“Шатахууны үнийг 650 төгрөгөөр бууруулахгүй бол зам хаана” | News.MN

“Шатахууны үнийг 650 төгрөгөөр бууруулахгүй бол зам хаана”

“Шатахууны үнийг 650 төгрөгөөр бууруулахгүй бол зам хаана”

“Шатахууны үнийг 650 төгрөгөөр бууруулахгүй бол зам хаана”

Монголын шатахуун хэрэглэгчдийн холбоо өнөөдөр /2020.04.13/ Монголын үйлдвэрчний эвлэлийн холбооны төв байранд шатахууны үнийн асуудлаар мэдээлэл хийлээ. Энэ үеэр хэвлэлийн хурал зохион байгуулагчдын зүгээс дэлхийн зах зээл дээр баррель газрын тос 46 ам.доллараар буураад байхад Монгол Улсад 50 төгрөгөөр буураад байна. Дөрөвдүгээр сарын 15-наас эхлэн шатахууны үнийг 200-300 төгрөгөөр бууруулна гэж байгаа нь бодит үнийн бууралт биш” гэдгийг хэлж байв.


"ДИЗЕЛЬ ТҮЛШНИЙ ҮНИЙГ 2420 ТӨГРӨГӨӨС 1750 ТӨГРӨГ БОЛОХ БОЛОМЖТОЙ"

Энэ үеэр Монголын шатахуун хэрэглэгчдийн холбооны тэргүүн О.Бямбадэлгэр ярихдаа “Манай холбоо 2020 он гарснаас хойш ээлж дараатай албан бичиг, тооцоо судалгаа хийж, холбогдох байгууллагууд руу явуулсан. Уул, уурхай, хүнд үйлдвэрийн яам, Ашигт малтмал, газрын тосны газраас 50, 200, 300 төгрөг гээд хоорондоо ижил бус үнийг хэлж, ард түмнийг төөрөгдүүлж байна. Шилний ар талаас мөсөн чихэр долоолгож байгаатай адилхан хууран мэхлэсэн арга хэмжээ авмааргүй байна. Бидэнд зах зээлийн тооцоо судалгаа байгаа. Сүүлийн 120 хоногт хийсэн тооцоо судалгаагаар бодож үзэхэд шатахуун, дизель түлшийг литр тутамдаа 650 төгрөгөөр бууруулах бүрэн боломжтой. Энэ графикийн дагуу Уул, уурхай, хүнд үйлдвэрийн яам, Ашигт малтмал, газрын тосны газар боддог. Энэ бол маш нууц байж ирсэн.

Дэлхийн зах зээл дээр газрын тосны үнэ 2020 оны нэгдүгээр сараас эрчимтэй буурч байна. Тухайн үед нэг баррель газрын тос 69 ам.доллар байсан бол одоо 23 ам.доллар болтлоо буурсан. Гэтэл манай улс өнөөдрийг хүртэл 50 төгрөгөөр бууруулахаас өөр арга хэмжээ авч чадахгүй байна. Манай улсын нийт хэрэглээний 70 хувийг дизель түлш байтал одоо хүртэл нэг ч төгрөгөөр буураагүй. Дэлхийн жишгээр дизель түлшний үнээ бууруулбал 2420 төгрөгөөс 1750 төгрөг болох боломжтой. Ингэснээр өргөн хэрэглээний бараа бүтээгдэхүүний үнэ ч тодорхой хэмжээгээр буурч, нийтийн тээврийн үнэ 100 төгрөгөөр буурах юм” гэдгийг хэлж байв.

Уг тооцооллоор бодоход өнөөдрийн ханшаар АИ-80 шатахууныг 1700 төгрөгөөр худалдаалахад 38 хувийн ашигтай, АИ-92 шатахуунаас 36.5 хувь, дизель түлшнээс 38 хувийн цэвэр ашиг олж байгаа гэдгийг танилцуулсан юм. Засгийн газар 10-хан хувийг бууруулах гэж байна. Харин бид 20 хувийг бууруулахыг шаардаж байна гэдгийг хурал зохион байгуулагчид онцоллоо.

"ШАТАХУУНЫ ҮНИЙГ 200-300 ТӨГРӨГӨӨР БУУРУУЛАХ ГЭЖ БАЙГАА НЬ БОДИТ БИШ ТООЦООЛОЛ"

Тус холбооны гүйцэтгэх захирал Б.Сайнбаяр “Энэ бол Монгол Улсын Уул, уурхай, хүнд үйлдвэрийн яамны жишиг үнэ барьдаг Сингапурын биржийн сүүлийн 120 хоногийн баррель газрын тосны тооцооны үнэ. Өнөөдөр дэлхийн зах зээл дээр баррель газрын тос 46 ам.доллараар буураад байхад Монгол Улсад 50 төгрөгөөр буурчээ. Монголын газрын тос импортлогч компаниуд дөрөвдүгээр сард 1190 литр түлшийг “Роснефть” компаниас 1 сая 29 мянган төгрөгөөр худалдан авсан. Импортлогч компаниуд НӨАТ-ын албан татвар, Авто бензин, дизель түлшийн албан татвар, бусад төрлийн бүх албан татварыг оролцуулаад Монгол Улсад 495 мянган төгрөгийг татвар төвлөрүүлж байна. Импортлогч компаниуд 18 хувийн хүүгийн төлбөрийг ард түмний халааснаас төлүүлж байна. Одоо болиоч ээ.

Монгол Улсын Засгийн газар, газрын тос импортлогч компаниудын зүгээс тавхан хувийн ашигтай ажиллаж байна гэж тайлбарладаг. Бидний гаргасан тооцоогоор нэг литр дизель түлшийн үнэ дээр бүх тооцооллуудыг нэмээд, 1506 төгрөгөөр зах зээлд нийлүүлж байна. Засгийн газрын шийдвэрээр дөрөвдүгээр сарын 15-наас шатахууны үнийг 300 төгрөгөөр буулгах гэж байгаа нь бодит бууралт биш гэж үзэж байна. Ашиг сонирхлын зөрчилтэй шийдвэр гэж харж байгаа. Манай холбооны зүгээс өөрсдийнх нь боддог аргачлалаар бодохоор АИ-80 бензиныг 500 төгрөгөөр, АИ-92-ыг 500, дизель түлшийг 650 төгрөгөөр буулгаж байж, бодит үнийн бууралт болно.

Нэг сар хоцорч явдаг гэж газрын тосны импортлогчид тайлбарладаг. Гэтэл шатахууны үнэ буулгах болохоор нэг сарын хоцрогдол ярьдаг, үнээ нэмэх болохоор шууд нэмдэг юм бэ.

Энэ завшааныг ашиглан Газрын тосны асуудал хариуцсан орлогч дарга Ц.Эрдэнэбаяртай хаана ч, хэзээд олны өмнө мэтгэлцэхэд бэлэн гэдгийг хэлье” гэсэн юм.

Цаашид дээрх иргэдийн шаардлагыг хүлээн авч, дөрөвдүгээр сарын 15-наас хэрэгжүүлэхгүй бол Энхтайвны өргөн чөлөө болон Төрийн ордны хоёр талд 100 автомашин байрлуулж, зам хаана гэдгээ мэдэгдлээ. Өндөржүүлсэн бэлэнд байдлын үед олон хүн цуглуулахгүйгээр нэг машинд нэг хүн сууж, машинаараа замын хөдөлгөөнийг хязгаарлана. Бид өнөөдөр ард түмний төлөө дугарч байна гэв.

Засгийн газрын хуралдаанаас гаргасан шийдвэрийг өнгөрөгч гуравдугаар сарын 19-нд Уул уурхай, хүнд үйлдвэрийн сайд Д.Сумъяабазар танилцуулсан. Тэрбээр "Өчигдрөөс эхлээд шатахууны үнэ 50-100 төгрөгөөр буурсан. Бид дөрөвдүгээр сарын 15-наас шатахууны үнийг 200 төгрөгөөр бууруулна.

Учир нь дэлхийн зах зээлд шатахууны үнэ тасралтгүй унаж байна. "Роснефть" компани шатахууныхаа үнийг тонн тутамдаа 58 ам.доллараар бууруулсан. Өнөөдрийн давагдашгүй хүчин зүйлээс шалтгаалаад 22 ам.долларт хүрээд байна. Тиймээс үүнтэй холбоотойгоор үнэ буулгах арга хэмжээг авч байна. Өнөөдөр шууд 200 төгрөгөөр буурахгүй байгаа нь үнийн өсөлт, бууралтын хувьд манай улсад сарын хоцрогдолтой орж ирдэгтэй холбоотой.

Тиймээс энэ хямд байгаа үед дээр нь бид шатахууныг их хэмжээгээр нөөцлөхөөр ажиллаж байна. Ингэхдээ Замын-Үүдийн боомт дээр байгаа шатахууны агуулахыг хурдан хугацаанд ашиглалтад оруулна. Цаашид дэлхийн зах зээлд газрын тосны үнэ буурвал дахин буурч, өсвөл нэмэгдэнэ” гэдгийг салбарын сайд хэлж байсан юм.

А.СҮРЭН

 

Энэ мэдээнд өгөх таны сэтгэгдэл?
12
ЗөвЗөв
6
ТэнэглэлТэнэглэл
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Томор 2020-04-13 202.179.31.16

бодитой биш бууж байна. зөрүүг нь МАН сонгуулийн мөнгөндөө авдаг биз.

Avatar

төмөрөө 2020-04-13 202.179.31.16

энэ иргэдин шаардлага зөвөө зөв. Шатахууны шагчдад барьцаалагдсан төрийн албатууд ажлаа хийвэл хий. чдахгүй ол зайлж огцрооч.

Avatar

иргэн хэн 2020-04-13 202.55.184.18

бас үргэлжлэл… Бүх орлогоороо шатахуун авдаг юм шиг, бензин идэж ууж амьдардаг юм шиг чичрээд байлгүй, бодлоготой хандсан бол зүгээр байлаа. Дээрх шаардагчид үнэхээр л олон түмний төлөө юм бол одоо бензиний үнэ буусны дараа бусад барааны үнэ буулгахыг шаардах хэрэгтэй шүү дээ. Жишээ нь импортын бараанууд буух хэрэгтэй шүү дээ.

Avatar

иргэн хэн 2020-04-13 202.55.184.18

За үргэлжлэл шүү. нэг өрх сард 2 сая төгрөгийн хэрэглээтэй, гэвэл үнийн 10% өсөлт нь 200 мянгын нэмэлт зардал болох нээ, багадаа шүү. шатахуунаас 50к хэмнээд бусад хэрэглээндээ 200к илүү зарцуулахаас аргагүй. Шатахууны үнийн бууралт 2 сарын дараа гэхэд үнийн хөөрөгдлийн шалтгаан болж эхлэнэ. Энэ тохиолдолд миний бодлоор ЗГ шатахууны үнийг бууруулалгүй татварыг ханатал нэмээд сан үүсгэх ёстой байлаа. эргээд үнэ өсөх цагт татвараа буулгаад бусад хэрэглээний үнэ нэмэгдэхээс сэргийлэх ёстой байлаа.

Avatar

иргэн хэн 2020-04-13 202.55.184.18

Би сард 300 мянган төгрөгийн шатахуун хэрэглэдэг, одоо үнэ 300 төгрөг буурсанаар 250 мянгаар шатахуун авах юм байна. Шатахуун буурсанаар бусад хэрэглээ хямдарч буурдаггүй тул манай өрхийн хэмнэлт 50 мянган төгрөг. Миний уншиж судлаж байгаагаар шатахууны үнэ Хятадын эдийн засаг сэргэж эхэлмэгц, бусал орнууд коронаг хянаж хумиж эхлэнгүүт дахин өсч хуучин хэвэндээ хүрлээ гэхэд 15-18% өснө. Үүгээр шалтаглаад бүх хэрэглээний зүйлсийн үнэ багадаа 10% өснө.

Avatar

зочин 2020-04-13 202.21.120.66

маш зөв үүнтэй санал нэгдэхгүй Монгол хүн байхгүй шатахуун импортлогчид ард түмний шулж амьдарсаар 30 жил болжээ одоо болно та бүхний дэмжиж байна

Avatar

зочин 2020-04-13 66.181.161.18

Маш зөв шүү. Дэмжиж байна. Монгол улсад А92 бензин летр тутамдаа 1500 төгрөг болж буурах ёстой.

Avatar

Зочин 2020-04-13 202.126.89.46

Цаана нь авилгал байгаа юм биш биз, шалгаад үнэн мөнийг нь тогтоогоод яагаад буухгүй байна , зөрүү мөнгийг нь ямар улсууд аваад байна тогтоомоор байнаа

Avatar

Зочин 2020-04-13 202.179.25.127

Ерөнхийлөгч Дональд Трамп Орос, Саудын Арабын түншүүддээ олон улсын газрын тосны гарцыг бууруулах гэрээнд өчигдөр/2020.04.12/ гарын үсэг зурсанд баяр хүргэж, энэхүү алхам нь "АНУ-д хэдэн зуун мянган эрчим хүчний ажлын байрыг аврах болно" гэж мэдэгдэв.

Май ингээд бууруулааарай гэж бна

Avatar

ZOCHIN 2020-04-13 124.189.136.118

MASKAA ZUUGEED, DARGA NART N SHUUD HAND,GEREES N BITGII GARGA GERIINH N UUDIIG SAHIAD…UNEE BUULGATAL…

Avatar

ZOCHIN 2020-04-13 124.189.136.118

BENZINIIH N KOLONKUUDIIG TOIROOD ZARUULAHGUI SUULT HII.

Avatar

ZOCHIN 2020-04-13 124.189.136.118

ZAM HAAJ HEREGGUI EE.BENZINIIHEE UNIIG BUULGAHGUI BGAA TER KOMPANIUDTAIO N L TULJ AJILLA. UDIRDLAGUUDAD N SHAARD. SHAT DARAALSAN OLON ARGUUD BIISHDEE…BOLOHGUI BOL BENZINIIG N ZARUULAHGUI TOIROOD SUULT HII.DULAAHAN BOLJIINO.HOORONDOO ZAITAI ,MASKAA ZUUGEED…

Avatar

б 2020-04-13 103.229.122.148

Таксины үнийг бууруулаачээ. Бензины үнэ нэмэхээр нь нэмчихээд буурахаар нь бас бууруулаачээ

Avatar

Иргэн 2020-04-13 192.82.65.47

Бензин хийхэд мэдээж нэмэлт олон зардал гардаг. Гэхдээ гол түүхий эд нефтийн үнэ бараг 70% буурсан. Ингэхээр бензиний үнэ буух нь энгийн л болж буй үзэгдэл дээ. Энд хэний ч , ЗГ-ын ч гавьяа байхгүй…

Avatar

zochin 2020-04-13 202.9.46.135

Ene ** nobshnuud yun zam haah ve shal soliotoi hiirhel

Avatar

тээвэрчин 2020-04-13 202.179.24.102

92 яахавээ, нээх чухал юм биш, ДТ ээ л буулга. зам тээвэр, тариалан гээд хамаг ажлын өртөг өндөр болоод байна

Avatar

zochin 2020-04-13 119.40.98.177

Zasag tur bpolomjooroo buuruulj bna. bitgii um bolgond tuilshirch baildaa. um l ulsgulun zarlna, suuld hiine zam haana geh ee bolii manaihan

Avatar

тээвэрчин 2020-04-13 202.179.24.102

Хаана юу буурулсан юм, нефтийн үнэ дэлхий даяараа шалдаа буучихаад байна. ДТ үнэ буувал махны үнэ бууна.

Avatar

Зочин 2020-04-13 202.21.100.210

МАН-г УИХ-н сонгуульд дэмжихгүй

Avatar

ҮНЭНИЙГ ХҮЛЭЭН ЗӨВШӨӨРЧ СУР 2020-04-13 202.131.232.202

ГЭХДЭЭ ЗАСГИЙН ЯРИАД БАЙГАА ҮНЭ БОЛ ИМПОРТЛОГЧИД БОЛОН ХЭРЭГЛЭГЧИЙНХЭЭ АЛЬ АЛЬНИЙГ ХАРСАН ҮНЭ БАЙХ ШҮҮ

Avatar

БОДИТ ҮНЭНИЙГ ХАРЖ СУРЦГААЯ 2020-04-13 202.131.232.202

ХООСОН ГЭХЭД ХООСОН ШААРДЛАГА ДЭЛХИЙН ЗАХ ДЭЭЛД НЕФТИЙН ҮНЭ БУУЖ БАЙХАД ШАТАХУУНЫ ҮНЭ БУУХ НЬ МЭДЭЭЖ ГЭХДЭЭ НЭ ЮМЫГ САЙН ТООЦООРОЙ ӨНӨӨГИЙН ҮНЭЭС ӨНДӨР ҮНЭТЭЙ БАЙХАД ШАТАХУУН АВЧ НӨӨЦӨЛСӨН КОМПАНИЙГ ӨННӨГИЙН ҮНЭ ЦЭНЭЭР БУУЛГА ГЭВЭЛ ТЭР НЬ МОНГОЛД НЕФТЬ ИМПОРТЛОГЧДЫГ УСТГА ГЭСЭНТЭЙ АДИЛ БОЛНО. НЕФТЬ ИМПОРТЛОГЧДЫН ШАТАХУУНЫ САВ ХООСОН АЙХАД ӨНӨӨГИЙН ҮНЭЭР АВСАН БОЛ ХЭЛЖ БАЙГАА ҮНЭЭР ЧИНЬ БУУЛГАХАД БОЛНО.ДААНЧ АМЬДРАЛ ДЭЭР НААДАХ ЧИНЬ ЗҮЙЛ БАЙХГҮЙ ЭЭ. ШАТАХУУНЫ ҮНИЙГ БУУЛГАХ ЁСТОЙ

Avatar

иргэн 2020-04-13 64.119.26.82

МАН ын новшнууд сонгуулийн мөнгөө босгох гэж ард түмнийг хохироож байна.

Avatar

Зочин 2020-04-13 202.126.89.76

46 ам. доллараар дэлхийн ханш буурч, манай ханш 50 төгрөгөөр буурчээ. 46$=50₮…?????

Avatar

Зочин 2020-04-13 103.111.68.3

МУУ УЛСТӨРЧДИЙН ШАТАХУУНЫ ҮНИЙГ ЭСЭРГҮҮЦЭН ЖАГСАЯА. ЭСВЭЛ ОРОСУУДАД БҮХ ШАТАХУУНААР ХАНГАХ БИЗНЕСИЙГ СИНГАПОРИЙН БИРЖИЙН ҮНЭЭР ЗАР ГЭЭД НЭГ МӨР ӨГӨӨЕ. ЯДАЖ ЧАНАРТАЙ ШАТАХУУНТАЙ БОЛНО.

Avatar

зочин 2020-04-13 66.181.161.45

ЯАГААД БҮХ ШАТАХУУН ИМПОРТЧЛОГЧДЫН ҮНЭ ЯГ АДИЛХАН БАЙДАГ ВЭ ГЭВЭЛ ХООРОНДОО ХУЙВАЛДДАГ УЧРААС

Avatar

иргэн 2020-04-13 103.212.117.33

Хавар болоод халуурал ч ид дундаа орох нь дээ. Шаардлага нь нь зөв байв ч цаана санаа нь салхи дагаад байна.

Avatar

Зочин 2020-04-13 66.181.180.28

Шатахууны үнэ арай л хэтэрсэн, жинхэнэ үгсэн хуйвалдаж, шулаж байна дөө.

Avatar

111 2020-04-13 139.5.219.190

Уг нь түлш шатахууны үнийг хэдэн улс төрчид биш бизнес хийж байгаа хүмүүс нь зохицуулах ёстой. Хэрвээ тэд хуйвалдаад байгаа бол монополийн эсрэг хууль болон бусад хуулиудыг ашиглаж үйл ажиллагааг нь таслан зогсоох эрх төрийн байгуулагуудад байна. Тэр ажлаа л хийцгээл дээ!!! УИХ-ын дарга нь нэг юм ярьж тэнэгтээд л, салбарын сайдн ь бас нэг юм яриад. Яг үнэндээ та нар үнэ буулгахгүй ш дээ. Импортлогчид нь мэднэ. Тэдэн харин шахалт шаардлага тавих эрх нь та нарт байна!!!

NewsMN Гар утасны хувилбар Татах
NEWS.mn

Мэдээллийн эх сурвалж