Мансууруулах, сэтгэцэд нөлөөт эмийн эргэлтэд шалгалт хийв | News.MN

Мансууруулах, сэтгэцэд нөлөөт эмийн эргэлтэд шалгалт хийв

Мансууруулах, сэтгэцэд нөлөөт эмийн эргэлтэд шалгалт хийв

Мансууруулах, сэтгэцэд нөлөөт эмийн эргэлтэд шалгалт хийв

Мансууруулах болон сэтгэцэд нөлөөт эмийн түгээлт, зарцуулалт, чанар, аюулгүй байдлыг хангуулах, болзошгүй эрсдэлээс урьдчилан сэргийлэх зорилгоор Мэргэжлийн хяналтын байгууллагаас улсын хэмжээнд урьдчилан сэргийлэх шалгалтыг 02.27-03.17-ны өдрүүдэд хийж гүйцэтгэлээ. Мэргэжлийн хяналтын ерөнхий газрын 2020 оны төлөвлөгөөнд тусгагдсаны дагуу хийгдсэн энэхүү шалгалтад нийт 88 эм хангамжийн байгууллагыг хамруулав.

Шалгалтаар мансууруулах, сэтгэцэд нөлөөт эмээр ханган нийлүүлэх чиглэлээр аймгуудад ажиллаж буй эм ханган нийлүүлэх байгууллагуудын 70 хувь нь Улаанбаатар хотод байрлалтай эм ханган нийлүүлэх байгууллагуудын тусгай зөвшөөрлөөр мансууруулах болон сэтгэцэд нөлөөт эмийн хадгалалтын аюулгүй байдлын нөхцөл, шаардлагыг хангаагүй нөхцөлд үйл ажиллагаа явуулсан, эм ханган нийлүүлэх байгууллагуудын 31 хувь, эмийн сангуудын 35 хувь нь мансууруулах, сэтгэцэд нөлөөт эмийн орлого, зарлага, зарцуулалт, устгалын бүртгэлийг бүрэн, тогтмол хөтлөөгүй, мансууруулах, сэтгэцэд нөлөөт эмийн зарцуулалтын тайланг аймаг, нийслэлийн Эрүүл мэндийн газарт тогтоосон хугацаанд хүргүүлээгүй зэрэг зөрчил дутагдлууд илэрчээ.

Мөн эмийн санд хүлээн авсан мансууруулах эмийн 55 жоронд судалгаа хийхэд 10 хувь нь стандартын бус маягтад бичсэн зөрчилтэй байна.

Зөрчил, дутагдал гаргасан 44 аж ахуйн нэгж, байгууллагад 151 заалт бүхий албан шаардлагаар хугацаатай үүрэг даалгавар өгч, хоёр байгууллага, нэг мэргэжилтэнд шийтгэврийн арга хэмжээ авч, шалгалтад хамрагдсан албан тушаалтан, мэргэжилтнүүдэд холбогдох хууль, дүрэм, заавар, журмыг сурталчилан таниулж хэрэгжүүлэх талаар мэргэжил арга зүйн зөвлөгөө өгчээ.

Шалгалтын дүнг үндэслэн хууль, тогтоомж тэдгээрт нийцүүлэн гаргасан стандарт, дүрэм, журмын хэрэгжилтийг хангуулах, илэрсэн зөрчил, дутагдлыг арилгуулах, эрсдэлээс урьдчилан сэргийлэх зорилгоор цаашид авч хэрэгжүүлэх шаардлагатай асуудлаар Эрүүл мэндийн яаманд 5 заалт, аймаг, нийслэлийн Эрүүл мэндийн газарт 4 заалт бүхий албан бичгийг хүргүүлээд байна.

ЭХ СУРВАЛЖ: МХЕГ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-04-14 202.21.100.210

мансууруулах сэтгэцэд нөлөөлөх эмийн шалгалт хийхэд машин угаалгын газар ямар хамаатай вэ
гээд л сайхан хэрэлдээд сууцгааж байна даа.
Короно гайгүй шиг байгаасай………………………
Монголдоо сайхан байна аааааааааааааа

Avatar

Зочин 2020-04-14 64.119.16.247

ШИНЭ ГЭМТЭЛИЙН ЭМНЭЛЭГИЙН ХАВИАР БАЙДАГ АВТО УГААЛГА МОНГОЛЫН ХАМГИЙН ХЯМД БАС САЙН ЮМ БН. ТОМ МАШИН БҮТЭН 25000 ЗАЙСАНД 40 ӨӨР ИХ УДААН УГААЛГААД МЭДДЭГҮЙ БАЙЖ ХАЙРАН МӨНГӨ. ӨРСӨЛДӨХ УГААЛГА ИХ, УГААГЧИД АЖИЛЛАХ ОЙРХОН

NewsMN Гар утасны хувилбар Татах
NEWS.mn

Мэдээллийн эх сурвалж