Олон улсад коронавирусийн эсрэг 70 гаруй вакцин бүтээгдэж байна | News.MN

Олон улсад коронавирусийн эсрэг 70 гаруй вакцин бүтээгдэж байна

Олон улсад коронавирусийн эсрэг 70 гаруй вакцин бүтээгдэж байна

Олон улсад коронавирусийн эсрэг 70 гаруй вакцин бүтээгдэж байна

Дэлхийн олон оронд  70  орчим өөр вакцин хөгжүүлэлтийн шатандаа яваагаас гурвыг нь хүн дээр туршигдаж эхэлсэн хэмээн ДЭМБ мэдээлжээ. ДЭМБ бүтээгдэж буй вакцинуудын жагсаалтаа дөрөвдүгээр сарын 11-нд шинэчилсэн байна. Эм бүтээгчид, эрүүл мэндийн мэргэжилтнүүд одоогийн нөхцөл байдлыг харгалзан үзэж вакцин боловсруулахад шаардагдах урт хугацааг аль болох богиносгохын тулд хичээж байна. Хятадын биотехнологийн компани CanSino аль хэдийн вакцины туршилтын хоёрдугаар шатанд орсон гэнэ. Харин АНУ-ын Inovio Pharmaceuticals, Moderna гарааны компаниуд туршилтын эхний шатандаа явж байна. Мөн Johnson & Johnson, Sanofi том корпорациуд аль болох түргэн туршилтаа эхлүүлэхээр ажиллаж байна.

АНУ-ын харшил, халдварт өвчин судлалын хүрээлэнгийн захирал Энтони Фаучигийн хэлснээр АНУ-ын вакцин бэлэн болоход багадаа 12-18 сар шаардлагатай аж. Гэвч зарим эрдэмтэд 12-18 сар зарцуулсан вакцин нийтэд нэвтрүүлэхэд дэндүү эрсдэлтэй хэмээн үзэж байгаа гэнэ. Жишээ нь “Доктор Фаучи вакцин бэлэн болоход 12-18 сар шаардлагатай гэж байгаа нь хэтэрхий өөдрөг таамаг. Тэр өөрөө ч үүнийг мэдэж байгаа байх” хэмээн 1990-ээд оны сүүлээр ротавирусийн эсрэг вакцин гарган авах ажилд оролцсон Паул Оффит ярьжээ.

Үүнээс үзэхэд олон улс орнууд нэгнээсээ түрүүлж вакцин гарган авахын тулд хичээж байгаа бололтой. Вакцин бүтээх нь маш их өртөгтэй, удаан хугацааны, ярвигтай ажил билээ. Мөн гарган авсан вакциныг үр дүнтэй, аюулгүй эсэхийг мэдэхийн тулд хэдэн зуун сая доллар, олон жилийн туршилт хэрэг болдог. Өдгөө цар тахал болтлоо олон мянган хүнд халдварласан Covid-19 бол 21-р зуунд дэгдсэн гурав дахь коронавирус билээ. Үүнээс өмнө SARS, MERS гэх коронавирус дэгдэж олон хүнийг эрүүл мэнд, амь насаар нь хохироож байсан ч өдгөө коронавирусийн эсрэг зөвшөөрөгдсөн нэг ч вакцин алга байна.

Шинэ вакциныг эхлээд лабораторид, амьтан дээр, сүүлд нь аюулгүй байдлыг бүрэн хангасан цөөн хүн дээр туршиж байж үнэхээр үр дүнтэй эсэхийг баттай мэддэг. Энэ бүх шатыг анхааралтай хэрэгжүүлж, нэг бүрчлэн хянаагүй вакцин хүнийг хамгаалахын оронд харин ч дархлааны системийг сулруулах аюултай аж. Эхлээд амьтан дээр турших нь дээрх эрсдэлийг эрт үнэлэхэд тустай гэнэ. Гэвч үүсээд байгаа нөхцөл байдлаас шалтгаалан аль болох түргэн вакцин боловсруулахын тулд зарим компаниуд амьтан дээрх туршилтыг алгасч байгаа хэмээн хэвлэлүүд мэдээлж байна.

Эх сурвалж: BUSINESSINSIDER.COM

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

MOGEUH 2020-04-14 202.55.188.46

Mongolin anhni Ontsgoi Gamshgin Ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH

Avatar

Зочин 2020-04-14 202.21.112.195

Амьтан дээр туршиж чадахгүй. Учир нь одоогоор амьтанд халдсан тохиолдол байхгүй байна.
Нөгөө талаас яагаад амьтанд халдахгүй зөвхөн хүнд халдаж байна гэдгийг судлаад үзвэо эм гаргах боломж зөндөө байнаа

Avatar

Зочин 2020-04-14 139.5.219.59

Хиллари ерөнхий болсон бол хэрэглэх зорилгоор коронаг захиалаад хийлгэчихсэн байж. Гэтэл санаандгүй юм болж Трамп гарчихсан тул өнөөх нууц зэмсэг нь лабораторидоо гацчихаж. Гэвч хорон санаатнууд "сайн клуб" нэртэй ТББ байгуулаад /тэргүүн нь Билл Гейтс/ коронагын патентыг албан ёсоор 2015 онд худалдан авч. Тэгээд л 2020 оныг өөрсдийн дайснуудаа /Хятад, Орос, Иран, Трамп,… цаашлан нийт хүн төрөлхтөнийг/ намнах таатай цаг гэж үзээд ажиллагаанд оруулсан, гэсэн үйл явдалын ерөнхий зураглал гарсан

Avatar

Зочин 2020-04-14 139.5.219.59

байна цаана чинь. Бас яг коронатайгаа зэрэгцээд вакциныг нь аль хэзээний хийчихсэн байгаа. Ард түмнүүдийн айдас дээд цэгтээ хүрэх үед өндөр үнээр шахах зорилготойгоор хав дарж байгаа ч гэлцэж байна. бүр цаашлан тэр вакцин нь үргүйдэл, хорт хавдар, дархлааны доройтолыг нийтээр нь халдаах зорилготой ч гэж шуугиж байна. Хүний хорон санаанд хязгээр байна уу… Эсвэл тэд хүн биш яөтгөрүүд, харийнхан байх…

Avatar

Tserenhand Bulganerdene 2020-04-14 202.126.88.40

вакцин гарган авах маш хэцүү байгаа тул улс орнууд хамтран ажилаж биe биeнийхээ туршлагаас хуваалцаж чадвал одоогийн гараад бгаа covid19 вирүсийг ялан диилж чадна💝

Avatar

Зочин 2020-04-14 103.212.116.216

Билл Гэйтс хэрхэвч зөвшөөрөхгүй.

Avatar

Зочин 2020-04-14 66.181.176.215

айлгаж айлгаж байгаад вакцин шахах нь уу? аль нь боловч хурдан хийж үзээ

Avatar

Иргэн 2020-04-14 59.153.114.163

Вакцин бүтээх уралдаан дэлхий даяар эхлэж байна. Түрүүлж вакцин бүтээх магадлалтай хоёр орон нь Хятад , АНУ болж байна. Вакцин бүтээх нь эдийн засгийн онцгой ач холбогдолтой зүйл болно. Манай эрдэмтэн судлаачид вакцин бүтээх тал дээр ажиллах хэрэгтэй байна.

NewsMN Гар утасны хувилбар Татах
NEWS.mn

Мэдээллийн эх сурвалж