Миний мэдэх Бямбадорж | News.MN

Миний мэдэх Бямбадорж

Миний мэдэх Бямбадорж

Миний мэдэх Бямбадорж

“Хүмүүс их мартамхай шүү. Чамайг юу бичдэг байсныг нэг жилийн дараа л мартаж орхино” гэх үг хатуу бөгөөд үнэн билээ. Үүний адилаар өнөөдөр түүнийг Монголын төрд юу бүтээснийг санахаас илүүтэй, чулуу нүүлгэж эхлэв. Жамсрангийн Бямбадорж гэж хэн бэ?

Үг, үйлдэл нь зөрдөг өнөө цагийн улс төрчдөөс хол илүүг нь хэн хүнгүй мэднэ. Зангараг, ноён нуруу, хүн чанараараа өнөөдрийг хүртэл хийсэн бүтээснийг нь тийм ч амархан үлээж амжихгүй. "Зөв амьдрах ухаан" ТББ-ын Загдаа гээч нөхөртэй утсаар ярихдаа "Гөлөг" гэсэн байна шдээ гэж халаглах хүмүүст угаасаа худлаа ярьж чаддаггүй Бя өөрийнхөөрөө л цүл пал тайлбарлаж орхив. Төрөөс наанадаж 833 сая төгрөгийн санхүүжилт авсан хэрнээ төрийг үгүйсгэж, ядарсан иргэдийн эрхийг зөрчиж, хүний эрхийн үндэсний байгууллагын хараат бус, бие даасан үйл ажиллагаанд саад учруулж байсан тухай ноцтой баримтууд нийгмийн сүлжээний хөөсрөл, хөөрөлд дарагдаж үлдэв.

Одоогоос хэдэн жилийн өмнө түүнийг “Би ажлаа өгмөөр байна” гэж цухуйлгахад нь “Үгүй, ээ та бидэнд хэрэгтэй байна, түр үлдээч. ХЭҮК-ын хууль, Хүний эрхийн хамгаалагчдын эрх зүйн байдлын тухай хууль батлагдаагүй байна. Байгууллага маань бэхжээгүй байна. Ядаж хуулиа батлуулчихаад яваач” гэж татаж чангааж үлдээсээн, хамт олон нь. Олон жил төрд ажиллаж, хий, хуй нь арилсан том хүний зангараг, нөлөө ХЭҮК-т ус агаар мэт хэрэгтэй байсан учраас тэр.

Үүнийг бичигчийн хувьд анх удаа төрийн албаны шалгалт өгч, Хүний эрхийн Үндэсний Комиссын хэвлэл мэдээлэл хариуцсан ахлах мэргэжилтэн гэх орон тоонд тэнцэж, Төрийн албанаас өгсөн чигийн дагуу ажилд орохоор очихдоо л Ж.Бямбадорж гэдэг хүнтэй танилцаж байлаа. Нээлттэй зарын дагуу төрийн албан хаагчийн сонгон шалгаруулалтад ороод тэнцсэндээ учиргүй баярлаж хөөрсөн нөхөр гүйгээд орчихсон хэрэг. Ж.Бямбадорж дарга өөдөөс хараад “За, хүний эрхийн байгууллагад ажиллахын тулд хоёр зүйлд анхаарахыг чамаас хүснэ. Нэгдүгээрт, хэвлэл мэдээлэлд нэвтрэх чадвар, хоёрдугаарт, шударга, үнэнч байдал” гэж хэлээд нэг орос киноны үйл явдлыг детальчлан ярьж өгсөн юм. Дайны үед тэсч үлдсэн цэргийн суман дотроосоо урвасан нэг нөхрөөс болж сүйрдэг тухай. Сонин юм, яагаад надад үүнийг ярьдаг байна аа гэж бодоод л өнгөрсөн…

ХЭҮК-т хуулиар хүлээсэн үүрэг хариуцлага нь арвин ч ажиллах хүн, бусад нөөц нь хомсхон тул нэг ажилтан 2-3 хүний ажлыг нугалж байж, ачааллыг давна. Шаардлага ч өндөр. Тэр шалгуур, шаардлагыг давж туулах амар биш. Зүгээр цаг нөхцөөх хүн бол эртхэн яваарай л гэнэ.

Гэхдээ ХЭҮК-оос сүүлийн 10 жилд хууль бусаар ажлаас халагдсан, явсан хүн байхгүй ээ. Тэр залуучуудаар багаа бүрдүүлсэн, шижигнэсэн залуучуудыг НҮБ-ын Хүний эрхийн хороонд дадлагажуулж, Австрали, Швейцарь, БНСУ, Ази, Номхон далайн бүс нутгийн орнуудын хүний эрхийн байгууллагуудаас туршлага солилцож, ажиллах боломжоор бүрэн хангаж, итгэсэн шиг итгэж, даалгаж ажиллуулдаг байв. Яг л өнөөдөр Монголын төрд үгүйлэгдээд байгаа мерит (чадахуйн) зарчмыг ХЭҮК-т аль хэдийнэ нэвтрүүлчихсэн. Чадаж байгаа хүнд бүх боломж байдгийг өөрийн биеэр үлгэрлэж, чадварын сацуу хүн чанар чухал гэдгийг ой тойнд суулгаад өгчихсөн. Хүнд урам зориг өгөх, ажилдаа дуртай, сонирхолтой байлгах идэвхжүүлэлтийг гарамгай хийнэ. Хүний эрхийн сургалт, хяналт шалгалтаар уулзсан хаа газрын ажилтан, алба хаагчдад ч хувь хүний үүднээс ахын сургааль, төрийн хүний хувьд урам бадраах үгсийг хэлчихээд гарна. Тухайлбал, цагдаа, шүүх, шүүхийн шийдвэр гүйцэтгэх албаны ажилтнуудад “Та нар бол хүний эрхийг хамгаалагчид юм, өнөөдрийн ажил үүрэг тань баривчилж, хорьж цагдах мэт санагдавч  бусдын эрх, эрх чөлөөг хамгаалах нь та бүхний үүрэг юм. Хүний амьдрал хоёрхон газар өнгөрч байна. Нэг нь ажил, нөгөө нь орон гэр. Энэ хоёр газраа л аз жаргалтай байх ёстой. Ажил дээрээ уурлаж бухимдсан бол түүнийгээ тайлчихаад гэртээ ороорой. Эхнэр, нөхөр, үр хүүхэд тань чиний ажлын нөхцөлөөс болсон зүйлд чинь буруугүй шүү дээ.” гэх мэт дотночилно. Ерөөс хүний эрхийн байгууллага нь “хүнтэй л ажиллах” учраас энэ байгууллагыг төлөөлөхдөө уурлах, загнах, аргадах, эвлэрүүлэн зуучлах, албан ёсны шаардлага илгээх зэрэг бүхий л аргаар ажиллаж ирсэн байдаг.

Тиймдээ ч өнөөдөр үр хүүхдийг хашаандаа авч үлдчихээд эцэг, эхэд нь өгдөггүй этгээдтэй 40-өөд минутын турш аргадаж, учирлаж ярьсан нь муу хүмүүсийн өгөөш болоход хүргэв.

Ж.Бямбадорж даргын хувьд намайг телевизээр гарга, ярилцлага өгье, миний зураг ийм тийм гэхгүй амар. Угаасаа түүнд сурталчилгаа ч хэрэггүй. Монгол Улсын Үндсэн хуулийг болон бусад олон хуулийг эх барьсан, хэлэх үг, хийсэн зүйлтэй Монгол Улсын Гавьяат хуульчтай хэн юу ярих билээ. “Даргаа сурталчлах шаардлагагүй Монголын ганц хэвлэлийн төлөөлөгч” гэж нэг удаа намайгаа хөөрхөн шоолчихож билээ.

Мань эр 2017 оноос хойш “За, чи намайг хэвлэлээр яриа өгүүлж болохгүй шүү. Энэ байгууллага надаас болж муухай харагдах ёсгүй. Хүний эрхийн үндэсний байгууллагын нэр хүнд надаас шалтгаалж сэвтэх учиргүй. Залуучуудынхаа хийж бүтээж байгааг бусдаар үгүйсгүүлгэмээргүй байна. Яриа өгөх бол надаас бусдаар нь яриулаад байгаарай” гэж захиад хэвлэлд гарахаас цааргалах болсон юм.

Гэсэн хэрнээ сэтгүүлчдэд их сайн. ХЭҮК-т ирэхдээ л “Хүний эрхийн байгууллага ил тод байх ёстой, бидэнд нууж хаах зүйл байхгүй, тиймээс хэвлэл мэдээлэлтэй маш ойр нээлттэй ажиллая. Хэвлэл мэдээлэл, иргэний нийгмийн байгууллага хоёр бол манай комиссын хоёр тулгуур байх ёстой” гээд юун түрүүнд Комиссын дэргэд сэтгүүлчдийн клубыг байгуулж, сэтгүүлчдэд хүний эрхийн мэдлэг ойлголт олгох сургалтуудыг тасралтгүй явуулахад онцгой ач холбогдол өгч байв. Хувь хүний хувьд нээлттэй хүн болохоор утасны дуудлага бүрийг ялгахгүй авна. Хүнийг ялгахгүй, жигд харилцана. Угаасаа ч хүмүүс түүнд хайртай. Олны хайр хүндэтгэлийг хүлээдгээ ч мэдэрдэг. Гомдол гаргаж, тусламж эрсэн хүн бүрт туслахыг хичээнэ. Зөрчил гаргасан этгээдтэй ч нөхөрсөгөөр зөвлөнө, учирлана. Дээшээ тэнгэр хол, доошоо газар хатуу, монголын төрд гомдсон, цөхөрсөн, аргаа барсан иргэд ХЭҮК-т ханддаг. Тухай бүрт мань эр үнэн, зөвийг ялгаж шударга ажилласан. Өнөөдөр тэр ажлаа хүлээлгэн өгч байна.

Ж.Бямбадорж ХЭҮК-т юу үлдээв?

Хүний эрхийн үндэсний байгууллагын эрх зүйн орчинг сайжруулав. Монгол Улсын Хүний эрхийн Үндэсний Комиссын тухай хуулийг шинэчлэх шаардлагатайг ярьсаар, хөөцөлдсөөр 20 жилийн дараа өнөөгийн хэрэгцээнд нийцүүлэн шинэчлэн батлуулж, хүний эрхийн зөрчил гаргасан этгээдэд бултах зай үлдээхээргүй хариуцлагын тогтолцоог бүрдүүлж чадав. 2020 оны 01 дүгээр сарын 23-нд батлагдсан Монгол Улсын Хүний эрхийн Үндэсний Комиссын тухай хуульд зааснаар Комиссын гишүүний шаардлагыг эрх зөрчигч этгээд “заавал” биелүүлэх болж хариуцлагаас мултарч чадахааргүй болгов.

Олон улсад нэр хүндтэй хүний эрхийн үндэсний байгууллагыг бэхжүүлснээр 3 удаагийн магадлан итгэмжлэлээр “А” статусаар үнэлэгдэв. Хүний эрхийн үндэсний байгууллагуудын дэлхийн холбооны бүрэн эрхэт гишүүн Монгол Улсын Хүний эрхийн Үндэсний Комиссоос Ази, Номхон Далайн бүсийн бусад орнууд туршлага судалж,  манай сайн жишгийг бүс нутагт нэвтрүүлж эхлэв. Ази, Номхон далайн бүс нутгийн Хүний эрхийн байгууллагуудын уулганыг Монгол Улсын Хүний эрхийн Үндэсний Комисс 3 жилийн турш удирдаж, 2019 оноос шинэ удирдлагын тогтолцоо бий болоход Дэд даргаар сонгогдон ажиллаж байна.  “Уул уурхай ба Хүний эрх”, “Хүний эрхийн үндэсний байгууллагуудын удирдах түвшний уулзалт”, Хүүхдийн эрхийн олон улсын чуулган зэрэг олон улсын хурал, уулзалтыг Монголдоо зохион байгуулж асуудлыг олон улсын анхааралд аваачив. Хараат бусаар, бие даан ажиллах хүний эрхийн үндэсний байгууллагын санхүүжилт түүнийг ирэх үед (2010 он) 200 гаруй сая төгрөг, олон улсын төсөл хөтөлбөрүүд зогссон байсан бол түүний хөөцөлдлөгөө, нэр нөлөөгөөр төсвөө нэмэгдүүлж, НҮБ-ын холбогдох байгууллагууд, Европын холбоо зэрэг олон улсын байгууллагуудтай хамтран, олон тооны судалгаа, шинжилгээг хийж, хэрэгжүүллээ. ХЭҮК нь орон нутагт хүрч ажиллахаар аймаг бүрт орон тооны нэг ажилтантай болов. Хүний эрхийн ойлголт, мэдлэг олгох сургалт, нөлөөллийн ажиллагааг эрчимжүүлснээр ХЭҮК-т иргэдээс ирүүлэх гомдол мэдээллийн хандалт 3 дахин нэмэгдэв. “Монгол Улс дахь хүний эрх, эрх чөлөөний байдлын талаарх илтгэл” 19-ийг УИХ-д өргөн барьж хэлэлцүүлснээс сүүлийн 10-ыг нь тэр редакторлаж, хянан буулгаж, хүний эрхийн анхаарал татсан асуудлаар 350 гаруй саналыг хууль тогтоогчдод хүргүүлж, тогтоол батлуулан олон үр дүн гарч байна. Энэ мэтийг тоочвол хийсэн бүтээсэн нь их ээ.

“…Ганц л зүйлийг захья. Янз бүрийн захиалга, дарамт, шахалт ирнэ. Битгий автаарай. Дараа нь ичихгүй байя, хэдүүлээ. 10, 20 жилийн дараа судлаачид үзээд тэр хүн ямар арчаагүй байсан юм бэ гэхээргүй ажиллаарай. Улстөрч, төрийн өндөр алба хашиж байсан хүний хувьд зарим хүмүүс, байгууллагын буруутай үйл ажиллагаанаас болж сэтгэл санаагаараа өлсөж байна. Энэ гэдэс өлсөхөөс хэцүү эд. Зарим шөнө нойр хүрэхгүй. Бухимдах тохиолдол гарах л юм. Хүний эрх гэдэг товчхондоо хүн нийгэмдээ амьдрах, боломж нөхцөлийг хэлж байгаа юм. Энэ боломж нөхцөл бүрдэхгүй бол хүний эрхийн зөрчил болно. Үүнийг хүн бүр өөрөө хичээж, бас төр нөхцөлийг нь бүрдүүлэх ёстой.” хэмээн тэрээр ажилтнууддаа захиад явлаа.

Тийм ээ, Монголын төрд үнэнч зүтгэсэн Ж.Бямбадоржид нууж хаах зүйл байхгүй. Ичих шалтгаан байхгүй. Учир нь тэр ямар ч үед үнэн байсан. Нүүр бардам үлдэх хангалттай үнэн, хийж бүтээсэн хүний эрхийн өв түүнд бий.

СЭТГҮҮЛЧ З.БАДМААРАГ

Энэ мэдээнд өгөх таны сэтгэгдэл?
14
ЗөвЗөв
10
ТэнэглэлТэнэглэл
2
ХахаХаха
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
1
БурууБуруу
Баярлалаа!

Холбоотой мэдээ

40 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-04-16 66.181.161.109

Ховдын Бямбадорж сайд Монголд гавьяа байгуулсан мундаг улс төрч. Хийсэн ажилтай хэлэх үгтэй нэртэй төртэй хүн л дээ.

Avatar

bii 2020-04-16 202.21.108.241

Gulugtei gulug shig l haritsana shd.uur yaahiin buruu ug heleegui.gulug shig haritsaj bn geed hyazgaariig bas davj bolohgui.Zagdaa gej zalitai nuhurt uguush bolchloo l do.

Avatar

Zochin 2020-04-16 66.181.161.34

Saihan vlger duurialal bolson hvneesee salaad baival mongol uruvdmuur uls bolno do h** uvgchvvld uhaan judag 2 bii

Avatar

ЗОЧИН 2020-04-16 139.5.219.29

Насаараа дамбийжаагийн тоодгор хийсэн хөгийн эрээ ийм л өрөвдмөөр амьтад төрд ажиллаж байна

Avatar

анд нь 2020-04-16 202.9.46.144

Монголын сэтгүүл зүй З.Бадмаараг гэж сэтгүүлчийг ёстой мэдэхгүй юм байна. Ганц мэдээ бичиж үзсэн л товарищ байдаг байгаа даа. хэ ха . тэгээд бас ийм чухал том байгууллагын хэвлэлийн төлөөлөгч, ахлах мэргэжилтэн гэхээр арай л жулдаж байна даа. Бя даргынхаа араас явсан нь дээр дээ жаал аа

Avatar

Зочин 2020-04-16 202.55.188.85

Гэхдээ л тэр гөлөг байсан. Ядаж Түдэв шиг дуусаж болно биз дээ?

Avatar

ard 2020-04-16 202.126.88.211

zagdaa gej zalilangiin setgel mederliin uvchtei durakiig hun gej bodood yarisan bn

Avatar

Зочин 2020-04-16 124.158.88.13

Үнэн л хэлж хийсэн бүтээсэн гавьяаг нь жагсаа гэвэл зөндөө урт жагсаалт гарна хийсэн гайг нь жагсаа гэвэл Загдаа гэх бүтэхгүй нөхөртөй ярьсан утасны бичлэгээс өөр юу ч олдохгүй байх. Монголчууд бид гавьяатай хүний гавьяаг мартаж гайтай хүний гайг мартаж бүхий л зүйлийг мартаж явсаар гай гавьяа хоёроо ч ялгахаа байж дээ.

Avatar

mgl 2020-04-16 202.9.40.56

hun olon jil darga hiiheeree hun bish bolj busad ni gulug boldogiin yaruu tod jishee.

Avatar

Зочин 2020-04-16 150.129.142.186

энэ өвгөн ч угийн сонин нөхөрдөө Нөгөө Гүндалайгийн барисан плакатыг урчихуу даргаа гээд Энхбаярлуу харж байсан гишүүндээ

Avatar

зочин 2020-04-16 43.228.129.86

С.Төмөр-Очир дарга руу харсан л даа. тэгээд дэгдэж очоод урчихсан. УИХ-ын дэд дарга байх үедээ

Avatar

Зочин 2020-04-16 122.201.22.57

БЭЭЖИН ХАВНЫ ГАЛӨӨӨГ

Avatar

Zoro 2020-04-16 202.126.89.80

Bagshiin ajlaa hiigeed taivan saikhan amidarsan ni deer. Bi bas hundeldeg, haramsch l bn..

Avatar

Зочин 2020-04-16 202.126.89.219

ХЭҮК ЗАГДААД ЯЛАГДАХЫГ ХАРЛАА ҮЗЛЭЭ МЭДЛЭЭ

Avatar

Зочин 2020-04-16 72.205.128.3

Zagdaa yavaandaa 3 unduriin ali negniih ni zuvluh bolnodoo !Manai “udirdagchid” iim l hvmvvsiig vneldeg shig baigaam !

Avatar

Зочин 2020-04-16 182.52.219.210

Тийм үү гөлөг өө

Avatar

Зочин 2020-04-16 202.21.104.2

Ил цагаан, гэм хоргүй түргэн зантай, санасан бодсон зүйлээ хэнээс эмээлгүй шуудхан хэлчихдэг цайлган нэгэн билээ. Монголын төрд хийсэн ажилтай, идсэн уусан зүйлгүй тун чиг цөөхөн хүний нэг дээ. Энэ сэтгүүлч хүүхэд харин ч тааруухан, хуурай хоосон магтаал бичсэн байна.

Avatar

Зочин 2020-04-16 66.181.171.34

"Олон жил төрд ажиллаж, хий, хуй нь арилсан том хүн" хий гаргаж дээ хөөрхий

Avatar

Зочин 2020-04-16 195.46.106.44

Одоогийн залуучуудад ахмадуудаа дутуу үнэлэх, ажлын арвин их туршлагынхан тухай ямарч ойлголт, мэдрэмжгүйгээр зөвхөн өөрийг нь дагаж намирсан цүнх баригчдыг өндөр албанд тохоож,чадвартай улсуудаа зайлуулах хүсэлтэй болсон юм. Өөрөөсөө дор чадвар боловсролгүй хүнийг балбаж боолоо хийж байвал үүнээс үүдэн төр нийгэмд учрах хохирлын талаар огт бодохгүй. Амьдрал 3 үеийн холбоо 3 цагийн хэлхээн дээр суурилдаг юм гэдгийг мэддэг залуу их ховор болсон. Энэ хууль гажихаараа тэр газар бүх юм буруугаар эр

Avatar

Зочин 2020-04-16 66.181.181.89

Эрүүгийн элемэнтүүдийг турхирч бие биенээ намнадаг цаг Нямдорж сайд байхдаа аль дээр устгасан гээд байсан үгүймүү, хэвээрээ л байгаамуу. Центрпойнтын хэргээс хойш үнэхээр нэг хэсэг намжаад гайгүй явсан юмсан. Одоо Загдаа гэж элемент Бямбадорж гэх төрийн албан хаагчийг унагаах ажиллагаагаар эргээд сэргэхнүүдээ энэ чин.

Avatar

Зочин 2020-04-16 122.201.23.75

odoo ene baiguullagiig utgaar n ajilluulah heregtei. Mongol shig hunii erhiig iim bogino hugatsaand ulandaa gishgedeg hargis niigemtei bolson uls delhiid bhgui. Ganjavkhlan gedeg zaluug dargaar n tavichih. .

Avatar

Зочин 2020-04-16 66.181.181.89

Нэг юм ойлгохгүй байна. Насаараа татвар төлөх нь битгий хэл бидний төлсөн татварын мөнгөөр шоронд тарвалзаж өсчөөд, төр түмний буянаар гарын ур дүйтэй болчоод гарч ирсэн хойноо бас л бидний татварын мөнгөөр угжуулж өчнөөн саяыг шаачаад дээр нь давраад төрд олон жил ажилласан хүнийг ажлыг нь өгтөл хор найруулчиж байгаамуу тээ. Тэгвэл бүгдээрээ шоронд орцгооё, гарч ирээд төрөөр дахин тэжээлгэе.

Avatar

zochin 2020-04-16 150.129.140.226

ene hvn chini ajliin tsagaar oroondoo 5 gariin muushig toglood arhi uugaad l bj bdag gar bna lee shdee yun hunii erh

Avatar

Иргэн 2020-04-16 182.160.36.141

Хүний эрхийн байгууллагыг яллаа Загдаа, муу нь толгой дээр баадаг, бусад нь шидэлдэг цаг ирж , харин ҮХ ГЭЖ БИЧЭЭД БАЙГАА ХҮМҮҮС ТА НАР БУРХАН БИШ, хэн хэзээ үхэхийг ЧИ БИШ БУРХАН МЭДНЭ, Чи өөрөө харнаа КОММЕНТЧИН

Avatar

battogtoh 2020-04-16 192.82.65.182

ИДЛЭЭ,УУЛАА ГЭЖ СОНСОГДООГҮЙ,ГАВЬЯА БАЙГУУЛСАН ГЭЖ ДУУЛДААГҮЙ.,,ГӨЛӨГ,, ГЭДЭГ НЭР ГОЁДОХООР ХҮМҮҮС ТӨР ЗАСГИЙН ХЭМЖЭЭНД ХҮРТЭЛ БАЙЖ Л БАЙХ ЮМ.ГЭХДЭЭ БУРУУ ГЭДЭГ НЬ ТОДОРХОЙ,АЖЛАА ӨГСӨН НЬ ЗӨВ.НЕ ПЕРЕЖИВАЙТЕ,ВСЕ ПРОЙДЕТ.УРТ НАСЛАЖ,УДААН ЖАРГААРАЙ.ХАРИН ТЭР ЗАГДАА БОЛ ГАХАЙ,ТЭР ҮЗЭХ ЮМАА ҮЗЭЖ,ҮҮРЭХ ЯЛАА ҮҮРНЭ.БЯМБАДОРЖ ГУАЙГ БИ ОГТ ТАНИХГҮЙ,УУЛЗАЖ БАЙГААГҮЙ,ГЭХДЭЭ ОДОО БОДОХОД МУЖИК ЮМ ШИГ ЭЭ.

Avatar

Зочин 2020-04-16 202.9.46.226

За ямартай ч нас бол аль хэдийн тэтгэвэрийн насанд хүрчихсэн юм билээ ! Бямбадорж гэдэг энэ хүн сүүлийн 30 жилийн талаас илүү хувьд нь засаг барьж байсан ардын намын гол эрэг шураг болж байсан хүмүүсийн нэг ! Тийм ч учраас өнөөдөр нийгэм төрд үүсээд бга бас аль хэдийн бий болсон гажуудал, завхралыг хуваалцаж хариуцах ёстой хүмүүсийн нэг ! Ийм л учраас олон нийт наад хулгар өвгөнийг чинь үзэн ядаад бгаг ойлгохгүй бну !!!

Avatar

Иргэн 2020-04-16 103.23.50.66

мэдэхгүй юм даа. монголд олон хүн эрх ашгаа хамгаалуулж чадахгүй хохирч байгаа. Энэ байгууллага нүдэнд харагдах хийсэн юм байхгүй шүү дээ. Үхсэний хохь амьдын зол гэдэг л болоод байгаа. Төрийн албан хаагч хүн амнаас гарах үг, үйлдэл 2–оо цэгнэж байж иргэндээ улсдаа үйлчлэх ёстой байх гэж би хувь хүний зүгээс боддог.

Avatar

Зочин 2020-04-16 124.158.124.144

Хөөрхөн гөлөг

Avatar

Нямбуу 2020-04-16 182.160.1.239

Мөнгө, авилгын төлөө бус ажлаа зарчимчаар хийхийн төлөө явдаг, хийдэг хүн л байлаа. өөдгүй хүнийг гөлөг гэж хэлээчихлээ гэж л даргын ажлаас нь чөлөөлөгдөж байна гэж ойлгогдсон. Загдааг давруулдаг амьтадтай адилхан ажилласан бол ажтлдаа үлдэх байсадаа гэж бодохоор харамсал төрлөө.

Avatar

Гөлөг шиг хүн 2020-04-16 64.119.20.249

Загдаа надтай гөлөгтэй харьцаж байгаа юм шиг харьцдаг. Яагаад гэхээр Бямбадоржийн зөвөлгөөгөөр тэгэж байгаа юм байна лээ. Энэ бичигчийн хувьд зүгээр л доль зан гаргаж байна

Avatar

Зочин 2020-04-16 124.158.88.13

Бямбадорж даргыг мэддэг хүмүүс нь мэднээ, хийсэн ажилтай, хэлэх үгтэй л хүн дээ, үнэхээр нүдэнд харагдтал, сэтгэл огштол сайхан бичжээ.

Avatar

Гөлөг 2020-04-16 66.181.161.4

Гөлөг гөлөг байсан. Гөлөг гөлгөөрөө л байгаа. Гөлөг гөлгөөрөө л үлдэнэ бас үхнэ.

Avatar

ТҮЙ . ЮҮ УНШЧИХВАА 2020-04-16 202.179.26.44

ПААА…… ИНГЭЖ БИЧИХГҮЙ ЭЭ…. ХҮНИЙ ЭРХИЙГ ХАМГААЛАХ БАЙГУУЛЛАГЫГ БУЗАРЛАЖ ХАЯЖЧИХААД ЯВЖ БАЙГАА БИЗ ДЭЭ… ЗАЛУУС ҮР ХОЙЧДОО ЮҮ ҮЛДЭЭГЭЭД БАЙНАА. ӨВӨӨ ЭМЭЭ НАРАА. … ИЙМ ЗАВААН ЮМ ХЭДЭЭР БИЧҮҮЛЭХ ҮҮ…. ЗҮГЭЭР Л НОРМАЛ УУЧЛАЛ ГУЙГААД АЖИЛ АЛБАА ӨГЧ БОЛДОГГҮЙ ЮМ УУ

Avatar

Зочин 2020-04-16 139.5.219.85

Чи юу ч ойлгохгүй эрх талхны "дайсан" хүүхэд байнаа. Төрд хэрэгтэй хүнийг тодорхойлж бичсэн байна. Бямбадорж одоо ажлаа өгсөн түүний хийж байсныг хэн ингэж хийхийг нь л харах үлдсэн. Манай төрд ингэж хийх нь багасаад чам шиг бичих, ярих нь ихсээд байгаа нь аюул…

Avatar

Зочин 2020-04-16 203.91.115.37

Unexer mundag xun sanagdsan

Avatar

Зочин 2020-04-16 202.131.227.174

Хийдгээ хийсэн сайн юм их л хийсэн байгаа даа. Харин ч жудагтай байна. Ажлаа шууд өгдөг сайн жишгийн эхлэл боллоо. Урт наслаарай.

Avatar

Зочин 2020-04-16 202.55.188.85

Надад энэ хүн их шударга ухаантай санагддаг болохоор би хүндэлдэг юм

Avatar

Зочин 2020-04-16 150.129.140.240

Амьдрал мэддэг, хүнийг ойлгодог, мөс чанар сайтай, худлаа ярьдаггүй мундаг хүн дээ. Олон жилийн өмнө хамт ажиллаж байлаа, миний дарга байлаа. Энэ хүнээс сайн юм ихийг сурсан даа.

Avatar

Зочин 2020-04-16 202.179.30.242

ил цагаан хүн юм шиг байгаа юм. Орчин цагт ийм ил цайлган хүнийг тэнэг мангараар нь их дуудах болж дээ. уг нь хамгийн хүнээрээ байгаа зан юм байгаа юм шдээ

Avatar

Зочин 2020-04-16 124.158.88.13

Сайхан нийтлэл байна.

NewsMN Гар утасны хувилбар Татах
NEWS.mn

Мэдээллийн эх сурвалж