mongo olj biznes hiij bolno hunii amiar biznes hiihee bolioroo.

Avatar

Зочин 2020-04-20 119.40.98.210

ГЭХДЭЭ ГЭРИЙНХЭЭ ГАЛЫГ ИРГЭН ХҮН ӨӨРСДӨӨ ХАРИУЦАХ НЬ Ч БАС ӨӨРИЙН ҮҮРЭГ Ш ДЭЭ, АЛИВАА ЮМЫГ УЛС ТӨРЖҮҮЛЭХЭЭ БОЛИМООР БАЙНА. БАС ХЯТАД МОТОЦИКЛЬ ГЭЭД ШҮДНИЙ ӨВЧИН БАЙНА. БАС ХЭН НЭГНИЙГ ШҮҮХЭД ӨГМӨӨР ЮМ ШИГ, ГЭХДЭЭ ТЭР ХҮН ӨӨРӨӨ ХУДАЛДАН АВААД УНАЖ ЯВСАН БИЗ ДЭЭ, БҮХ ЮМ 2 ТАЛТАЙ ШҮҮ,,,

Avatar

Зочин 2020-04-20 203.91.115.48

Хөлдүү оркоо энэ шахмал түлш энгийн зууханд таарахгүй, өндөр температур даадаг тусгай галд тэсвэртэй материалаар доторлогосон зууханд түлэх ёстой. Эс тэгвээс дэлбэрэх угаартах нь цаг хугацааны л асуудал. Нарийн юмыг нь хэлбэл чи бүр ойлгохгүй.

Avatar

/*-*/ 2020-04-20 49.0.213.170

Татан буулга

Avatar

Зочин 2020-04-20 202.9.46.180

Эрт орой Хүрэлсүхээс хариуцлага заавал нэхэгдэнэ. Маш их хохирол амсч босох гээд байгаа юм уу Монголчууд аа. Яагаад ОЛОН УЛСЫН ШҮҮХЭД засгийн газрыг өгч болохгүй гэж. Цаашид УБ т амьдрахад маш хүнд санагдаж байна. Ирэх өвөл яанаа

Avatar

Шат 2020-04-20 202.9.40.31

Захирал Ганбаатар нь угийн хулхи нөхөр дөө

Avatar

Зочин 2020-04-20 202.9.46.180

хаанаас олж тавьсын гөлийсөн юмыг

Avatar

kkk 2020-04-20 202.131.225.197

adilhan guliisun halgaich l gargaj tavisan

Avatar

123456 2020-04-20 64.119.18.140

Demjij baina.Bid 1 ch hun nas baraagyi coronaagaas bolj aymar ih hohirol amsjiina.Tegehed humuusiin ami uregdsen asuudaliin tuluu tur hariystlaga huleeh estoi

Avatar

Зочин 2020-04-20 202.179.26.229

БИ ХҮРЭЛСҮХИЙГ ДЭМЖДЭГ. УЛС БОЛОН УЛААНБААТАР НЭГ АЛХАМ УРАГШЛАХАД ЗОЛИОС ГАРЧ БОЛОХ ХЭДИЙ Ч ЗА ХҮНИЙ АМЬ ЯАХАВ ХОХИНО ГЭЖ БОДОЁ. ТЭГҮҮЛ ХҮҮХДИЙН АМИАР НАЙМААЦАХГҮЙ ЭЭ. ЭНЭН ДЭЭР ХОХИРСОН АЙЛ БОЛГОН ӨРХ БҮРЭЭС ЕРӨНХИЙ САЙД ӨӨРӨӨ БОЛОН ТӨЛӨӨНИЙ ХҮМҮҮСЭЭРЭЭ ЯВУУЛЖ АЛБАН ЁСООР УУЧЛАЛ ГУЙН ЭМГЭНЭЛ ИЛЭРХИЙЛЭХ ЁСТОЙ. АРАЙ Ч БАС ИНГЭЭД МАРТАГНУУЛЖ БОЛОХГҮЙ. ЗОРИГЛОСОН ЕСАЙДАА ДЭМЖИЖ БАЙНА. ГЭХДЭЭ ГҮРИЙГЭЭД ТАГ БАЙЖ БОЛОХГҮЙ. БАЯРЫН 5 АМЬ ГЭДЭГ ШИГ ХОЖИМ ӨӨРТ НЬ ЭРҮҮ ҮҮСЭЖ Ч БОЛНО. ЭРТХЭН ИРГЭДЭЭ БОД

Avatar

б 2020-04-20 103.26.195.160

Бусад хордсон хүмүүс нь ч гэсэн нэгдэх хэрэгтэй. Гадаадад энэ олон хүний амь нас, эрүүл мэнд хохирсон бол төр болон ийм компани маш их хэмжээний нөхөн төлөх ёстой болно ш дээ. Манайхан мэдлэггүй ч юм уу, хүлцэнгүй ч юм уу тэмцэхгүй байна. Сайн тэмцэх хэрэгтэй. Уг нь хариуцлага алдсан албан тушаалтнуудад нь эрүүгийн хариуцлага хүлээлгэх хэрэгтэй юм. Гэхдээ яахав МАН төрийн эрх барихаар болихоор тэр хүмүүсээс ч хариуцлага нэхэх хэрэгтэй.

Avatar

Хаабар 2020-04-20 59.153.87.55

Энэ үнэхээр тун хариуцлагагүй зүйл болсон, бүх хохирогсод яагаад нэгдэхгүй, нөхөж баршгүй хохирлоо нэхэхгүй, шүүхэд хандахгүй, улс төрчдийн үйлдлийн золиос болсоор байна вэ? гэж гайхаж байсан юм. Үнэтэй амь нас олноор үрэгдсэнээс гадна олон айлан зууханд таарахгүй эд материалын маш их хохирол учирсан шүү.

Avatar

Зочин 2020-04-20 192.82.72.191

Битгий улс төр байгаасай. Иргэний амь нас үнэтэй, гэхдээ улс төрчид сонгуулийн оноо цуглуулах арга байх бий

Avatar

МАН ТТүлшний чанарыг яагаад гаднын лаб-д явуулж шалгуулснаа тайлагнасангүй вэ. 2020-04-20 202.9.46.180

Энэ түлшний хими технологийн чанарыг шалгуулахгүй ирэх өвөл энэ чигтээ орох юм бол бид шууд улсаараа чадархаар байна. Энэ өвөл хүн бүр маш хүнд ханиадаар өвчилснөө бичиж, ихэнх нь корона гэж бодож эргэлзэж байна. Энэ бол коронавирусээр үүсгэгдсэн ханиад биш. Харин өнгөгүй утаагүй юм шиг хэрнээ маш хоруу чанар өндөртэй шахмал түлшнээс болж УБ тэр чигээрээ хоолой бачуурч ханиад нь хүндэрч зарим тохиолдолд хатгаа болж өвөлжсөн. Ирэх өвөл яах вэ эргэлзээ айдас байна коронавирус ч ирэх 11 сард бас л

Avatar

11 сард бас л айдас хүйдэс дагуулна юм юм давхцана. 2020-04-20 202.9.46.180

Танай намын бүлэг яагаад үүнийг авч хэлэлцэхгүй байна вэ. Хичнээн хүн угаартаж үхэж үрэгдсэн, хордсон тухайд огт яриагүй шүү. Тэр бол тусдаа асуудал. Хотын дарга та ч УБчуудын эрүүл мэндэд санаа тавих ёстой!!! Шахмал түлшний чанарт онцгой анхаар. Ер нь өнгөрсөн өвөл гэр хорооллынхон зутруу өвөлжсөнөө их ярьж байгаа шүү. Чанар хүртээмж маш муу сүүлрүүгээ бутарсан нунтаг шахмал түлш их ирдэг болсон гэсэн

Avatar

Зочин 2020-04-20 202.9.46.117

Түлшний утаа хортой эсэхийг ард түмний амь нас эрүүл мэндээр туршиж байна. 4-5 жилийн дараа уушигны хорт хавдар, асма, амьсгалын дутагдал хэр их байхаас түлшний чанарын үнэлгээ гарна. Уул нь лабарторид шинжлээд тогтоох ёстой боловч Хүрэлсүх дарга болж л байвал үхсэн хүний болно уу амьд хүний болно уу гэдэг нь тэрэнд огт хамаагүй ажээ.

Avatar

Зочин 2020-04-20 51.89.200.106

МАШ ЗӨВ ШҮҮ, ТАНЫГ ДЭМЖИЖ БАЙНА … ҮНЭНИЙ ТӨЛӨӨ ЯВААРАЙ

NewsMN Гар утасны хувилбар Татах
NEWS.mn

Мэдээллийн эх сурвалж