С.Чинзориг: ААН-ийн ажилчдад 200 мянган төгрөгийн дэмжлэг үзүүлнэ | News.MN

С.Чинзориг: ААН-ийн ажилчдад 200 мянган төгрөгийн дэмжлэг үзүүлнэ

COVID-19

С.Чинзориг: ААН-ийн ажилчдад 200 мянган төгрөгийн дэмжлэг үзүүлнэ

С.Чинзориг: ААН-ийн ажилчдад 200 мянган төгрөгийн дэмжлэг үзүүлнэ

Засгийн газраас коронавирусийн халдварын улмаас аж ахуйн нэгж, иргэдэд тодорхой үе шаттайгаар эдийн засгийн дэмжлэг үзүүлэхээр болсон. Тодруулбал, Ерөнхий сайд У.Хүрэлсүхийн шийдвэрээр дөрөвдүгээр сарын 1-ний өдрөөс аравдугаар сарын 1-нийг хүртэлх хугацаанд нийгмийн даатгалын шимтгэл (НДШ)-ийг тэглэж, хүүхдийн мөнгийг 30 мянган төгрөг болгож нэмэгдүүлсэн билээ. Энэ талаар ХНХЯ-ны сайд С.Чинзориг мэдээлэл хийлээ.

Тэрбээр “Засгийн газраас аж ахуйн нэгжүүдийн НДШ-ийг зургаан сарын хугацаанд тэглэх, Ажилгүйдлийн даатгалын сангаас ажлын байраа хадгалж үлдсэн аж ахуйн нэгжүүдийн ажилчдад гурван сарын хугацаанд 200 мянган төгрөгийн дэмжлэг үзүүлэх шийдвэр гарсан. Үүний дагуу дээрх харилцааг зохицуулсан журмын боловсруулж, яамдаас саналыг нь авахаар явуулсан. Энэ журмыг ирэх долоо хоногийн Засгийн газрын хуралдаанаар хэлэлцэн шийдвэрлэнэ.

Нийгмийн даатгалын шимтгэл, ХХОАТ-аас чөлөөлөх хууль батлагдсан. Одоо хуулийг дагаж гарах журам батлагдана. УИХ-ын шийдвэр гараад ажилтны болон ажил олгогчийн нийгмийн даатгалын шимтгэлийг чөлөөлж, улсаас төлж байгаа учраас ажилтны нийгмийн даатгалыг төлснөөр тооцож бичилт хийнэ. Ингэснээр тэтгэвэр тэтгэмж авах, ажилласан жил тасалдахгүй байх, ажилтны нийгмийн хамгааллын асуудлыг зохицуулахаар журамд тусгаж байгаа. Хувийн хэвшилд ажиллаж байгаа ажилтнуудыг сүүлийн хоёр сарын цалингийн дунджаар бодож нийгмийн даатгалын дэвтэр дээр бичилт хийнэ.

Хувиараа хөдөлмөр эрхлэгчдийн НДШ бас зургаан сар чөлөөлөгдөнө. Ингэхдээ хөдөлмөрийн хөлсний доод хэмжээ буюу 420 мянган төгрөгөөр бодож нийгмийн даатгалын дэвтэр дээр бичилт нь хийгдэнэ. Харин үүнээс илүүгээр төлөх хүн байвал түүнийг нь нээлттэй үлдээхээр журамд зааж өгч байгаа.

Ирэх долоо хоногийн эхээр журмаа боловсруулж, УИХ-д оруулж батлуулна. Нийтдээ НДШ төлж байгаа 600-700 мянган ажилтан НДШ-ээс чөлөөлөгдөнө.

Нэгэнт хууль 04.01-10.01 хүртэл гэж батлагдсан учраас журам нь хэзээ батлагдаж гарахаас үл хамааран хууль хэрэгжээд явна гэж ойлгох хэрэгтэй. Тодруулбал, энэ сараас эхлэн байгуулагууд ажилтныхаа цалингаас шимтгэл авахгүйгээр бүтэн тооцож, цалинг нь олгоно. Дөрөвдүгээр сарын НДШ-ийг төлчихсөн байгууллага байвал журмаараа ажилчиддаа буцааж олгоно” гэлээ.

Нийгмийн даатгалын шимтгэл төлж буй хувийн хэвшлийн ажилчдад сар бүр 200 мянган төгрөг олгохоор болсон бол хувиараа хөдөлмөр эрхлэгчид энэ дэмжлэгт хамаарахгүйгээр журамд тусгажээ. Нийгмийн даатгалын шимтгэл төлж буй 700 мянга гаруй ажилтан хөнгөлөлт чөлөөлөлтөд хамрагдах тооцоо гарчээ.

Хүн амын амьжиргааны түвшинг бууруулахгүйгээр хүүхдийн мөнгөний хэмжээг 10 мянган төгрөг нэмж олгохоор болсон. Нийт 34 тэрбумын нэмэлт эх үүсвэрийг Засгийн газраас шийдвэрлэжээ. Өөрөөр хэлбэл, хүүхдийн 20 мянган төгрөг 30 мянга болж байгаа юм. Хүүхдийн мөнгөний нэмэгдсэн тэтгэмжийг энэ сарын 20-25-ны хооронд олгохоор тооцжээ. Хүүхдийн мөнгөн тэтгэмжид 1.130.000 хүүхэд хамрагдсан байна.

Б.ЦЭЦЭГ

Энэ мэдээнд өгөх таны сэтгэгдэл?
8
ТэнэглэлТэнэглэл
1
ЗөвЗөв
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-16 202.179.26.247

нэг л их мөнгө амалсан юмнууд байх юм. тэгээд яг өгөх болхоороо янз бүрийн шалтаг тоочоод эхлэнэ. Шинээр мөнгө л хэвлэхгүй бол хаанаасаа мөнгө гаргах гээд байгаа юм. Шинэээр мөнгө хэвлэхэд юмны үнэ өснө. тэр мөнгө нь цаас болох биз.

Avatar

Зочин 2020-04-16 122.201.22.78

Ene hun yagaad sain gishuun bolood yavaad bdag yum be. Mash muuhai hun shddd

Avatar

яүёхши 2020-04-16 59.153.85.75

Тэнэгтэж бай тэнэгтэж бай муу ялгаварлан гадуурхагчидаа Сонгууль болно та нар сайн дэнэгт хариугаа ядуучууд авна та нараас муу авилгачингуудаа.

Avatar

Зочин 2020-04-16 66.181.187.87

Худлаа хий хоосон амлалтаар иргэдийг хуурахаа болиоч. Энэ МАН гарч ирээд тэтгэвэр тогтоох цалингийн дундаж-г 5 жил байсаныг 2019 онд 6 жил, 2020 онд 7 жил, 2021 онд 8 жил болгосон. ОХУ одоо ч гэсэн тэтгэвэр тогтоох цалингийн дундаж нь 5 жил хэвээрээ. МАН-д сонгууль өгөхгүй, ёстой харагдаач!!!!!

Avatar

НАМДАА ХАЙРТАЙ, ҮНЬСЕ, ТЭВРЭЕ...ЧАУ ЧҮҮС, ЖҮҮС 2020-04-16 103.57.93.221

ӨВӨРХАНГАЙД НЭР ДЭВШИНЭ. МАНДАА ХАЙРТАЙ, НАМДАА ХАЙРТАЙ, ҮНЬСЕ, ТЭВРЭЕ…ЧАУ ЧҮҮС, ЖҮҮС

Avatar

Зочин 2020-04-16 182.160.36.248

Хувиараа хөдөлмөр эрхлэгчдийн НДШ-ийн нэг удаагийн нөхөн төлбөрийг хийхэд Татварын албанд ямар нэг татвар төлсөн байх гэдэг шалгуурыг хангах хүнгүй шахам болгож байна. Үүнийгээ эргэж харж үзэхгүй бол үүнд хамрагдах хүн гарахгүй л болов уу. Худлаа хий хоосон амлалтаар иргэдийг хуурахаа болиоч. Энэ чинь сонгуулийн чинь үр дүнд чинь нөлөөлнө шүү.

Avatar

Зочин 2020-04-16 139.5.217.156

СДД ТӨЛӨГЧДИЙГ Ч ГЭСЭН СҮҮЛИЙН 2 САРЫН ДУНДЖААР НЬ ТООЦООЧ. ЧАДАХГҮЙ Л ДЭЭ ЧАЦГА ЦАРАЙТУУД.

Avatar

Зочин 2020-04-16 202.9.40.172

Хөл хорионы эхний 2 сар ч яахав яахаа ч мэдэхгүй хориод бай хориод бай гээд өнгөрөөсөн. 3-р сараас бусад улсууд хөл хорио тогтоож эхлээд эдийн засгаа дэмжих арга хэмжээнүүд аваад байхад манай энэ хэдэн үхэр ядаж дуурайж болдгүн байхдаа. Эхний 2 сар дуурайх юм байхгүй ангайгаад өнгөрөөсөн гэж бодоход одоо бэлэн сайхан шипи байхад ядаж дуурайгаачээ.

Avatar

ҮНЭН ҮГ 2020-04-16 64.119.25.18

ХУВИАРАА ХӨДӨЛМӨР ЭРХЭЛЖ БУЙ ХҮМҮҮС УЛСДАА ТАТВАР ТӨЛӨХГҮЙ, ҮЙЛЧЛҮҮЛЭГЧДЭД НӨАТ ӨГӨХГҮЙ ХАР АМИА БОДСОН ГАРУУД БАЙДАГ ШҮҮДЭЭ. ЭРХЭЭ ЭДЭЛМЭЭР БАЙВАЛ ҮҮРГЭЭ УХАМСАРЛА БИСДА НАР МИНЬ

Avatar

яүёхши 2020-04-16 59.153.85.75

чам шиг муу төрийн хувалз бөөс биш ,татвар авч чадаагүй бол хохь чинь.

Avatar

БИТГИЙ ЯЛГА 2020-04-16 66.181.191.241

БҮХ ИРГЭДДЭЭ ӨГ. МОНГОЛЫН ТӨР 100 ЖИЛ ГАНЦ УДАА ТОХИОЛДОХ ХҮНД БАЙДЛЫН ҮЕД
ИРГЭДЭЭ ЯЛГАВАРЛАН ГАДУУРАХАА БОЛИОЧ

Avatar

Зочин 2020-04-16 49.0.135.130

Малчин, хувиараа хөдөлмөр эрхлэгчдийн нийгмийн даатгалын шимтгэлийг нөхөн төлүүлэх ажил эхэлжээ. Харин татвар төлөөгүй шалтгаанаар олон хүн хамрагдаж чадахгүй хасагдах бололтой. Тэрбум тэрбумаар нь орлогоо нуусан хулгайчуудаа татвараас өршөөдөг байж хэдэн ядарсан хувиараа хөдөлмөр эрхлэгчидээ өршөөчихгүй хатуурхаж бна энэ төр засаг. Нноовшш юмаа.

Avatar

ИИ 2020-04-16 139.5.217.156

ХАМГИЙН БӨӨРӨНХИЙ АЙМХАЙ САЙД

Avatar

Зочин 2020-04-16 182.160.37.171

Их бүрхэг шийдвэр юмаа

Avatar

зочин 2020-04-16 202.126.88.174

нэг зүйл тодорхойгүй байна. Орлого нь 50 хувь буурсан ААН-д ажлаас халаагүй хүмүүст 200 000 төг олгоно гэсэн хууль батлагдах шиг болсон. Энэ Чинзориг нь юм уу ссэтгүүлч нь ч юм уу өөр юм хэлсэн юм шиг ." НДШ төлж байгаа хувийн хэвшлийн ААН-ийн ажилчин бүр өгнө" гээд бичжээ.Аль нь зөв бэ. Хэрвээ 200 000 төгрөг авахын тулд ажилтанаа ажиллуулж байснаас шууд халсан нь дээр ш дээ. Угаасаа халж ч байна. 50 хувь орлого нь буурна гэдэг чинь хүн цалинжуулж хоосорч байснаас ажлаа зогсоосон нь дээр.

Avatar

Зочин 2020-04-16 192.82.73.183

Өгтлөө нэлээн шүүлтүүрдэнэ , өгч гэмээнэ ажилчинд нь биш ААН-д нь өгөх юм билээ .

Avatar

Зочин 2020-04-16 192.82.70.116

нийгмийн даатгалын сангаар тоглосон анхны чадваргүй сайд, тэтгэврээ тавих мөнгөгүй болчих вий дээ. ӨӨ эрүүл мэндийн даатгалаа алдчихсан

Avatar

Чинзориг сайдад 2020-04-16 202.179.24.201

Орлого нь эрс багассан боловч ажилчдаа халаагүй цалинг бүрэн олгож буй хувийн хэвшилд бус харин ажичдад нь 200000 төгрөг нэмж олгоно гэдэг нь амьдралд нийцэхгүй шийдвэр байна. Энэ тохиолдолд ажилчдаа халахаас өөр арга алга.

Avatar

B 2020-04-16 213.109.221.233

Naad hundee heleed nemergui. Uchir ni ter yu ch oilgohgui

Avatar

Зочин 2020-04-16 202.21.108.45

Ajilgui orloggui bolchihson irgedee ya gej baigaa yum. Hog tuu gej baigaamuu hulgai deerem hii gej baigaamuu.

NewsMN Гар утасны хувилбар Татах
NEWS.mn

Мэдээллийн эх сурвалж