Нэг жил НДШ төлбөл 1.2 жилээр тооцно | News.MN - Мэдээллийн эх сурвалж

Нэг жил НДШ төлбөл 1.2 жилээр тооцно

Хуучирсан мэдээ: 2015.11.26-нд нийтлэгдсэн

Нэг жил НДШ төлбөл 1.2 жилээр тооцно

УИХ-ын чуулганы нэгдсэн хуралдаанаар Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт өөрчлөлт оруулах тухай хуулийн төслийг хэлэлцээд гишүүдийн олонх дэмжсэн тул “Хэлэлцэх нь зүйтэй” хэмээн үзэж, анхны хэлэлцүүлэгт бэлтгүүлэхээр УИХ-ын Нийгмийн бодлого, боловсрол, соёл, шинжлэх ухааны байнгын хороонд шилжүүллээ.

Дээрх хуулийн төсөлд малчдын тэтгэврийг тогтоохдоо нэг жил төлсөн Нийгмийн даатгалын шимтгэлийг нь 1.2 жилээр тооцохоор тусгасан юм. Энэхүү хуулийн төслийг УИХ-ын гишүүн Д.Батцогт нар санаачлан УИХ-д өргөн мэдүүлсэн байна.

Үүнээс түрүүнд хоёр жилийн өмнө УИХ-ын гишүүн Д.Оюунхорол, Л.Энх-Амгалан нар малчдын тэтгэврийг тогтоохдоо нэг жил төлсөн НДШ-ийг 1.6 жилээр тооцож байх хуулийн төсөл санаачлан боловсруулж байсан аж.

Хэлэлцүүлгийн шатанд нэр бүхий гишүүн “МАН-ын бүлгийн гишүүдийн санаачилсан хуулийн төсөл яагаад УИХ-аар хэлэлцэгдэхгүй. Д.Батцогт нарын өргөн мэдүүлсэн төсөл дугаар дайран хэлэлцэгдэв” гэдэг асуудлыг ч хөндсөн. Гэхдээ гишүүдийн олонх нь малчид цаг агаарын хүнд нөхцөлд ажиллаж, амьдардаг. Тогтмол орлогогүйгээс НДШ төлж чаддаггүй. УИХ-аас дээрх хуулийн төслийг баталсан нөхцөлд НДШ төлөх сонирхол нэмэгдэж, илүү олон малчныг хамруулах боломжтой. Гол нь 500 толгой малаас дээш малтай малчин өрх, зөвхөн амьжиргаагаа залгуулах хэмжээний малтай малчин өрхийн орлогыг тус бүр тооцож жин банг нь тааруулахгүй бол орлогын тэгш бус харилцаа дээрх салбарт үүсэнийг сануулах гишүүн байлаа.

Дараа нь Гаалийн тариф, гаалийн татварын тухай хуульд нэмэлт оруулах тухай, Нэмэгдсэн өртгийн албан татварын тухай хуульд нэмэлт оруулах тухай хуулийн төслөөр танилцуулга сонсоод хуралдааныг өндөрлүүлэв. Маргааш өглөө 09.00 цагт эхлэх чуулганы хуралдаанаар энэ асуудлыг хэлэлцэх юм.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-26 202.179.29.238

YAACAN BOL XUURXII NUGUU ERDENE AHIIN IDCEN MUNGU NI IL GARAH GEED BAIGAA YUMUU HO

Г.Ганбат 2015-11-26 202.179.11.134

Хэрэв ийм заалттай хууль батлагдах юм бол ҮНДСЭН ХУУЛЬ зөрчсөн асуудал болно .Хэн нэгэнд давуу эрх эдлүүлэх нь иргэддээ тэгш бусаар хандсан ,ялгаварлан гадуурхсан болно. Мал маллах бол хувийн өмчөө өсгөж үржүүлж ашиг орлого олж буй аж ахуйн үйл ажиллагаа . Адил тэгшээр төлсөн НДШимтгэл нь хэн нэгэнд давуу эрх эдлэх үнэ цэнэ биш шүү дээ . Энэ хуулийн төсөл бол сонгуулиар сонгогчдын / малчдын / саналыг худалдан авах гэж буй хууль зөрчсөн ажиллагаа шиг харагдаж байна .

Г.Ганбат 2015-11-26 202.179.11.134

Хэрэв ийм заалттай хууль батдлагдах юм бол ҮНДСЭН ХУУЛЬ зөрчсөн асуудал болно .Хэн нэгэнд давуу эрх эдлүүлэх нь иргэддээ тэгш бусаар хандсан ,ялгаварлан гадуурхсан болно. Мал маллах бол хувийн өмчөө өсгөж үржүүлж ашиг орлого олж буй аж ахуйн үйл ажиллагаа . Адил тэгшээр төлсөн НДШимтгэл нь хэн нэгэнд давуу эрх эдлэх үнэ цэнэ биш шүү дээ . Энэ хуулийн төсөл бол сонгуулиар сонгогчдын / малчдын / саналыг худалдан авах гэж буй хууль зөрчсөн ажиллагаа шиг харагдаж байна .

Зочин 2015-11-26 202.21.106.155

их мөнгө төлсөн бага мөнгө төлсөн адилхан үйлчилгээ авах нь ариун явдал бус аа

Зочин 2015-11-26 103.229.122.175

тэр нэмж худлаа тооцох яахав, хэрэггүй. Харин НД-д төлсөн мөнгөө төрийн санд биш, НД-н тусгай санд төвлөрүүлж төлсөн нь шударгаар их төлсөн нь их хувьтай, бага төлсөн нь бага хувьтайгаар ялгавартай төлсөн хувь хэмжээгээрээ нөхөн олговор авдаг, эрүүл мэндийн үйлчилгээгээ ч мөн эрүүл мэднийн даатгалд төлсөн хувь хэмжээгээр л ялгаатай байдаг шударга тогтолцоонд оруулаачээ!!! би сар бүр зөвхөн эрүүл мэндийн даатгалд 60мянган төг төлж байна. эргээд хэдэн жилдээ ганцхан удаа л эрүүл мэндийн үйлчилгээ авах гэхээр огт төлөөгүй хүнтэй адилхан оочерлож байгаа нь шударга явдал мөн үү!!!

Зочин 2015-11-26 103.229.122.175

тэгээд сар бүр цалингаасаа 60мянган төг зөвхөн эрүүл мэндийн даатгалд төлж байгаа мөртлөө эмчилгээ хийлгэх болохоор эм тариагаа өөрөө авчирдаг нь шударга явдал юм уу!!!

Зочин 2015-11-26 59.153.115.232

Zuitei huu zuv hellee