Нийслэлийн эх, хүүхдийн эрүүл мэндийн нэгдсэн төв зургадугаар сард ашиглалтад орно | News.MN

Нийслэлийн эх, хүүхдийн эрүүл мэндийн нэгдсэн төв зургадугаар сард ашиглалтад орно

Нийслэлийн эх, хүүхдийн эрүүл мэндийн нэгдсэн төв зургадугаар сард ашиглалтад орно

Нийслэлийн эх, хүүхдийн эрүүл мэндийн нэгдсэн төв зургадугаар сард ашиглалтад орно

Эрүүл мэндийн сайд Д.Сарангэрэл, Нийслэлийн Засаг дарга бөгөөд Улаанбаатар хотын захирагч С.Амарсайхан тэргүүтэй холбогдох албаны хүмүүс өнөөдөр /2020.04.11/ Яармагт баригдаж буй 300 ортой Нийслэлийн эх, хүүхдийн эрүүл мэндийн нэгдсэн төвийн барилгын ажлын явцыг шалгаж, газар дээр нь ажиллалаа.

“Нийт долоон блокоос бүрдсэн 34.200 метр.кв, 2.4 га талбай бүхий эмнэлгийн барилгын ажлын явц 95 хувьтай явж байгаа” гэдгийг барилгын ажлыг гүйцэтгэгч “Томо Бюлдинг” ХХК-ийн гүйцэтгэх захирал М.Отгонбаяр хэллээ. Тус компанийн хувьд эхний ээлжинд хоёр блокийг ашиглалтад оруулахаар ажиллаж байгаа юм.

Барилгын ажлыг гүйцэтгэгч “Томо Бюлдинг” ХХК-ийг үйл ажиллагаагаа явуулж байх хугацаанд захиалагч тал болох Эрүүл мэндийн яам нэмэлт ажил хийх хэрэгтэй гэж үзсэн ч шаардлагатай нэмэлт зардлын асуудлыг шийдвэрлээгүйгээс болж барилгын ажил удаашралтай болсон. Өнгөрөгч хоёрдугаар сард хотын дарга тус эмнэлгийн барилгын ажлын явцыг шалгах үеэр “Шаардлагатай төсвийн асуудлыг шийдвэрлэх хүртэл анхаарч ажиллана” гэдгээ хэлж байсан юм.

Энэ үеэр нийслэлийн Засаг дарга С.Амарсайхан “Нийслэлийн зүгээс шаардлагатай зам, орц, гарц, дэд бүтцийн асуудлуудыг цаг алдалгүй хийж, үйл ажиллагаа явуулах бэлтгэлийг хангахад анхаарч ажиллаж байна. Өмнө нь би ирж ажиллахдаа Эрүүл мэндийн сайд, Засгийн газарт танилцуулаад энэ асуудал шийдэгдэх шатандаа явж байна. Мэдээж барилга байгууламж барьж дуусах нэг асуудал, үүний цаана тоног төхөөрөмж гээд олон ажил бий. Энэхүү эмнэлэг Эх хүүхдийн эрүүл мэндийн үндэсний төв болон дүүргүүдийн эмнэлгийн ачааллыг асар ихээр хуваалцах юм. Нийслэлийн эх хүүхдийн эрүүл мэндийн төвийг хоёрдугаар улиралдаа багтаагаад ашиглалтад оруулах боломж байгаа гэж үзэж байна. Нэг өдөр, нэг цагийн өмнө энэ эмнэлгээ ашиглалтад оруулах шаардлага бидэнд бий” гэлээ.

Эрүүл мэндийн сайд Д.Сарангэрэл “Яармагт баригдаж буй 300 ортой Нийслэлийн эх, хүүхдийн эрүүл мэндийн нэгдсэн төвийн барилгын ажил санхүүжилтээс болж 10 жил болсон. Бид Засгийн газрын хуралдаанаар нэмэгдэл 13 тэрбум төгрөгийн асуудлыг шийдвэрлэлээ. Мөн зөвхөн барилгын санхүүжилтийг шийдвэрлээд зогсоогүй, эмнэлэгт шаардлагатай тоног төхөөрөмжийн санхүүжилтийг шийдвэрлэж чадлаа. Дэлхийн банк, Сангийн яамтай 26.9 сая ам.долларын гэрээнд гарын үсэг зурсан. УИХ  ирэх долоо хоногт гэрээний асуудлыг батална. Энэ хүрээнд 10 гаруй сая ам.долларын төхөөрөмжөөр 300 ортой Нийслэлийн эх хүүхдийн эрүүл мэндийн нэгдсэн төвийг тоноглох нөхцөл боломжийг бүрдүүлж байгаа юм” гэдгийг онцоллоо.

Барилгын ажлын явцын өдөр тутмын ажилд Барилгын хөгжлийн төв хяналт тавин ажиллаж байгаа аж. Энэ үеэр нийслэлийн Засаг дарга С.Амарсайхан “Барилгын ажлын гүйцэтгэгч компани дутуу гүйцэтгэлээ хийхийн хажуугаар цэвэрлэгээгээ хийх ёстой. Барилгын хөгжлийн төв хяналтаа маш сайн тавих хэрэгтэй. Нийслэлийн Эрүүл мэндийн газар мөн хяналтаа тавиад ажиллана. Ямар нэгэн байдлаар дутуу ажил үлдээж болохгүй. Нийслэлийн эх, хүүхдийн эрүүл мэндийн нэгдсэн төв энэ цаг хугацаанд яаралтай ашиглалтад оруулах шаардлага байгаа. Төсөв хөрөнгийн асуудлыг шийдвэрлэчихсэн байгаа учир бүх асуудал та бүхнээс шалтгаална шүү. Иймд ажлаа маш сайн, хурдан шуурхай хийх хэрэгтэй” хэмээн санууллаа.

Нийслэлийн ЗДТГ-ын Хэвлэл мэдээлэлтэй харилцах хэлтэс

 

 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Bravo 2020-04-11 202.126.89.124

Сайхан төрөх эмнэлэгтэй болжээ баяр хүргьe нийслэлийн даргад

Avatar

Зочин 2020-04-11 93.26.122.49

Барилгын төрөлжсэн байгууллагуудыг оруулаад хоногийн 4 ээлжээр ажлуулаад 1 сарын дотор ашиглалтад оруулж болно шүүдээ.ЭМЯ одоо болтол эмнэлгийн багаж хэрэгслэлээ бэлэн болгоогүй байгаа нь бас хариуцлагагүй байна. Одоо СЯ, ЭМЯ шуурхй групп гарган эмнэлгийн багаж тоног төхөөрөмжийг оруулэ ирүүлж угсрах ажлаа зохион байгуулах, бид онцгой байдалд ажиллаж собит-19 -тай дайн зарлан ажиллаж байгаа билээ . Онцгой байдлаар цэрэгжүүлсэн журмаар ажиллах хэрэгтэй шүү

Avatar

Зочин 2020-04-11 93.26.122.49

2.5 сард 2 корпусийг нь ашиглалтан оруулах нь хэтэрхий удаан байна

Avatar

Зочин 2020-04-11 93.26.122.49

Уханьд 1000 оотой эмнэлгийг 10 хоногт шинээр барьж ашиглалтанд оруулж байхад манайд 95 хувийн бэлэн болсон эмнэлгийг

NewsMN Гар утасны хувилбар Татах
NEWS.mn

Мэдээллийн эх сурвалж