Нэрт эрдэмтэн Ц.Дамдинсүрэнгийн хөшөө босно | News.MN - Мэдээллийн эх сурвалж

Нэрт эрдэмтэн Ц.Дамдинсүрэнгийн хөшөө босно

Хуучирсан мэдээ: 2015.11.26-нд нийтлэгдсэн

Нэрт эрдэмтэн Ц.Дамдинсүрэнгийн хөшөө босно

Шинэ Монголын нэрт соён гэгээрүүлэгч, Төрийн гурван удаагийн шагналт, анхны "Ардын уран зохиолч" цолтон, хэл шинжлэлийн суут эрдэмтэн Цэндийн Дамдинсүрэнгийн хөшөөг Энхтайваны өргөн чөлөөнд, Боловсролын их сургуулийн урд талбайд босгох тухай нийслэлийн ИТХ-ын Тэргүүлэгчдийн тогтоол гарчээ.

Өөрийн авъяас билэг, ур ухаанаараа “сод гарамгай” хэмээх тодотголыг ард түмнээсээ хүртсэн эрдэмтэн зохиолчийн дурсгалын хөшөөг улсын нийслэл Улаанбаатар хотод анх удаа босгох тухай санаачилгыг Төрийн хэлний зөвлөл /ТХЗ/-ийн ажлын албанаас 2014 оны нэгдүгээр сард гаргасныг ТХЗ-ийн хурал, тухайн үеийн ССАЖ-ын сайдын зөвлөлийн хурлаар хэлэлцэн дэмжээд НИТХ-ын Тэргүүлэгчдэд өргөн барьсан байна.

Үүнээс хойш энэ асуудал таг чиг болсон. Тэгвэл энэ өнгөрсөн сарын 10-нд НИТХ-ын Тэргүүлэгчдийн тогтоол гарч, дээр дурдсан байршилд хэл шинжлэлийн суут эрдэмтэн Цэндийн Дамшинсүрэнгийн хөшөөг босгохоор болсон байна.

“Ц.Дамдинсүрэнгийн хөшөөг улсын нийслэлдээ босгосноор дэлхийн даяаршлын эгзэгтэй цаг үед монгол хэлэнд учирч болох аюул заналыг хүн арддаа анхааруулах, үндэсний өв соёлоо хамгаалах, хүндэтгэн дээдлэхэд зохих түлхэц болно” гэж холбогдох байгууллагууд үзжээ.

Л.ХАЛИУ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

2015-11-26 202.9.41.163

Bolio, yasan ih mungutei yumbe.

бай 2015-11-26 202.55.191.130

Манлай баатар Дамдинсүрэнд хөшөө босгох гэж үр хүүхэд, нутаг усныхан нь хөөцөлдөөд газар олдохгүй, газар байхгүй гээд байгаа гэсэн. Балингийн Цэрэндоржийн хөшөөний оронд тэнд сүндэрлүүлэх санаа оллоо.

Зочин 2015-11-26 59.153.114.200

чулуун хөшөөнд мөнгө хайрлахгүй юм. түүний оронд бүх бүтээлийн нэгтгэн хэвлэж номын хөшөө босговол олон түмэнд хүртээлтэй биш үү. ухаантнууд аа

ЦЭНД НЯМЫН 2015-11-26 112.72.6.30

МОНГОЛД ЗАЯАСАН ХОВОРХОН СУУТ УХААНТНУУДЫН НЭГ ДЭЭ. ЭНЭ ХҮНИЙ БҮТЭЭЛИЙГ УНШИХАД ҮНЭНХҮҮ УРАМТАЙ, БАХАРХАЛТАЙ ДАА. ГАЗАРТ ТОРОЙХ ЧУЛУУН ХӨШӨӨНӨӨСӨӨ ИЛҮҮ ЭРДЭМ УХААНЫХАА ГЭРЭЛ ГИЙГҮҮСЭН ХӨШӨӨГ ЭГЭЛ ОЛНЫХОО БИЛЭГ ОЮУНД ШИГТГЭСЭН ХҮН ЮМ ШҮҮ.