Хөл хорио хүчирхийлэгчдийг өөгшүүлж байна | News.MN

Хөл хорио хүчирхийлэгчдийг өөгшүүлж байна

Хөл хорио хүчирхийлэгчдийг өөгшүүлж байна

Хөл хорио хүчирхийлэгчдийг өөгшүүлж байна

Испанийн Алмассора хэмээх сууринд бага насны хоёр хүүхдийнхээ өмнө нөхрийнхөө гарт амь үрэгдсэн, 35 настай Карина бүсгүйн араас гашуудаж, гурван өдрийн турш далбаагаа хагас бөхийлгөн, Моцартын гашуудлын аяз хот даяар эгшиглэн, хотын оршин суугчид тагтан дээрээ гарч дуугаа хураан зогсов. Энгийн үед тэд хотын төв талбайд гарч жагсах байлаа. Гэвч "Сovid-19" өвчний улмаас бүгд хөл хорионд орсон учир ийнхүү байгаа байгаа газартаа бүсгүйд хүндэтгэл үзүүлсэн нь энэ аж.

Бүсгүйн нөхөр өөрийн гэм буруугаа хүлээн зөвшөөрсөн бөгөөд Карина Испанид он гарснаас хойш гэр бүлийн хүчирхийллийн улмаас нас барсан 17 дахь, хөл хорио тогтоосноос хойш нөхрийнхөө гарт амиа алдсан анхны тохиолдол болсон байна.

ГЭРТЭЭ БАЙНА ГЭДЭГ АЮУЛГҮЙ БАЙНА ГЭСЭН ҮГ БИШ

Дэлхий даяараа хорио цээрийн дэглэмд шилжсэн нь хүчирхийлэгчдэд боломж олгож, хүүхэд эмэгтэйчүүдийг улам эрсдэлд оруулж байна. Европын орнуудад л гэхэд хөл хорионы дэглэм хэрэгжиж эхэлснээс хойш гэр бүлийн хүчирхийлэлтэй холбоотой гэмт хэрэг хамгийн багадаа 30 хувиар нэмэгджээ.

Стресс хүчирхийлэгчдийг улам догшин ширүүн, тогтворгүй болгодог нь судалгаагаар батлагджээ. Удаан хугацаанд хөл хорионд байх нь энгийн хүмүүсийг хүртэл стресст оруулж байгаа. Дээр нь коронавирусийн улмаас олон хүн ажилгүй болж, санхүүгийн хямралд орж байна. Ийм байдал гэр бүлийн хүчирхийллийг нэмэгдүүлэх шалтгаан болдгоос гадна ажилгүйдэлд эмэгтэйчүүд илүү өртөж байгаа нь эргээд нөхрөөсөө, эсвэл хамтран амьдрагчаасаа санхүүгийн хувьд хараат болох үндэслэл болж байгаа юм.

Итали бол Европын орнуудаас коронавирусийн хямралд хамгийн их өртсөн улс. Тахалтай нүүр тулан ажиллаж байсан 100 гаруй эмч коронавирусийн халдвараар нас баржээ. Гуравдугаар сарын 30-ны өдөр 27 настай Лорена Куаранта гэх дадлагажигч эмч бүсгүй тэнгэрийн оронд оджээ. Гэхдээ тэр "Сovid-19" тусаагүй, найз залуугийнхаа гарт амиа алдсан байв. Бүсгүйн шарилыг Сицилийн Фавара хотын дундуур зөөж өнгөрөхөд ард иргэд тагтан дээрээ цагаан өнгийн даавуу өлгөж гашуудлаа илэрхийлжээ. Хотын дарга Анна Альба “Энэ бол түүний амьдралынхаа  туршид өмсөхийг мөрөөдөж байсан дүрэмт хувцасны өнгө” хэмээн хэлсэн байна. Испанид гэр бүлийн хүчирхийллийн 016 дугаарын утас хөл хорио тогтоохоос өмнөх сараас 18 хувиар их дуудлага хүлээн авчээ.

Өдөрт 2000 хүртэлх дуудлага хүлээн авдаг АНУ-ын Гэр бүлийн хүчирхийлэлтэй тэмцэх үндэсний сүлжээнд гуравдугаар сарын 10-наас 24-ний хооронд хүчирхийлэлтэй холбоотой дуудлагын тоо гурав дахин ихэсчээ.

Харин Франц улсад хөл хорио тогтоосноор тусламжийн дуудлага эрс багассан ч гэр бүлийн хүчирхийлэлэй холбоотой гэмт хэргийн тоо огцом нэмэгджээ. Тэр дундаа нийслэл Парис хотод энэ тоо илүү их нэмэгдсэн байна. Тиймээс эрх баригчид томоохон зах худалдааны төвүүдэд хүчирхийллийн хохирогчдод тусламж үзүүлэх цэгүүдийг нээж өгчээ. Хохирогчид шууд дуудлага өгч чадахгүй нөхцөл байдалд байгаа учир и-мэйлээр болон мессенжерээр тусламжийн ажилтнуудтай холбогдох аргыг илүүтэй сонгох болсон байна. Тус улсад и-мэйлээр тусламж хүсэгчдийн тоо 286 хувиар нэмэгдсэн бол WhatsApp-аар сэтгэл зүйн зөвлөгөө авч буй хүмүүсийн тоо ч мөн огцом өсч байгаа гэнэ.

Дани улсад хүүхэд эмэгтэйчүүдийн түр хоргодох байранд ирэх хүсэлт хорио цээр тогтоосон эхний долоо хоногт л хоёр дахин нэмэгдсэн байна.

“МАСК-19” ЭМЭГТЭЙЧҮҮДИЙН АМИЙГ АВАРЧ БАЙНА

Испанийн “Хүйсийн тэгш байдлын хүрээлэн” Маскарилла-19  буюу Маск-19 гэх кампанит ажил эхлүүлжээ. Гэр бүлийн хүчирхийллийн хохирогч болж буй эмэгтэйчүүдийн хувьд эмийн сан орж, амны хаалт авах нь гэрээс гарах цөөн хэдэн шалтгааны нэг юм. Ингээд эмэгтэйчүүд эмийн санчид “Маск-19” гэх түлхүүр үгийг хэлэх юм бол эмийн санч эмэгтэйг хүчирхийлэлд өртөж байна гэдгийг мэдэж, гэрийн хаяг, утасны дугаар зэргийг нь тэмдэглэж аваад цагдаа, тусламжийн байгуулладаг мэдэгдэж өгөх юм. “Маск-19” түлхүүр үгийг одоо Франц, Герман, Итали, Норвеги, Аргентинд ашиглаж олон олон эмэгтэйчүүд хүчирхийлэгчийн гараас мултарч байна.

Эмэгтэйчүүд хөл хорионы үеэр нэгдүгээрт хүчирхийлэгчийг илчлэхээс айх, хоёрдугаарт гараад зугтах гэхээр халдвар авах эрсдэл өндөр, гуравдугаарт ихэнх төрийн байгууллагууд ажиллахгүй, хаана хандахаа мэдэхгүй байгаа зэрэг нь хүчирхийллийн хохирогч болох эрсдэлийг нэмэгдүүлсээр байгааг мэргэжилтнүүд анхааруулж байна.

Эх сурвалж: BBC

 

Энэ мэдээнд өгөх таны сэтгэгдэл?
10
ХарамсалтайХарамсалтай
2
ХөөрхөнХөөрхөн
1
ТэнэглэлТэнэглэл
0
ЗөвЗөв
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Өнөрөө 2020-04-20 66.181.161.4

Олон хоногоор хаашаач гарахгүй гэртэй хоригдвол хэцүү юм бодох6 байх шүү.нэг бол төрөлт нэмэгдэнэ үгүй бол салалт ихсэнэ.

Avatar

зочин 2020-04-20 202.9.46.115

Цагдаагийн мэдээлэд бурсан үзүүлэлт гарч байна гэдэг чинь нөгөө новшнууд нь дарамтлаад хэлж чадахгүй банйа гэсэн үг дээ хөл хорионоос болоод ахиун архидалт утгаа алдаж байгаа тэрийгээ дагаад хүчирхийолэл нэмэгпдэж л таараа

Avatar

Зочин 2020-04-20 202.126.89.49

Танайд тэгээд байгаа юм уу, баримттай л бичих хэрэгтэй.

Avatar

bitgii baruuniihaniig shvteed bail daa..bid ogt oor ard tvmen dee. 2020-04-20 64.119.27.10

mongol bol ogt oor uls sh dee.naad baruuniihan setgetsiin gaj dontoi ih sonin hvmvvs ch dee.mongolchuud ger bvlseg vr hvvheddee hairtai ard tvmen dee..

Avatar

Зочин 2020-04-20 202.9.46.115

Монолд ч ийм новшнууд зөндөө архи зарахыг зогсоомоор байна

Avatar

ГАнаа 2020-04-20 103.14.39.51

Нөгөө бидний соёлтой гээд нэрлээд сайрхаж магтаад байдаг орнууд чинь ийм байгаа юм байна шүү дээ. Монгол эх орон минь ямар сайхан билээ гэдгээ бид цаг ямагт бодож хайрлаж хамгаалж явах ёстой.

Avatar

single amidral shan bnaa 2020-04-20 139.5.219.200

yoo ingeed bodohoor gants bie amidraldaa talarhaj amidarmaar ch ym shig

Avatar

99116309 2020-04-20 113.198.137.165

nadtai gerleech call me

Avatar

Зочин 2020-04-20 202.126.89.30

Манайд эсрэгээрээ. Энийгээ магтаж бичих сэтгүүлч алга.

Avatar

oilgosongui 2020-04-20 73.223.118.245

esregeeree gedeg n yu gsn ug ve? hul horio togtoosnoor emegteichuud huchirhiileld urtuh n bagasaj bgaa gj uu?

Avatar

Зочин 2020-04-20 202.5.202.132

Үгүй шүү, хэрвээ та мэдээ сонсож байгаа бол манайд ч мөн энэ төрлийн гэмт хэрэг нэмэгдэх, дуудлага нэмэгдсэн талаар яриад байгаа шүү, ер нь бүгд өглөө эрт гарч яваад оройдоо уулздаг гэр бүлийн хүмүүс 24 цагаар хамтдаа байхад зарим тохиолдолд үл хүлээн зөвшөөрөхүйц зан байдал гаргадаг бөгөөд гэр бүлийхэнтэй дахиад танилцаж байна даав тиймээс харилцан хүлээцтэй байж, энэ хүнд үеийн даван туулах нь чухал юм даа.

Avatar

Зочин 2020-04-20 202.21.108.201

Цагдаагийн мэдээлэлд лав буурсан байсан. Энэ талаар сэтгүүлчид мэдээлэхгүй байгаа нь харамсалтай.

Avatar

123456 2020-04-20 202.9.46.176

Ygyishdee bi buruu sanaagyi bol 67% osson gesen dun hsrsan

NewsMN Гар утасны хувилбар Татах
NEWS.mn

Мэдээллийн эх сурвалж