Тээврийн цагдаагийн албаны Жижүүрийн шуурхай удирдлагын хэлтэс энэ ажлын өдрүүдэд нийт 726 дуудлага мэдээлэл хүлээн авснаас 512  зам тээврийн ослын шинжтэй дуудлага мэдээлэл бүртгэгдсэн. Ослын улмаас 13 хүн гэмтсэний хоёр нь хүүхэд байжээ. Харин орон нутагт зам тээврийн ослоор дөрвөн хүний амь нас хохирсон аж.

НОЦТОЙ ЗАМ ТЭЭВРИЙН ОСЛООС ДУРДВАЛ:

• /2020.04.06/-ны өдрийн 11.00 цагийн орчимд Архангай аймгийн Цэнхэр сумын Цэнхэр баг “Ар булаг” гэх газар, шороон замд улсын дугааргүй Мустанг-5 маркийн мотоцикл онхолдож, жолооч 46 настай, эрэгтэй Б-гийн амь нас хохирсон,
• /2020.04.15/-ны өдрийн 21.35 цагт орчим СХД-ийн долдугаар хороо Баянхошууны зам, Баянхошууны тойргийн уулзварт Hyundai Ston Truck маркийн Б.Жолоочтой автомашин T.Prius-30, T,Rumion, Daihatsu terois, T.Prius-20, T.Prius-20, H.Sonota-7 маркийн зургаан автомашиныг мөргөж, 41 настай эмэгтэй О гэмтсэн.
• /2020.04.15/-ны шөнийн 22.00 минутын орчим Говь-Алтай аймгийн Хужирт сумын 3-р багийн нутаг дэвсгэрт шороон замд улсын дугааргүй Dayun маркийн мотоцикл онхолдож, жолооч 47 настай, эрэгтэй Д-гийн амь нас хохирсон,
• /2020.04.16/-ны шөнийн 02.00 цагийн орчим Баянхонгор аймгийн Өлзийт сумын 6-р баг Цагаан хөтлийн даваа гэх газар асфальтан хучилттай автозамд Howo маркийн автомашин онхолдож, жолооч 42 настай, эрэгтэй И-ийн амь нас хохирсон,
• /2020.04.16/-ны өдрийн 13.00 цагт Дундговь аймгийн Эрдэнэдалай сумын гуравдугаар багийн нутаг дэвсгэрт шороон замд улсын дугааргүй Dayun маркийн мотоцикл онхолдож, жолооч 26 настай, эрэгтэй Б-гийн амь нас хохирсон хэргүүдийг тус тус шалгаж байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 71 жолоочийг илрүүлж, эрхгүй үедээ согтуугаар тээврийн хэрэгсэл жолоодсон гурван хүнийг шүүхээр баривчилж хуулийн дагуу хариуцлага тооцсон байна. Согтуугаар тээврийн хэрэгсэл жолоодож зам тээврийн осол гаргасан таван зөрчил бүртгэгдсэн.

Энэ  долоо хоногт бүртгэгдсэн зам тээврийн осол хэргийг өнгөрөгч долоо хоногтой харьцуулбал, дуудлага мэдээлэл 3.9 хувиар, бүртгэгдсэн зам тээврийн осол 5 хувиар, ослын улмаас гэмтсэн хүн 7.6 хувиар, зам тээврийн ослын улмаас хүний амь нас хохирсон осол, хэрэг 25 хувиар өссөн үзүүлэлттэй байна.

Замын хөдөлгөөнд оролцохдоо тээврийн хэрэгслийн хурдыг тохируулж, техникийн бүрэн бүтэн байдлыг хангаж хөдөлгөөнд оролцох, архи, согтууруулах ундааны төрлийн зүйл хэрэглэхгүй байх,  замын хөдөлгөөний дүрмээ чанд баримтлан өдрийн цагт автомашиныхаа “ОЙРЫН ГЭРЛЭЭ” асааж Covid-19 халдвараас сэргийлэх уриалгад нэгдэж замын хөдөлгөөнд оролцохыг Тээврийн цагдаагийн албанаас анхааруулж байна.

Э.АРИУН