"Б.Цогтбаяр хурандаа нэг тэрбумыг манай компаниас авсан" | News.MN

"Б.Цогтбаяр хурандаа нэг тэрбумыг манай компаниас авсан"

"Б.Цогтбаяр хурандаа нэг тэрбумыг манай компаниас авсан"

“Ньюс” агентлаг өнгөрч буй долоо хоногийн ярилцлагуудаа тоймлон хүргэж байна.  Энэ удаагийн ярилцлагын зочдоор “Бавгар” ХХК-ийн захирал Х.Оюун, өмгөөлөгч Б.Мэргэн, Гадаад харилцааны яамны Консулын газрын захирал Л.Мөнхтүшиг нар уригдсан юм.


"Сонгуулийг цахимаар хийх технологийн шийдэл байгаа"

Covid-19 вирусийн тархалттай холбоотой дэлхий нийтээрээ хөл хорионд ороод байгаа энэ үед дэлхийн олон улс цахимаар хуралдаж, зарим улс нь сонгуулиа цахимаар явуулах шийдэл гарч байна. Монгол Улсын хувьд ирэх зургадугаар сард болох УИХ-ын сонгуулийг цахимаар явуулж болох уу?, блокчейн технологийн хөгжил хаана явж байна вэ, энэ технологи хөгжих нь ямар ач холбогдолтой талаар Степпе групп ХХК-ийн Бизнес хариуцсан захирал Д.Болдбаатартай ярилцлаа.

-Блокчейн технологийн талаар манай улс яриад багагүй хугацаа өнгөрч байна. Нийтээрээ хөл хорионд байгаа энэ үед аливаа бизнес, улс төрийн үйл ажиллагаа цахим хэлбэрт шилжиж, тренд болж байна шүү дээ. Энэ технологийн хөгжлийн явцын талаар яриагаа эхэлье?

-Энэ асуултад хариулахаас өмнө блокчейн технологи яагаад үүсэв гэдэг талаар товч түүх ярья. Өнөөдөр дэлхий нийт covid-19 цар тахлаас үүдэлтэй банк, санхүү, эдийн засгийн гүнзгий хямралд өртөж,  удаан үргэлжлэх төлөвтэй байна. Үүнтэй адил 2008 онд АНУ-аас эхлэлтэй орон сууцны замбараагүй зээлээс үүдэлтэй санхүүгийн хямралд дэлхий нийтээрээ өртөж, хөрөнгийн зах зээл 50-60 хувь унаж, олон мянган компани бизнесүүд дампууран, олон сая хүн ажил орлогогүй болж, орон байраа алдан, амьдралаараа хохирсон байдаг. Хямралаас гарахын тулд төв банкнаас хэргийн эзэд хямралын буруутан болох хариуцлагагүй банкны эзэд захирлуудад хариуцлага тооцох гэхээсээ илүүтэй харин ч банкуудыг нь мөнгөөр угжих зайлшгүй шаардлагатай тулгарсан байдаг. Эс тэгвээс банк санхүүгийн салбар системээрээ нурж унах аюул бодитоор нүүрлээд байсан бөгөөд ийм эрсдэл үүрэх улс төрийн хүч, засаг төр ардчилсан засаглалтай ямар ч улсад байх бололцоогүй юм. АНУ эдийн засгаа сэргээж, Доу-Жоунсын индекс хямралын өмнөх хэмжээнд хүрэх хүртэл таван жил зарцуулсан.

Дэлгэрэнгүйг  https://news.mn/r/2283/873линкээр орж унших боломжтой.


"З.Энхболд ажлаа өгөхийнхөө өмнө Э.Бат-Үүлийг дахин шүүхэд өгсөн"

“Веритас Партнерс” фирмийн Гүйцэтгэх захирал, хуульч, өмгөөлөгч  Баасандоржийн Мэргэнтэй ярилцлаа.

-Та одоо ямар хэрэг дээр өмгөөллийн туслалцаа үзүүлэн ажиллаж байна вэ?

-Эрүүгийн болон иргэний хэргүүд дээр өмгөөллийн туслалцаа үзүүлэн ажиллаж байна. Олны анхаарал татсан хэргүүдээс дурдвал, хотын дарга Э.Бат-Үүлийн хууль ёсны эрх ашгийг хамгаалан, өмгөөллийн туслалцаа үзүүлж байна. Эхний шүүх хуралдаан дээр З.Энхболд гэдэг хүн шүүгчээс татгалзсан. Шүүгчээс татгалзсан үндэслэл нь “Шүүгч энэ бол зөрчил биш гэж ярьж байхыг хэн нэгнээс сонссон байна. Тийм учраас татгалзлаа” гэсэн байсан. Хэн гэдэг шүүгч тэгж ярьж байхыг сонссон гэдгээ хэлэхгүй, хэн гэдэг шүүгч хэргийг үнэн зөвөөр шийдэхгүй гэж үзэн татгалзаж байгаа нь мэдэгдэхгүй. Гэтэл ерөнхий шүүгч хүлээгээд авчихаж байгаа юм. Дараагийн шүүх хуралдаан дээр Идэр гэдэг шүүгчийн аав нь Хувьтөгөлдөр гэж хүн 1996 онд УИХ-ын гишүүн байхад Бат-Үүл гишүүн байсан. Тийм учраас Идэр шийдэж чадахгүй гээд татгалзсан. Тэрийг нь бас шүүх хүлээгээд авчихаж байгаа юм.

Дэлгэрэнгүйг  https://news.mn/r/2284837/ линкээр орж унших боломжтой.


"Б.Цогтбаяр хурандаа нэг тэрбумыг манай компаниас авсан"

ЦЕГ-ын захиалгаар барьж буй алба хаагчдын “Хууль сахиулагч” хотхоны тендерийг худалдсан, захиалагч тал гэрээний үүргээ зөрчсөн, их хэмжээний авлига нэхсэн талаар “Бавгар” ХХК-ийн захирал Х.Оюунтай ярилцлаа.

-ЦЕГ-ын хурандаагийн авлигын асуудлыг та олон нийтэд дэлгэсэн. Ер нь "Хууль сахиулагч" хотхоныг барилгын ажлыг гүйцэтгэлийг танай компани хэзээнээс хариуцах болов. Танайх хэзээ байгуулагдсан, хэр туршлагатай компани вэ?

-“Бавгар” компани 2009 онд байгуулагдсан, нийтдээ арав гаруй жил үйл ажиллагаа явуулж байна. "Хууль сахиулагч" хотхоныг тендер шалгаруулах журмаар манай компанид өгсөн. Хоёр тал 2015 онд гэрээнд гарын үсэг зураад, 2016 онд барилгын ажлыг эхлүүлсэн. 2015 онд гэрээ хийхдээ 30 хувийн урьдчилгаа өгөөд манай компани барилгын ажлыг  70 хувьд хүргэж үлдэгдэл мөнгө авахаар заасан байсан.

Гэтэл гэрээнд санхүүжилтийн график зурагдаагүй байсан. Өөрөөр хэлбэл, бид санхүүжилтээ 250 хүнээс нэгбүрчлэн нэхдэг ийм санхүүжилттэй. Бидний хувьд зээл аваад гэрээнийхээ дагуу барилгын ажлаа 70 хувьд хүргэсэн. Гэтэл орон сууцанд орох алба хаагчид 2016 оноос гэрээний дагуу мөнгөө хийгээгүй зөрчөөд эхэлсэн. Нийт дүн нь ойролцоогоор А блок хоёр тэрбум, Б блок 3.2 тэрбум буюу тав орчим тэрбумын санхүүгийн асуудалд орсон байсан. "Бавгар" компанийн захирлаар би 2017 онд ажиллаж эхэлсэн. Ээж маань тэр үед ослоор нас барсан, компанийн ажил доголдоод хэцүү байлаа. Тэгээд 49 хоног нь дуусаагүй байхад би компаниа хариуцаад, энэ ажлыг дуусгахаар шийдсэн.

Ээжийг амьд сэрүүн байхад “ХААН” банкнаас зээл олгох шийдвэр гарсан юм билээ. Нас барсны дараа тус зээлийг олгохгүй гэсэн. Ингээд 2018 оны зургаа, долдугаар сар хүртэл алба хаагчдаас олигтой санхүүжилт орж ирэхгүй, сардаа 50 орчим сая төгрөг орж ирж байсан. Гэтэл доод тал нь 10 гаруй тэрбумын өртөгтэй ажил хийх ёстой байтал зуу хүрэхгүй сая төгрөгөөр барилга барих боломжгүй. Дараа нь “ХААН” банкнаас зээл хүсэхэд нэгдүгээр блокийн 68 айлын нийт 48 хүнд 1.3 хувийн хүүтэй зээл олгоё. Гэхдээ үүнийг компанид олгохгүй. Эхлээд алба хаагчид гэрээнд гарын үсэг зурсны дараа танай компанид мөнгө орно гээд найман хүн зээл авсан байдаг.

Санхүүжилтээ авахын тулд алба хаагчдын хүүг нь би өөрөө төлөөд хүн нэг бүртэй биечлэн уулзаад ажлаа явуулж эхэлсэн. А блокийн барилга 90 хувьтай болох үед 50 хувийн санхүүжилт орж ирсэн. Тэгээд “Ариг” банкнаас 2018 онд гурван тэрбумын зээл авсан. Зээл авахад Б.Цогтбаяр хурандаа "Би хөрөнгийг зарцуулна. Миний зөвшөөрлөөр компанид мөнгө олгодог баймаар байна" гэсэн саналыг “Ариг” банкинд тавьсан. Гэтэл миний хувьд энэ нь боломжгүй болохыг хэлсэн. Тиймээс банкнаас зээл гаргахад хурандаа саад хийж эхэлсэн. Надад хэлснээр Б.Цогтбаяр хурандаа бас нэг хурандаад 45 сая төгрөгийн өртэй, үүнийгээ миний авсан зээлнээс  төлүүлэх хүсэлтэй байсан.

“Ариг” банкнаас зээл гарах долоо хоногт нэг хүн банкны үүдийг байнга сахиж байсан. Ямар учиртайг нь асуухаар Б.Цогтбаярын зээлийг чамаас авна гэсэн. "Боломжгүй" гэснээс болоод Б.Цогтбаяр хурандаатай муудалцаж, зээл авах асуудалд саад учруулсан. Барилгын компаниудын хувьд наймдугаар сар бол маш чухал үе байдаг. Гэтэл Б.Цогтбаяр хурандаагаас болоод зээл сараар хойшлогдсон. Хуулийн дагуу алба хаагчид мөнгөө бүрэн өгч байж би ажлаа явуулах ёстой. Ингээд А блок 2019 оны гуравдугаар сард арай гэж ашиглалтад орсон.

Дэлгэрэнгүйг https://news.mn/r/2284016/ линкээр орж унших боломжтой.


“Монголчууд төрдөө итгэж, хүлээцтэй хандах нь чухал байна”

Гадаад харилцааны яамны Консулын газрын захирал Л.Мөнхтүшигтэй ярилцлаа.

-Коронавирусийн халдвар дэлхий дахинд цар тахлын хэмжээнд хүрсэн ч Монголын төр гадаад дахь монголчуудаа эх орондоо авчрах ажлыг зохион байгуулж байна. Одоогийн байдлаар газраар болон агаараар Монгол Улсын хэчнээн иргэн эх орондоо ирэв?

-Засгийн газрын 2020 оны нэгдүгээр сарын 26-ны өдрийн хуралдаанаар БНХАУ-ын Ухань хотоос 31 оюутнаа эх орондоо авчрах шийдвэрийг гаргаж, улмаар зохион байгуулах үүрэг, чиглэлийг Гадаад харилцааны яаманд өгсөн. Энэ дагуу төрийн холбогдох байгууллагууд болон үндэсний агаарын тээвэрлэгч МИАТ компанитай хамтарч хоёрдугаар сарын 1-ний өдөр Ухань хотоос оюутнуудаа авчирсныг та бүхэн мэдэж байгаа. Тухайн үед БНХАУ-д коронавирусийн халдвар эрчимтэй тархаж, хөл хорио тогтоосон амаргүй нөхцөл байдалтай байсан. Ухань хотоос чартер нислэгээр оюутнуудаа авчирснаас хойш өнөөдрийг хүртэлх хугацаанд агаараар болон автозам, төмөр замын боомтоор 6037 иргэнээ татаж аваад байна. Үүнээс нийтдээ найман удаагийн чартер нислэгээр 1802 иргэн ирсэн. Сүүлийнх нь өчигдөр орой БНСУ-аас 267 иргэнийг чартер нислэгээр авчирсан. Дээрх 6037 иргэдийн 3800 орчим иргэнийг БНХАУ-тай хиллэдэг боомтуудаар нэгдсэн зохион байгуулалтаар оруулж ирсэн. Мөн ОХУ хилээ хаахаас өмнө Эрхүү, Улаан-Үдээс иргэдээ Алтанбулагийн боомтоор авсан. Одоо ч тус боомтоор ОХУ-д байгаа нутаг буцах хүсэлтэй оюутнуудыг татан авах ажлыг зохион байгуулахаар ажиллаж байна.

Дэлгэрэнгүйг https://news.mn/r/2285082/ линкээр орж унших боломжтой.


“Ахин оршихуй цомгоо 4-5 жилийн турш бэлдсэн”

“Моханик” хамтлагийн дуучин, контемпорари уран бүтээлч Ц.Даваажаргалтай ярилцлаа. Түүний экспериментал дуу авиан бүтээлийн дижитал цомгийг дэлхийн нэртэй хөгжмийн сэтгүүлүүд онцлох болсон.

-Юуны өмнө танд уншигчдынхаа өмнөөс баяр хүргэе. Монголын амьд хөгжмийн залуу уран бүтээлчдийн төлөөллийг дэлхийн алдартай хөгжмийн сэтгүүлүүд онцолжээ. Сэтгэгдлээсээ хуваалцахгүй юу?

-Та бүхэнд энэ өдрийн мэндийг хүргэе. Маш их баярлалаа. Хамтлагийн дуу хөгжмийн хажуугаар, хөгжмийн найруулга зохиомж, орчин үеийн урлагийн чиглэлээр, дуу авиа саунд бүтээлүүд дээр ажиллаж эхлээд нэлээд удсан байна. “Ахин оршихуй” буюу “Re-exist” цомог маань европын хөгжмийн томоохон сэтгүүл, радио, онлайн платформууд дээр онцолсныг харахад баяртай байлаа.

-Шинэ цомгийнхоо талаар мэдээлэл өгөөч. Сүүлийн 4-5 жилийн туршид бүтээсэн дуу авиан ажлуудаас түүвэрлэн оруулсан гэж дуулсан?

-Энэ төслийн саналыг Лондонгоос гаралтай хөгжмийн “Chinabot” лэйблийн зүгээс анх тавьсан. Экспериментал, амбиент, орчин үеийн хөгжмийг уламжлалт хөгжмийн сэтгэлгээтэй холбож бүтээл хийдэг Азийн уран бүтээлчидтэй хамтран ажилладаг цуврал төсөл юм. Өнгөрөгч 2019 онд тэдний саналын дагуу цомгийн ажил эхэлж, энэ оны гуравдугаар сараас “bandcamp” онлайн платформоор нээлтээ хийсэн.

Дэлгэрэнгүйг https://news.mn/r/2285045/ линкээр орж унших боломжтой.


"Үнэ цэнэтэй чухал хүн гэдгээ мэдрэхээ болихоор ганцаарддаг"

Ганцаардал гэж юу вэ, энэ сэдвээр сэтгэл зүйч Н.Рэнжмаатай ярилцлаа.

-Ганцаардал нь нийгмийг бүхэлд нь хамрахгүй ч нийгмийг бүрдүүлэгч хувь хүнд нөлөөлснөөр “Би хэн бэ?”, “Амьдрал надад утгагүй санагдаж байна” гэх мэт олон бодлуудыг бий болгож байгаа нь тийм ч сайн зүйл бас биш юм. Ер нь сэтгэл зүйчид ганцаардлыг хэрхэн дүгнэдэг юм бэ?

–Бидний амьдралын чухал зүйлсийн нэг бол яах аргагүй харилцаа. Амьдрал ч бүхэлдээ хүмүүс хоорондын харилцаан дээр тогтдог. Хүн аливаа харилцаанд өөрийн үнэлэмжийг бий болгодог. Тухайн харилцаа нь хязгаарлагдаад  үнэ цэнтэй чухал хүн гэдгээ мэдрэхээ  болихоор тухайн хүн ганцаардлыг мэдэрч эхэлдэг. Хүний амьдралын тааламжгүй нэгэн мэдрэмж бол яахын аргагүй ганцаардал мөн. Ганцаардал нь
хүнд бусдаас тусгаарлагдсан, орхигдсон, хоосорсон мэт сөрөг мэдрүүмжүүдийг төрүүлэхээс гадна уйтгар гуниг, зожигрол зэрэг сөрөг илрэлүүд үүсгэдэг хэдий ч зарим үед ганцаардал нь хүнд өөрийгөө таних ,
өөрийн дотоод “Би”-тэйгээ ярилцаж, бусдыг эргүүцүүлэн бодож дүгнэлт хийх зэрэг эерэг талуудыг олгодог. Өөрөөр хэлбэл ганцаардал нь нэг талаар хүнд ухааралыг өгдөг.

Хүн ганцаараа байхдаа тун их аз жаргалыг мэдэрч болно, мөн олон түмний дунд байгаа ч ганцаардлыг ч мэдэрч болно. Ганцаардах, ганцаараа байх хоёр нь ижил зүйл биш.

Орон зайн хувьд ганцаараа байхыг ганцаардал гэж ойлгож болохгүй.  Ганцаардал гэдэг нь өөрийн үнэлэмж буурах, бусад хүмүүсээс өөрийн үнэ цэнийг эрэлхийлэхийг хэлээд байгаа юм. Хэрэв энэ мэдрэмж  нь удаан үргэлжлэх юм бол сэтгэл гутрал, стресс зэрэгт оруулдаг. Улмаар сэтгэл зүйн эмгэг болох эрсдэлтэй. Ганцаардлыг мэдрэхгүй байх  ганц арга  нь  хэн нэгнийг байгаагаар нь хүлээн зөвшөөрч, ойлгож, хайрлах юм.

Дэлгэрэнгүйг https://news.mn/r/2285573/ линкээр орж унших боломжтой.

 

Энэ мэдээнд өгөх таны сэтгэгдэл?
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ALBAKER 2020-04-11 77.81.167.242

Hola, esto es para informar ** público en general que José Luis, un prestamista de préstamos privados, ha abierto una oportunidad financiera a cualquiera que necesite asistencia financiera. 5000 euros a 100,00 euros Proporcionamos préstamos con un interés del 2% a personas, empresas y empresas de forma clara y comprensible. contáctenos hoy por correo electrónico a (albakerloanfirm@gmail.com

Avatar

Зочин 2020-04-11 182.160.35.148

Цогтбаяр гэх хурандаагийн ард БААТАРЖАВ ГЕНЕРАЛ Байгаа ШҮҮ

Avatar

Зочин 2020-04-11 64.119.21.23

amarbaysgalan, mendee 2 Dana White tulaand duudsan shuu.

Avatar

Зочин 2020-04-11 64.119.21.23

amarbaysgalan chamaig UFC MIk Greger tulaand duudjina. aimhaa hulgar. gudamjind tulalday magadgui shuu.

Avatar

Зочин 2020-04-11 202.21.108.222

TSEG iig hotsrogdson, ug duugui tushaal guitsetgeh amigui albat bailgah buh zuiliig Nyamdorjoos ehlen ulsturchid l hiij baigaa. Tsagdaagiin baiguulagiig huchirhegjuulen ner hund undur bailgah ajluudiig shine ue l hiij chadna. Unuudur ene baiguulaga gemt hergiin hamgiin tom super baiguulaga bolson. Shine ue l ene baiguulagiig uurchlun baiguulj chadna.

Avatar

Иргэн 2020-04-11 66.181.161.113

Хөрөнгөөрөө хурандаа эх нь нас бараад ажилаа мэдэхгүй хүнээс тэрбум төг нэхдэг цагдаагийн луйварчин цаазлаач.шунал нь барагдахгүй хувцасны гол вэ?яасан юу сурсан толгой вэ?мөнгө нүдэнд нь харагдаад арай биш бна.энэ хөрөнгөөрөө хурандаа нар яаж хүнийг дарамталж мөнгө авдаг авсаныг таг шалгаач.одоо ард түмний нүд нээгдсэн бна.улс төрийн идэвхтэй болж түмэн нүдээр харж бна.наад хурандаа хийгээч болгоно хураагч төрийн цагдаа хүний ёс суртахуун тангараг хаа бна

Avatar

Зочин 2020-04-11 122.201.22.90

ЦОГТБАЯР хурандаа ч улаандаа гарсан дуйварчин баЙНА. ЭНЭ нөхрийг ЦЕГ, Хуулийн яам хоёр нь эрхлүүлээд байдаг юм уу? ХУУЛИЙН дагуу ял өгөөд байх ёстой шоронд нь илгээж болохгүй байна уу? ЭНЭ хуулийн задарсан хурандаа нараас салах арга алга уу? УГ нь монгол чинь хуультай төртэй юмсан.

Avatar

Зочин 2020-04-11 66.181.179.170

bimbatsogtoo nad barimt baiga bichleg balkon deer shaldan Hulan uilad jiremsen geel. chi shuuhdee uguch.

Avatar

Зочин 2020-04-11 66.181.179.170

Bimbatsogt chi shuhed uguch gutgesen geluu. jostoi chi ooroo hahaah teneg zolbin baiy. nad baril bichleg baiga jostoi bichleg delgeed ugnu. shuuhdee ugul doo. ooro unsan bol uilaad demii

Avatar

Зочин 2020-04-11 66.181.179.170

Uitumen tulaan gudamjind boly magadgui shuu. beltgele hiigerei. chmaas tsaad nilzarai ter tusmaa hobby box nadiig reketelsen geyuu tegdeguima

Avatar

Зочин 2020-04-11 66.181.179.170

shuud TV Uitumen yay ringen deer yalagday baigag haruulna. uitumen kirgiz ulsiin nerees tulaldsan. Uitumen chamaig bas Tyson tulaldi gesen shdee aimhai zolbin iim baiy yu gey peedihiin. tulaan gudaljind boly magadgui haana ch magadgui.

Avatar

Зочин 2020-04-11 103.10.23.119

ЦАГДААГИЙГ ХУРАНДАА ЦАХИМ ТОГЛООМ БААР ЗОЧИД БУУДАЛ ГЭХ МЭТ ЗҮҮЛТЭЙ ЗААВАЛ ХОЛБООТОЙ ЗАРИМ НЬ ТЭДНИЙ ӨМЧИЙН БАЙДАГ ТЭД БАЙНГА ХУУЛЬ ЖӨРЧӨХ ДАРХАН ЭРХТЭЙ АРДАА ХУРАНДАА ХАМГААЛАТАЙ

МӨН ХАРУУЛЬ ХАМГААЛАЛТЫН ГАЗАРУУД ГАДААДЫН ТОНУУЛЧАН НАРЫГ ХАМГААЛАЖ ЭХ ОРНОО ГАЗАР НУТАГАА ХАМГААЛСАН ХҮМҮҮСИЙГ ЗУУДАГ НОХОЙ АДИЛ УРАЖ БАЙДАГ ЭЗЭД НЬ МӨН Л ХУРАНДАА НАР БАЙДАГ ХУРАНДАА НАРААС МУУ МУУХАЙ ЮМ ИХ ГАРНА ШҮҮХ ЭНЭ МЭТИЙГ ШАЛГАЖ ХОГ ШААРУУДЫН МӨРДСИЙГ ХУРААЖ БАЙХ ЁСТОЙ ГАЗАРТ НЬ ХОРИХ ХЭРЭГ

Avatar

Зочин 2020-04-11 66.181.179.170

shuud TV ulig bolson setguulch hudaldagdsan redaktor-s nebteruuleg abdagui. mongoliin anhnii chat-tv bolno. hurdan naidbartai damyuulna. ooriin damyulah system baiguulna.

Avatar

Зочин 2020-04-11 103.10.23.119

ЦАГДААГИЙГ ХУРАНДАА ЦАХИМ ТОГЛООМ БААР ЖОЧИД БУУДАЛ ГЭХ МЭТ ЗҮҮЛТЭЙ ЗААВАЛ ХОЛБООТОЙ ЗАРИМ НЬ ТЭДНИЙ ӨМЧИЙГ БАЙДАГ ТЭД БАЙНГА ХУУЛЬ ЗӨРЧӨХ ДАРХАН ЭРХТЭЙ АРДАА ХУРАНДАА ХАМГААЛАТАЙ

МӨН ХАРУУЛЬ ХАМГААЛАЛТЫН ГАЗАРУУД ГАДААДЫН ТОНУУЛЧАН НАРЫГ ХАМГААЛАЖ ЭХ ОРНОО ГАЗАР НУТАГАА ХАМГААЛСАГ ХҮМҮҮСИЙГ ЗУУДАГ НОХОЙ АДИЛ УРАЖ БАЙДАГ ЭЗЭД НЬ МӨН Л ХУРАНДАА НАР БАЙДАГ ХУРАНДАА НАРААС МУУ МУУХАЙ ЮМ ИХ ГАРНА ШҮҮХ ЭНЭ МЭТИЙГ ШАЛГАЖ ХОГ ШААРУУДЫН МӨРДСИЙГ ХУРААЖ БАЙХ ЁСТОЙ ГАЗАРТ НЬ ХОРИХ ХЭРЭГ

Avatar

Зочин 2020-04-11 66.181.184.156

Нөгөө Бөхбат.бил үү нэг шал шал хийсэн нөхөр байсан. Тэр хаана?

Avatar

Ган 2020-04-11 202.126.88.160

Бөхбат гэдэг нөхөр чинь ажилдаа орсон гэнэ лээ шүү.

Avatar

Зочин 2020-04-11 66.181.179.170

shuud TV chatbot TV chat systemd mash hurdan shuud damyuuklsan Bimbatsogtin nuuts medeelel. shud efirt mash nuuts medelel garna. afrikt bailday baiga mongol legion geed uzeerei. bidniig songbol hojino.

Avatar

Зочин 2020-04-11 66.181.179.170

shuurhai TV togstsogtoo kirgiz MIldash yasan Japan karate-d yalagday baiga tuhai bichleg gargaad ehlulsen boon sensatsi

Avatar

Зочин 2020-04-11 66.181.179.170

shuurhai TV mongold shuud efire udahgui gargay ehelne. shuurhai TV Togstsogt-iin tuhai mash nootoi medelel gargay ehluulsen.

Avatar

Зочин 2020-04-11 202.179.26.104

Цагдаагийн байгууллагад Цогтбаяр мэтийн хөгийн хулгайчууд их бий.Бүгдийг нь халах хэрэгтэй.

NewsMN Гар утасны хувилбар Татах
NEWS.mn

Мэдээллийн эх сурвалж