2020 оны эхний улиралд эрчим хүчний үйлдвэрлэл 1,8 хувиар нэмэгдэнэ хэмээн ОХУ-ын Эрчим хүчний яам тооцоолж байсан ч эсрэгээрээ 0,3 хувиар агшсан байна хэмээн Эрчим хүчний яамны дэд сайд Евгений Грабчак хэллээ.

"Өнгөрсөн 2019 оны эхний улиралтай харьцуулахад эрчим хүчний үйлдвэрлэл 0,3 хувиар буурсан байна. Уг нь энэ оны эхний улиралд эрчим хүчний үйлдвэрлэл 1,8 хувь өснө гэж тооцоолж байсан юм” хэмээн "Коммерсант" сонинд өгсөн ярилцлагадаа Евгений Грабчак хэлжээ.

Эрчим хүчний үйлдвэрлэл буурсан нь харьцангуй дулаахан өвөл болсон, мөн коронавирусийн улмаас хөл хорио тогтоосон явдалтай холбоотой гэж Эрчим хүчний яам тайлбарлаж байна.