Хуульгүй амьдрагсад ба хүчин мөхөдсөн ТӨР | News.MN

Хуульгүй амьдрагсад ба хүчин мөхөдсөн ТӨР

Хуульгүй амьдрагсад ба хүчин мөхөдсөн ТӨР

Хуульгүй амьдрагсад ба хүчин мөхөдсөн ТӨР

"Зөв амьдрах ухаан", "Даяар Монгол", "Босоо хөх Монгол" зэрэг төрийн бус байгууллагуудын хууль дүрэмгүй авирлаж буй бичлэг олон нийтийн сүлжээнд олонтаа цацагдаж, гомдол шүүмжлэл ч тасардаггүй. Гэвч, тэдэнтэй төрөөс хариуцлага тооцсон тухай, арга хэмжээ авсан талаарх мэдээлэл хомс.Эмэгтэйчүүд, хүүхэд, хөгшид, хөгжлийн бэрхшээлтэй иргэд болон нийгмийн эмзэг бүлгийнхний эрхийн төлөө гэсэн гоё уриатай олон арван төрийн болон төрийн бус байгууллага бий. Гэвч, олонх нь тэдний хэрээр хөлжиж, ашиг хонжоо хайдаг гэдэг бодит үнэнээс хол зөрөхгүй. Хамгийн сүүлд, өчигдөр гэхэд "Зөв амьдрах ухаан" ТББ-ын тэргүүн Г.Загдаад хүчиндүүлсэн гэх бүсгүй хэвлэлд хандаж, Г.Загдаа ч мөчөөгөө өгөлгүй хариу лайв хийж харагдсан.  Хэн нь гүтгэж, хэн нь бодит үнэнг хэлж буйг олон нийт тогтоож чадахгүй. Харин хууль хүчнийхэн, шүүхээс илүү давсан эрх мэдэлтэн гэж байх ёсгүй юм.  Төрийн байгууллагын ажилтнуудын хашаандаа ч оруулахгүй бүтэн гурван цаг лайв хийж буй Б.Загдаа гэгчид Монголын өнөөдрийн төр лав хариуцлага тооцож чадахгүй дэг ээ.

Зарим нэг халамжийн дарга нар болон овжин зальтай хөгжлийн бэрхшээлтэй иргэд хүртэл олон төрийн бус байгууллага байгуулж, хяналтгүй байсан мөнгөнд гараа дүрдэг жишээг энд дурдахад илүүдэхгүй биз. Сургалт хийх нэрээр 10, 20 сая төгрөг авдаг ч үнэн хэрэгтээ сургалт зохион байгуулсан нь эргэлзээтэй байх жишээтэй. Хяналтын механизм бий ч хяналт тавиулах сонирхолгүй дарга нар олон ажээ. Зовлон нэгтэй хүмүүсийн нэрийг барьж, тэдэнд очих ёстой мөнгийг дундаас нь дарга нартай хамт хулгайлж идэх сонирхол нь давамгайлсан, мөн түүгээр амьдардаг хүмүүс ч олшров.

Тухайлбал, улсаас 2017 онд 4.2 тэрбум төгрөгийг хөгжлийн бэрхшээлтэй иргэдийг ажил орлоготой болгоход зарцуулсан байна. Гэтэл дээрх мөнгө хаашаа орсон, хэчнээн хөгжлийн бэрхшээлтэй иргэн ажилтай болсон нь одоо хүртэл тодорхой бус. Салбарын яамнаас 2400 орчим хөгжлийн бэрхшээлтэй иргэнийг ажилтай болгосон гэдэг ч энэ нь зүгээр л цаасан дээрх тоо ажээ.

Өнөөдөр хөгжлийн бэрхшээлтэй иргэдийн хоёр хувь нь л ажилтай байна гэсэн судалгаа бий. Үнэхээр энэ төсөл, хөтөлбөрүүд хэрэгжиж байсан бол бараг бүх хөгжлийн бэрхшээлтэй иргэн ажилтай болчихсон байх байсан биз ээ. Амар хялбар аргаар мөнгө олох гэсэн хүмүүсийн шуналд хязгаар үгүйг мэдсэн хэрнээ төр арга хэмжээ авалгүй өдий хүрэв.

Үүний зэрэгцээ олныг турхирч, айлган сүрдүүлдэг этгээдүүд ч нийгэмд цөөнгүй бий. Тухайлбал “Гал үндэстэн холбоо”, “Босоо хөх Монгол” тэргүүтэй төрийн бус байгууллагуудыг гадныхан, ялангуяа хятадуудад халтай хүмүүс” гэлцдэг. Голдуу орон нутагт үйл ажиллагаа явуулдаг уул уурхайн компаниуд руу тэд дайран орж, “хэрэг тарьж явдаг” гэсэн мэдээ олон сонсогддог. Тэднээс бусдыг айлган сүрдүүлж, дарамталсан хэргээр олон удаа цагдаа, шүүхийн хаалга татсан нь үнэн.

“Гал үндэстэн” холбооны Ц.Мөнхбаяр тэргүүтэй хүмүүс 2013 оны есдүгээр сарын 16-нд жагсаал цуглаан хийхдээ Төрийн хамгаалалтын бүсэд галт зэвсэг, тэсрэх бөмбөг хэрэглэсэн хэрэгт холбогдон шалгагдаж, ял сонсон, өршөөлөөр суллагдаж байв.

Газар шороо, эх болсон байгаль дэлхийгээ хамгаалах үйлс дор нэгдсэн гэх үндсэрхэг үзэлтэй хэд хэдэн ТББ байдгийн нэг нь “Босоо хөх монгол”. Тэднийг эх орноо хамгаалагчид уу, шантаажлагчид уу гэж олон хүн асуудаг. Өнгөрсөн онд УИХ-ын гишүүн Б.Дэлгэрсайхан “Босоо хөх Монгол”-ын залуустай “дайн зарлаж”, тус төрийн бус байгууллагын удирдлагуудаас шоронд ял эдэлж байсан олон хүн бийг мэдээлж байв. Тухайлбал, Дорнод аймаг дахь “Босоо хөх Монгол” ТББ-ын салбар зөвлөлийн даргын албан тушаалыг хашдаг Э.Энхбаатар 2002 онд нохойгоор хүн хазуулж танхайрсан хэргээр, 2007 онд автын хэргээр Хэнтий аймагт ял эдэлж байжээ. Улмаар 2015 онд хутга мэс гаргасан асуудалд орооцолдсон ч ял аваагүй өнгөрсөн аж. Г.Ганхуягийн хувьд танхайрсан, хүн зодсон хэргүүдээр Цагдаагийн байгууллагад шалгагдаж байгаа. Түүний хамаарал бүхий этгээдүүд хууль, шүүхийн шатанд ажилладаг тул харьцангуй сайн хамгаалалттай гэгддэг.

Тус төрийн байгууллагынхан орон нутагт үйл ажиллагаа явуулдаг уурхайн компаниуд дээр очоод, шууд мөнгө нэхдэг, өгөхгүй бол элдэв байдлаар дарамт үүсгэдэг гэх яриа байнга гардаг. Монгол орны ихэнх аймгуудад салбар зөвлөлтэй, 17 мянган гишүүн, 200 орчим дэмжигчтэй гэх тоог тэд өөрсдөө хэлдэг. Байгаль дэлхийгээ онгон дагшнаар нь авч үлдэх үзлээр нэгдсэн энгийн иргэн ч тэдний дунд олон аж. Гэвч хувь хүнийхээ хувьд ихээхэн асуудалтай, хар бараан түүхтэй, шантааж маягаар ажлаа явуулах сонирхолтой хүмүүс тус бүлгэмд түлхүү байгааг эх сурвалжууд мэдээлдэг. Өмнө нь “Босоо хөх Монгол” ТББ-ын Удирдах зөвлөлийн дөрвөн гишүүнийг БНХАУ иргэнд  хүч хэрэглэн заналхийлсэн, сүрдүүлж их хэмжээний мөнгө авсан хэрэгт сэжиглэн, ШШГЕГ-ын харьяа хорих 461 дүгээр ангид хорьсон, бусад тохиолдлоор ял авсан нь хүртэл бий.

Өнөөдөр нийгмийг “бужигнуулж” яваа бас нэг хүн бол Загдаа. Энэ хүний өмнө хүчний байгууллага хүчин мөхөстдөг үү гэлтэй. Хүний хоолой боон чирч, хүмүүс аврал эрэн хашгиралдаж байхад цагдаа “Боль” ч гэж хэлэхгүй байгаа бичлэг цахимаар цацагдаж байснаас эхлээд Г.Загдаа, цагдаа хоёрын хэн нь хэв журам сахиулагч вэ гэж гайхахад хүргэсэн удаа цөөнгүй. Тэр төрд орхигдсон, архины хамааралтай хүмүүсийг амьдралтай нь залгуулж яваа нэрийн дор хууль зөрчин дураар авирлаж буйг олон хүн хэлж ярьдаг. Хамгийн сүүлд Загдад удаа дараагийн хүчирхийлэлд өртсөн бүсгүйчүүд мэдээлэл хийж, түүний хууль бус бас нэг үйлдлийг илчлэв.

Монголын төр нийгмээс тусгаарлагдсан хүмүүстээ арга хэмжээ авч чадахгүй болтлоо доройтсоныг бичлэгийнхээ төгсгөлд дахин өгүүлж, хууль ёсыг гажуудуулж, дур зоргоороо авирлаж буй Загдаа тэргүүтэй дураар авирлагчдад төмөр нүүрээ үзүүлэх цаг болсныг дахин дахин сануул юу.

Б.ЖАРГАЛ

Энэ мэдээнд өгөх таны сэтгэгдэл?
13
ЗөвЗөв
2
ХарамсалтайХарамсалтай
2
БурууБуруу
1
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

29 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэд олон түмэн 2020-04-10 64.119.25.41

Монгол улсад ХЗДХЯ гэж байдаг уу? байдаг бол түүнийг толгойлдог сайд гэж бий юу?төр засгийн өмнө ажил хариуцдаг сайд гэж байдаг бол ажил хариуцах чадвартай хүн баймаар байна шүү?Загдааг толгой дээрээ шээс алдуулсан яам сайд хоёр улс оронд огт хэрэггүй

Avatar

ИРГЭН 2020-04-10 103.10.22.97

Ерөнхий сайдаа Таны хууль сайдын чинь ажил ямар байгааг бодохоор хэлэх үг алга. Та барьцаанд байдаггүй юм бол болохоо байгаад даанч удлаада. Та засахгүй бол сонгуулиар хамтад нь ард түмэн засна шүү. Уул нь өөрийг нь чинь дэмждэг хүн бас цөөнгүй бий юмсан.

Avatar

Болд 2020-04-10 192.82.68.227

Манайд ер нь хууль зуйн яам байна уу захын хулгайч нар даварч байна шуу арай л байна монго идэж уусан том хулгайч нар ч тэр бага ч тэр дураарай дургиж байхад шуух цагдаа хуулийнхан чимээгуй суугаад байх уу еронхий сайдаа сэлэмээ эргуулээд эд нарыг цэгцэнд нь оруулах цаг болсон шуу ард тумэн хараад хусээд байна

Avatar

зочин 2020-04-10 202.179.25.148

энэ олон юм бичээд байгаа нөхдүүд өөрсдөө юу хийсэн бэ,тэр олон хүмүүсийг хооллоод ажиллуулаад байгаа нь буруу юм уу

Avatar

Зочин 2020-04-10 37.76.121.71

Танай сайт ч гэсэн онцгой байдлын үeийн Монгол улсын дүрэм журмыг мөрдөхгүй л байгаа биз дээ.

Avatar

Зочин 2020-04-10 37.76.121.71

Загдаа гэдгийн ард ч хүүхдийн эд эрхтэний наймаа байж магадгүй дээ. Ядарсан хүмүүсээр хүүхэд гаргуулаад, хүүхдийг нь өгөхгүй шунаад байдаг нь сэжигтэй. Христийн шашны олон асрамжийн газруудын ард ч юу
ч байж мэднэ

Avatar

зочин-2 2020-04-10 66.181.188.109

Загдаа гэгч хүний талаар хэдэн жил ч шуугив даа. Бахь байдгаараа л. Хуулийнхан харин түүнийг дэмжээд бгаа ч юм шиг. Нөгөө үйл явдал хэвээрээ шахуу. Бүр чихэнд хонх болтлоо л сонсов. Арга хэмжээ авдаг, шалгадаг газар байгууллага гэж үгүй. Тэхээр төр ажиллаж бгаа ч юм шиг үгүй ч юм шиг. Төрийн хяналт үгүй болохоор хэн хүссэн нь юу дуртайгаа хийдгийн нэг илрэл нь энэ. Үүн шиг С.Баяр, Сайханбилэг, Баярцогт…-ын гээд хэргүүд замхарсаар… Олон түмэн харсаар…. ийм л нийгэм үргэлжилж бна.

Avatar

Босоо хамар 2020-04-10 66.181.183.244

Энэ ямарч судалгаагүй зүгээр нэг өнцөг олж хараад бичжээ. Сэтгүүлч бол сэтгүүлч шиг бодит үнэнийг бичих ёстой

Avatar

Зочин 2020-04-10 202.21.108.133

bugdiig ni shorond

Avatar

ЗОЧИН 2020-04-10 202.179.27.38

ЭНЭ ЗАГДАА ГЭДЭГ ХҮН ГУДАМЖИНД БАЙГАА ХҮНИЙГ ХҮЧЭЭР АВААЧААД ХОРЬЧИХООГҮЙ БАЙХАА. ХЭНД Ч ТООГДОХГҮЙ БОЛСОН ХҮМҮҮС САЙН ДУРААРАА ОЧДОГ ЮМ БИШҮҮ. ХАРИН Ч ТӨРИЙН АЧААНААС ХӨНГӨЛЖ ЯВАА ХҮН ШИГ САНАГДДАГ. ЭВДЭРЧИХСЭН АРХИЧИДЫГ ТӨР ТАТВАРЫН МӨНГӨӨР ТЭЖЭЭХ ЁСТОЙ ЮУ.

Avatar

Зочин 2020-04-10 64.119.27.170

энэ одоо болиоо, бидний төлсөн татварын мөнгөөр хэн нэгэн шоронгийн хархын байгуулсан зөв амьдрах ухаан нэртэй буруу амьдралд хөтлөгч ТББ-ийг санхүүжүүлээд, тэнд хорьж байгаад хүн хүчирхээд байж байхыг нь зөвшөөрч байна гэдэг. Наранд гараад зөв амьдарч чадахгүй байгаан бол буцаагаад нарсанд нь явуулалдаа, юун мөнгө төгрөг өгөөд төрөөс, улсаас, хотоос санхүүжүүлээд тэтгээд эрхлүүлээд байгаан

Avatar

иргэн 2020-04-10 64.119.26.82

Монголд төр гэж байхгүй. Хувийн сонирхолдоо хөтлөгдсөн хэсэг хүиүүсийн нэгдэл л байна

Avatar

даш 2020-04-10 66.181.178.245

"ШУДРАГА" НЭРТ НЯМДОРЖ ӨШӨӨ ХОНЗОН АВАХААС ӨӨР АЖИЛ ОГТ ХИЙХГҮЙ БАЙГААГААС МОНГОЛ УЛС ИЙМ БАЙДПАЛД ОРСОН.

Avatar

zochin 2020-04-10 103.26.194.243

Tiim shuu mongoliin tur huuli huchnii baiguullaga iim ued l tumur nuuree haruulj shudarga esiig togtooh estoi getel yamar neg asuudliig dalimduulj shantaaj hiij amidardag nuhduud olshirson bn ene ni uls ornii buteen baiguulalt humuusiin aj ahui erhelehed mash hortoi hugjihud sadaa bolj bn ene neg huuchnii arga barilaasaa ali hediin salah bolson bn manai hoid tom hursh ali tsagiin salsan baihad manaih l baihgui huuli huchnii baiguullaguud ni ch oroltsootoi baidag ene talaar ers shinchlel hiigeech

Avatar

Зочин 2020-04-10 49.195.109.85

Авилгачдынхаа өмнө хүчин мөхөсдсөнөө л ярь. Нэг ширхэг том авилгачийг шоронд явуулчаад төртэй улс гэж ярьж эхлээч!

Avatar

зочин 2020-04-10 202.21.100.210

Удирдлага зох байгуулалтаас болж байна.
алба хааж буй цагдаа нарт буруу байхгүй тэд чинь насаараа хүний команд дор бөлтөлзөж яваа улс

Avatar

Зочин 2020-04-10 121.168.50.25

ТББ ын нэрээр дарамт үүсгэж явдаг гэдэгт би итгэдэг. Тийм л эх орноо гээд байгаа бол нам байгуулж эх орны жинхэн дуу хоолой болж хэлэх үгээ хэлж хүмүүсийг дарамталж биш хууль ярьж боловсон хүмүүс шиг явах хэрэгтэй. Ер нь ихэнх энэ Монголын төлөө гээд байгаа хөдөлгөөнүүдийнхэн бүгд нэг нэг даргын гар хөл байхаа. Мөнгө өгөхөөр нь оч гэсэн газар нь очиж дарамталдаг л байх.

Avatar

Зочин 2020-04-10 202.9.46.31

Тамхи зарлаа гэж ТҮЦ ухахаас өөр юм хийж чадахгүй цагдаа нар ичиг ичиг. Нэг их том хэрэг илрүүлчихсэн юм шиг пээдийсэн цагдаа нар муусайн жижиг мухлаг лангуунууд ажиллуулдаг ядарсан иргэдэд их дээрэлхүүг яана.

Avatar

зочин 2020-04-10 203.91.116.118

Монголын цагдаа нар ёстой арчаагүй юм аа,,,

Avatar

Зочин 2020-04-10 66.181.161.94

Манай улсын эдийн засаг төдийгүй тусгаар тогтнол, бүрэн эхрт байдлын баталгаа нь "Гуравдагч хөрш"-ийн бодлого! Гэтэл 2 Их хөрш, ялагуяа ОХУ Монголоос Америк, Канад, Австрали болон Европын хөрөнгө оруулагчдыг хөөж гаргах бодлогоо Монгол дахь хөлсний этгээдүүдээр хийлгэж чадаад байна! Жишээ нь- Сэлэнгэ амйгийн Мандал сумын Гацууртын ордыг ашиглахаар "Сентерра гоулд" компани олон жил зүтгэсэн боловч шантажаар мэргэшсэн ТББ хэмээх бүлэглэлүүд шүүхээр гацаасаар байгаад залхааж хөөж гаргаж чадсан!!

Avatar

Зочин 2020-04-10 66.181.161.94

Гэтэл төр засаг гэж Монголд байхгүй мэт таг чиг!!! Гөлийгөөд харж суусаар байгаад хөөгөөд явуулчихлаа! Тэгсэн атлаа сайд нар барууны орнуудад очоод хөрөнгө оруулаач гэж гуйгаад явах юм!!! Ямар учиртай улс вэ???

Avatar

Зочин 2020-04-10 66.181.178.251

МӨХӨСДСӨН гэж бичдээ

Avatar

Зочин 2020-04-10 202.21.108.222

Tur ni luivarchdiin zevseg bolj bgaa ued irged evleldej erhee edlehiin tuld, shudarga niigmiin tuluu Turtei temtseldeh ni baigaliin huuli.

Avatar

цоргио 2020-04-10 103.26.194.176

Саун массаж, дэлгүүр, баар, ТББ, ББСБ, Их дээд сургууль,олон банк, олон сүм гээд олширсон юм болгоныг 37 оных шиг устга

Avatar

Зочин 2020-04-10 64.119.27.155

ОХУ-ын ерөнхийлөгч Путин 2001 онд 11000 / арван нэгэн / мянган ТББ -ын үйл ажиллагааг хааж зогсоосон байдаг бүгд гадаад улсаас санхүүждэг Улс орныг үймүүлж байдаг тусгай үүрэгтэй байдаг. Монголд үнэхээр тийм эх оронч байхгүй. Бүгд л чацга царайлсан Долдойчууд байдаг нь үнэн шүү дээ. Би лав мэдэхгүй юм байна.

Avatar

бодлын хулгайч 2020-04-10 66.181.167.53

ТЭНД НЬ ХҮҮХДҮҮДДЭЭ ЗОРИУЛАН СУРГУУЛЬ, ЦЭЦЭРЛЭГ БАРИХ ЮМСАН. ЭХ ОРНЫ ХӨРСӨНД ХАРИЙН БУЗАР ШАШИН НОМЛОГДОХ БУС ХҮҮХДИЙН ДУУ ЦАНГИНАЖ БАЙХ ЁСТОЙ. ТӨР ТӨМӨР НҮҮРЭЭ ХАРУУЛАХ ЦАГ НЬ ИРЖЭЭ. САНАГТУН. БОДОГТУН. ХЭРЭГЖҮҮЛЭГТҮН.

Avatar

бодлын хулгайч 2020-04-10 66.181.167.53

МОНГОЛ ЦАГДАА БОЛ ХАМГИЙН БҮДҮҮЛЭГ, ӨНГӨ МӨНГӨ ХАРСАН АДГИЙН АРЧААГҮЙ ХҮМҮҮС ШҮҮ ДЭЭ. МОНГОЛД БАЙГАА ТӨРИЙН БУС НЭРТЭЙ ДАЛД МУУХАЙ ҮЙЛ АЖИЛЛАГАА ЯВУУЛДАГ БАЙГУУЛЛАГУУДЫГ ЦЭГЦЛЭХ ЦАГ НЬ БОЛСОН ШҮҮ. ЦААНА НЬ ЮУ Ч ЯВАГДДАГ ЮМ БҮҮ МЭД. ХРИСТЫН, МҮҮНИЙ ГЭЭД ХАРИЙН ХЭДЭН ЗУУГААР ТООЛОГДОХ ШАШНЫ СҮМ ХИЙДҮҮД БАЙНА. ЦААНАА ХАРИЙН ОРНЫ ТАГНУУЛЫН ҮЙЛ АЖИЛЛАГАА ЯВУУЛДАГ Ч ЮМ УУ. ЦАГ ЦЭВҮҮН БОЛОХ ҮЕД ЯАЖ Ч МЭДНЭ ШҮҮ. ГАНЦ НЭГИЙГ НЬ ҮЛДЭЭВЭЛ ҮЛДЭЭГЭЭД БУСДЫГ НЬ ХААХ ХЭРЭГТЭЙ.

Avatar

зочин 2020-04-10 64.119.25.24

Хууль зөрчин 50, 60, 100 саяар нь авдаг ТББ-ууд бий шүү дээ. Дандаа нам дагасн ТББ-ууд ийм мөнгө авдаг жишиг тогтсон.

Avatar

Зочин 2020-04-10 202.9.46.123

ГОЁ Ш ДЭЭ ТАР НЬ ТАНИГДАЖ БАЙНА

NewsMN Гар утасны хувилбар Татах
NEWS.mn

Мэдээллийн эх сурвалж