Хотын иргэд газраа барьцаалж, зээл авдаг болно | News.MN

Хотын иргэд газраа барьцаалж, зээл авдаг болно

Хуучирсан мэдээ: 2015.11.26-нд нийтлэгдсэн

Хотын иргэд газраа барьцаалж, зээл авдаг болно

Өнгөрсөн Даваа гаригт нийслэлийн ИТХ-ын ээлжит 31 дүгээр хуралдаанаар 2014 оны төсвийн гүйцэтгэлийг батлах тухай, 2015 оны төсөвт нэмэлт өөрчлөлт оруулах тухай асуудлыг хэлэлцэн шийдвэрлэх байсан. Гэтэл МАН-ын бүлэг “төсвийн гүйцэтгэлийг хянах шаардлагатай” гэж үзэн, ажлын гурав хоногийн завсарлага авсан. МАН-ын бүлгийн завсарлагын хугацаа өнөөдөр дуусаж, НИТХ сүүлийн хоёр жилийн төсвийн гүйцэтгэл, тодотголоо хэлэлцлээ. УИХ 2015 оны төсвийн тодотголыг өнгөрсөн сарын 30-ны өдөр хийж, баталсан.

Төсвийн тодотгол хийгдсэнтэй холбоотойгоор нийслэлийн төсөвт дараах өөрчлөлтүүд орж байна. Тухайлбал, 2015 онд нийслэлийн орон нутгийн хөгжлийн сангийн орлогын шилжүүлгийг 48.8 сая төгрөгөөр нэмэгдүүлж 24 тэрбум байхаар, улсын тусгай шилжүүлгээр санхүүжих нийслэлийн боловсрол эрүүл мэндийн анхан шатны тусламж үйлчилгээ, газрын харилцааны салбарын санхүүжилтийг нэг тэрбум төгрөгөөр бууруулж 275 тэрбум төгрөгөөр тус тус баталсан байна. Сүүлийн хоёр жилд уул уурхайн салбар дахь төслүүд зогссоноос олон хүн ажилгүй болсон. Иймээс хот өнгө үзэмждээ анхаарч, тохижилт үйлчилгээ, дахин төлөвлөлтийн салбар дахь ажилтны тоог нэмэгдүүлж, иргэдийг ажлын байраар хангасан. Гэхдээ нийслэлийн ажилгүйдлийг зогсооч чадаагүй, сааруулсан гэж хотын дарга мэдэгдлээ. Ирэх онд хот иргэдэд газраа барьцаалж, зээл авах боломжоор хангана. Иргэд тухайн зээлээ төлөхийн тулд ажлын байртай байх ёстой. Иргэдээ ажилтай байлгахын тулд хот төсвөө тэлж, тэдний ажлын байрыг хангах нь чухал гэсэн байр суурийг НИТХ дахь АН-ын бүлгийнхэн илэрхийллээ.

УИХ-аас нийслэлийн төсвийн орлогыг 73 тэрбум төгрөгөөр бууруулж 563 тэрбум байхаар тооцсон. Үүн дээр хувьчлалын ажил, газрын дуудлага худалдаа зэргээс орж ирэх орлого хойшилж нийслэлийн төсвийн орлогын төлөвлөгөө 124 тэрбум төгрөгөөр тасарсан байх юм. НИТХ дахь МАН-ын бүлэг төсвийн тасалдлыг үргүй зардалтай холбон тайлбарлалаа. Харин хотын дарга улс орны эдийн засаг хямарч, жижиг дунд үйлдвэрлэлийнхэн хүнд байдалд орсон. Аж, ахуйн нэгжүүдийн бараа бүтээгдэхүүн борлуулалтгүй болж,  татвараа төлж чадахгүйд хүрсэн. Нөгөө талдаа хүн амын орлогын албан татвар ингэж тасарсан нь энэ оны  нийслэлийн төсөв тасалдахад нөлөөлсөн гэсэн тайлбар хийлээ. Шударга ёс, эвслийн бүлгийн зүгээс ажлын байрыг хадгалах нь зөв. Гэхдээ жижиг дунд үйлдвэрлэл эрхлэгч иргэн, аж ахуйн нэгжээ дэмжих асуудлыг умартаж болохгүй гэсэн саналыг дэвшүүлсэн юм.  

2008-2012 оны үед буюу МАН хотын засгийг удирдаж байх хугацаанд захиргааны ажилтны тоог 3200 хүнээр нэмэгдүүлсэн. Үүний дэргэд одоогийн хотын даргын бүтэц, жинхэнэ хотын тохижилт, иргэдээ бодсон шийдвэр гэж хэлэх төлөөлөгчид байлаа. Ийнхүү талууд маргалдсаны эцэст 17.00 цагийн орчимд Иргэдийн хурлын төлөөлөгч, хотын удирдлагууд 2015 оны төсвийн тодотголдоо ямар ч өөрчлөлт оруулалгүйгээр, анхны хувилбараараа баталсан байна.

Д.УЛАМБАЯР

Зураглаач Д.БАТМӨНХ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

зочин 2015-11-26 202.21.117.122

Хямралын үед банк ч өгөхгүй, өгсөн нь газраа алдаад дуусна дөө.

Зочин 2015-11-26 202.70.44.146

грушиг Ганхүү гөлдийчихөөд яагаад дуугарахгүй байнаа Батүүлд хулхидуулчихсан уу

Зочин 2015-11-26 202.70.44.146

зарагддаггүй газруудаараа зээл авах нь болж дээ. хотод нэг өрх 5-6 газартай байна. түүнийгээ зарж чадахгүй байна. зээлд өгөх нь болж болж

unenhuu 2015-11-26 202.70.44.146

Дөрвөн жилийн өмнө Бат Үүл гэр хорооллын иргэдийн газар тэрбум төгрөгийн үнэд хүрнэ, битгий газраа зар, айл болгоныг ус, дулаанд холбоно, бүгд хаустай болно, хаус барих мөнгөө газраа барьцаалаад зээл авч олно гээд л мөн ч их хошгируулсан даа. Тэгсэн одоо хүү Чулуудайгдаа хэдэн тэрбумын тендер, зээл өгч байх юм. Хүү нь Туркүүдийг хулхидаад эцэг нь хотынхныг хулхидаад, эцэг хүү хоёр луйварчин болж хувирлаа.

Зочин 2015-11-26 182.160.34.108

батүлгэр ардчилсан үлгэр хүүрнэв.

Зочин 2015-11-26 202.126.91.95

худалч хулгаайч нарыг яах вэ

Монголын иргэд 2015-11-26 103.57.93.218

Дөрвөн жилийн өмнө Бат Үүл гэр хорооллын иргэдийн газар тэрбум төгрөгийн үнэд хүрнэ, битгий газраа зар, айл болгоныг ус, дулаанд холбоно, бүгд хаустай болно, хаус барих мөнгөө газраа барьцаалаад зээл авч олно гээд л мөн ч их хошгируулсан даа. Тэгсэн одоо хүү Чулуудайгдаа хэдэн тэрбумын тендер, зээл өгч байх юм. Хүү нь Туркүүдийг хулхидаад эцэг нь хотынхныг хулхидаад, эцэг хүү хоёр луйварчин болж хувирлаа.

Хаха 2015-11-26 202.21.106.130

хотын даргаа өөрөө л банк гаргаж газруудыг нь авдаггүйн бол энэ хэдэн тэнэг байнкууд хэзээ ч өгөхгүй шдэ

Зочин 2015-11-26 182.160.39.140

газрыг барьцаалж банкууд зээл өглөө юу? ха ха. сайхан хошгируулах юм.

NewsMN Гар утасны хувилбар Татах
NEWS.mn

Мэдээллийн эх сурвалж