Covid-19: Халдвар авсан, нас барагсдын тоог нягтлахыг анхааруулав | News.MN

Covid-19: Халдвар авсан, нас барагсдын тоог нягтлахыг анхааруулав

Covid-19: Халдвар авсан, нас барагсдын тоог нягтлахыг анхааруулав

Covid-19: Халдвар авсан, нас барагсдын тоог нягтлахыг анхааруулав

Хятад улс өчигдөр /2020.04.17/ тайлан мэдээнүүдээ дахин нягталж үзэхэд Ухань хотод нас барсан хүний тоо бараг 50 хувиар нэмэгдэж байгаа тухай зарласан. Учир нь халдварын оргил үед тус хотын эмнэлгүүд ачаалал ихтэй, эмч нар тайлангаа дутуу болон алдаатай явуулах тохиолдол гарсны улмаас нас барагсдын тоог дутуу гаргасан байжээ. Ингээд дахин хянаснаар коронавирусийн улмаас хорвоог орхисон хүний тоо 1290-ээр нэмэгдэж 3,869 болсон юм.

Тэгвэл Хятадын уг мэдэгдлийн дараа Итали, Испани, Британи, АНУ зэрэг улсуудын эрдэмтэн судлаачид, эрх баригчид коронавирусийн хохирлын тоо хэмжээгээ хэрхэн нарийвчлалтай гаргах талаар ярьж эхэлжээ.

Испанийн Засгийн газрын цар тахалтай тэмцэх ажлын хэсгийн тэргүүн, Барселоны их сургуулийн судлаач Антони Трилла “Бид мөсөн уулын дөнгөж орой хэсгийг харж байх өндөр магадлалтай” гэж мэдэгджээ. Тус улсад одоогийн мэдээллээр 19 мянга гаруй хүн нас барсан гэж байгаа боловч халдварын шинж тэмдэгтэй ч нас барахаасаа өмнө оношлуулж чадаагүй тохиолдлуудыг тоолоогүй байгаа юм. Түүнчлэн Италид 22 мянга гаруй хүн нас барсан гэж байгаа ч бодит байдлаас зөрүүтэй тоо гэж үзэж байгаа юм байна. Харин Их Британид 14 мянга гаруй хүн нас барсан гэж байгаа ба тус улсын Статистикийн хороо энэ тоо дахин 15 хувиар нэмэгдэх боломжтойг мэдээлжээ. Мөн Европ, АНУ-д олон мянган ахмад настнууд асрамжийн газарт нас барж байгаа ба тэд бүгд оношлогоонд хамрагдаж амжаагүй ажээ.

Үүнээс гадна АНУ-ын Стэнфордын их сургуулийн судалгаагаар тус улсын зарим муж, хотод халдвар авагсдын тоо статистик мэдээн дээрхээс даруй 50-85 хувиар илүү байх магадлалтай гэж үзжээ. Стэнфордын их сургуулийн эрдэмтэд Санта Клара мужийн иргэдэд шинжилгээ хийхэд маш олон хүнээс коронавирусийн эсрэг биет илэрсэн байна.

ДЭМБ-ийн зүгээс ч мөн дээрхтэй ижил байр суурьтай байгаа бөгөөд улс орнууд нийт халдвар авсан болон нас барсан хүний тоо баримтыг эргэж нягтлах шаардлагатай гэж мэдэгдсэн байна. Одоогоор албан ёсны мэдээллээр дэлхий дахин нийт халдвар авсан хүний тоо 2,248,037 байгаа бол нас барагсдын тоо 154,126, эдгэрсэн хүний тоо 570,792 байгаа юм

Эх сурвалж: WORLDOMETERS, ABC, RT

 

 

Энэ мэдээнд өгөх таны сэтгэгдэл?
12
ХахаХаха
5
ГайхмаарГайхмаар
4
ХарамсалтайХарамсалтай
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
Баярлалаа!

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

мунхаг хүн би бээр 2020-04-18 103.212.118.163

улс орнуудад хичнээн хүн үхэж үрэгдэх ни эх дэлхий байгалиа хамгаалж үлдэхын тулд хийж бгаа ажил шүү.эх дэлхий л мэдэх хэрэг.байгали дэлхийдээ хор уршиг хөнөөл хийсэн хүмүүсийг устгаж бгаа болов уу.хэнийгч авч одохыг дэлхий мэдэхгүй шүү.эх дэлхийдээ залбирч цай сүүнийхээ дээжийг өргөжгазар нутаг шороо ан амитан ус мод ургамал гол горхио хайрлаж хамгаалцгаа.тэгвэл монголчуудад ээлтэй хандаж юуны маад

Avatar

Зочин 2020-04-18 66.181.178.207

Хятадад Гар утас хэрэглэчдээс 21.3 сая, хэрэглэдэггүй нялх нярай, хөгшин, бүртгэлгүй иргэдтэйгээ нийлээд 30 сая хүн нас барсан гэж статистик тоо баримтууд нотолж байгаа.
https://www.google.com/amp/s/www.tweaktown.com/news/71529/is-china-hiding-the-real-covid-19-death-toll-21-million-phones-vanish/amp.html

Avatar

Зочин 2020-04-18 66.181.178.207

1 болон 2р сард Хятадад 21.3 сая хүний гар утас унтарч таг болоод буцаж асаагүй байсаар бүрмөсөн хаагдсаныг сая 3 сарын сүүлчээр Хятадын үүрэн холбооны 3 том компани мэдэгдсэн. Тэднийг ковид-19 өвчнөөр нас барсан гэж үзэж байгаа.

Avatar

MOGEUH 2020-04-18 202.9.46.30

Mongolin anhni Ontsgoi Gamshgin Ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH

Avatar

Зочин 2020-04-18 64.119.21.188

Сант Клара гэж муж хаана байдаг муж вэ?

Avatar

Зочин 2020-04-18 139.5.219.160

Хятадад нэг хүүхдийн бодлого олон жил явуулсны улмаас, ар гэр татлаа түлхээ байхгүй, орь ганцаар хүмүүс нэн олширсон. Нэгэнт тэдний араас хэн ч хэл ам хийхгүй тул, дүн бүртгэлд огт оруулаагүй нууж хаасан байх өндөр магадлалтай. Ялангуяа хууль зөрчин айлын 2 дахь хүүхэд болон төрснөөсөө болоод төр засагтаа огт бүртгэлгүй, ямарч бичиг баримтгүй 70 сая гаруй хүн байгаа тухай яриа хэдэн жилийн өмнө их яригддаг байсан. Тэд бол бүр тоо мэдээнд орохгүй нь тодорхой

Avatar

Олон хун устгалд оруулсан 2020-04-18 202.55.180.219

Вирусийн голомтыг устгаж бвйна гээд олон сая хумуусийг устгалд оруулсан. Шороон тумэн хунээс 5, 6 саяыг устгалд оруулахад юу ч мэдэхгуй. Дандаа худлаа мэдээлэл, мэдээлсэн тоон дээр нъ гурван 000 нэмээд ойлговол унэнд дехеж очно

Avatar

/*-*/ 2020-04-18 49.0.213.170

Цаад улаантнуудын гаргаж өгөөд байгаа тоо мэдээ нь шал худлаа шүү

NewsMN Гар утасны хувилбар Татах
NEWS.mn

Мэдээллийн эх сурвалж