Хотын улс төр буюу хорхойтсон баавгайны үлгэр | News.MN

Хотын улс төр буюу хорхойтсон баавгайны үлгэр

Хотын улс төр буюу хорхойтсон баавгайны үлгэр

Хотын улс төр буюу хорхойтсон баавгайны үлгэр

Монголчууд ажилгүй, санаачилгагүй хүнд дургүй. Гэвч үнэндээ ажил хийх гэсэн хүнд бүр ч дургүй бололтой. Энэ нь манайхны шинэ зүйлд хойрго, хөшүүн  сэтгэхүйтэй холбоотой байж мэдэх ч сонгууль угтсан улстөржилт дээрээс нь нэмэгдчихээр гал дээр тос нэмэхтэй адил авалцах юм. Хашаа хороогоо засъя, гудамж талбайгаа өөд татъя, хогоо цэвэрлье, хотоо соёлжуулъя гэсэн хүн болгоныг “Сонгууль ойртсон учраас хэнхэглэж  байна” гэж хардаж сэрдэх юм бол хэн ер нь энэ улсад ажил хийх юм бол.

“Нийтийн тээврээ сайжруул, хэддүгээр зуун бэ” гэж нийслэлийн иргэд, оршин суугчид шахаж шаарддаг. Автобусны парк шинэчлэлийг хийе гэхээр “Гадаадаас автобус оруулж ирэх гэлээ” гэж олон нийтийн сүлжээгээр анаж байгаад гөвнө. Монгол инженерүүд хэдий мундаг ч гэлээ 2021 он гэхэд шаардлагатай байгаа 600 гаруй автобусыг бүгдийг нь үйлдвэрлэж чадах бил үү гэдэг бодох л асуудал. Цахилгаан соронзон галт тэрэг, агаарын дүүжин тээвэр гэх мэт шинэ төрлийн нийтийн тээврийн үйлчилгээ нэвтрүүлэх тухай ярингуут “Монголд наадах чинь тохирохгүй” гэж эхлээд зориуд үгүйсгэсэн, зориуд харлуулсан шалтгаанууд цаашаа хөвөрч өгнө.

Замын түгжрэлийг шийдэх гээд хотын төвийг А, B, С бүсчлэлд хувааж, автомашинуудыг зорчуулах тухай асуудал хөндөгдөнгүүт “Хүний эрхэнд халдах гэлээ” хэмээн баалсаар болиулсан хүмүүс өнөөдөр түгжрэл дунд өөрийнхөө ч, өрөөлийн ч эрх ашгийг юуны төлөө золигт гаргаснаа эс ухан гэлдэрч яваа биз. Үнэндээ дэлгэцийн цаанаас ямар ч ажлыг баруун солгойгүй муулж, баалж, гөвж суудаг хэдхэн “хөлсний тролл”-уудын турхиралтаар олон түмний эрх ашиг ганхаж байдаг болсон нь нууц биш.

Сүхбаатарын талбайн урд талын 2.5 га газрыг хувийн эзэмшлээс буцаан авч, тохижуулах ажил өнгөрсөн жилээс улбаатай боловч ямар ч төрлийн  “хэрүүлийн алимнууд” өдийд л ургаж төлждөг цаг учраас ажлыг нь хийлгэхгүй “уяаны ноход” боргоож эхлэв. Цар тахлын улмаас цаг үе амаргүй байгаа ч нэгэнт төлөвлөснийхөө дагуу Монгол Улсын нийслэл хотын төв талбайн урдах цэцэрлэг ногоон байгууламжийг хүүхэд, хөгшид, залуус, хосууд жилийн дөрвөн улирлын турш зорьж очоод амарч тухалдаг тохилог орчин бүрдүүлчихье гэсэн сэтгэл, зүтгэл хотын удирдлагад байна. “Хоёрхон сарын дараа сонгууль болох гэж байхад өөрсдөд дээрээ гал дуудаад яах вэ, жанжин Сүхбаатарын талбайн урд талын цэцэрлэг хогийн цэг байна уу, архичдын орогнодог үүр болно уу хэнд хамаатай юм” гээд орхичихвол болох л байсан. Гэхдээ тэгсэнгүй. Их хотын ажил, амьдрал үргэлжилдгээрээ үргэлжилж буй нь энэ.

“Улаанбаатарын утааг 30-50 хувь бууруулна гэдэг ёстой үлгэр шүү” хэмээн тэдний ажлыг болохгүй, бүтэхгүй гэж харлуулсан болгон нь болоод бүтээд, үр дүн нь гараад байгаа учраас улстөрийн сонор сэрэмж идэвхэжсэн энэ үед “Бас нэг том оноо авах ажил хийчих вий” хэмээн олон хүн үнхэлцгээ хагартал айж, хорхойтсон баавгай шиг сандчиж буй нь юухнаас ч илэрхий. Гэвч сонгууль бол сонгууль л болохоос өдөр тутмын амь амьдрал биш гэдгийг түмэн олон ойлгохтойгоо болсон нь зол юм даа.

Л.ДОРЖ

Энэ мэдээнд өгөх таны сэтгэгдэл?
6
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2020-04-17 66.181.190.35

ЭНЭ АРДЧИЛСАН НАМ Ч БҮР АЛИЙГАА АЛДЖЭЭ. ШИНЭ ЮМ ХИЙЕ АСУУДАЛД ШИЙДЬЕ ГЭХЭЭР ЭСЭРГҮҮЦЭЭД БАЙХ ЮМ. БАС ЭДИЙН ЗАСАГ МУУДАХААР БАЯРЛАЖ ХӨӨРЦӨГЛӨӨД БАЙХ ЮМ. ТЭГСЭН МӨРТЛӨӨ УЛСЫН ТӨСВӨӨ БЭЛЭН МӨНГӨӨР БҮХ ХҮНДЭЭ ХУВААГААД ӨГЧИХЬЕ. ГАДААДАД БАЙГАА 180 000 ХҮНДЭЭ БААХАН ДОЛЛАР ӨГЬЕ Ч ГЭХ ШИГ. ЦААДУУЛ ЧИНЬ БҮГДЭЭРЭЭ ХАЛУУРЧ БҮЛЭЭРЭЭД БАЙХ ШИГ БАЙНА. ХӨСҮТ-ДЭД ТУСГААРЛАЖ ШИНЖИЛГЭЭ АВМААР ЮМ БИШ ҮҮ.

Avatar

Зочин 2020-04-17 221.163.81.203

Жоохон цагаа олоогүй шийдвэрүүд гараад байгаа болохоор л хүмүүс бухимдаад байгаа шдээ. Яагаад хүмүүс ингээд байгааг биш хэзээ яг ямар тохиолдолд ардууд ингээд байгааг нь судлаач! Мэдээж бүгдээрээ цэвэрхэн амьдармаар байна гоё автобусаар зорчимоор байна, гэхдээ наадуул чинь дандаа нэг тийм болохгүй хэрэггүй цагаар шийд гаргах юм. Эсвэл тэр хийх ажлын төлөвлөгөөгөө нууж нууж байгаад гэнт гаргаж ирнэ дандаа! Тэр чинь урд жилүүдэд нь хэлээд зарлаад явж л байх ёстой зүйл шүү дэ!

Avatar

Зочин 2020-04-17 202.9.47.14

боломж бололцоо тэгж таарч байхад ард иргэдээ ааш аяыг харвал бүтэхгүй биз хийнэ гэснээрээ зоригтой хийх хэрэгтэй

Avatar

Зочин 2020-04-17 103.229.122.205

ГОЛ НЬ ЗҮВ ЗҮГЭЭР БАЙГАА ЦЭЦЭРЛЭГТ ХҮРЭЭЛЭН ШҮҮ ДЭЭ. ЗҮЛЭГ НЬ ХАЛЦАРСАН, МОДГҮЙ, БАЙСАН БОЛ ЗАСААД ЯНЗАЛЖ БОЛОХСОН. ТИЙМ Ч МУУДЧИХААГҮЙ. ЯГ ЯМАР ЗОРИЛГОТОЙ 3 ТЭРБУМААР ЗАСАХ ГЭЭД БАЙГАА ЮМ? ӨӨР ХИЙДЭЛГҮЙ ЮМУУ ХААШАА ЮМ. ХИЙХ АЖИЛ ЦААНА НЬ ЗӨНДӨӨ Л БАЙГАА ШДЭЭ

Avatar

123456 2020-04-17 64.119.18.140

Delhiid baihgyi teneg yildleeree untaj baigaa baavgaig sereesen hunii h**.Bitgii mongoor zodood ooriigoo hamgaalah geed end tendgyi um bichuuleed bai.

Avatar

Зочин 2020-04-17 202.9.46.239

Дорж гауй хотын энэ бүх бэрхшээл, тулгамдсан асуудлууд юунаас эхтэй гээч, ганцхан нийслэлийн хэт төвлөрөл !!! Хэт төвлөрөл гэж мянга хашгираад ямар ч нэмэргүй л бга здэ ! Төвлөрөлийг сааруулах талаар, хотыг задлах, дагуул хотууд байгуулах гэх мэтчилэн олон асуудалд эрх барьж бга ардын нам түүний хотын дарга юу ч хийхгүй бгаг та бид харж л бна ! Тэгээд төвлөрөлын гол асуудл руу орохгүй дандаа жижиг асуудал болох автомашиныг бүсчилж явуулна, дүүжин тээвэр явуулна гэж тэнэгтэнэ ! Ийм байхад бид

Avatar

ЗОЧИН 2020-04-17 124.158.95.14

ГОЛ АСУУДАЛ НЬ АЖИЛ ХИЙХ НЭРЭН ДООР ТӨСВӨӨС, ХӨРӨНГӨ ОРУУЛАЛТААР МӨНГӨ АВЧ ХИЙСЭН ЮМГҮЙ АМАРСАЙХАНЫ Ч ЮМ УУ ХОТЫН ЗАХИРГААНЫ ХООЛ, СОНГУУЛИЙНХ МӨНГӨ БОЛЧИХ БИЙ ГЭЖ ИРГЭД САНАА ЗОВЖ БНА?ТҮҮНЭЭС БИШ ИРГЭД ЮМЫГ НЬ ХИЙЛГЭХГҮЙ ГАЦААГААД БГАА БИШ, ЮУНДАА МУУ Л БОЛ ХОЙТ ТАЛЫН ХАӨР ОВООХОЙ ГЭДЭГ ШИГ НЭРИЙГ НЬ БАРЬДАГ ЮМ БЭ? ТЭР ХХБ НЬ ЭРДЭНЭБИЛЭГ НЬ Ч БНА УУ?ИРГЭД ЭД НАРЫГ ДЭМЖИХГҮЙ ЭЭ? ЗҮГЭЭР Л МӨНГӨ БИТГИЙ ҮРЭН ТАРАН ХИЙЖ САЛХИНД ХИЙСГЭЭСЭЙ, ЯДАЖ ТЭР ТАРЬСАН МОДНУУДАА БУЛГАЛГҮЙГЭЭР УСАН ОРГИЛУУРАА ХИЙ

Avatar

МОНГОЛ 2020-04-17 202.179.8.4

Энэ нөхөр ямар их мөнгө аваад нүд нь харалган сэтгэл нь мөс болсон бэ? Цар тахлын үед зүгээр л эмнэлгийн тоног төхөөрөмж албаны хүмүүсийн цалин хангалтыг сайжруул. 5-н сарын настай тэр юм бидэнд л хэрэггүй…

Avatar

zochin 2020-04-17 150.129.141.55

ORKUUDYG MASH UNENEER NI BICHSEN BAYNA , KHIIJ BUTEEKH GESNIIGEE DOOSH NI KHIIJ BAYJ KAIF AWDAG MUUKHAY UKHER MONGOLYN ZAN

Avatar

зочин 2020-04-17 202.21.100.210

Аль ч намын ямар ч дарга иймэрхүү ажлыг хийж л таарна үүрэг нь юм чинь

Avatar

зочин 2020-04-17 202.21.100.210

Долдойнууд сонгуулиар \ мөхөхийн өмнө зул бадарна \ ааааа гэж

Avatar

Зочин 2020-04-17 202.9.40.12

Үхсэний хотын улстөр. Хөдөө яаж тэнэгтдэгийг мэдэхгүй бж.

Avatar

123456 2020-04-17 64.119.18.140

Hotiin dargiig shuuhed ogj baigaa gesen.Bi huvidaa asar iheer demjij baigaa.Tatvariin mongiig deeremdej baigaa huniig shiitgej daraa daraagiin humuust n surgamj ogoh estoi.

Avatar

Зочин 2020-04-17 221.163.81.203

Тийм үү? Ямар асуудлаар юм бол?

Avatar

Зочин 2020-04-17 103.14.39.2

Би уг нь хотын даргын хийж байгаа ажлыг байнга дэмжджг. Олон зөв юм ч хийсэн. соёлын ордны урдОрц гарцыг чөлөөлөх, урьд олгогдсон ямар ч юм хийгддэггүй гарын ашиглах эрхийг цуцалсан гэх мэт. Гэхдээ төв талбайн урьд талын садыг сүйтгэж усан оргилуурыг барьж байгааг бол эсэргүүцэж байна. Жилийн 9 сард нь ажиллахгүй өнгө дарсан цемент болохыг. МАН байрны урд, цэцэрлэгт хүрээлэнд, төмөр замын соёлын ордны урд гээд хогонд дарагдсан шороо дүүрсэн газрууд их байна.

Avatar

123456 2020-04-17 64.119.18.140

Usan orgiluurtai bolchihvol arhichid chuglarahgyi gesen batalgaa haa baina aa.

Avatar

Зочин 2020-04-17 107.77.173.14

Дорж гуай долингортохгүй шүү!!!!

Avatar

Зочин 2020-04-17 64.119.19.21

Сонгуулиаар унагаанаа,

Avatar

Зочин 2020-04-17 66.181.185.43

Харин ч хоёрхон сарын дараа сонгууль болохоос өмнө идээд авъя гээд зөөврийн устай усан оргилуур барихаар улайрч байгаа Бургас дарга маань сонгуулиар хяргуулаад нам унана даа.

NewsMN Гар утасны хувилбар Татах
NEWS.mn

Мэдээллийн эх сурвалж