Т.Ням-Очир: Сурагчид дүнгээ сайжруулж болно | News.MN

Т.Ням-Очир: Сурагчид дүнгээ сайжруулж болно

Т.Ням-Очир: Сурагчид дүнгээ сайжруулж болно

Т.Ням-Очир: Сурагчид дүнгээ сайжруулж болно

Дэлхий нийтэд тархсан “Ковид-19” халдвараас сэргийлэх үүднээс их, дээд сургууль болон цэцэрлэг, сургуулийн үйл ажиллагааг ирэх есдүгээр сарын 1 хүртэл карантилсан . Иймд зайнаас сурагчид хичээлээ үзэж байгаа юм. Теле хичээлийг зургадугаар сарын 1-нийг хүртэл үргэлжлүүлэх болсноор сурагчдаас анги дэвших болон улсын шалгалт авахааргүй болж байгаа юм. Харин хичээлийн жилийн эцсийн дүнг хоёрдугаар улирлын дүнгээр тооцохоор болж, цэцэрлэг, сургуулиудын үйл ажиллагааг есдүгээр сарын 1-нээс эхлүүлэхээр шийдвэрлэсэн. Гэсэн ч муу дүнтэй сурагчид анги улирах уу, тааруу дүнтэй анги дэвших үү, нэгдүгээр ангид орсон бага ангийнхан үсгээ дахин судлах уу гэдэг олон эргэлзээтэй асуудал эцэг эх, сурагчдад тулгарч байна. Энэ асуудлаар БСШУСЯ-ны Ерөнхий боловсролын бодлогын газрын дарга Т.Ням-Очироос  тодрууллаа.


-Теле хичээлийг зургадугаар сарын 1-нийг хүртэл үргэлжлүүлэхээр болсон. Зайн сургалтын хичээлийн агуулгын үр дүнг яаж бататгах вэ?

-Ерөнхий боловсролын сургуулийн сурагчид  2019-2020 оны хичээлийн жилд 85 хоногийн сургалтыг танхимаар үзсэн. Үлдсэн 75-80 хоногийн сургалтыг теле хичээлээр буюу цахим хэлбэрээр зохион байгуулж байна. Хоёрдугаар сарын 3-ны өдрөөс эхлэн теле хичээлийг орон даяар зохион байгуулах явцад анги удирдсан багш нар өөрсдийн идэвх санаачилгаар нарийвчилсан хөтөлбөр боловсруулж, сурагчдаасаа теле хичээлтэй холбоотой даалгавар, сорилтууд авах зэрэг маш олон хувилбарыг сургуулиуд хэрэгжүүлсэн.

Багш нар ч бас санаачлагатай ажиллаж байна. Иймд одоогоор теле хичээлийн үр дүнг дүгнэж хэлэхэд эрт байна.

Есдүгээр сарын 1-ны өдрөөс хичээл, сургалтын үйл ажиллагаа эхлэхэд өмнөх хичээлийн жилд үзсэн танхимын сургалт болон теле хичээлийн агуулгуудыг бататгаж, сэргээн сануулах, давтах зэргээр сар гаруйн хугацаанд хичээл үзнэ. Харин дараа нь теле хичээл хэр үр дүнтэй байсан бэ гэдгийг бататгана. Ерөнхийдөө хөндлөнгийн хяналтыг хийж байна.

-Хоёрдугаар улирлын хичээлд сурлагын үнэлгээгээр тааруу дүн авсан сурагчдын хувьд ирэх хичээлийн жилд анги улирах уу, эсвэл тухайн дүнгээрээ анги дэвших үү?

-Боловсрол, соёл, шинжлэх ухаан, спортын сайд Ё.Баатарбилэгийн тушаалаар хичээлийн жилийн эцсийн дүнг улсын болон анги дэвших шалгалт авахгүйгээр тооцохоор болсон. Үүнтэй холбоотойгоор жилийн эцсийн дүнг шалгалт авахгүйгээр хэрхэн гаргах вэ гэдэг аргачлал зөвлөмж, холбогдох баримт бичгийг сайдын тушаалаар гаргаж байна. Жилийн эцсийн дүнд хичээлийн шинэ жилийн эхний хагас жилийн дүнг тооцно. Дээр нь зайнаас судалсан агуулгад сурагчдын идэвх оролцоо, чадавхыг үнэлэх байдлаар шийднэ. Хүүхдүүдийн хувьд гэр бүлийн орчин, техник технологийн хэрэглээ гээд маш ялгаатай байдлаар хичээл сургалтын үйл ажиллагааг зайнаас авч байгаа тул яаж харгалзаж тусгах талаар асуудлыг сургуулийн багш, удирдлагуудад чиглэл өгсөн.

Хамгийн гол нь хүүхдийн үнэлгээг өмнөхөөс бууруулахгүй байх, зайнаас судалсан идэвх оролцоог нь үнэлж, хоёрдугаар улирлын эхний хагас жилийн дүнг нь ахиулахад анхаарах хэрэгтэй гэдэг зөвлөмж өгсөн.

Ерөнхийдөө хичээлийн шинэ жилийн эхний хагас жил буюу хоёрдугаар улирлын амралт хүртэл сурагчид танхимаар хичээлээ үзсэн учраас тулгуур үнэлгээ гарсан байгаа. Үлдсэн хичээл, сургалтын агуулгыг сурагчид зайнаас үзсэн тул теле хичээлийн хувилбарыг хоёрдугаар улирлын дүнд нэмж тооцох юм. Тухайн хүүхэд хэрэв эхний хагас жилд тааруу үнэлгээтэй сурсан бол цахим сургалтаар өгсөн гэрийн даалгавараа хийсэн байх, багш нартайгаа холбогдож байсан гэх мэт энэ бүх идэвхээ үнэлүүлэх боломж нь нээгдэж байна. Теле хичээлээ үзсэн сурагчдын идэвх оролцоог багш нь үнэлж, дүнг ахиулна.

-Орон нутагт сүлжээ барьдаггүй, алслагдсан бүс нутагт амьдарч буй хүүхдүүдийн дүнг яаж тооцох вэ?

-Танхимаар үзэх хичээл сургалтын үйл ажиллагаа завсардсан энэ үед нэг ангийн 30 хүүхэд тус бүр суралцах орчин нөхцөл ялгаатай байдал үүсч байна. Жишээ нь, зарим хүүхэд жижиг дэлгэц, компьютерээс хичээлээ үзэж байхад том дэлгэцээр ч  хичээлээ үздэг сурах орчин нөхцөл нь бүрдсэн боломжтой айлын хүүхэд ч байгаа. Гэхдээ зөвхөн интернет, телевизээр асуудлыг хязгаарлаж болохгүй гэдэг агуулгаар сайдын тушаал батлагдсан.

Хүүхдүүдийн хувьд ямар ч хэлбэрээр идэвх чармайлт гаргаж болно. Гэрийн даалгавар авч тодорхой хугацааны дараа багшдаа хүргүүлэх, утсаар холбогдож хичээлээ үзэж буйгаа тайлагнасан зэрэг хичээлээ үзэж судлах, багшдаа тайлагнах олон арга байна шүү дээ.

Тиймээс теле хичээлээр хүүхдэд урам дэм өгөх, сурах үйл ажиллагааг нь дэмжих байдлаар хичээлийн жилийн эцсийн дүнгийн үнэлгээг гаргахдаа тооцохыг бид багш нарт хэлж зөвлөж байна. Товчхондоо, анги удирдсан багш нар сурагчдынхаа сурах орчин нөхцөл байдлыг мэдэрч, хүүхдийн сурах үйл ажиллагааг дэмжихийг зөвлөж чиглүүлсэн тушаал шийдвэрүүд сургуулийн удирдлагуудад хүргүүлж байна.

-Теле хичээлээ үзэх хүүхдүүдийн идэвх оролцоо хангалтгүй сул байна гэж хотын дарга мэдэгдэж, чанар хүртээмжийг сайжруулахыг анхааруулсан. Эцэг эхчүүдийн оролцоо, дэмжлэг чухал байх?

Хоёрдугаар сарын 3-ны өдрөөс эхлэн теле хичээл ямар ч завсарлагагүйгээр үргэлжилсэн. Мөн хөдөө орон нутагт мал төллөлтийн үеэр ажил хөдөлмөрийн  ачаалал ихэсч, теле хичээлээ үзэх хүүхдүүдийн анхаарал, эцэг эхчүүдийн дэмжлэг идэвх оролцоо сулрах шиг боллоо. Теле хичээлийн идэвх оролцоогоор хичээлийн дүнг ахиулах чиглэлээр сайдын тушаал гарсны дараа сурагчид  дүнгээ сайжруулахаар багш нартайгаа холбогдох байх. Мөн урт хугацаагаар карентилсан энэ үед эцэг эхчүүд хүүхдийнхээ хичээлийн хоцрогдлыг нөхөх, аль болох хичээлийн хоцрогдолгүй байх тал дээр нь анхаарч эхэлсэн. Тухайлбал, теле хичээлийг давтаж үзэх, хичээлийн өмнөх агуулгуудыг одоо үзэж буй хичээлтэй нь хэрхэн уялдуулж зөвлөмж тайлбар өгөх вэ, теле хичээлийн багш нартай холбогдох, зайн сургалтын чанарыг сайжруулах талаар  санал хүсэлт өгч байна.

-Энэ жил нэгдүгээр ангийнхны хувьд үсгээ бүрэн сурч амжаагүй. Бага ангийнхан есдүгээр сарын 1-нээс хоёрдугаар ангидаа дахин үсгээ судлах уу?

Боловсрол соёл шинжлэх ухаан спортын яамны сайдын тушаалаар Энэ асуудлаар Боловсролын хүрээлэн нь хичээлийн хөтөлбөрт тохиргоо хийж, хичээлийг сэргээн сануулах вэ гэдэг арга зүйн зөвлөмж гаргах  чиглэл өгсөн. Энэ тохиргоог зургадугаар сард хийж, наймдугаар сард бага ангийн багш нарт арга зүйн зөвлөмж чиглэл өгч, есдүгээр сараас хичээлийн шинэ жил эхлэхэд хичээлийг давтан үзнэ. Өөрөөр хэлбэл, арга зөвлөмжийн дагуу багш нар бага ангийнханд хичээлийг нь сэргээн сануулж, бататгах чиглэлээр ажиллана гэсэн үг. Ерөнхийдөө бид танхимаар болон зайнаас хичээлийн жилд үзэх ёстой агуулгыг бүтэн олгож байна.

Элсэлтийн ерөнхий шалгалт дөхсөн энэ үед төгсөх ангийнхан танхимаар давтлага хүсэлтэй байна. Танхимаар давтлага өгөх боломжтой юу. Энэ тал дээр салбарын яамнаас хэрхэн анхаарал хандуулж байна вэ?

-Бид саналаа боловсруулсан. Одоо нөхцөл байдлыг л ажиглаж байна. Цаашид коронавирусийн тархалт хэр идэвхжих үгүйгээс хамаарна. Хэрэв халдварын дэгдэлт буурч, цар хүрээ нь хумигдвал бид Улсын онцгой комиссын шийдвэрийг л хүлээнэ. Урьдчилсан байдлаар элсэлтийн ерөнхий шалгалтын товыг долдугаар сарын 2-5-н хүртэлх хугацаанд төлөвлөсөн. Зөвхөн их дээд сургуулиудын элсэлтийг цахимаар зохион байгуулах ба элсэлтийн ерөнхий шалгалтыг танхимаар зохион байгуулна. Мэргэжлийн байгууллагуудын өгсөн заавар зөвлөмжийн дагуу танхимд хүүхэд хооронд байрлах зай, нэг танхимд байх хүүхдийн тоо, бүртгэж оруулах халуун хэмжигч, нэг удаагийн бээлий өмсөх зэрэг бүхий л заавар зөвлөмжийг биелүүлж бэлэн байдал хангагдсаны дараа элсэлтийн ерөнхий шалгалтыг авна. Энэ дагуу  нэг танхимд байрлах хүүхэд хоорондын зайг 1.5-2 метрийн зайтай байрлуулна. Ерөнхийдөө тухайн ангийн багтаамж, м/кб-аас шалтгаална.

Б.ЦЭЦЭГ

Энэ мэдээнд өгөх таны сэтгэгдэл?
150
ЗөвЗөв
36
БурууБуруу
24
ГайхмаарГайхмаар
12
ХөөрхөнХөөрхөн
11
ТэнэглэлТэнэглэл
8
ХарамсалтайХарамсалтай
6
ХахаХаха
Баярлалаа!

Холбоотой мэдээ

35 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2020-04-20 14.35.207.208

Huuhdiin bolovsroliig ulandaa gishgej ul toomsorlohoo bolij uz. Surguuliig ni neej oruul. Ajlaa hii. Hoich uye bod!! Dungees gadna hun huntei haritsah niigmiin zohitsoliin haritsaa surdag yum. Yun dun gej balairaad bgaan

Avatar

Chingeltei duurgiin surguulin suragch 2020-04-20 66.181.161.39

Bas tgd zarim bagsh nar ni shalgaltiin dungeer gargahgu zaaval idevhi edr gd ter dung chn shalgaltiin dungeer gargana gd tsaanasa durem juram gargagumu ????

Avatar

Chingelte duurgiin surguulin suragch 2020-04-20 66.181.161.39

Ene zarim surguuliin bagsh nar dungiig chini heweer ni gargana gd bhin??? Zarim bagsh nar ni buur dungiin 2 3 dahin doosh ni tatchad tv hicheele hiiged test nemelt daalgavaruuda hiigd shalgalt ugud dungee ahiul edr arai muuhai bgam bishuu ene bolovsroliin yamniihan zarim surguuliin bagsh nart hynalt tavimar bnaa. Tged buh daalgavar shalgalt testiig ni hiigd ugchud 20% edr . 80% baisniig ni 40% bolgood ymar negen ymtai haritsuulsn edr. Tgsne yg yutai haritsuulsin bol gheer bagsh ni bol dun taaj t

Avatar

sansarbaatar 2020-04-20 66.181.161.123

bi ene amrasanaash hoish hicheelee sain hiij chadahgue baiga yagaad gevel geriin ajil hajuud ni bi hevteriin ovoogoo hardag tiim bolhoor dungee nemj chadahgue baihaa

Avatar

Бодол 2020-04-20 66.181.161.82

Дараачийн улиралд хүүхдүүдээ сайн шахаж өгнө гээд ангиар нь шахуу хангалтгүй дүнтэй гаргасан багш нар бна.Ийм багш нар өөрийнхөө ажлыг үнэлээд байгаа юм биш үү.Ангиар нь шахуу ингэж үнэлж байгаа багшийг хүүхэдтэй ажиллаж байна гэж үзэхэд хэцүү юм байна.

Avatar

багш 2020-04-20 64.119.19.243

ТВ хичэл та мэддэг учраас амархан харагдаад байгаа юм. Анх сонсож байгаа хүүхдэд цоо шинэ ертөнц шүү Ялангуяа бага ангид ямар хэцүүг хүүхдийнхээ төлөө анхаарал тавьдаг эцэг эхчүүд мэдрээд баЙНА. та зүгээр л хүүхдийнхээ хичээлийг хар дэд дүгээр анги хамаагүй

Avatar

Санал 2020-04-20 183.177.107.58

Энэ хичээлийн жилийн дүнг тооцохгүй байж болохгүй юм уу. Хичээлийн хоцрогдлоо дараагийн хичээлийн жилд нөхөөд явна. Сурагч бүрийг жигд үнэлэх бодит байдал ялгаатай байгаа гэдгийг ойлгох хэрэгтэй. Бодлогын хувьд болж байгаа боловч амьдрал дээр ялгаа үүсээд байгаа гэдгийг бүгд л ойлгож, харж байгаа шүү дээ.

Avatar

Зочин 2020-04-20 202.21.109.66

Цахимаар сураад болчихдог бол энэ салбар Баатарбилэг та 2г тэжээх шаардлага байхгүй. Бас сургалт мэдэхгүй ректор, захиралуудыг. Хуурамбава сургалтаа одоо зогсоо

Avatar

ЕБСийн сурагч 2020-04-20 66.181.161.21

Зүгээр л шударга загна л даа! Юун дүн нэмэх? Тийм л их сайн дүнтэй гарах шаардлагатай байсан юм бол тэр үедээ онц гарах нь яасан юм!!! Цагийн юмыг цагт нь хийдэггүй муухай занг нь битгий өөгшүүлээд байгаач дээ!!!😡

Avatar

Zochin 2020-04-20 192.82.77.171

h*****d bai chi 10n jil bishuu eswl surj bgaagu ymuu ehnii hagas jild bagsh nar hurtel dvn gargahad hainga handsan suragch nar zarim n ahlah angi zarim n dund angidaa orood dasaaguu bhda gargasan dvn huuhed ter hedhen sariin hugatsaand shal tanihgu bagsh nar deer uursdiin yu chaddg gdgee haruulj amjaagui gj bodoj bn

Avatar

Зочин 2020-04-20 66.181.161.101

Oohshuulsen bhguishdee 😈😠😊

Avatar

Зочин 2020-04-20 202.5.206.21

Эхний улирлын дүнг харьцангуй сул гаргадаг. Энэ нь сурагчдыг байгаагаар нь дүгнэж идэвхи чармайлтыг нь нэмэх арга. Ингэснээр дараагийн улиралд сурагчдын чармайлт нэмэгддэг. Сүүлийн улиралд дүнгээ сайжруулснаар хувийн хэрэг дээр бичигдэх жилийн эцсийн дүн сайн байдаг гэвч хагас жилийн дүнгээр жилийн эцэс гаргах юм бол дүнгээ хайнга гаргасан багш болон сурагчидад хохиролтой юм. Юмны учир олоогүй байж битгий амныхаа хэрээр том дуугарч бай

Avatar

Зочин 2020-04-20 103.140.11.190

Bid nar angi teshih vvv

Avatar

Nergui negen 2020-04-20 202.55.188.46

Zarim bagsh nar èstoi haihramjgui b.a. Ehnii sar l hyanalt tavisan odoo bur b.hgui ee. Shaardalga tavihaar huuhduud hicheelee hiihgui b.a geed b.gaa yum. Huuhed hyanaj chadvargui bagsh b.a b.a bas. Ug ni etseg ehchuud hyanaltad hicheelee hiij b.a. Bagsh oroltsoo b.h heregtei b.a. Yah geed sul tsalin avaad b.gaa yum bol

Avatar

Odncmg 2020-04-20 202.55.188.44

Tele hicheel ih taalgdan baigaa

Avatar

Заяа 2020-04-20 202.9.46.188

Теле хичээл таалагдаж байгаа. Та бүхэнд их баярлаж байгаа.

Avatar

зочин 2020-04-20 66.181.161.8

Теле хичээл сонирхолтой сайн зохион байгуулагдаж байгаа. Хичээлийн хэрэгслийн чанар сурахад ямар их нөлөөтэйг, хүүхдийнхээ авьяасыг нээж, сурах чадварыг нь ч мэдэж авлаа. Эцэг эхчүүд бид хүүхдүүдтэйгээ сайн ажиллавал өндөр үр дүнд хүрнэ.

Avatar

зочин 2020-04-20 66.181.161.8

Бага ангийн сурагчдад (1-5 анги) дүн тавьмааргүй бна. 6 дугаар ангиас нь олон багш нар орж тэртэй тэргүй дүгнээд явчихдаг тул бага ангийн дүн нэг их нөлөөгүй. Харин бага ангийнхнаас шалгалт авч багшийн ур чадвар, заах аргыг дүгнэх нь зөв.

Avatar

зочин 2020-04-20 203.91.115.40

теле хичээл нь хичээл заадаг багш нараас өөр заадаг тул зарим хичээлийг ойлгохгүй байдаг.

Avatar

Баярхүү 2020-04-20 203.91.115.54

Ямар ч байсан 12-р ангийн хны 1- жилийн хөдөлмөрийн үр дүн ЭЕШ-ыг маш шударга вах хэрэгтэй. Учир танхимаар бүх боломж шударга орчин бүрдүүлж авах хэрэгтэй. Цахимаар ЭЕШ авч ерөөсөө болохгүй шүү.
ТВ хичээл маш сайн орж бна. Эцэг эхчүүд хүүхэдтэйгээ ойр байж дэмжих хэрэгтэй.

Avatar

зочин 2020-04-20 103.212.117.67

тв хичээл ойлгомжтой гоё орж байгаа

Avatar

зочин 2020-04-20 103.212.117.67

теле хичээлд сэтгэл хангалуун байгаа

Avatar

зочин 2020-04-20 202.9.47.17

теле хичээл маш сайхан болж байгаа. эхэндээ багш нар нь сандраад байдаг байсан, одоо их туршлагатай болж байна.ийм сайн бэлтгэсэн хичээлийг хэд хэд үзээд ойлгохгүй бол өөрийнхөө хүүхдэд л дүгнэлт хий.

Avatar

Зочин 2020-04-20 66.181.161.63

Хэрвээ багш нар муу дүнтэй гэж ярьсан бол хөөрхөн шуугиан болно доо. Ням-Очир дарга гуай хангалтгүй гээд хэлж чадсангүй юу та?

Avatar

Зочин 2020-04-20 203.91.115.55

12-р ангийн сурагчдыг зохицуулалт хийгээд 5 сарын 1-ээс оруулмаар байна. Давтлага хэлбэрээр . 1 ангид 5-6 хүүхэд байхаар. Арай л тоомжиргүй ажиллаад байх юм. Энэ боловсролын яам

Avatar

Булганчимэг 2020-04-20 66.181.161.71

Ёр нь бол зөв . Ийм нөхцөл байдал тулгарсан үед дүн болон теле хичээл зохион байгуулж дүн г боломжын нөхцөлөөр гаргаж өгч бга та нарт баярлалаа

Avatar

aagii 2020-04-20 192.82.73.32

Eronhii bolobsroliiin surguuliin hicneelee 8 sariin 1-nees ehleh snaardlagatai ,Ene uamand BODLOGO gej bna uu, ocninoon olon tsagiin hicneel hotsrogdloo snuu dee. huucninaas snal oor tsag ue nohtsol baidal bii bolj bna, Medremjtei tsag uedee tohircn snuurhai ajillamaarsan

Avatar

Зочин 2020-04-20 66.181.161.95

Malaa tsag uyeesee l bolj orno bizdee

Avatar

Зочин 2020-04-20 64.119.17.106

Төгсөх ангийн сурагчдын дүнг ахисан түвшингээр гаргаад бусад анги бол хагас жилийн үнэлгээгээр нь гаргах хэрэгтэй. Ахиулж бно гэхээр сайхан завхруулга явна шүү.

Avatar

zochin 2020-04-20 192.82.68.13

ene zuv sh dee odoo tgd hagas jileer sn duntei garsan huuhduuded bagsh ahiad dun nemehguu l gene harin uursdiinhuu buruugaas bolj muu garsan nuhduuded zgr tele hicheel hagas dutuu uzsen geed dungiin nemeed umnuh sn garsan huuhduudteigee ijil tuvshind aviachaad bvl yah yum be

Avatar

Зочин 2020-04-20 202.131.238.98

телхичээл гэж хуцахийн олигтой ойлгогдохоор юм заагаагүй байж

Avatar

зочин 2020-04-20 202.9.46.11

үзээд л байгаа юм. ойлгомжтой л байсан даа. чиний болон танай хүүхдийн тархинд л асуудал байна даа хөөрхий

Avatar

Цэвээнсүрэн 2020-04-20 202.126.89.235

Дахин дахин үзээд ойлго өөр ямар арга байгаан дуракаа өвчин тусахгүй л бол сурах ч яахав. Харин яам маш сайн ажиллаж байгаа олон хүний хөдөлмөрийг үгүйсгэсэн нэрээ нуусан зүсээ нуусан новшнууд их байх юмаа.

Avatar

Зочин 2020-04-20 122.201.31.199

Нэг үзээд ойлгохгүй бавал дахин 2-3 удаа үз. 2 цаг л үзнэ шүү дээ.

Avatar

Зочин 2020-04-20 202.21.104.2

Юу ч ойлгохгүй жинхэнэ олгой толгойт юм даа. Хичээл бүрийг тухайн мэргэжилдээ сайн гэсэн аргазүй сайтай багш нар л зааж байна лээ шүү дээ. Чамайг өөрийнхөө мэргэжил ,чаддаг зүйлээ телевизээр заа гэвэл яаж дүнхүүрч ээрч гацаж, өөрийнхөө хэн бэ? гэдгээ харуулах байхдаа.Юм бүгдийг битгий ингэж харлуулж бай???

NewsMN Гар утасны хувилбар Татах
NEWS.mn

Мэдээллийн эх сурвалж