Ардын уран зохиолч Л.Түдэв тэнгэрийн орноо заларчээ | News.MN

Ардын уран зохиолч Л.Түдэв тэнгэрийн орноо заларчээ

Ардын уран зохиолч Л.Түдэв тэнгэрийн орноо заларчээ

Ардын уран зохиолч Л.Түдэв тэнгэрийн орноо заларчээ

Монгол Улсын Хөдөлмөрийн баатар, Ардын уран зохиолч, Соёлын гавьяат зүтгэлтэн, Төрийн шагналт, доктор, профессор, XX зууны манлай сэтгүүлч Лодонгийн Түдэв тэнгэрийн орноо заларчээ.

Тэрээр Говь-Алтай аймгийн Наран /одоогийн Халиун/ сумын нутгийн “Өвөр замын бууц” гэдэг газар 1935 оны хоёрдугаар сарын 9-нд малчин айлын гэр бүлд төрсөн. Зууны манлай сэтгүүлч Л.Түдэв нь 1942–1950 онд Говь-Алтай аймгийн Есөнбулаг хотод бүрэн бус дунд сургууль, 1950–1953 онд Улаанбаатарт багш нарыг бэлтгэх сургууль, 1953–1956 онд Улсын багшийн дээд сургууль, 1964–1967 онд Москвад ЗХУКН-ын Төв Хорооны дэргэдэх Нийгмийн ухааны академийг дүүргэж, эрдэм мэдлэгийн суурь боловсролыг эзэмшсэн.

Тэрээр 1956 онд Улсын багшийн дээд сургуулийг төгсч, Говь-алтай аймагтаа гурван жил багшилсан бөгөөд 1959 онд Улаанбаатарт багш нарын мэргэжил дээшлүүлэх институтэд ажиллахаар томилогдсон. Анхны арга зүйчээр очиж орос хэлний сургалт хариуцсан ажилд томилогдсон боловч тэндээ нэг их удаан ажиллаагүй байтал нам засгаас дэвшүүлэн “Үнэн” сонинд 1961 онд утга зохиолын нарийн бичгийн даргаар томилжээ.

Ингээд удалгүй 1962 онд “Соёл утга зохиол” сонины эрхлэгчээр томилогдсон. Тэр 1964 онд ЗХУКН-ын Төв Хорооны дэргэдэх Нийгмийн ухааны академийн аспирантурт суралцахаар явсан бөгөөд Москвад сурч боловсорсон гурван жил нь үр бүтээлтэй өнгөрч, цаашдын амьдралд чухал нөлөө үзүүлсэн юм.

Тэрээр 1967 онд дэд эрдэмтний зэрэг хамгаалан ирснийхээ дараа МАХН–ын Төв Хорооны үзэл суртлын хэлтэст түр ажиллаж байгаад 1968 оноос Монголын Зохиолчдын Эвлэлийн хорооны орлогч даргаар ажилласан. Мөн 1974 онд Л.Түдэв Монголын зохиолчдын эвлэлийн даргаар сонгогдов.

Тэр шинэ албан ажлаа аваад төдий л удаагүй байтал буюу нэг жилийн дараа 1975 оноос МХЗЭ–ийн Төв хорооны нэгдүгээр нарийн бичгийн даргаар ажиллах болсон юм. Монголын зохиолчдын эвлэлийн хорооны даргын ажлыг Хувьсгалт залуучуудын эвлэлийн даргын ажилтай давхар хийсээр жил болсон бөгөөд зохиолч Д.Наваансүрэн, Монголын зохиолчдын эвлэлийн хорооны орлогч дарга болсноор түүнд зохиолчдын эвлэлийн хорооны даргын ажлыг өгчээ.

Л.Түдэв нь Монголын зохиолчдын эвлэлийн байгууллагын удирдах албан тушаалд найман жил шахам хугацаанд ажиллахдаа зохиолчдын эвлэлийг олон нийтийн нэр хүндтэй байгууллага болгох, зохиолчдыгоо тэр үеийнхээ жишгээр эрхэлсэн ажилтай, нэр төртэй, хүн шиг хүн байлгах талаар багагүй ажлыг хийсэн. Түүний зохиол бүтээлүүд нь Орос, Англи, Болгар, Чех, Унгар, Герман, Япон хэлээр хэвлэгдэж Монголын уран зохиолыг дэлхийн тавцанд гаргахад хүндтэй үүрэг гүйцэтгэсэн билээ.

Талийгаачийн гэр бүл, үр хүүхэд, найз нөхөд, төрөл төрөгсдөд нь гүн эмгэнэл илэрхийлье. 

 

А.СҮРЭН

Энэ мэдээнд өгөх таны сэтгэгдэл?
20
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-13 192.82.78.177

Сайхан хүн маань бурханы оронд явжээ. Ум сайн амгалан болтугай. Одоо Урианхай гуай байна түүнийг амьд ахуйд нь Монгол тулгатныхаа нэвтрүүлэгч оруулж сайхан дүрийн мөнхөлж авьяа.

Avatar

Зочин 2020-04-13 202.9.40.68

Олон сайхан тулхтай бас ухааны далай болсон хүмүүс ойрын хэдхэн жилд бурхны орноо заларлаа даа. Бид тэднийгээ янз бүрээр муулж гүжирдэж их л гомдоосон. Б.Лхагвасүрэн гуайг юу гэж хэлж гүжирдэж байсныг санаж байна.Мөнх биш дээ. Нэг нэгэндээ урам дэм хайрлах ёстой биш билүү. Гэтэл намынха даалгавараар нэг нэгнээ доромжлон гутааж хэзээч тайвшрахааргүй гомдоох юм. үүнийгээ зогсоох хэрэгтэй байна монголчууд аа. Хоорондоо эвтэй найртай байцгаая.

Avatar

ИРГЭН 2020-04-13 202.21.124.133

МОНГОЛЫН НЭРТ ЭРДЭМТЭН, ЗОХИОЛЧ, НИЙГМИЙГ СОЁН ГЭГЭЭРҮҮЛЭГЧ Л.ТҮДЭВ ТЭНГЭР ХАЛЬСАНД ГҮНЭЭ ЭМГЭНЭЖ БАЙНА. ТЭР НЭГЭН ЦАГТ Л.ТҮДЭВ АХАЙТАН ЕРӨНХИЙЛӨГЧ БОЛСОН БОЛ МОНГОЛ ТЭС ӨӨР ЗАМААР ЯВАХ БАЙВ. ЖИНХЭНЭ МОНГОЛ АРДЧИЛАЛ, ШУДАРГА ЁС ТОГТОЖ, АВИЛГА, АЖИЛГҮЙДЭЛ АРД ХОЦРОХ БАЙСАН Ч БИДНИЙ СОНГОЛТ ТӨӨРСӨНД ОДОО Ч ХАРАМСДАГ. УМ МАНИ БАДМИ ХУМ.

Avatar

Зочин 2020-04-13 64.119.23.95

Монголын нэрт соён гэгээрүүлэгч эрдэмтэн зохиолч маань тэргэрийн орондоо амгалан нойрсогдоо. Монгол улсын ерөнхийлөгч болоход бидний заяа дутсандаа.Гурван ДДД хөтөлбөр дэвшүүлээд тэрийг нь буруугаар мушгаад тэр сайхан хөтөлбөр талаар болсон. Түүнээс хойш нэгч тийм хөтөлбөр дэвшүүлсэн хүн байхгүйдээ.

Avatar

Зочин 2020-04-13 66.181.161.51

Гүн эмгэнэл илэрхийлье.
Ум ма ни бад ми хум.

Avatar

Зочин. 2020-04-13 66.181.161.55

Тухайн үед Монгол түмний аз амны хишиг дутсандаа хэрэв анхны ерөнхийлөгч болсон бол эрдэм ном бичгийн хүн, ёс зүй ,төрөө дээдлэгч энэ их хүмүүн арай ч ийм боаир замаар биш ядаж дөт зам сонгох байсан. Мөнх тэнгэрийн орондоо морилдоо Монгол түмний оюуны их манлай минь. ХАНТАЙШИР минь ивээж яваг үр удамыг нь.

Avatar

ААК 2020-04-13 119.40.98.210

ЭНЭ СУУТ БАС ХӨДӨЛМӨРЧ ХҮНИЙГ ЭНЭ ЦАГИЙНХАН ЯАЖ ШҮҮЖ, ДҮГНЭЖ БАРАХ ВЭ ДЭЭ,
ДАРАА ДАРААГИЙН ЗУУНД МОНГОЛЧУУДЫН ТҮҮХЭН АЛДАА, ҮНЭН ТОД ХАРАГДАНА. ТЭР ҮЕД Л СУРГАМЖ АВДАГ ЖАМТАЙ,
УГААСАА ЭНЭ ОРОН БОЛ ТЭР АГУУ ӨГӨГДХҮҮНД УГ ЗОРИУЛАГДСАН БОЛОВЧ ДАНДАА ДАРАА ҮЕДЭЭ Л ОЙЛГОГДДОГ ТҮҮХТЭЙ ШҮҮ,

Avatar

Зочин 2020-04-13 64.119.19.219

Сайн төрлийг олж бидэндээ дахин төрөөрэй. Ум ма ни бад мэ хум.

Avatar

У.Борхүү 2020-04-13 124.158.105.14

ум ма ни бад ми хум.
Монгол түмнийг гэгээрүүлэхэд оруулсан ач буян, хойч үеийнхэндээ үлдээсэн үг сургаалыг нь мартахгүй үүрд санан дурсана.

Avatar

Зочин 2020-04-13 202.21.107.70

Монголдоо эргэж төрөх болтугай
Ум маани бад ми хум

Avatar

zochin 2020-04-13 58.109.161.167

Mongoliin ard tumnii suut huvguun Hezee neg tsagt humuus oilgoh buizaa Gun emgenel ilerhiilie

Avatar

Зочин 2020-04-13 66.181.161.96

Намтар, түүх гавьяа шагнал, уран бүтээлийг нэрлээд бүтнээр нь тавьчих газар алга уу. Монголын төр юү хийж байна аа

Avatar

б 2020-04-13 103.229.122.148

Сайн төрөлдөө төрөх болтугай.

Avatar

Зочин 2020-04-13 202.131.233.10

Төр засаг нь хүндлэл үзүүлэхгүй юмуу

Avatar

Зочин 2020-04-13 202.21.124.17

Монголын бүхэл бүтэн хэдэн үеийн хүүхэд залуучуудыг соён гэгээрүүлэх үйлсэд их хувь нэмэр оруулсан даа. Хүүхэд байхдаа "Хорвоотой танилцсан түүх"-ийг уншиж идэр залуудаа "Уулын үер" ийг шимтэн уншиж байлаа. Ум сайн амгалан болтугай. Монгол эх нутагтаа эргэж төрөх болтугай.

Avatar

Зочин 2020-04-13 202.179.24.34

Харамсалтай нь, тэрээр цагаасаа өмнө төрсөн хүн байв. Энэ агуу өвөрмөц хүнийг ойлгодог хүн тун ч цөөхөн байв.

Avatar

иргэн 2020-04-13 150.129.141.81

Энэ агуу ухаантны бүтээлийг хүн бүр уншаасай. Түүнээс монгол улсын түүх, хөгжил цэцэглэл, өнгөрсөн өнөө, ирээдүй, соёл ёс заншлын өв уламжлал , улсын алдаа оноо бүгдийг мэдэж ойлгох болно. Ум ма ни бадми хум

Avatar

bat 2020-04-13 192.82.65.182

боломжийн насалжээ.анхны ерөнхийлөгч байсан бол…бажгар арав гахайгаас 100 хувь илүү хүн байсан.бидний аз дутжээ.

Avatar

зочин 2020-04-13 202.131.245.69

сайн мэдэхгүй байж хэн нэгнийг муулах, сайлах хэрэггүй ээ. Очирбат гуай ямар ч байсан Түдэв гуайгаас хамаагүй илүү хүн шүү.

Avatar

Зочин 2020-04-13 103.111.68.3

Монголчууд анхныхаа Ерөнхийлөгчөөр Түдэв гуайг сонгох ёстой байлаа. Тэгээд л Монголчууд гараа муу бол бариа муу гэдгийн замаар дампууралдаа орсондоо.

Avatar

Зочин 2020-04-13 66.181.161.96

Одоо матрын нулимс унагаад яахав дээ

Avatar

333 2020-04-13 103.14.38.144

гүн эмгэнэл илэрхийлье, сайн хүн байсан даа

Avatar

Зочин 2020-04-13 124.158.109.140

Цагтаа монголын үндэсний үзэлтэнийг намнасан номоо Москвад хэвлүүлээд л явж байсан даа хөөрхий…

Avatar

м 2020-04-13 124.158.107.35

хэзээ заларсын бол бараг ажил явдал нь болоод өнгөрцийн бишүү . ТӨР таг чиг

Avatar

зочин 2020-04-13 182.160.34.17

Гүн эмгэнэл илэрхийлье

Avatar

Иргэн 2020-04-13 202.9.47.0

Хэрэв тэр үед Түдэв Ерөнхийлөгч болсон бол Монгол улс одоо арай өөр байх байсан юм даа.. Тэгэхэд л Монголын аз дутсан юм даа? УМ МА НИ БАД МИ ХУМ…

Avatar

Зочин 2020-04-13 182.160.1.188

Тэр хүнд үед Монголыг Очиратын "Алт" хөтөлбөр аварсаныг хүмүүс ойлгодоггүй юм. П.Очирбат гэж сайхан монгол эр монголын маш зөв цагт ерөнхийлөгч болж зөв замд нь оруулсан асар их гавьяатай. Түүнийг Бурхан ивээг.

Avatar

Зочин 2020-04-13 202.179.24.34

Алт хөтөлбөр гэж нэрийн дор байгаль орчныг сүйрүүлэх эхлэлийг тавьж, цөөхөн хэдэн нөхөд цөдийтлээ баяжсан. Ард түмэн хагархай тэвштэйгээ л үлдсэн дээ.

Avatar

Зочин 2020-04-13 124.158.109.140

Mongolig ukhsan nukhe bolgoson doo

Avatar

ЧД иргэн 2020-04-13 202.179.24.34

Харамсалтай нь, тэрээр цагаасаа өмнө төрсөн хүн байв. Энэ агуу өвөрмөц хүнийг ойлгодог хүн тун ч цөөхөн байв.

Avatar

Зочин 2020-04-13 221.163.81.203

Манжин хамарт Очирбатын оронд энэ хүн ерөнхийлөгч болох байсан юм, монголчууд дандаа буруу сонголт хийсээр ирлээ дээ. Нам бодож амьдрахаа больцгоое! Хүнийг нь харж санал өгч баймаар байна.

NewsMN Гар утасны хувилбар Татах
NEWS.mn

Мэдээллийн эх сурвалж