Хуучирсан мэдээ: 2020.04.20-нд нийтлэгдсэн

"Хийх ажилгүй" ШӨХТГ

Хэрэглэгчийн эрх ашгийг хамгаалах үүрэгтэй гэх Шударга өрсөлдөөн хэрэглэгчийн төлөө газар уриалга дэвшүүлэхээс өөр ажил хийсэнгүй. Сүржин нэрнээс цаашгүй тус газрынхан үндсэндээ “хийх ажилгүй” гэхэд хилсдэхгүй. Үүнийгээ ч нотоллоо. Он гарснаас хойш шатахууны үнэ 330 төгрөг хүртэл буурчихаад байхад өргөн хэрэглээний бараа бүтээгдэхүүний үнэ эсрэгээрээ өсч, иргэдийг бухимдуулж буй.

Дураараа үнээ нэмэхээс биш буулгаж мэддэггүй аж ахуйн нэгж, худалдаа эрхлэгчдэд ШӨХТГ хяналт тавьж, хариуцлага тооцох ёстой байтал уриалга дэвшүүлсэн гэхээс өөр ажлаа тайлагнасангүй. Тус газрынхны хэлснээр бол аж ахуйн нэгж, бизнес эрхлэгчдэд үнээ буулгахыг уриалснаар нөгөөдүүл нь үнээ буулгачих юм байх. Харин уриалга дэвшүүлснээ цар тахалтай холбож аль болох торгууль ногдуулахгүй гэх тайлбар өгч байгаа юм. Нөгөө талаас тус газрынхан зөвхөн монополь байгууллагын үнийн өсөлтөд хяналт тавьдаг учраас одоогоор монополь байгууллага байхгүй тул эрх нь хязгаарлагдсан гэх.

ШӨХТГ-ынхан өнгөрсөн хугацаанд ч бас үнийн өсөлтийг барихад ямар ч арга хэмжээ аваагүй. Зөвхөн төлөвлөгөөт хяналт шалгалт хийлээ, иргэд гомдлоо мэдүүлж болно, аж ахуйн нэгжүүдэд уриалга гаргалаа гэхээс өөр чихэнд чимэгтэй мэдээ дуулгалгүй өдийг хүрч байна. Өнөөдөр ч бас үнийн өсөлтөд торгуулийн арга хэмжээ авахаас илүүтэй аж ахуйн нэгжүүддээ үнээ буулгах уриалга дэвшүүлсэн гэдгээ хэллээ. Цаашид ч бас хэрэглэгчдийн эрх ашиг хохирч, үнэ өссөөр байхад уриалга дэвшүүлсэн гэдгээ индрийн цаанаас зарлаж суух уу, ШӨХТГ-ынхан.

Б.ЦЭЦЭГ

Энэ мэдээнд өгөх таны сэтгэгдэл?
8
ТэнэглэлТэнэглэл
5
ХахаХаха
2
ЗөвЗөв
2
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж