ГХЯ: Монголчууд төрдөө итгэж, хүлээцтэй хандах нь чухал байна | News.MN

ГХЯ: Монголчууд төрдөө итгэж, хүлээцтэй хандах нь чухал байна

ГХЯ: Монголчууд төрдөө итгэж, хүлээцтэй хандах нь чухал байна

ГХЯ: Монголчууд төрдөө итгэж, хүлээцтэй хандах нь чухал байна

Гадаад харилцааны яамны Консулын газрын захирал Л.Мөнхтүшигтэй ярилцлаа.


-Коронавирусийн халдвар дэлхий дахинд цар тахлын хэмжээнд хүрсэн ч Монголын төр гадаад дахь монголчуудаа эх орондоо авчрах ажлыг зохион байгуулж байна. Одоогийн байдлаар газраар болон агаараар Монгол Улсын хэчнээн иргэн эх орондоо ирэв?

-Засгийн газрын 2020 оны нэгдүгээр сарын 26-ны өдрийн хуралдаанаар БНХАУ-ын Ухань хотоос 31 оюутнаа эх орондоо авчрах шийдвэрийг гаргаж, улмаар зохион байгуулах үүрэг, чиглэлийг Гадаад харилцааны яаманд өгсөн. Энэ дагуу төрийн холбогдох байгууллагууд болон үндэсний агаарын тээвэрлэгч МИАТ компанитай хамтарч хоёрдугаар сарын 1-ний өдөр Ухань хотоос оюутнуудаа авчирсныг та бүхэн мэдэж байгаа. Тухайн үед БНХАУ-д коронавирусийн халдвар эрчимтэй тархаж, хөл хорио тогтоосон амаргүй нөхцөл байдалтай байсан. Ухань хотоос чартер нислэгээр оюутнуудаа авчирснаас хойш өнөөдрийг хүртэлх хугацаанд агаараар болон автозам, төмөр замын боомтоор 6037 иргэнээ татаж аваад байна. Үүнээс нийтдээ найман удаагийн чартер нислэгээр 1802 иргэн ирсэн. Сүүлийнх нь өчигдөр орой БНСУ-аас 267 иргэнийг чартер нислэгээр авчирсан. Дээрх 6037 иргэдийн 3800 орчим иргэнийг БНХАУ-тай хиллэдэг боомтуудаар нэгдсэн зохион байгуулалтаар оруулж ирсэн. Мөн ОХУ хилээ хаахаас өмнө Эрхүү, Улаан-Үдээс иргэдээ Алтанбулагийн боомтоор авсан. Одоо ч тус боомтоор ОХУ-д байгаа нутаг буцах хүсэлтэй оюутнуудыг татан авах ажлыг зохион байгуулахаар ажиллаж байна.

Гадаадад амьдарч буй монголчуудаас хэр олон хүн эх орондоо буцах хүсэлтээ Элчин сайдын яаманд тавьсан байна вэ. Монголд ирэх хүсэлтэй иргэдийн тоо улам л өсч байгаа харагдсан?

-Өнөөдрийн байдлаар дэлхийн 35 улс, бүс нутгаас 6651 гаруй иргэн эх орондоо ирэх хүсэлтээ гаргасан. Гадаад харилцааны яам аль, аль улсаас хэчнээн иргэн нутаг буцах хүсэлт гаргаж байгааг Улсын онцгой комисст танилцуулж байгаа. Ирэх хүсэлтээ тавьсан 6651 иргэний дотор 830 нь бага насны хүүхэд, эрүүл мэндийн шалтгаантай 85, ахмад настан 278, жирэмсэн 32, визний хугацаа нь дууссан 250, орон байрны асуудалтай буюу байрны төлбөрөө төлөх боломжгүй болсон 409 иргэн, санхүүгийн боломжгүй 100 гаруй иргэн, мөн 900 гаруй оюутан байна. Дээрхийн адил хүндэтгэн үзэх тодорхой шалтгаангүй ч эх орондоо ирэх хүсэлтэй 3800 гаруй иргэн бий.

2019 оны эцэст хилийн чанадад Монгол Улсын 190 мянга гаруй иргэн амьдардаг статистик тоо бий. Нэгдүгээр сарын сүүлээс хойш өнөөдрийг хүртэлх хугацаанд хилээр орсон, гарсан монгол иргэдийнхээ тоог харьцуулж үзэхэд 20 мянга орчим иргэн эх орондоо ирсэн гэсэн судалгааг Хил хамгаалах ерөнхий газрын гаргасан. Үүнээс харвал хилийн чанадад манай улсын 170 орчим иргэн байгаа гэсэн албан бус тооцоо байна. Үндсэндээ манай улсын нэг сая орчим иргэний хамаатан садан, ах, дүү, найз нөхөд нь гадаадад амьдарч байна гэсэн үг. Эх орондоо ирэх хүсэлтээ иргэдээ ГХЯ маш сайн ойлгож байгаа. Бид хуулиараа хилийн чанад дахь Монгол иргэдийнхээ эрх ашгийг хангах үүрэгтэй. Энэ үүргийнхээ хүрээнд нутаг буцах хүсэлтэй иргэдээ татан авчрах саналаа Улсын онцгой комисст тухай бүр танилцуулж байна.

-Гадаадад дахь монголчуудын нөхцөл байдал ямар байна вэ?

-Хүсэлт гаргасан 6651 иргэний нөхцөл байдал хүндэрч байгаа учраас тэд хүсэлтээ ирүүлсэн байх. Мөн нөгөө талдаа улс орныхоо нөхцөл байдлыг ойлгож тухайн улсдаа хувийн аюулгүй байдлаа хангаад байя гэсэн хүмүүс ч бий. Зарим улс гадаад оюутнуудыг дотуур байрнаас гаргах шаардлагыг ч тавьж байна. Энэ мэтчилэн гадаадад байгаа иргэдийн тухай мэдээлэл бүрийг Элчин сайдын яамдаас ирүүлж байгаа. Нөхцөл байдал амаргүй энэ үед улсынхаа нөөц боломж, олон улсын хамтын ажиллагааны хүрээнд ямар туслалцаа дэмжлэг байж болох уу тэр бүхнийг судалж, шийдэл эрэлхийлж байна.

-Магадгүй гадаад дахь иргэдээ орон байраар хангах уу?

-Нөхцөл байдал маш хурдацтай өөрчлөгдөж байна. Цаашид халдварын тархалт хэр удаан үргэлжлэх нь тодорхой бус. Энэ хэрээр гадаад дахь иргэдийн маань нөхцөл хүндэрнэ гэж хамгийн муугаар тооцож, бид цаашдын төлөвлөгөөгөө гарган ажиллаж байна. Тэгэхээр хариу арга хэмжээний төлөвлөгөө бий гэж ойлгож болно.

-Ихэнх орон хилээ хаасан ийм үед чартер нислэг явуулахад мэдээж амаргүй. Манайхан тусгай нислэгийг Завхан руу нисгэхтэй адил амархан мэт ойлгоод байх шиг?

-Тийм ээ. Чартер нислэг үйлдэхийн тулд нислэгийн зөвшөөрөл авах, МИАТ компани нислэгийн багаа бүрдүүлэх, тухайн улсад коронавирусийн халдварын тархалтын эрсдэл хэр өндөр байгаа зэрэг мөн иргэдээ авчраад тусгаарлах байрыг урьдчилан бэлтгэх гэх мэт олон үйл ажиллагаа наана нь явагддаг. Энэ бүхний дараа УОК аль чиглэлд тэргүүн ээлжид чартер явуулах уу гэдгээ шийдэж байна. Дөрөвдүгээр сарын 30-ныг хүртэл хилийн зорчих хөдөлгөөнийг хязгаарласантай холбоотойгоор нислэг нь цуцлагдсан маш олон иргэн бий. Нэг удаагийн чартерт 250 хүн суух боломжтой. Зөвхөн БНСУ-д гэхэд манай улсын 48 мянга 100 орчим иргэн байна. Нислэг нь цуцлагдсан хүмүүсээс гадна эх орон руугаа буцахаар БНСУ-д гуравдагч орнуудаас дамжиж ирсэн иргэдээ яаж авчрах уу гээд хүндрэлтэй олон асуудал бий.

Эхний ээлжид УОК-ийн өгсөн чиглэлийн дагуу өндөр настай, эмнэлгийн хяналтад байсан, бага насны хүүхэдтэй, хөгжлийн бэрхшээлтэй, жирэмсэн гэсэн таван шаардлагыг үндэслэн Элчин сайдын яамд бүртгэлийг хийж байгаа.

-Сүүлд иргэдийн дунд бүртгэлтэй холбоотой янз бүрийн мэдээлэл гарсан. Сөүл дэх Элчин сайдын яамны гадна замбараагүй байдал үүссэн шүү дээ?

-Тиймээ. Олон нийтийн хардлага байгаа. Гадаадаас иргэдээ татан авч байгаа үйл ажиллагааг улстөржүүлэх, мушгин гуйвуулж байгаа явдал ч байна. Чартер нислэгт суух иргэдийн бүртгэл дээр тайлбар хэлье. Иргэдийг нэг дор олноор цуглуулахгүй байх, иргэдийг халдвар авах эрсдэлд оруулахгүй байх үүднээс УОК Элчин сайдын яамдыг үйлчилгээгээ цахимаар үзүүлэх, нутаг буцах иргэдийн бүртгэлийг цахимаар хийх чиглэлийг өгсөн. Энэхүү шийдвэр гарахаас өмнө Сөүл дэх Элчин сайдын яам дээрх таван шаардлагын дагуу 500 гаруй иргэнийг дарааллаар нь бүртгэчихсэн байсан. Сөүл рүү хийгдсэн хоёр дахь удаагийн буюу дөрөвдүгээр сарын 2-ны өдрийн чартер нислэгээр дээрх бүртгүүлчихсэн байсан иргэдийг авчирсан гэж ойлгох хэрэгтэй. Дөрөвдүгээр сарын 8-ны өдрийн Сөүл-Улаанбаатар чиглэлийн нислэгийн тухайд МИАТ компанийн Төлөөлөгчийн газар, Сөүл дэх Элчин сайдын яам хамтран бүртгэл хийж, таван шаардлага тус бүрээр таван утсан дээр таван хүн ажиллуулж, бүртгэсэн. Өдөр 14.00 цагт 260 хүн хүрсэн тул бусад хүмүүст хоосон хүлээлт үүсгэхгүйн тулд бүртгэлээ зогсоосон. Гэвч бүртгэлд орж чадаагүй олон иргэн сэтгэл дундуур үлдсэн.

1. БНСУ-аас 2 удаагийн нислэгээр 505 монгол иргэнийг татан авав

Бас нэг зүйлийг тодотгоод хэлэхэд, Сөүлээс ирэх нислэгийн бүртгэл Токио, Москва, Истанбул чиглэлээс хийгдсэн нислэгээс бага зэрэг ялгаатай байсан. Учир нь, БНСУ-д манай улсын 48 мянга гаруй иргэд оршин суудаг. Олон иргэн тус улсад эмчлүүлэхээр явдаг. Үүнийг дагаад өндөр настан, эмнэлгийн хяналтанд байдаг, жирэмсэн иргэд их байдаг. Тийм учраас Сөүл дэх ЭСЯ-нд хийгдсэн бүртгэл дээр УОК-оос өгсөн шаардлагыг хатуу тавьж байгаа юм.

Москва, Берлиний чиглэлийн нислэгт дээрх шалгуурыг тавиад ЭСЯ-нд бүртгэсэн хэдий ч онгоц дүүрэх хэмжээний иргэд тухайн үед бүртгүүлээгүй тул МИАТ компани үлдсэн билетээ энгийн журмаар олон нийтэд чөлөөтэй борлуулсан. Энэ журмаар олон иргэд билетээ цахимаар худалдан авч, Европын бусад улс орноос транзитаар ирсэн.

Хэрэв та анзаарсан бол Берлин, Москва чиглэлийн нислэг дүүрэн зорчигчтой ирээгүй. Токиогоос хоёр удаагийн нислэг хийхэд эхний нислэг дээр УОК-оос өгсөн шаардлагыг хатуу тавьсан бол хоёр дахь нислэгт тийм шаардлага үүсээгүй. Учир нь, Япон улсад оршин суудаг иргэд харьцангуй цөөн, дээрх шаардлагад нийцэх хүн ч бага байсан тул ЭСЯ-нд хандсан иргэдийг дарааллынх нь дагуу бүртгэсэн.

Транзит нислэгээр ч цөөнгүй оюутан залуучууд ирсэн. Ийм учраас би чартер нислэгүүдээр ирсэн иргэдтэй холбоотой мэдээллийг санаатайгаар мушгин гуйвуулаад байна гэж хэлж байгаа юм. БНСУ-д байгаа олон мянган иргэн эх орондоо ирэх хүсэлтэй байгаа. Үүнээс хэнийг нь эхний ээлжид авчрах уу гэдэг асуудал маш хүнд. УОК-ийн гаргасан таван шаардлагын дагуу иргэдээ бүртгэхэд залуучуудын зүгээс гомдол гаргаж байна. Эх орон руугаа буцах хүсэлтэй залуучууддаа яагаад боломж олгохгүй байна вэ гэсэн гомдол ирж байгаа. Тэдгээрийн төлөөлөлтэй ч уулзсан. Бид өргөдөл, гомдол бүрийг хүлээн авч, УОК-д саналаа танилцуулсан.

-Чартер нислэгээр ирсэн иргэдийн нэрсийг зарлахгүй байгаа нь нийгэмд хардлагыг улам дагуулж байна. Үнэхээр л УОК-ын таван шаардлагыг хангасан хүмүүс ирсэн юм бол нэрсийг нуух шаардлага байхгүй биш үү?

-Нуусан зүйл байхгүйг ойлгох хэрэгтэй. Хувь хүний нууцтай холбоотой олон улсын болон дотоодын хууль тогтоомжуудын дагуу зорчигчдын нэрсийг зарлах боломжгүйг МИАТ компани болон холбогдох мэргэжлийн байгууллагаас анхааруулсан. Монгол Улс Олон улсын иргэний нисэхийн тухай Чикагогийн конвенцийн гишүүн улс. Ингэснээр олон улсад нислэг үйлдэх эрх нь зохицуулагддаг гэсэн үг.

Чикагогийн конвенцид “Зорчигчийн нэрсийн жагсаалтын нууцлалыг хадгална” гэсэн маш тодорхой зохицуулалт байдаг. Энэ мэдээллийг бид МИАТ компаниас авсан. Зорчигчийн нэрсийн жагсаалтыг зөвхөн тухайн нислэг үйлдэж байгаа болон хүлээн авч байгаа хоёр улсын Хилийн шалган нэвтрүүлэх эрх бүхий байгууллага хоорондоо солилцох эрхтэй байдаг.

Хоёрдугаарт, эрүүл мэндийн нууц нь хувь хүний нууцад хамаардаг. Ийм хоёр шалтгаанаар иргэдийн нэрсийг зарлахгүй байгаа юм. Сөүл рүү нисэхэд БНСУ-аас гадна Хятад улсын агаарын орон зайгаар дамждаг учраас Хятадын талаас мөн нислэгийн зөвшөөрөл авдаг. Олон улсад нислэг үйлдэх зөвшөөрлийг олон улсын гэрээ, конвенцийн дагуу авдаг. Хэрэв зөрчвөл үүсэх үр дагавар олон.

-Коронавирусийн халдвар манайд дотроос гараагүй, бүх батлагдсан тохиолдлууд гадаадаас зөөвөрлөгдөж орж ирж байгаад иргэд дургүйцэж байна. Гэтэл нөгөө талд гадаадад байгаа иргэд эх орондоо ирэх хүсэлтээ тавьсаар байгаа?

-Хилийн чанадад байгаа монгол иргэдийн эрх ашгийг хамгаалах нь ГХЯ болон түүний системийн байгууллагууд болох Элчин сайдын яамдын үүрэг. Мөн гадаадын 80 гаруй улсад ажиллаж, амьдарч буй 190 мянган монгол иргэнд төрийн үйлчилгээг хаана байгаагаас үл хамаарч адил, тэгш хүртээх нь Үндсэн хуулиар олгогдсон эрх. Хэдийгээр халдвар зөөвөрлөгдөж орж ирэх эрсдэлтэй ч гэлээ өнгөрсөн найман удаагийн чартер нислэгээр бүх зорчигчийг маш өндөр хяналт дор авчирч, тусгаарласан. Эрсдэлийг байж болох бүх талаас нь сайтар тооцоолж, холбогдох зохих арга хэмжээнүүдийг авч ажиллаж байгааг хаана, хаанаа л ойлгоосой гэж хүсч байна.

-Монголын Засгийн газар гадаадын 40 улстай Агаарын харилцааны тухай хэлэлцээр байгуулсан. Коронавирусийн халдвар дэлхийн 200 гаруй улсад тархчихлаа. Агаарын хэлэлцээргүй бол чартер нислэг үйлдэх боломж, бололцоо бий юу?

-Хэрэв агаарын харилцааны хэлэлцээргүй орнууд руу нислэг үйлдэхээр болвол дипломат шугамаар тухайн улсад хандах шаардлага гарна. Нөгөөтэйгүүр, манай улсын гэлтгүй дэлхийн улс орон иргэний нисэхийн салбар нь хүндэрч эхэлсэн. МИАТ компани маш их алдагдалтай, хүнд байгаа ч гэсэн монгол иргэдээ авчрах үйлсэд төр засагтаа дэмжлэг туслалцаа үзүүлж байна. Иргэдийнхээ төлөө тангараг өргөсөн төрийн тусгай албан хаагчид бид хүнд цаг үед чадах бүхнээ хийнэ.

-Та бүгдээс шалтгаалахгүй бусад саад бэрхшээл юу байна вэ?

-Зөвхөн Монгол Улс бус дэлхий нийтээрээ хүнд цаг үеийн өмнө ирээд байна. Бид аль болох нөөц, боломжоороо иргэдээ авчирна. Энэ ажлаа үе шаттайгаар хийгээд ч явж байгаа. Гагцхүү иргэдийн зүгээс төр засгийнхаа хэрэгжүүлж буй арга хэмжээнд итгэж, ойлгож, хүлээцтэй хандаж, хамтдаа нэг цул болж ажиллах нь чухал байна. Асуудлыг шүүмжилснээр шийдэхгүй, ойлголцоод, гарц шийдлийг хамтдаа эрэлхийлэх нь энэ цаг үед маш чухал гэдгийг дахин дахин хэлмээр байна даа.

-Одоогоор хилээ хаасан хэчнээн улс байна вэ?

-Онц байдал зарласан 56 улс, хөл хорио тогтоосон 70, хилээ хаасан 80 орчим улс  байна. Манай улсын хувьд халдвараас урьдчилан сэргийлэх арга хэмжээг маш эрт авсан нь үр дүнтэй байгааг гадаад орнууд үнэлж байгаа.

-Итали, АНУ, Испанид халдварын тархалт өндөр байгаа. Тэндээс иргэдээ татах боломж бий юу?

-Өнөөдрийн байдлаар АНУ-аас 1100, Италиас 38 иргэн эх орондоо ирэх хүсэлтээ ирүүлсэн. Тухайн бүс нутгуудаас ийм тооны иргэд ирэх хүсэлтээ байгааг шалтгаан бүрээр нь ангилж бид УОК-т танилцуулсан. Чартер нислэг хийхэд онгоцны суудлын тоо хязгаартайгаас гадна нислэгийн багийнхан ирээд 21 хоногийн тусгаарлалтад орно. Мөн нэг хүн-нэг өрөө гэсэн шаардлагыг Эрүүл мэндийн яам тавьж байгаа. Энэ бүх хүчин зүйлээс чартер нислэгийн давтамж хамаарна. Одоогоор аль улс руу чартер явуулах нь эцэслэн шийдэгдээгүй, саналын түвшинд байгаа учир тодорхой улсын нэрийг хэлэх боломжгүй.

Бид гадаадын бүх бүс нутагт байгаа монгол иргэдийнхээ нөхцөл байдлыг танилцуулж, УОК-оос дотоодынхоо нөөц, тусгаарлах байр, нисэх багийн хүчин чадалд тулгуурлаж холбогдох шийдвэрийг гаргуулахаар ажиллана.  Монголын иргэд хамгийн олон байгаа улс орнуудыг тэргүүн ээлжинд авч үзнэ. Мөн тухайн улсын халдварын тархалтыг тооцож, бүхний тооцож чартер явуулах эсэхийг шийддэг гэдгийг иргэд ойлгох хэрэгтэй.

-УОК-оос гадаад улсын иргэдийг Монголын хилээр нэвтрүүлэхгүй гэж мэдэгдсэн. Гэтэл сүүлд Туркийн иргэнээс халдвар зөөвөрлөгдөж орж ирсэн нь олон нийтийн шүүмжлэлийг дагуулаад байна?

-Монгол Улсад дахь гадаад улсын дипломат, консулын төлөөлөгчийн газрын ажилтнууд болон тэдний гэр бүлийн гишүүд Монгол Улсын хилээр орж ирнэ, гэхдээ монгол иргэдийн нэг адил тусгаарлах шийдвэрийг УОК-оос гаргасан. Хоёрдугаарт, Монгол Улсын иргэнтэй албан ёсоор гэр бүл болсон, Монгол Улсад байнгын оршин суудаг иргэнийг оруулахыг мөн зөвшөөрсөн. Энэ нь олон улсын жишиг практик. Аль ч улс хилээрээ гадаад улсын дипломат, консулын төлөөлөгчийн газрын ажилтнууд болон тэдний гэр бүлийн гишүүдийг нэвтрүүлж байгаа. Түүнчлэн монгол эцэг, эхтэй гадаадын иргэншилтэй бага насны хүүхдийг нь бид нэвтрүүлэхгүй байж болохгүй.

-Франц иргэний биеийн байдал ямар байгаа вэ?

-ХӨСҮТ-өөс асуусан нь зөв байх. ГХЯ-ны хувьд ХӨСҮТ-өөс авсан мэдээллийг тус улсын Элчин сайдын яамд цаг бүрт өгч байгаа.

-“Авиган” эмийг авчрахад ГХЯ-ны хүчин зүтгэл өндөр байсан гэж сонссон. Уг эмийг авах асуудлаар Японы талтай холбогдсон уу?

-“Авиган” гэх эм нь коронавирусийг дарангуйлж, хүчийг нь сулруулдаг болохыг эрдэмтэд баталсан тухай мэдээлэл олон улсад гарсны даруйд манай яамнаас тус эмний талаарх мэдээллийг ЭМЯ-ндаа танилцуулсан. Уг эмийг Монголдоо авчруулахад Гадаад харилцааны сайд болон Токио дахь манай Элчин сайдын яамны уйгагүй хүчин зүтгэлийн үр дүн гарсанд бид ч баяртай байна. Энэ эмийг Японы тал хүссэн, хандсан улс бүрт өгөхгүй байгаа гэдгийг хэлэх нь зүйтэй.

-Өчигдөр орой Сөүл-Улаанбаатар чиглэлийн онгоцоор ирсэн зорчигчдын дунд хүндэтгэх шалтгаангүй залуучууд олноор ирсэн гэсэн шүүмжлэл байна?

-БНСУ-д хууль бусаар оршин суусан хэргээр хоёр хүртэл сараар саатуулах байранд саатуулагдсан манай улсын 55 иргэнийг буцаах шаардлагыг тус улсын Хууль зүйн яамнаас тавьсан юм. Энэ шаардлагын дагуу тэднийг авчрахаас аргагүйд хүрсэн.

Ярилцсанд баярлалаа.

Энэ мэдээнд өгөх таны сэтгэгдэл?
16
ЗөвЗөв
10
БурууБуруу
8
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

65 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-09 66.181.161.109

Гадаадаас иргэдээ оруулж ирж ажиллаж байгаа хүмүүст жрүүлэнхийг х

Avatar

Зочин 2020-04-09 66.181.161.109

Галаалаасв

Avatar

Бямба 2020-04-09 103.26.193.54

М.Ү хуулинд 16р зүйлд заасны дагуу дотроо байгаа иргэд бид эрхээ эдэлж чадахгүй байгаа өвчин болоход ойрхон байна бид хөөж явуулаагүй та тэ нар ТЭНГЭРЭЭС БУУЖ ГАЗАРТ амьдрах хэрэгтэй

Avatar

МОНГОЛ ХҮН 2020-04-09 202.9.46.51

ТӨРИЙН АЛБАНЫ ЭНЭ ХЭД БА ЭМЧ СУВИЛАГЧ НАРТАА ЗӨВХӨН УЛАМ ХАЙРЛАЖ АЖИЛД НЬ АМЖИЛТ ХҮСЧ ЯЛАНГУЯА ГАДААДАД БАЙГАА ЭЛДЭВ ЗАН ГАРГАЖ БАЙГАА , ТАНХАЙРЧ ХЭЛ АМААР ДОРОМЖИЛЖ БАЙГАА БОЛ МӨН ХУДАЛ ЦУУРХАЛ ТАРААГЧИДТАЙ МОНГОЛЫН АРД ТҮМНИЙ НЭРИЙН ӨМНӨӨС ХАТУУ АРГА ХЭМЖЭЭ АВАХ ЁСТОЙ.
МОНГОЛЧУУД БИД COVID19 ЯЛЖ ӨВЧТӨН БҮР ХУРДАН ЭДГЭРЭХИЙГ ХҮСЭН ЕРӨӨЁ

Avatar

Зочин 2020-04-09 203.220.42.226

Ийм хүнд үед бие биенээ хайрлацгаая хүмүүсээ. ГЯЯ харин ч маш их ажил амжуулж байна. Мөнхтүшиг болон ГЯЯ ны бүх ажилтнуудад амжил хүсье! Бас маш их баярлалаа

Avatar

Зочин 2020-04-09 202.9.46.201

Энгийн иргэд чинэ уух усгүй хоол ундгүй байрлах байргүй хүмүүсд ад болоод хэцүү л байгаа шдээ ..амжиргааны мөнгө улсаас өгүүлмээр бна

Avatar

Зочин 2020-04-09 192.82.69.54

Hilee hynalttaigaar neechiee olon tumen chin uursdiiguu avaad irne. Ta nar ajillaj zovoh herggui. Hynaltaa l sain tavihad bolno. MONGOLCHUUDAA DEGEEDEJ UNAGAAD B.GAA BISHUU.

Avatar

Зочин 2020-04-09 202.9.46.83

Мөнхтүшэгээ чи наад консулын хэлтэсийн дарга гэдэг албан тушаалаа сайн дураараа өгөөд зайлах хэрэгтэй ! Чиний мэдлэг чадвар,удирдан зохион байгуулах арга барил чинь дутагдаад байнаа ! Ингэхэд Мөнхтүшэгээ чи ямар албан тушаалын шат дамжлагаар явж, ямар шалгуураар консулын хэлтэсийн дарга болсон чинь сонирхол татаж байнаа !!!

Avatar

Зочин 2020-04-09 66.181.187.188

харин хийгээд байгаа юм биш үү Муучлах гэж ядах юм

Avatar

zochin 2020-04-09 64.119.27.73

iim ued tur tumor nuuree xaruulax eostoi shu end yamar negen arii xaalga tanil tal avliga darga said avarga xamaagui shuu xerev supre xaldaag ch garch irvel avarga said darga nar ch baisan xamaagui **** shuu

Avatar

Зочин 2020-04-09 103.229.123.17

uzele unatarachih teghuu medrel bolson hardal obchin bolson nobshoo

Avatar

Энэтхэг рүү онгоц нисгэ! 2020-04-09 139.5.219.221

Энэтхэгээс иргэдээ татаач ээ!

Avatar

zochin 2020-04-09 64.119.27.73

ta nariin xen baigaa yum virus tarxchixaad baixad yavchixaad bitgii dongos

Avatar

иргзн 2020-04-09 202.179.27.16

Арын хаалганы болон Гадны цар тахалтай Иргэдийг нууж оруулж ирж дуусах болоогүй юу Их Аварга Давгадорж УОК ГХЯ-ынханы Булхайтай Үйл ажиллагаа Иргэд дээ Худлаа мэдээлэл өгдөг өвчтөй Гадны иргэдийг оруулж ирсэн талаар Арын хаалганыхан Тусгай Хар машинтай Улс ирж Тусгаарлалтанд оруулалгүй авч явсан талаар Олон нийтэд Мэдэгдсэн шүү дээ

Avatar

zochin 2020-04-09 64.119.27.73

naad b***a chin uuruu shuud ger luugee yavna gej dongosson yum bishuu tegeed yavuulaxgui boloxoor nim tiim xor nairuulj baigaa yu bishuu uej dald orooroi avarga gene shii tu ,rui ,rui,

Avatar

Зочин 2020-04-09 103.111.68.3

Монгол руу гаа явмаар байна.Наад өвчтөй, зовлонтой гээд бүртгүүлээд байгаа хүмүүс чинь яасан дуусдаггүй юм бэ.Залуучууд бид хүн биш үү.Энд ажил байхгүй, очих газар байхгүй биднийг та нар яа гээд байгаа хүмүүс вэ.Элчин сайдын яамтай холбоо барьж ерөөсөө болохгүй.Дандаа ар тал, мөнгөтөй хүмүүсийг авч явахаа болиоч.Ард иргэдээ гэсэн сэтгэл муусайн хулгайчууд

Avatar

Зочин 2020-04-09 64.119.20.113

Чи Монголд л байж байна шүү дээ. Ха ха ха ха ха

Avatar

aagii 2020-04-09 139.5.218.60

kONBENTSI GEED L BAIH UM, HUMUUST MASN OILGOMJTOI SNUDARGA BAILGAH HEREGTEI SNUU DEE, NERSIIN JAGSAALTAAR BOLDOGGUI UM BOL HUN BURIIG BURTGEHDEE TUSGAI KOD OGOOD TUUNIIG NI IL BAILGAJ BOLNO SNUU DEE, HIIE GESEN HUN ARGIIG OLNO SNUU DEE, ELDEB SNALTAG TOOCNOOD BAIJ BOLOHGUI SNUU DEE

Avatar

Л Нарантуяа 2020-04-09 49.230.9.189

Одоо бүр байр хоолны мөнгөгүй эдийн засагын хүнд байдалд орж байна Тайландад байгаа элчингээр 3 удаа хүсэлт бичсэн боловч тодорхой хариу ирэхгүй байна гэсэн Ямар нэг хариу өгөх арга алга уу

Avatar

Зочин 2020-04-09 112.151.247.251

Энгийн иргэдээ татах болоогүй юу томчуудын хүүхдүүд дуусдаггүй

Avatar

Зочин 2020-04-09 202.9.40.149

тамын тогооны байдлаас чинь болоод дараа дараагийн нислэг хийхгүй болчихвол яах уу, хүлээцтэй тэвчээртэй байгаач дээ, манайхаас том орнууд хүмүүсээ авахгүй гээд байхад, ер нь монголд өвчин гарсан бол та нар ирэх үү гээд асууя хариулаарай

Avatar

Зочин 2020-04-09 64.119.20.113

Баячууд түрүүлж нисч ирээд борчууд нь үлдэх болж байна уу, чинийхээр бол?

Avatar

zochin 2020-04-09 192.82.73.12

hyarad ruu agaariin hilee neesen ni deer baih aa, zuvhun mongol irgedee huleej avahad l bolno. 7 honog bur togtmol nisleg hiivel deerhi humuus bugdeeree l orood irne shd, ireheer ni tusgaarlah heregtei

Avatar

123456 2020-04-09 103.26.195.192

Ali 1 sariin suuleer ehleh baisiin.Odiid jigderchihsen suujaahgyi yu

Avatar

Зочин 2020-04-09 64.119.18.31

"эрүүл мэндийн нууц нь хувь хүний нууцад хамаардаг. Ийм хоёр шалтгаанаар иргэдийн нэрсийг зарлахгүй байгаа юм"- bidend surah yul i bna. эерэг гарсан иргэдийг арай л амьдаар нь оршуулаагүй байх шүү. хэзээ ч өөрт ирэхгүй аятай
ер нь хүний мөн чанарыг бодитоор харах боломж олгосон олон ч үйл явдал сүүлийн үед боллоо.
дотор руугаа нэг өнгийж, өөрсдийгөө нэг сайн шинжье

Avatar

Irgen 2020-04-09 202.55.188.36

Hudlaa sh de japanii nislegt oroh gej zondoo orgodol ogson transit avahgui geed yoroosoo halfaagaagui sh de ajil amidraliim asuudaltai geed canadaas japan ochih ticket taaruulaad zahialysan ene charter nislegt oruulj ogooch geed elchin saidiin yamand zondoo handsan canadad suugaa elchin saidiin yam n bid nar taniig oruulj chadahguin ee ta ooroo tanil talaaraa hootsold gej ulaim tsaim helsen sh

Avatar

Zoghin 2020-04-09 59.8.171.51

Өмнөх 3 нислэгээр дээр байгаа луйварчид улс төрчидын ах дүү хамаатан садан тив алгасан зугаалж явсан нууц амрагууд ихэнх нь солонгос японор дамжин ирсэн .Жинхэнэ аргаа барсан өндөр настай нялх хүүхэдтэй өвчтэй зовлонтой нь ард нь үлдэж бга шүү Аргаа бараад 82 настай хөдөлмөрийн баатар өвгөн инчоны нисэх буудал дээр тэргэнцэртэй ирэж лайв хийж бна.Тэд нарын оронд онгоцонд залуу сайхан хүргэн бэрүүд нууц амрагууд гүйгээд орчихож бна.Одоо болиоч та нар өвчин зовлонд ядаж шудрага хандаач

Avatar

Монгол хүн 2020-04-09 202.21.118.178

Ажлаа хийж байгаа хүнийг тайван орхи доо, бүгд л Монгол улсын иргэд, эсвэл үгүй юм уу?

Avatar

Зочин 2020-04-09 64.119.20.113

Вирусний сургаар л Монголоос дүрвэн гарсан дарга, баячуудын хамаарал бүхий этгээдүүд дайрч орж ирээд байна аа. Энэ залуу тжд нарт л үйлчлэх ажлаа хийж байна.

Avatar

Монгол хүн 2020-04-09 202.21.118.178

ажлаа хийж байгаа хүнийг тайван орхи доо.

Avatar

Зочин 2020-04-09 64.119.20.113

Бүр анхны өдрөөс л энэ залуу эсрэг ажилласан. Бас ЗТХЯ мөн адил.

Avatar

Зочин 2020-04-09 202.126.89.64

em oruulj irehed tokio esyamaraa ajillaj bhad tuvd ni said ni ajillasan gejee. Yadaj GHY, ESY gej yarihgui de. tsogtbatar uuriiguu duviilguj jinhene covid-or ulstur hiij bn daa. amisga

Avatar

зочин 2020-04-09 122.201.26.172

шүүмжилж сэтгэгдэл бичиж бахаа хангадаг улс байх юмаа. энэ залуу зүгээр л ажлаа хийж байгаа хүн шүү дээ. хийх хийхдээ гайгүй сайн хийж байгаа залуу

Avatar

Вирус импортлогч КГ 2020-04-09 64.119.20.113

Тийм байна аа. Дарга баячуудын ар гэрийнхний чемодан зөөх ажлаа сайн хийж байна.

Avatar

Яаралтай буцах хүн 2020-04-09 211.36.135.131

Нэгийг ярьж нөгөөг хийдэг эргүү мал. 48000 хүн бүгд буцна гээгүй ихдээ л 1000 хүн яаралтай буцах хүсэлтэй бусад нь хорионд 21хоносноос эндээ ажил хийж хүлээе гэсэн хүмүүс бна. Шинжилгээгүй арын хаалганы хүн зөөж эрсдэл үүсгэж бна. Бид шинжилгээгээ өгөөд очъё гэж байгаа. Зөв шударга бай ирээдүйд чинь хэрэгтэй

Avatar

Зочин 2020-04-09 122.201.24.78

Та нарчинь танил тал ах дүү авгай хүүхдээ авчирж дуусав уу? Эгэл борчуудыгаа хэзээ авах вэ?

Avatar

Зочин 2020-04-09 122.201.24.78

Яахаараа тэр хөдөлмөрийн баатар, тал цус харвачихсан хөгшин багтахгүй байтал мөнгөтэй, танилтайчууд нь багтаад байдгыг тайлбарла даа, өдөр хоног өнгөрөх тусам халдвар авах эрсдэл нэмэгдэнэ ш дээ, харахад ихэнх нь залуучууд харагдаж байхымаа

Avatar

Зочин 2020-04-09 64.119.20.113

Пастор илжигдорж ирчихсэн л байна билээ.

Avatar

Зочин 2020-04-09 202.70.34.70

eeriigee magtsan sonin zaluu. zusarch byalduuch shinjtei

Avatar

Зочин 2020-04-09 150.129.140.90

uzele unataraa taghuu

Avatar

Зочин 2020-04-09 125.63.30.158

Америк Австрали-с иргэдээ авч чадах юм болов уу?

Avatar

Зочин 2020-04-09 172.58.143.8

Chadku

Avatar

иргзн 2020-04-09 202.179.27.16

ГХЯ УОК Гадаад улсын цар Тахал тээж орж ирсэн Иргэдийг зөөвөрлөж мөн Ар өврийн хаалганыхаа иргэд авчирчихаад Ард иргэдээсээ нууж дандаа Худлаа Мэдээлэл өгдөгийг Асса аварга олон түмэнд ил болгосон шүү дээ Та нар Гадны Улсын Тахалтай иргэд Зөөвөрлөж оруулж ирдэг Тэнэг сэтгэхүйгээсээ хэзээ салах вэ аан

Avatar

zochin 2020-04-09 202.9.46.12

энэ гадаадаас вирүс зөөж авчирч байгаа тэнэглэлээ зогсоогоочээ. Хяналтаас алдагдвал бүгдээрээ үхэх байж энэ солиорлоо даруй зогсоохыг шаардаж байна. Монголчуудаа сэрэгтүн.

Avatar

зорчигч 2020-04-09 139.5.219.16

Сөүл МИАТ Элчин – хоёр биенрүүгээ асуудлыг шидэж буй мэт дүр үзүүлж танил талаа чихсэн. Мөрөөрөө ном журмыг ёсоор нь дагаж яваа нутагруугаа яарсан жирийн иргэдэд үнэхээр эртхэн харих боломж алга Энд та нар яриад байгаа ажил чинь газар дээрээ тал тохой танил ар өврийн хаалга авилга гээд үнэхээр хүндрэлтэй байна шүү

Avatar

иргэн 2020-04-09 59.153.112.253

Төрд итгэх итгэл алдраад удаж байна. Төр гэж хэн юм бэ. Хулгайч луыварчин улсуудын нэгдэл үү

Avatar

Зочин 2020-04-09 49.195.109.85

ke ke. 16 дах нь 20 настай Оросоос ирсэн оюутан ч гэж байх шиг. Наад хүний эрхийн, нийгмийн зан суртахууны өчүүхэн ч ойлголтгүй эмч нэртэй дээд боловсролтой иргэддээ юуг яаж мэдээлэх тухай хичээл заа. Идэж байгаа самраа тоолж өнгө зүсээр нь ялгаж байгаа юм шиг үнэн алиа.

Avatar

Зочин 2020-04-09 64.119.20.138

Тэр хүүхэд чинь хөлөөрөө алхаад эх нутагтаа ирсэн гээ биздээ. Тэрийг буруутгаад яахвэ, эх орноо гээд тэмцээд л ирж, эмчлэлгүй яахав. Харин онгоцоор ирж байгаа хүмүүсийг нэр устай нь ил зарлооо.

Avatar

Зочин 2020-04-09 64.119.20.113

Тамхи зөөнө, хар тамхи зөөнө, вирус зөөнө … Яаж чамд иигэх юм бэ? Одоо бас эм, тариа зөөх үү?

Avatar

Зочин 2020-04-09 64.119.20.113

Дарга, баячуудын авгай, нууц амраг хүүхдүүдийн чемоданыг зөөнө. Их эд ээ, энэ.

Avatar

Зочин 2020-04-09 122.201.19.99

гуравхан сая хүнтэй байж халдвар тархвал монгол улс гэж байхгүй болохоор байхад гаднаас халдвартай хүмүүсийг зөөсөөр халдвараар өвчилсөн хүний тоо нэмэгдсээр. Манайхан дотооддоо халдваргүй байхад үүнийг тогтоохгүй халдвар сөөхөө болиоч ээ

Avatar

Зочин 2020-04-09 64.119.20.113

Хорооноогоос зугтаж гадаад руу яаран гарсан баян дүрвэгсдийг л тусгай үүргийн нислэгээр буцаан авч ирж байгаа шүү дээ, чи. Энгийн ардын хүүхдүүд байгаа байгаа улсдаа л карантинд байж байна билээ. Итгэ ч гэх шиг? Тэнэг хүнийг хуурч маллаж байгаа юу, чи?

Avatar

Zochin 2020-04-09 66.181.165.160

Энэ хүн ажлаа л хийж байна Хүлээцтэй хандаж бусдыгаа хүндэлж ажил хийх боломжоор нь хангая.

Avatar

Зочин 2020-04-09 64.119.20.113

Тийм байна. Дарга, баячуудын ар гэрийнхэнд үйлчлэх үндсэн ажлаа л хийж байна.

Avatar

Зочин 2020-04-09 150.129.142.37

Mash sain ajillaj baigaa shy, Bayar xyrgei!

Avatar

Зочин 2020-04-09 64.119.20.113

Харин тийм байна. Ха ха ха ха ха ха

Avatar

иргзн 2020-04-09 202.179.27.16

Төрийн нэр барьж Буруу шийдвэр гаргаж Дураараа авирлагчид Та нарт Итгэж найдаж болно гэж үү анхнаасаа Иргэд олон түмнийхээ үгийг сонсохгүй байсаар Дотоод доо Цар тахалгүй байсан Улс орондоо Гаднаас зөөвөрлөн оруулж ирсээр байгаад Та нар Иргэдийнхээ Амь нас Эрүүл мэндэд эрсдэлтэй байдал бий болгочихоод Итгэ энэ тэр гээд юу яриад сууна вэ

Avatar

Зочин 2020-04-09 202.131.233.190

Тэр ЭСЯ-чинь утсаа авахгүй юм аа. Яаж бүртгээд байгаа юм бэ. Хуйвалдаанаа ил болгооч ээ. Энэ бацан ажлаа хийж чадахгүй байна ш дээ. Зайлуул даа Цогтбаатараа.

Avatar

Зочин 2020-04-09 202.131.248.238

МОНГОЛЫН ТӨРД ЯАСАН ГЭЖ ИТГЭХ БИЛЭЭ? ХУЛГАЙ ХИЙСЭН, ӨМЧ ЛУЙВАРДСАН, ХАР ТАМХИ ЗӨӨСӨН, ХҮН АЛСАН, ХҮҮХЭН ХҮЧИНДСЭН, ЗОДООН ЦОХИО ХИЙСЭН ГЭЭД ГАРЧ БОЛОХ БҮХ БУЗАР ЗҮЙЛС ТӨРД БАЙГАА НӨХДҮҮД ҮЙЛДЭЭД БАЙХАД ИТГЭ ГЭЭД ЯРЬЖ СУУДАГ ЧИ БОЛ ТЭНЭГ ГЭХЭД АРАЙ БАГАДАХААР НӨХӨР ҮҮ?

Avatar

Mongol 2020-04-09 24.46.100.17

Bolomj b.val b.gaa gazraa baigtun,Mongoldoo tovog b** ud,baigali dulaarahaar zogsooh l bolno
Tesver,tevcheer,anhaaral ,hundlel bidniig avarna!

Avatar

Зочин 2020-04-09 202.21.108.240

Er ni Mongol Turd itgedeg teneg Mongol hun tun tsuuhun bolson shuu. Za barag baihgui dee.

Avatar

Зочин 2020-04-09 66.181.161.65

mash ih medeelelel aguulsan yriltslaga bn. bayrlalaa

Avatar

Зочин 2020-04-09 103.26.195.35

Ядарсн цагт л хүн эх орон элгэн саднаа гэдэг юм. Хатуухан хэлэхэд эх орондоо байгаа 3 сая гаруй иргэдийн эрүүл аюулгүй амьдрах эрхийг хөндөн байж эх орныхоо эрүүл мэндийн салбар, боловсролын салбарын хөгжил, цалин хөлсийг голон өндөр хөгжилтэй сайхан газар гэж л явцгаасан нөхдүүд. Тэгээд ч наад авчирж байгаа зарим нэг хүмүүсийн аашилж байгаа ааш, гаргаж байгаа үйлдлийг харахад ядарсан айлын биш тансаг амьдралтай дээдчүүдийн гаргаж байгаа ааш л байна

Avatar

bb 2020-04-09 202.126.88.150

teneg zalu

Avatar

Зочин 2020-04-09 223.24.93.155

Маш сайн ажиллаж байгаа залуу. Амжилт хүсье

NewsMN Гар утасны хувилбар Татах
NEWS.mn

Мэдээллийн эх сурвалж