Сонгуулийн өрсөлдөөнөөс “мултрах” горилогчид | News.MN

Сонгуулийн өрсөлдөөнөөс “мултрах” горилогчид

Сонгуулийн өрсөлдөөнөөс “мултрах” горилогчид

Сонгуулийн өрсөлдөөнөөс “мултрах” горилогчид

УИХ-ын сонгуулийн өмнө улс төрийн нам, ялангуяа эрх барьж байгаа нам өрсөлдөгчдөө олон хэлбэрээр “намнах” ажиллагаа явуулдаг уламжлал манай улс төрд бий болоод удаж буй. Ялангуяа сонгуулийн жил энэ ажиллагаа илүү их идэвхждэг.  Энэ удаад эрх баригчид ч мөн хуулийн байгууллагын халхавчаар хэд хэдэн горилогч, нэр дэвшигчдийг далайлгах бололтой. Ингэхдээ манай, танай гэж ялгахгүйгээр нэр дэвших магадлалтай горилогчдын хуулийн байгууллагад дуудаж буй.  Эрх баригчид өөрсдийнхөө нэр дэвшигчдийг ч шүүхийн өмнө нь дуудаж байгаа  нь ЖДҮ-ийн хулгайчдаа дарсан баатар болох драмын нэг хэсэг нь. Тиймээс 2020 оны сонгуульд нэр дэвшихээр горилж байгаа ч хуулийн байгууллагад дуудагдаж, өрсөлдөөнөөс “мултарч” болзошгүй хүмүүс олон бий. Мөн энэ удаагийн УИХ-ын сонгуулийн тухай хуульд авлига, албан тушаалын гэмт хэрэгт холбогдсон нь шүүхээр тогтоогдвол нэр дэвшихийг хориглох заалтыг оруулж өгсөн юм.

УИХ-ЫН СОНГУУЛИЙН ТУХАЙ ХУУЛЬ:

-29.7.Гэмт хэрэг үйлдэж шүүхийн хүчин төгөлдөр шийтгэх тогтоолоор ял эдэлж байгаа хүн нэр дэвшихийг хориглоно.

-29.8.Авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглоно.

  • МАН-ын ЖДҮ-ийн хулгайчдыг тэргүүлэгч нь УИХ-ын гишүүн Б.Батзориг. Хүнс, хөдөө аж ахуй, хөнгөн үйлдвэрийн сайд асан Б.Батзоригт холбогдох хэргийн шүүх хурал дөрөвдүгээр сарын22-ны өдөр товлогдож, шүүхээс хилийн хориг тавьсан байгаа. Гэхдээ тэрбээр хэрэг нь шүүх рүү шилжих хүртэл нэр дэвшинэ гэдэгтэй итгэлтэй байсан юм. Тэрбээр хаврын чуулганы нээлтийн өмнө УИХ-ын гишүүний бүрэн эрхээсээ чөлөөлөгдөх хүсэлтээ өгсөн бөгөөд УИХ ирэх долоо хоногт хэлэлцэх болов уу.
  • Түүний араас УИХ-ын гишүүн Д.Дамба-Очир, Г.Солтан нар. Прокурорын газраас УИХ-ын гишүүн Д.Дамба-Очир, Г.Солтанд холбогдох эрх мэдэл, албан тушаалын байдлаа урвуулан, ЖДҮХС-аас хууль бусаар зээл олгож, бусдад болон өөртөө давуу байдал бий болгосон хэрэгт яллах дүгнэлт үйлдэж шүүхэд шилжүүлсэн. Тэдэнтэй хамт УИХ-ын гишүүн Б.Ундармаа, Л.Энхболд нарын хэрэг шалгагдаж байсан ч хуулийн байгууллага дээр “дараад” үлдсэн. ЖДҮХС-аас зэл авсан дээрх гишүүдийн бүрэн эрхийг түдгэлзүүлэх хүсэлтийг Ерөнхий прокурорын зүгээс УИХ-д тавьж байсан ч олонхоороо авч үлдсэн. Тиймээс яллах дүгнэлт үйлдэгдэж, хэрэг нь шүүх рүү шилжсэн УИХ-ын гишүүн Д.Дамба-Очир, Г.Солтан нарын бүрэн эрхийг түдгэлзүүлэх хүсэлтийг Улсын ерөнхий прокурорын газраас удахгүй оруулж ирэх болов уу. Эсвэл тэд өөрсдөө түдгэлзэх болов уу.
  • УИХ-ын гишүүн Ж.Эрдэнэбат 1462.82 га талбай бүхий ашигт малтмалын тусгай зөвшөөрлийг таван сая төгрөгөөр худалдан авч, улмаар “Алтай Констрашкн”-ы Х.Бат-Эрдэнэд зарсан гэх мэдээллийг иргэд АТГ-т өгсөн. Тусгай зөвшөөрлийг нь цуцалсан талбайнуудад гаргасан зардлыг бодитоор бус хэт доогуур үнэлсэн байж болзошгүй гэх үндэслэлээр хэрэг бүртгэлт нээн шалгаж байсан бөгөөд түүнийг яллагдагчаар тооцох тогтоол батлан, АТГ-ын мөрдөн шалгах хэлтэст шилжүүлэн шалгаж байгаа.
  • Улсын ерөнхий прокурорын газраас УИХ-ын гишүүн асан Н.Батбаяр, Б.Гарамгайбаатар нарын хэргийн хөөн хэлэлцэх хугацааг сэргээж, дахин шалгаж эхэлжээ. Н.Батбаяр, Б.Гарамгайбаатар нар УИХ-ын гишүүний эрх мэдлээ хэтрүүлэн, 2014 онд “Чингис”, “Самурай” бондын санхүүжилтээс мөнгө шамшигдуулсан хэрэгт холбогдсон билээ. Б.Гарамгайбаатар нь 2012-2014 онд УИХ-ын Эдийн засгийн байнгын хорооны дарга байхдаа Эдийн засгийн хөгжлийн сайд Н.Батбаярт нөлөөлж, Засгийн газраар өөрт ашигтай шийдвэр гаргуулан, төсөвт их хэмжээний хохирол учруулсан гэж хууль, хяналтынхан үздэг.
  • Барилга хот байгуулалтын сайд асан З.Баянсэлэнгэ. З.Баянсэлэнгэ нь Барилга, хот байгуулалтын сайдаар ажиллах хугацаандаа “Бэрэн” группийн барьсан "Хангай" хотхоны орон сууцнаас 123 айлын орон сууцыг тендер зарлалгүй, шууд худалдан авч, улсад 972.4 сая төгрөгийн хохирол учруулсан гэх хэрэгт холбогдсон билээ.   Харин шүүгдэгч М. Болортуяа нь Барилга хот байгуулалтын яамны Төрийн нарийн бичгийн даргын үүргийг түр орлон гүйцэтгэгчээр ажиллаж байсан бол, Хот байгуулалтын яамны газрын даргаар ажиллаж байсан Ж.Бурмааг “Түрээсийн орон сууц” хөтөлбөр хэрэгжүүлэх Засгийн газрын тогтоол гаргуулахаар бичиг баримтыг нь бэлдэж өгсөн хэмээн буруутгаж буй.
  • Нийслэлийн прокурорын газар УИХ-ын гишүүн асан, Кёкүшюүзан Д.Батбаяр болон түүний эхнэр, МУГЖ, дуучин Т.Баясгалан Т.Баясгалан нарт эрүүгийн хэрэг хянан шийдвэрлэх ажиллагаанд саад учруулахгүй байх зорилгоор хилийн хориг тогтоох арга хэмжээ авхуулахаар Хан-Уул дүүргийн анхан шатны шүүхэд ханджээ. Шүүхээс  таслан сэргийлэх арга хэмжээ авч, хэргийг шийдвэрлэж дуустал тэдний хилээр гарах эрхийг хязгаарлахаар болжээ. Тэднийг өөрсдийн болон хамаарал бүхий хүмүүсийнхээ нэр дээр байгуулсан хэд хэдэн компаниар дамжуулан, дархан цаазат Богд хан ууланд болон Яармагийн дэнжид их хэмжээний газар авч, зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй, хууль зөрчсөн гэх үндэслэлээр холбогдох хуулийн байгууллагууд шалгаж байв.

Ш.ЧИМЭГ

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Намчингууд 2020-04-10 202.21.108.28

"Нам бол чадваргүй хүмүүсийн тэжээврийн тогоо" Намгүйгээр сонирхолтой сайхан амьдрах арга зөндөө бий. Ийм хэл ам хэрүүл тэмцэлтэй бузар зүйлээр яадаг байнаа айн залуусаа? Бод бод сайн бод.
Хүний богинохон энэхэн амьдралд атаа жөтөө хэрүүл тэмцэлгүй амьдрах жаргал юм.

Avatar

Зочин 2020-04-10 64.119.24.27

M

Avatar

Зочин 2020-04-10 103.229.120.142

Ж.Эрдэнэбатыг муулах ажил өрнөөд удаж байна. Энэ нийтлэл түүнд чиглэжээ. БУСАД НЬ БОЛ ХЭНД Ч ХЭРЭГГГҮЙ ХУУЧИН МЭДЭЭ БАЙНА.Хөлсний цэрэг, хөлсний ажилчин, хөлсний бичээч, хөлсний хөлсний гэсэн тодотголтой зүйл их байна шүү. ХӨЛСНИЙ БОЛОН ЗАХИАЛГАТ ГЭСЭН ҮГНҮҮД ИЖИЛ УТГАТАЙ АЖЭЭ.

Avatar

Zochin 2020-04-10 202.55.188.89

Undarmaa l.Enkhbold 2iig hezee erhiig ni tudgelzuuleh geed bnaa.Khuerelsukhee.ene novshnuudiug ner devshuulvel esreg namd chini sanalaaug ugnu

Avatar

Зочин 2020-04-10 103.229.120.72

60 тэрбумын толгойлогч М ЭНКОЛД яах вэ ? түүнийг яаж ч чадахгүй юу ?

Avatar

ЗОЧИН 2020-04-10 192.82.64.190

ТЭР ЕРӨНХИЙЛӨГЧ,,,,ЕРӨНХИЙ САЙД НЬ 2018 ОНД МАНАН БУДАН ЯРЬСАН ХОЙНО МАХНЫ МАШИНАА АЖИЛЛУУЛХ БИЗ ,,,,,,ХАРАХ ҮЛДЭВ ,,,,,,

Avatar

ИРГЭН 2020-04-10 192.82.64.190

ОДООГООР СОНГУУЛИЙН ӨРСӨЛДӨӨНӨӨР МУЛТРАХ ""ГОРЬЛОГЧИД"" ГЭВЭЛ ГАНЦ МОНГОЛ УЛСЫН 3 ДАХЬ Ч ЕРӨНХИЙЛӨГЧ Н,ЭНХБАЯР Л БАЙХ ШИВ ДЭЭ ,,,БУСАД НЬ ШҮҮХЭЭС ЯЛ АВААГҮЙ БАЙХАД ЯАЖ ИНГЭЖ ДОРОМЖИЛЖ ЧАДНАА ,,,,ТӨР ЗАСАГ НЭГ ХҮНИЙГ СОНГУУЛИЙН ХУУЛИАР ДОРОМЖИЛНО ,,,,,,,НЭГ ХЭСЭГ СЭТГҮҮЛЧ ҮГ ҮСГИЙН АЛДААТАЙ ЗАХИАЛАГАТ НИЙТЛЭЛЭЭР БУСДЫГ ДОРОМЖИЛЖЛОХООР МОНГОЛ ЯЛЖ БАЙГАА НЬ ЭНЭ ДЭЭ ,,,,,,,,,,,,,

Avatar

Selenge nutag TBB-iin irged 2020-04-10 43.228.131.103

Selenge aimagaas songogdson UIH-iin gishuun J. Erdenebat alban tushaalaa ashiglaj iim baliar um hiisen umuu. Tegvel ch MAN arai gazar nutgaa zarsan huniig devshuulj neree baastai hutgahgui bailgui dee. Hurelsuh said medej bgaa bailgui dee gej naidayaa. Hervee dahiad devshih um bol Selengiin irged yostoi mai gej helne shuu.

Avatar

Зочин 2020-04-10 69.138.228.195

Odoo huLgaichidiig toirog ruugaa byy zyglyyl huuguud yvuulaarai !!! Odoo l songuuli duhuh yed Hulgaichidaasaa salahgyi bol ahij devshchvel buun LAInii yum bolood bnashYY !!!

Avatar

АЛДААТАЙ БАЙНА 2020-04-10 66.181.168.8

МУГЖ, дуучин Т.Баясгалан Т.Баясгалан нарт эрүүгийн , ЖДҮХС-аас зэл авсан дээрх ҮГ ҮСГИЙН АЛДААГАА ШАЛГАЖ СУРНА УУ

Avatar

м 2020-04-10 124.158.107.35

дээр нь ЖДҮд холбгдсон 40 гишүүн болон засгийн алба хашиж байсан албайн тушаалтнууд, их хуралд байгаа бизнесээ өргөжүүлэхээс өөр ажил хийдэггүй нөхдүүд ийг шууд хасах хэрэгтэй орсон ч санал өгөхгүй

NewsMN Гар утасны хувилбар Татах
NEWS.mn

Мэдээллийн эх сурвалж