Согтуу жолооч айлын гэр мөргөж, хүний аминд хүрчээ | News.MN

Согтуу жолооч айлын гэр мөргөж, хүний аминд хүрчээ

Согтуу жолооч айлын гэр мөргөж, хүний аминд хүрчээ

Согтуу жолооч айлын гэр мөргөж, хүний аминд хүрчээ

Тээврийн цагдаагийн албаны Жижүүрийн шуурхай удирдлагын хэлтэс өнгөрсөн амралтын өдөр буюу дөрөвдүгээр сарын 18, 19-ний өдрүүдэд нийт 349 дуудлага мэдээлэл хүлээн авснаас 242 нь зам тээврийн ослын шинжтэй дуудлага мэдээлэл байжээ.


Бүртгэгдсэн зам тээврийн ослын улмаас найман хүн гэмтэж, нийслэлд нэг хүний амь нас хохирчээ. Ноцтой зам тээврийн ослоос дурдвал,

  • Дөрөвдүгээр сарын 17-ны өдрийн 15:15 цагт Хан-Уул дүүргийн 14-р хороо, Тууш зам, Хөшигтийн хөндийн нисэх онгоцны буудал руу явах замд Yamaha YZF-R6 маркийн мотоцикл онхолдож, жолооч 36 настай, эрэгтэй Л-гийн амь нас хохирчээ.
  • Мөн энэ өдөр 16:00 цагт Говь-Алтай аймгийн Дарви сумын нэгдүгээр багийн нутаг Хүрэн толгой гэх газар асфальтан замд Toyota Prado-120 маркийн Т жолоочтой автомашин онхолдож, зорчигч 29 настай, эрэгтэй Д, 23 настай, эмэгтэй А-гийн амь насыг хохироосон хэргүүдийг тус тус шалгаж байна.
  • Өөр нэг ноцтой хэргээс дурдахад, дөрөвдүгээр сарын 15-ны өдрийн 23:40 цагт нийслэлийн Чингэлтэй дүүргийн 17-р хороо Чингэлтэй замд Hyundai Sonota-5 маркийн Б жолоочтой автомашин гудамж дахь хашаа, гэрийг мөргөж, гэрт байсан 74 настай, эмэгтэй Т-гийн амь насыг хохироосон хэргийг шалгаж байна. Жолооч Б нь согтууруулах ундааны зүйл хэрэглэсэн байсан нь шалгалтаар тогтоогдсон бөгөөд алба хаагчид түүнийг драгераар үлээлгэхэд 1.81 хувьтай гарчээ. 

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 39 жолоочийг илрүүлж, эрхгүй үедээ согтуугаар тээврийн хэрэгсэл жолоодсон дөрвөн хүнийг баривчилж, хуулийн дагуу хариуцлага тооцжээ. 

Амралтын өдрүүдэд бүртгэгдсэн зам тээврийн осол, хэргийг өмнөх долоо хоногийн нөхцөл байдалтай харьцуулахад нийт дуудлага мэдээлэл 2,2 хувиар, бүртгэгдсэн зам тээврийн осол 10,3 хувиар тус тус өсч, ослын улмаас гэмтсэн хүн 33,4 хувиар, зам тээврийн ослын улмаас хүний амь нас хохирсон осол, хэрэг 66,7 хувиар тус тус буурсан үзүүлэлттэй байна. 


Онцгой байдлын Ерөнхий газар /ОБЕГ/-ын хоногийн мэдээнд ой хээрийн түймрийн дараах тохиолдлууд бүртгэгджээ.

Дорнод аймгийн Баяндун сумын Түргэнбагийн Тогоот гэдэг газар дөрөвдүгээр сарын 15-ны өдөр ой хээрийн түймэр гарч, Монгол Улсын хилийн 846-849 дүгээр тэмдэгтийн чиглэлээр ОХУ-ын нутаг дэвсгэр лүү орсон. Улмаар ОБЕГ, Үндэсний аврах бригад, Дорнод, Хэнтий аймгийн Онцгой байдлын газар, Хилийн 275 дугаар ангийн алба хаагчид, Баян-Уул, Баяндун сумын иргэд ажиллаж, дөрөвдүгээр сарын 19-ний өдрийн байдлаар түймрийн зүүн болон урд, баруун талын тархалтыг зогсоосон байна. 

Хоовон даваа гэдэг газраас Хустайн хүзүү гэдэг газар хүртэл, Шивэрийн-Ам гэдэг газрын баруунаас хойд чиглэлд цурав тавьж, түймрийг унтраахаар ажиллаж, мөн өдрийн 23:00 цагт цурамд оруулжээ.

Булган аймгийн Хишиг-Өндөр сумын Тээг багийн Бөгтөрийн нуруу гэдэг газарт дөрөвдүгээр сарын 18-ны өдрийн 13:55 цагт ой, хээрийн түймэр гарч, тус аймгийн Онцгой байдлын газрын Гал түймэр унтраах аврах 20 дугаар ангийн алба хаагчид, орон нутгийн алба хаагчид гурван бүлэгт хуваагдан ажиллаж, дөрөвдүгээр сарын 19-ны өдрийн 07.00 цагт цурамд оруулсан бөгөөд бүрэн унтраахаар ажиллаж байна. 

Э.БУРАМ

Энэ мэдээнд өгөх таны сэтгэгдэл?
4
ХарамсалтайХарамсалтай
1
ЗөвЗөв
1
ХахаХаха
1
ГайхмаарГайхмаар
1
ТэнэглэлТэнэглэл
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-20 193.109.85.14

Архи ууж машин барина гэдэг ерөөсөө байж боломгүй зүйл, шийтгэлээ чанагаруулаач ээ, энэ их машин тэргийний хөдөлгөөнийг яая гэж байхад бас юу ч вэ дээ

Avatar

Монгол улсын иргэн 2020-04-20 202.9.46.198

Архи ууж хүний амь нас хохироосон жолоочид санаатай үйлдсэн хэргээр ял оноож баймаар юмаа. Архи ууж машин барих чинь санаатай үйлдэл ман биз дээ. Хуулийг ар өврийн хаалга хэрэглэлгүй шийдэхгүй байгаа учир хэрэгт орохоосоо айхгүй архи ууж байна л даа. Цөөхөн монголчууд өвчнөөр биш зуурдаар цөөрөөд байх юм. Хуулийн хэрэгжилтийг дээш нь чангалах хэрэгтэй.

Avatar

ХОХИРОГЧ 2020-04-20 202.21.108.22

Ардчилал буруу хөгжисөнөөр хүний амь нас тоглоом болсоныг 100% баталж чадна!!!!!!!!!!!!!°!!

Avatar

бодлын хулгайч 2020-04-20 66.181.167.53

ИНГЭЭД Л МЭДЭЭЛЭЭД Л БАЙХ УУ. ӨДӨРТ ТЭДЭН ХҮН ҮХЛЭЭ ГЭЭД Л .ЭНХИЙН ЦАГ ШҮҮ ДЭЭ. ДАЙН БАЙЛДААН БОЛЖ БАЙВАЛ ӨӨР Л БАЙХ. СОГТУУ ЖОЛООЧИД ХҮЛЭЭЛГЭХ ХАРИУЦЛАГЫГ ЧАНГАТГАХ ЦАГ НЬ БОЛООГҮЙ ЮУ. АРХИ УУСАН Л БОЛ ЭРХИЙГ НЬ БҮХ НАСААР НЬ ХАСЧ МАШИНЫГ НЬ ХУРААЖ, 1 САЯ ТӨГРӨГӨӨР ТОРГОХ МӨН ХОРИХ ЯЛААР ШИЙТГЭХ ИНГЭХДЭЭ ЗҮГЭЭР ХОРИХ БУС ТЭДНИЙГ НИЙГЭМД ЖИГШЭЭХ ЗОРИЛГООР ГУДАМЖ ЦЭВЭРЛҮҮЛЭХ ХЭРЭГТЭЙ.

Avatar

Сул байна 2020-04-20 64.119.24.125

Согтуу жолоочид авах арга хэмжээ маш доор сул байгаа. Ийм л учраас архи уудаг, мэдсээр байж жолоо барьдаг

Avatar

Зочин 2020-04-20 66.181.180.221

Үнэхээр харамсалтай согтуу жолооч нараас болж олон хүн эрүүл мэнд ,амь насаа алдаж байна. Мөн орон нутагт ямарч ТЕХНИКИЙН шаардлага хангахгүй мотоциклийн осол их гарч нас барилт өндөр байна .ЭНЭ БҮХ АСУУДАЛД ЗАМЫН ЦАГДААГИЙН ГАЗАР ОНЦГОЙ АНХААРЧ ЭНЭ МОТОЦИКЛИЙГ ОРУУЛЖ ИРҮҮЛЭХГҮЙ БАЙХ, СОГТУУ МАШИН БАРЬЖ ОСОЛ ГАРГАЖ СОГТУЖГААР ЖОЛОО БАРЬСАН ЖОЛООЧ НАРТ ХАТУУ ХАРИУЦЛАГА ТООЦОХ. БИЧИГ БАРИМТЫГ НЬ ХУРААЖ ТОРГУУЛЬ ТАВИСАН Ч ТАНИЛ ТАЛААРАА ЯРИУЛЖ БАЙГААД Л БҮХ ЗҮЙЛ НЬ ХҮЧИНГҮЙ БОЛДОГ

NewsMN Гар утасны хувилбар Татах
NEWS.mn

Мэдээллийн эх сурвалж